Gama Duniya Babi na uku

Gama Duniya Babi na Uku

This entry is part 3 of 3 in the series Gama Duniya by Binta Umar Abbale

°°°°GAMA DUNIYA!
BINTA UMAR ABBALE 🍒

BABI NA UKU

Duk abinda yake faruwa tsakanin Nasiru da Atine Aliya tana ji don haka da sauri ta bude kofa ta fito ranta a ‘bace tana kallonta kafin ta yi magana Atine ta rigata “Wai k’awata kinga yanda ki ka yi kyau kuwa? Gaskiya gold d’in nan ya yi miki kyau sosai wannan les din shima ya kar’bi jikinki ji nake kamar ki cire ki ba ni wallahi.” Tsaki Aliya ta yi cikin takaici da b’acin rai ta ce”Atine bana son wannan wasan bazan da kuke yi da Nasiru gaskiya na soma gajiya da hakan, bana so ki daina in dai kina so k’awancan mu dake ya d’ore. ” Atine ta ce”Ke banza kin fiye kishi wallahi ni me zanyi da wannan gajalan mijin naki yana yawo kamar sillan kara.”Aliya ta ce.”E, duk da haka dai na fada miki ki fita harkarsa.” Atine ta tab’e baki tare da fad’in”Shikkenan na fita yanzu dai wane shiri kika yi mana domin dai kin san shiga gidan d’an gwamna dole sai munyi kyakkyawan shiri ya kamata mu fito daga gidan da arzikinmu” Dariya Aliya ta yi hannu ta bata suka tafa ta ce.” Wasa kike yi k’awata na shirya tsaf-tsaf duk wasu dabaru na tanade su, zan baje basira ta a gidan bikin nan, wallahi na yi miki alk’awarin sai na dawo gidanan da gwalagwalai wanda suka fi wannan na wuya na.” Ihu! Atine ta yi, ta rungumeta tana fad’in “Aliya ke shegiyar gora ce sharrin ki yana da yawa wallahi shiyasa nake mutukar kaunar ki ta dalilin ki na zama babbar yarinya dubi irin sutturun da nake sanyawa a jikina.”
Aliya ta rataya mayafin ta a kafad’a tana kokarin kulle kofar dakinta da kwad’o ta ce”Ai Atine baki fara saka kayan kece raini ba tukkuna dai hahahahaha bizi ai ba sata ba ne.” Ta karasa maganar tana dariya da annushuwa suka fita daga gidan. Kai tsaye kuma gidan d’an gwamna suka nufa inda ake shagalin biki na kece raini. ‘Dangwamna shahararran me kudi ne a unguwar to shine yake aurar da ‘yarsa d’aya tilo wacce aka kashe kudi gurun gudanar da sha’anin biki su Aliya suka shirya tsaf! ba tare da an gayyacesu ba zasu je domun su yi sana’ar su ta bizi.


Ihun gardi ne yake tashi daga cikin d’akin. Sai da na kasa kunne tukkuna na fahimci alhaji Badamasi ne dalilin kiran sunan Ladi da na ji yana yi cikin fitar hayyaci sai ka ce ana zare masa rai. Daga bisani kuma na ji d’if.
Ta kafar mukkuli na le’ka sai na hangensu a gado shi a sheme kamar matacce, ita kuma tana sa kayanta tana zabga masa harara kafin ta ce.” Ka ba ni kud’ina na tashi na tafi, kudin awo uku za ka ba ni.”
Ya tashi zaune yana ko’karin sake janyota ta fizge tana daura dankwalinta ta ce.” Dubu dari na ke buk’ata na yi maka ragi. Tunda duk awo d’aya dubu hamsin ne.” Ya gicciye yana gantsarewa kafin ya furta.” Ko nawa ne kin cancanta domin kuwa yau kin shayar da ni ruwan zuma mai gardi, bari na yi wanka na fito mu je banki ba ni da cash a hannuna.”
Band’aki ya nufa yana tafiya kamar bijimin sa saboda te’ba da tumbi ta kuwa bi shi da harara da kallon banza.

GIDAN ‘DANGWAMNA.

Mairo mai kayan mata ce tsakiyar wasu hamshak’an mata wad’anda suka amsa sunansu mata masu aji masu ji da izzah da kuma giyar kudi. Suna sanye da ubansun lesiri mai mugun tsada sun d’aura gwagwaro a kawunansu da alama ashobe ne domin dai duk rabin matan dake gurin irin shigar ce a jikinsu, gold kuwa a wuya da hannuwansu kamar ya yi magana na wannan yana wane wannan. Mairo ta baje hajar ta kan wani buhu mai girma sai bayani take musu kamar haka.
“Kinga Hajiya Aziza ki ka gwada amfani da wannan maganin wallahi zaki bani labari domin a ranar Alhaji sai ya kwana yana buga sambatu washe gari kuma ya yi miki feshin kudi wallahi tallahi Hajiya Aziza nake fada miki ni mairo mai kayan mata bana kawo maganin banza duk maganin dake gurin nan babu na banza wallahi tallahi kayana ingantattu ne kuma duk wanda yake shakka da kokwanto to ya saya ya gwada ya gani.” Hajiya Aziza ta karb’i kwalin maganin da mairo take kod’awa wanda ya bayyana tsaraici muraran! ta ce”To shin Mairo wai ya sunan maganin nan ne?” Da sauri ta ce.” Gidan dad’i sa maigida ya karya gado kenan in kaji wane ba banza ba. Wannan maganin da gaban ayu akayi aikinsa idan zaki kwana kina mu’amula da Alhaji baza ki ji kin ‘koshi ba domin maganin karshe ne.” Aikuwa jin abinda Mairo take fad’a yasa matan dake gurun rufuwa akan ta suna tambayar ta kud’in maganin zasu saya a take ta fad’a musu kudin kwali gaya dubu goma ne kacal babu yawa. Babu neman ragi suka dinga a zuge zif din jakarsu suna fito da kud’i. Ita Kuma tana sake jadadda musu kar’ko da nagartar maganin. Gurin ya kacame mata suna ta sayan sa maigida ya karya gado. Hakan ya yi daidai da shigowarsu Aliya kai tsaye kuma inda suka ga dandazon mata suka durfafa. Ba su jira komai ba suka rufu akan Mairo wadda ta ha’kikance gefan bakinta duk ya tara kumfa tana tabbatar musu da nagartar magungunta.🤣 Su Aliya kamar masu duba kayan suka dukufa Allah ya ba su sa’a suka fara gudanar sana’ar da ta kawo su gidan bikin.

FREE BOOK NE GA KOWA DA KOWA

°°°°GAMA DUNIYA!
BINTA UMAR ABBALE 🍒

BABI NA HUDU

Da sauri Hajiya Aziza ta zuge jakarta ta d’auko kudi masu yawa domin ba maganin sa maigida ya karya gado kad’ai ta saya ba har da wasu ita tafi kowa za’kewa, ta lodi magunguna da yawa. Ba tare da ta rufe jakar ba hankalinta ya d’auke kan Mairo da take ta yi wa wata bayanin nagartar maganin muryarta har ta dashe saboda bayani. Hajiya Aziza ta mika mata kudin tana fad’in.” Mairo ai kin samu kostoma muddin na gwada maganinki na tabbatar da sahihancinsa zan kawo miki jama’a sosai.”Mairo da sauri ta kar’bi kudin tana lissafawa dubu arba’in da biyar ne. Hajiya Jiddah ta mikawa Aziza hannu suka tafa suna dariyar shakiyanci Hajiya Jidda ta ce.” Kawata dadina dake ba kya sanya a wannan lamari duk tsadar magani kina saya kina burge ni fa.” Matan dake gurin suka fashe da dariya suna tafawa. Ita kuwa Mairo jikinta har ‘bari yake yi taga ruwan kudi mata sai zuge jaka suke yi suna lissafo kudi suna mi’ka mata suna d’aukar maganin sa maigida
karya gado sannan kuma sa maigida sambatu. Guri fa ya hautsine domin wad’anda suke can nesa ma sun garzayo gurin domin kar ayi babu su a take hajar da Mairo ta baje ta zama saura domin duk an siye saura abinda baza’a rasa ba.
Aliya da Atine suka fita daga cikin tarin matan da suka yi rumfa a kan Mairo kai tsaye hanyar fita suka nufa Aliya ta rike jakar dake rataye a kafad’arta ta saki mayafi a kai, cikin sauri suka fice.


GIDAN ALHAJI BADAMASI
Hajara tunda Babansu Sayyid yayi mata mugun duka da wayar redio bata dawo hayyacin ta ba sai da su Sayyid din suka dawo daga makaranta ne suka ganta kwance cikin rana ta kasa motsa ko da yatsanta Sayyid da yake ya fara wayo a take ya gane abinda ya faru domin dai duk ga shatin wayar redio nan a wuyanta da hannunta cikin damuwa ya ce.” Umma Babanmu ne ya dake ki ko?” Girgiza kanta ta yi tana kokarin ‘boye masa ” A’a ba shi ba ne Sayyid ba ni da lafiya shiyasa kaga na kwanta cikin rana.” Yaron yana da wayo sai ya girgiza kansa tare da cewa.” A’a Umma ai na gane komai kin ga fa shatin duka a wuyanki.” Ya fada yana d’ora hannunsa a gurin. Hannun ta rike ta fashe da wani irin kuka me tsuma zuciya. Shahida sai ta fara matse fuska tana taya mahaifiyarta ta kuka yarinyar kwata-kwata bata da cikkakiyar lafiya tana da sikila shiyasa uwar take lallab’ata, rungume ta ta yi a jikinta tana rarrashinta. Yarinyar ta shafo hawayen fuskarta ta ce”Umma ki daina kuka kinji.” Hajara ta goge hawayenta cikin sigar wayo da janye hankali ta ce”Na daina Shahida kema ki daina kuka kinji ko.”
“Umma zan daina idan kema ki ka daina.” Murmushi ta yi ta ce”Na daina Shahida.” Ta kalli Sayyid din tana me sassauta fuskarta ta ce”Kaje ka cire kayan makarantar naka kaje gidan aunty amarya d’azu ta aiko wai zaka d’ebo mata ruwa.” Sayyid ya shige dakinsu da sauri Shahida ta ce”Umma yunwa nake ji.” Hajara gabanta ya fad’i jin abinda yarinyar take fad’a. Yau duk dabarunta sun kare babu abinci ko k’wayar zarra a cikin gidan. Da zai fita ya bata dari biyar, amma tana kallonsa ya sunkuya ya d’auka bayan ya gama dukanta. Sayyid ya fito daga dakin daga shi sai wata k’aramar riga ta gwajo da wando irin na gwanjo shima saboda tsabar wahala gwiwarsa duk ta fashe kayan duk sun kod’e cike da tausayin yaron ta ce” Kaje ka yi sauri ka dawo abinda ta baka sai kazo ka siyo mana A fafata! na tsince ta ka ga Shahida har ta fara kukan yunwa ( Afafata shinkafa ce irin sharar kamfanin nan) Da sauri yaron ya fita yana fadin” Insha Allah Umma yanzu zan gama d’ebo mata ruwan na dawo.”

TSANGAYAR MALAM DAUDA.

“Kai sai na ci ubanka fa wato ba zaka tsaya ba ko? zan fille maka wuya fa.” Maganar dana ke ji kenan a kangon dake jikin makarantar Malam Dauda gurin da ya zama matattarar ta almajirai kuma mallakin Malam Dauda ne.

Sautin kukan ‘karamin yaro na ji yana kuka yana fad’in “Ka yi hakuri wallahi abinda kake yi mini da ciwo da kuma zafi!” Nishi na ke ji sama-sama na kara jin muryar d’azu tana fita a sar’ke ” Kai idan fa ba ka daina yi mini kukan ba Allah wallahi zan karya maka k’afafu! ka tsaya idan k….ka saba watarana baza ka ji zafi ba” Kukan yaron ya kara tsananta ina tunanin le’kawa ciki kawai naga yaron ya fito a guje yana gyara wandonsa. gabana ya buga ras! ban gama dawowa daidai ba garjejen saurayi maji karfi ya fito daga gurin yana tafiya yana d’aure tazugen wandonsa.

Innalillahi wa’ina ilahi raji’un!

MAJALISAR SU AUWALU.

Musbahu mai kanti shine zamu kira da shugaban wannan majalisa tunda shine ya ajiye musu abin zama, Musbahu sana’arsa sayar da kayan provision da kuma shi yake rike da iyalinsa, Musbahu mugun munafiki ni duk wani munafurci na unguwar idan kana nemansa kazo gurinsa zai fada maka komai majalisar Musbahu ta yi kaurin suna a unguwar duk wanda ka gani a gurin to tabbata bashi da sana’a ‘kwakwkwara shiyasa yake zuwa gurin ya rage zafi to Auwalu ma yana cikin masu zuwa majalisar domin duk ranar da bai zo ba ma majalisar bata tafiya daidai kullum suna cikin kallon matan mutane cikin zind’en da yafice suke wanzuwa. Shiga da fitar kowa a idonsu duk wanda ya canja mota ko Babur za ka ji suna zaginsa amma kuma a gaban idonsa sun dinga fadanci kenan da d’aga hannu gami da fadin “A sauka lafiya Alhji ko kuma Alhaji za’a fita to Allah ya kawo kasuwa me albarka yana bada baya sai su fara zaginsa Auwalu mugun dan rigima ne da cin bashi duk inda ya ga bashi sai yaci gurin aikinsu kad’an ne ba’a bin sa bashi kuma duka-duka albashinsa dubu goma sha biyu ne amma kafin zuwan kudin yaci bashin kusan na dubu ashirin har banki sai da yaje ya karb’i bashin dubu Hamsin ana zara cikin albashinsa kuma kar ku kuce wani abun kirki yake da kudi kawai yana zuwa ne yayi burni dasu ya dinka kaya sabbi ya sayi huluna da takalma ya dinga daukar wanka kullum da sabon kaya yake fita Auwalu saboda tsabar burni bai yadda ya fesa ‘karamin turare ba sai mai tsada. Mutum ne shi d’an kwalliya da son nuna burgewa. duk ya sakarwa Amina wahalhalun gida na yau da gobe da yake mai zafin nema ce idan ta nemi kud’in sai taci ta kuma ciyar da yaranta biyu Auwalu ko a jikinsa shi k’okari ma yake ya karb’i nata saboda rashin imani.
Ranar ya yi wa wata bazawararsa alk’awarin zai saya mata wayar dubu talatin to an yi albashi duk ya biya bashi da kud’in shine fa ta bud’e masa wuta da zagi har tana ce mata shi lusari ne mara tunani tunda har yazo ya iya yi mata k’arya saboda haka babu ita babu shi…. Shine fa hankalinsa ya tashi yazo ya fasa a susun (banki) Amina da take a dashi na mutane ya kwashi dubu ashirin da bakwai yaje ya siyawa bazawararsa Zuwaira tafkekiyar wayar inpinix

Yanzu ma yana zaune cikin abokansa sai zaginta yake fad’i yake”Shegiya mutsiyaciya wadda ba’a cin kud’inta a zauna lafiya nasan yanzu tana can tana jirana na dawo Amina anyi masifaffiya wallahi.” Ya kai k’arshen maganar cikin damuwa. Iliya yasa dariya yana fadin”Shegiya Zuwaira ita kuma ta kar’bi waya ta yi lakur da ita, kai zuwaira kafurar macace hahaha”. Auwalu ya shafa sumar kansa yana lumshe idonsa da ya tuna halin da ya gama shiga a d’azu da yaje zance gidansu Zuwaira sosai ta sakar masa jikinta shi kuma ya dinga wasa da sa’kuna da lokona na jikinta gurin da yafi daukar hankalinsa shine k’irjinta Macace mai wadatacan breast masy girma gasu a tsaye ‘kyam! kamar bata shayar ba, yaranta uku amma saboda tsabar yanda take kula dasu basu zube ba. Auwalu yana da bala’in son mace mai cikar kirji sai dai matarsa Amina ta kasance bata dasu don tunda ta yi haihuwar fari suka zube aikuwa Auwalu idan yazo saduwa da ita ya dinga yi mata iskanci iri-iri sai ya d’aga breast din da hannunsa ya war’bar dashi yana jan tsaki! Ita kuwa Amina babu abinda yake tayar mata da hankali kamar ta ji ana wasa da kirjinta ko ana sha yanzu nan za tayi ta mi’ka tana gantsarewa Auwalu ya yi ta zabga tsaki bukatarsa tana biya zai tashi ya barta kwance bai damu da ko ita ta gamsu ba kawai shi ma yana rage zafi da ita ne, domin tunda kirjinta ya zube ya daina sonta.

Sai da Musbahu maikanti ya rufe shagonsa sannan Auwalu ya kamo hanyar gida gabansa sai fad’uwa yake yi ya san Amina ta nan tana jiransa bacci kuwa yau sai dai ya ga ana yi, domin ya san ba za ta bar shi yayi ba.

GIDAN LUBA.

Shigowar motar Alhaji Badamasi gidan sai Ashanty ta mi’ke da sauri taje ta d’aga labule tana la’kensa can ta hango shi yana gyara parking ya fito da ‘karamar jaka a hannunsa komawa ta yi ta zauna da sauri ta sa’bule rigar jikinta ta sauka kasa ta zauna daga ita sai bireziya kirjinta a waje Alhji Badamasi yana shiga falon hankalinsa ya tashi ganin Ashanty a cikin wannan yanayin. A sukwane ya yi kanta ya manta da matsayin Ashanty a gurin matarsa sunkuyawa yayi kanta daidai k’irjinta tare da jefar da jakar dake hannunsa Murya Luba ya ji tana fad’in “Babyna ki yi maza ki shirya yanzu mukayi waya dashi yana kan hanya.” Da sauri ya tashi yana gyara hularsa da ta kusa cirewa daga kansa babbar rigarsa ya gyara ya kalli Ashanty da jan ido ya ce.” Zamu had’u a gidan hutawa ko?” Ashanty ta yi wani fari da ido tare da fadin”Kar ka damu zan zo.” Wucewa ya yi jin muryar Luba tana fadin “Bari na zo na sallame k… Karo ta yi dashi ta rungumeshi kamar wadda ta yi farinciki da dawowarsa.

FREE BOOK NE GA KOWA DA KOWA

°°°GAMA DUNIYA!
BINTA UMAR ABBALE 🍒

BABI NA BIYAR
Amina tana kwance a tsakiyar rumfa ta ji motsin shigowar Auwalu cikin gidan. Bud’e idonta ta yi a hankali tana kallonsa yana sand’a zai shiga d’aki sai ta yi huf! ta tashi tsaye daga ita sai wata k’aramar riga irin ta baccin nan duk kirjinta a shamule kamar na kad’angaruwa. Cikin masifa da bala’i ta ce”Au! Auwalu da shigewa za ka yi ko? to na ganka tun d’azu nake zaman jiran shigowarka, kasan fa baka isa ka yi bacci a gidanan ba tare da ka ba ni kud’in mutane ba.” Tana maganar ne a lokacin da ta tare masa hanya. Ya kalleta yana jin kuttun takaici a ‘kahon ransa. Tunani ma yake yi akan dalilin da yasa ya aureta abinda ya fi ba shi haushi da ita rashin cikar kirji, abin takaici da ban haushi haihuwa biyu duk sun lamushe, shiyasa yake bala’in son Zuwaira domin ta cika mace. Kwantar da kansa ya yi, domin hakan ne kad’ai zai sa ta k’yale shi ya sha’ki iska ya ce.” Haba Sahibata ai kya bari mu shiga daki tukkuna Amina matar arzikina ki yi hakuri ki ba ni abinci na ci domin ni yau ma soyayya nake so mu yi irin wacce ake shiga bargo d’aya.
Amina ta buga cinya cikin fitsara ta ce”Wallahi baka isa ba ni babu wata soyayya kaine ka santa kudi kawai na sani ni, domin ni ma akwai lokutan da soyayyar shiga bargo d’aya take bijiro mini ka yi kunnan uwar shegu da ni, don haka ba zan amince da wannan dadin bakin naka ba Auwalu ka fitowa da mutane kudinsu.”
Cike takaici yake kallonta ya mi’ka hannunsa ya ta’ba kirjinta yana fad’in.” Wai don Allah Amina me yasa ba kya gyara abubuwan nan ne ni fa sune muradina a jikin ‘ya mace.”
Ta zabura! da k’arfi ta buge hannunsa tana jan tsaki! Auwalu ya ce.” Ki bari mu mori wannan daran Amina bana son masifa ni ke kad’ai nake ‘kwa’kwa a halin yanzu. ” Amina ta ji jikinta ya soma sanyi da kalaman Auwalu domin ba sosai yake mata irinsu ba sai yana neman wani abu a gurinta amma wannan karon ta ci alwashin ba zai samu abinda yake so ba. Kofar dakin ta tsare tana hararasa ta ce”Dube ka don Allah wallahi Auwalu ka ji kunya a rayuwar ka kuma zalinta ta da kake yi ban yafe ba maka ba.
Cikin d’akin ya yi da ita ta fad’i kasa, da sauri ta mike ta yi kansa tana kokarin kama shi da kokawa. Auwalu ya rike hannunta tamau yana murd’ewa ya lura rarrashin da yake mata bai samu gurin zama ba, murd’e hannunta yake yi cike da mugunta ita kuma tana kuka tana d’ura masa ashar! gami da yi masa mugun fata, shi kuma bai fasa cin zalinta ba har sai da ya ga ta daina magana sannan ya sake ta ta fad’i a gurin, kuka ta ke yi sosai wanda ya tashi yaranta daga bacci suka shigo dakin lokacin Auwalu ya shiga band’aki Babbar yarinyar tazo ta zauna kusa da ita tana kuka k’aramin yaron kuma dama nono yake sha sai ya rarafo ya zo yana d’aga rigarta wai zai sha nono wani irin hauri ta kai masa tana zaginsa yaron ya ‘kwallara ‘kara ya yi gefan kofa. Auwalu ya shigo dakin ransa a bace ya dauki yaron yana rarrashinsa. Yaron ya ki yin shiru nono kawai yake so zuwa ya yi ya dora mata shi a jikinta ya ce.” Muguwar mata kawai wannan yaron me yayi miki ki bashi abincin sa mana.” A hasale ta ce”Idan kaine kake ciyar dani har nake samun ruwan nono da zan bashi sai ka sani dole in bashi ya sha wallahi Auwalu sai na rama dukan da ka yi mini.” Murmushi ya yi ya kalli ‘yarsa dake kuka ya ce.” Fatima duba rumfa gurin da take ajiye masa fidarsa idan da ragowar koko ki d’auko ki zo ki bashi.” Fatima ta fita minti biyu sai gata ta dawo da fida a hannunta Allah yasa da kwai ragowar koko a ciki Auwalu ya zauna gefen gado yana bawa yaron Amina ta tashi ta fita da sauri bokiti ta ciko da ruwa ta shigo dakin dashi Auwalu da kansa yake sunkuye kawai sai ya ji saukar ruwa a jikinsa gashi lokacine na sanyi.

Tsigar jikinsa ta tashi sanyi ya ratsa jikinsa duk ya jike jagab hakanan yaron dake hannunsa ya jike sai callara kuka yake yi. Ita kuma Amina ta na tsaye ta rike k’ugu da bokiti a hannunta sai numfarfashi take yi Auwalu ya ajiye Walid kan gadon da ya jike jagab da ruwa cikin takaici da b’acin rai ya ce.”Amina wannan abinda ki ka yi shine daidai.” Shiru ta yi tana girgiza jikinta ya ce.” Ki duba ki gani kin jika mana gurin kwanciya kin ji’ka yaro karami da bai san abinda yake faruwa ba, yanzu ina kike so mu kwant….. “Kai Auwalu dakata!” Ta katse shi cikin bala’i ta cigaba da cewa” Au! kai da kana tunanin zaka kwanta ka yi bacci ne a cikin gidanan? To bari ka ji kamar yanda nace ba za ka yi bacci ba wallahi baza ka yi ba sai ka bani dubu ashirin da bakwai na mutane sannan zan saurara maka.” Auwalu ya ga rainin hankalin na Amina yana so yayi yawa zuciyarsa tace dashi ‘Wai me kake jira da ita ne? Tashi ya yi a zafafe jikinsa na kyarma! ya fara bugunta da gudu ta yi nufin fita daga d’akin ya tad’o kafarta ta fad’i a gurin take ya hau dukanta ta ko’ina.

**

Tsangayar Malam Dauda.

Kamar koyaushe yau ma haka ta fito cikin shiri tana sanye da duguwar riga yar saudia rigar tana da botira daga gabanta duk a bude suke kana kallon k’ananun kayan da suke jikinta wando jins da k’aramar riga da ta fito mata da ainihin surarata me fizgar hankalin duk wani lafiyayyar namiji Ladi kenan ‘yar malam taki halin malam wani mugun takalmi ne kafarta me tsinin dunduniya yatsun kafarta guda biyu wasu sirararan zubona ne sai kyalli suke hakanan kuma daidai shara’bar ta na kafa daya siririyar sarka ce a daure a gurin sai kyalli take kana gani zaka fahimci ta gwal ce, Hannunta da yasha bakin lalle yana rike da tafkekiyar wayarta kirarar iPhone As’usul cingum ne a bakinta tana kas-kas dashi Ladi manya mata kenan. Tsaye ta yi kerere kan mahaifiyarta tace” Ni zan fita.” Dago kanta tayi ta kalleta tundaga sama har ‘kasanta yarinyar ta duk ta sauya hallitar ta fuskarta ta yi wani kau kamar d’anyan nama hancin ta mak’ale da wata yar sark’a lebanta Jan janbaki ne rad’au dashi. Tace”Kullum dai ba zan gaji da fad’a miki cewar ki bi duniya a sannu a hankali ba domin ita duniya yadda kika dauketa haka zata dauke ki Ladi don Allah ki yi hankali ki gane cewa abinda kike yi ba mai kyau bane.” Ladi ta yamutse fuskarta tana taunar cingum ta ce”Har kullum kina damuna da wad’annan zantukan naki da basu da tushe balle makama yo dama waye yace duniya matabbata ce humm! Kowa yazo ya more rayuwarsa ne kawai saboda haka ni banga dalilin da zai sanya in takura kaina haka kawai ba wallahi ni ba zanyi wannan gidadancin ba. Idan kuma aure kuke so to ku nemo Faruk ya aure ni domin ni shi nake so.” Uwale ta ce.” Mijin fa kawarki ne Ladi, wannan cin amana ne.”
‘kwafa ta yi tana tuna abinda ya shud’e ta girgiza kanta tare da yin gaba idonta cike da ruwan hawaye. Uwale ta bi ta da kallon tausayi, wato shi Malam Dauda kaddarsa Ladi ce, tunda shi din kowa ya san Malami ne da yake ko’karin ganin yaran al’umma sun shiryu,Allah ya fitar da zakkah daga cikin ahalinsa.

**

Alhaji Badamasi tare da Ashanty a gidan hutawarsa. Ashanty baby kawar amaryarsa ce Luba, tare suke shaidancinsu, gefe guda Kuma ita Ashanty tana tarayya da Alhaji Badamasi a boye ba tare da kawarta ta ta san da hakan ba.
Ashanty ta baje basirarta tana ta rikita shi da salonta. Shi kuma Yana ta ihu! sai kace mahaukaci, za a d’auka wani muzakkari ne, ashe ba fus! minti biyar har kurarar ta lafa. Lokacin ita Ashanty take kanganiya. Ya yi kwance kamar ba’kin danmara’ki, sai nishi yake yana shafa katon tumbinsa. Shi dai a duniya yana son mace. A cewarsa mata sune Jin dadin rayuwar duniya gabad’ayanta. Neman kud’insa ma da yake yi duk a kansu ne. Duk macen da ya yi sha’awa zai iya biyanta ko nawa ne ya kashe ishirwarsa.

Ashanty ta tashi ba don ta gamsu ba. Ta je ta yi wanka tana tsaki, babban takaicinta yadda yake kiran sunan ladi alokacin da take masa kokari. Ta rasa dame Ladi tafisu da maza suke rikicewa a kanta.
Ta fito lokacin bacci har ya fara firzgarsa. Ta kalleshi tana Jin kamar ta fasa masa hanci tasa hannu ta bubbuga gadon tare da cewa” Ka sallame ni na kama hanya na tafi.

Ya ce.” Ki je kawai ai ina da acct d’inki zan sa miki.” Jakarta ta d’auka ta kama hanyar fita tana fad’in.” Don Allah ka dan turo mini da auki ina da buk’atu.”
Idonsa a rufe ya amsa mata wato zai tura mata dubu hamsin.”

KYAUTA NE GA KOWA DA KOWA

°°°°GAMA DUNIYA!
BINTA UMAR ABBALE 🍒

BABI NA SHIDA
Hajiya Aziza ta juya da niyyar ta d’auki jakarta da ta ajiye a gefenta. Jaka tace d’aukar ni inda kika ajiye ni, cikin sauri ta kalli ‘Yarlandan wadda gabad’aya hankalinta yana kan wad’ansu magunguna da suka yi saura a cikin hajar da Mairo ta ba je a gurin.
Mairo ta dage tana tana ‘kwarzanta mata sahihancin magungunan burinta kawai ta siye mata su duka ta had’a kan kud’inta ta tafi gida.

Hajiya Aziza ta ce.”Yar London gyara mu gani ko kin zauna akan jakata.” ‘yar London ta yi dariya tare da fadin “Haba Aziza kamar mara hankali zan zauna a kan jakarki duba dai kyau dai.”
Aziza ta tashi tsaye da sauri ta fara dube-dube tana salati lokaci guda hankalin jama’ar dake gurin ya dawo kanta jin cewa Jakarta sukutum da guda ce ta yi ‘batan dabo a gurin kafin su yi aune suka ji Talatu ta kurma wani uban ashar tare da fadin”Kayyasa ashe za’ayi tashin balagar d’antsako a gidan bikin nan ni ma banga pose d’ita ba kuma akwai awarwaro na guda shida na gold ko sati daya ban yi da saya gurin Lariya ba.”
Cikin hayaniya Aziza ta ce”Ke awarwaro ne kawai ni gabad’aya setin
yari sar’ka zobuna da a warwaraye na duk suna cikin jakar ke har da kud’ina kusan dubu tamanin da shida. Guri ya hautsine da hayaniya kowa na fad’ar albarkacin bakinsa. Ihu! suka jiyo daga can cikin gidan, gabakid’aya suka d’unguma ciki suna salati uwar amarya ce ta fito daga band’aki kamar zararriya duk ‘yan biki sun yi cirko-cirko a kanta sai kumfar baki take tana fad’in”Billahillazi duk wanda ya san ya shigo cikin d’akina ina wanka ya kwashe min gwala-gwalai na da na zube kan gado zan yi fitar biki dasu to tun kafin abu ya yi tsamari a zo a ajiye mini don wallahi babu wadda zata fita daga gidanan sai an fito min da kayana.” Aziza ta cire mayafi tayi d’ammara jama’ar gurin take kallo d’aya bayan d’aya ta ce”Wallahi duk ‘barauniyar da ta san ta sace mana gwal to ta nuna kanta don Idan muka kamata a gurin sai mun yi mata tsirara kuma sai mun d’aureta bayan ta fito mana da kayanmu mun nunawa jama’ar duniya ita.” Talatu ta d’auko waya ta fara kiran ‘Yansanda tana kaiwa tana kawowa a harabar gidan sai zage-zage take tana dukan bango gami da cin alwashin akan ‘barauniyar da ta sace mata a warwaron gwal dinta data fitar da ma’kudan kudi ta saya domin ta dinga fita kunya cikin mata ‘yan uwanta.
Gate din ta kule da ‘katon kwad’o ta dawo cikin gidan bagaz-bagaz sai zage-zage take yi.

Hankatama Uwar amarya ta rasa inda zata tsoma kanta ta ji dad’i idonta duk ya cika da ‘kwalla duk da cewar tana da wasu gwala-gwalan ranta ya b’aci da wannan aika-aika da aka yi mata ma’kudan kudi ta fitar aka kawo mata saitin yari sarka a warwaro masu uban nauyi kuma sabon shigowa taci burin ta burge jama’a dasu amma wata tsinananniya ta sace mata lallai baza ta yarda ba. Hankatama ta janyo Mairo dake tsaye hannunta ninnke da buhun kayan maganin matan da suka zama saura da k’arfi ta fizge buhun tana fad’in.” Zazzage wannan tsiyar a gaban kowa mutsiyaciya wa ya sani ma ko kece kika yi mana satar.” Hankali kowa ya koma kan Mairo dake rantse-rantse ba ita bace. ‘Yan uwan Hankatama suka dinga bin ko wace mace suna fizge jakarta suna ajiyewa guri d’aya ita kuwa Mairo sai cire sauran magungunan take daga cikin kwalayensu tana rantsewa da Allah ba ita bace. Tsaf aka tarwatsa sauran hajar Mairo ba’a ga komai ba, Nadiya ta fizge Jakarta ta jefata cikin sauran tana fadin “Yansanda yanzu za su zo su fara binkice a gidan nan wallahi babu wadda za ta fita, daga gayyatarku shine za ku yi mana sata ko, to akwai hukuma.”

Tatalu ta bugi kirjinta tana fad’in.” Ke sakarai rufe mana baki, ko nan kin ga fakiri da zai yi sata. Sai dai ko Mairo amma mu mun fi ‘karfin d’aukar abin wani.
Mairo idonta ya ciko da ruwan hawaye, ta had’e hannuwanta guri d’aya tana fad’in.” Wallahi ni ban shigo ciki ba ma, iyakacina harabar gidan, ban shigo ba balle na d’auki wani abu ku duba lamarin nan da kyau, to na d’auki gwal na yi me dashi, wallahi ni sana’ata ta fiye mini komai.”
Hankatama ta galla mata harara tana cewa”Mairo na gayyaceki zuwa sha’anin bikina dama?” Mairo ta girgiza kanta. Nadiya kanwar Hankatama ta ce.” Gayyar sod’i ta zo, da kuma yin d’an hali, to saboda haka tsirara za mu yi mata.”
Mairo kamar ta rusa ihu! Saboda fargaba da tashin hankali ta ce .” Hajiya Hankatama neman halalina fa nake yi. Lefi ne don na zo gidan biki na baza hajata, nsga dai ke ma kina amfanin da irin wad’annan magungunan.”

Hankatama ta ce.” Au! Mairo rashin kunya za ki yi mini a cikin sha’anina, kin zo mini gidan biki ban gayyace ki ba. Amma kina ko’karin fad’a mini maganar banza.”

Ta ce.” Hankatama ji na yi fa za ku d’ora mini sata, ni don Allah ku ba ni jakata da buhuna na tafi tunda Allah ya sa na siyar, dama ba ku gayyace ni ba.”

Hajiya Aziza ta ce.”Inaaa! ai wallahi Mairo idan kin ga kin fita daga gidan nan naga jakata, ai duk abinda ya faru ke ce sanadi saboda haka babu inda za ki je.”

Ganin abin ya yi tsamari yasa Mairo tunanin ko dai ta fad’a musu wad’anda suka yi satar ne. Duk da hankalinta ya d’auke a lokacin da aka yi mata rumfa, ta sheda fuskar Aliya da Atine, Kuma ta tabbatar da cewa; suma ba gayyatarsu aka yi ba, sana’arsu suka zo suka gudanar a bikin.

GIDAN JAMILU

“Yaya Jamilu don Allah ka tashi ka kai ni asibitin nan, wai me yasa ka ke yi mini haka ne? Tun jiya da daddare nake fad’a maka yau ne ranar awo na amma ka share lamarin, kada na makara don girman Allah ka tashi ka kai ni tunda kana da abin hawa.”

Zaune ya tashi yana yamutse fuskarsa .” Kin ga Sailuba ki kyale ni na huta dan girman Allah, na fad’a miki ni ma bana Jin dadin jikina shiyasa ma yau kwata-kwata ba za ni kasuwa ba bacci zan yi na huta sosai.”

“To shikkenan sai ka ba ni wadatattun kudin mota tunda ba za ka kai ni ba.” Komawa ya yi ya kwanta tare da d’aga kasan filo, dari biyu ya mika mata yana fad’in ” kar’bi wannan ni ma yau ban tashi da wadattun kudi ba ki yi maleji.”

Hannu tasa ta kar’ba jikinta duk a sanyaye. Ji take yi kamar ta fasa zuwa asibitin dalilin abinda yake faruwa. Kowace mace tana zuwa da isasun kudin awo. Tana kallo mata su yi ta sayan awara da ‘kwai da kulele, mangwaro da band’asho, Amma ita haka cikinta zai ta ‘kugi, naira dari biyun da ya bata kud’in motar zuwa da dawowa ne, ko na shan ruwa babu, kawai sai ta komai ta zaune tare da cire mahafinta ta ajiye.
Ya bud’e idonsa yana kallonta .” Ya haka kuma na ga kin koma kin zauna.”
“Kudin da ka ba ni ba za su gamsar da ni ba gwara na ha’kura kawai.” Da yake da akwai wani kud’iri a cikin ransa sai kawai ya ce.” Ba ni dari biyun nan.” Ta mika masa tana kallonsa ya d’auko dari biyar ya bata yana fad’in.” Shikkenan ko?”
Murmushi ta yi.” E, shikkenan ko kai fa Yayana wallahi ba na jin dadin abinda kake yi mini.”
Hannu ya d’aga mata alamun baya son duguwar magana. Ya ce.” Idan kin gama da asibitin ki wuce gida zan zo da daddare na d’auke ki.”

Kamar ya yi mata albishir da gidan aljanna ta fita tana ta murna, dama ta kwana biyu ba ta je gida sun gaisa ba.

Tana fita makociyarta tana shanya kayan yaranta a barandar gidanta. Ta ce.” A a Sailuba ashe yau ne ranar komawarki asibiti?” Ta ce.” E, wallahi Maman Sabir yau ne. Idan na gama da asibitin ma gida zan wuce sai dare Yaya Jamilu zai je ya d’auke ni.”
Wani sanyi ya ziyarci zuciyar Maman Sabir lallai yau akwai ‘ra’kashewa’ ta ce.” To shikkenan don Allah ki gaishe mini da su Hajiya da kyau.” Sailuba ta kama hanyar tafiya tana fad’in.” In sha Allahu za su ji.

Jamilu kuwa tana fita wayarsa ya d’auka da sauri yana sauke ajiyar zuciya. Maman Sabir tana d’aga wayar Ya ce.” Ki shigo ina son kadaicewa dake Sailuba ta tafi asibiti.
Cikin annushuwa ta ce” To shikkenan gani nan shigowa yanzu dama yara duk sun tafi makaranta.”
Jamilu ya kashe wayar tare da bararrajewa yana tsumayin shigowar Maman Sabir su gudanar da ta’asa. Wa’izubillahi, Allah ka tsare mana Imaninmu.
Labarin GAMA DUNIYA kyauta ne ga kowa da kowa. ku karanta a nutse domin fahimtar sakon da nake so na isar, wad’anda basu fara bibiyar labarin ba su fara tunyanzu,kada ayi nisa ku tambayeni farko 🙏🏻

°°°°GAMA DUNIYA!
BINTA UMAR ABBALE 🍒

BABI NA BAKWAI.
Alhaji Badamasi yau kimanin sati uku kenan rabon da ya waiwayi Hajara, tun ranar da ya yi mata duka da wayar redio bai ‘kara zuwa gidanta ba. Wayarsa ya d’auka domin kiran Ladi ta zo gidan hutarwasa ta same shi. Shi sam baya gajiya da yin mu’amula da ita, gashi ya turza ya turza ta amince ya aureta ta’ki yarda. Ita dai ta fi gane mu’amular da suke yi a haka domin ta yi al’kawarin ita da aure har abada muddin ba Faruk ne ya waiwayeta ba.
Duk yadda Alhaji Badamasi ya kai ga naci Ladi ta ki sauraransa karshe ma sai ta kashe wayarta yau mulkin ne ya motsa.
Ransa a ‘bace ya shirya ya nufi gidan Hajara da kwad’ayin kasantuwa da Ladi a tattare dashi.

WANENE ALHAJI BADAMASI.

Alhaji Badamasi d’an kimanin shekaru hamsin da bakwai a duniya tantirin mutum ne d’an duniya da mugun neman matan tsiya duk macan da ya ‘kyalla ido ya gani muddin ta yi masa zai iya kashe ko nawa ne gurin ganin ta mallaka masa kanta shi kansa bai san iya a dadin matan da ya kwanta dasu ba, yana da shekaru arba’in da bakwai a duniya ya yi auran fari tun lokacin da ya ga Hajara ya tashi hankalin sa hidima ta yau daban ta gobe daban kullum shine a hanyar gidansu da yake iyayen Hajara ba masu kwad’ayi ba ne yasa da su ka yi binkice suka gane halinsa suka ce ya yi hakuri ba za su bashi ‘yarsu ba, da ya ga haka sai ya fara yaudare zuciyar Hajara ta inda ya saya mata k’atuwar waya ya dinga sakar mata kudi da suttura na alfarma a take Hajara ta tuburewa iyayenta tace ita shi take so domin sai take ganin kamar ‘bakinciki iyayen nata suke so su yi mata ganin Allah ya rufa mata asiri babban mutum irinsa yana sonta. Mahaifinta yace Idan shine ubanta ta to bai yadda ta aure shi ba, kawai Hajara sai ta soma bin Alhaji Badamasi suna yawo a gari yana lalube ta sai dare yake dawo da ita gida hade da shatara ta arziki jama’a suka fara kawo gulma suna bawa Malam Jafar shawara ya hak’ura kawai ya aura mata mutumin kar ta janyo masa abin kunya Malam Jafaru ya amince da shawarar jama’ar gari yasa Alhaji Badamasi ya turo magabatansa aka d’aura aure ashe lokacin ma Hajara na d’auke da k’aramin ciki na Alhaji Badamasi satin ta d’aya a gidan ta fara laulayi Alhaji Badamasi buk’atar sa ta biya a kanta sai ya shiga tsula mata rashin mutunci yana tafiyarsa ya barta da yunwa Hajara ta shiga halin damuwa da bakinciki domin bata taba tunanin zai yi mata haka ba, gashi babu damar ta je gida ta fada saboda yanayin yanda aka yi auran haka ta cigaba da hakuri ga laulayi ciki ya sata a gaba watarana ya kwana a gida watarana ya’ki kwana abinci kuma ba kullum yake bata ba kuma idan jarabarsa ta tashi haka zai hau sai ya gamsu zai kyaleta haka za ta yi ta kuka ga yunwa na damunta duk ranar da ta yi magana kuwa duka yake yi mata ya kama ya yi ficewarsa yawo bariki babu abinda ya dame shi da ita haka har lokacin haihuwa ya yi ta haifi da namiji jama’ar gari suka dinga mamaki Hajara ta haifi d’an wata shida sai anzo ganin jinjiri sai a ga d’an wata tara a cikin zani. Sai aka fara rad’e dad’i a gari Hajara ta haifi shege.

Gari ya d’auka Hajara ta haifi shege Alhaji Badamasi ya fito ya yi zage-zage tare da fad’in Shi d’ansa ba shege bane shine ubansa don haka duk wanda ya ‘kara sheganta masa yaro to sai ya d’aure shi. Da yake yana da kudi a take mutane su ka yi mu’kus suka daina surutu Malam Jafaru kuwa kunya ta hana shi sakewa da mutane har sai da aka yi suna sannan ya fara fita Hajara ko ta je gidansa baya tsayawa ya saurare ta mahaifiyar ta ce kawai take kulata a gidan sai kannanta suna tausaya mata halin da take ciki haka Idan zata tafi suke had’a mata tsakin masara da busassan abinci ta dawo gida cike da kewar yan uwanta, duk cikin wannan mawuyacin halin ta yi haihuwa uku yarinyar ta ta biyu kuma tana t dauke da cutar sikila sosai take cin kudi duk ranar da ciwon ya tashi Alhji Badamasi ya dinga zaginta yana fadin ‘Da ya san wannan yarinyar zai haifa da tun kafin ta zo duniya ya zubar da cikin’ Ita dai Hajara kuka kawai take yi tana neman taimakonsa sai ya gama masifarsa sannan zai dauki yarinyar su tafi asibiti.
Duk wannan abinda yake faruwa Hajara bata san ya kara aure ba tunda dama sai ya ga dama yake kwana a gida, sai da wata kawarta tazo gidan ne take nuna mata jakar da aka raba da bikin Alhji Badamasi ne da Luba jiki ranar kuka ta yini tana yi k’awarta ta ta dinga bata shawarwarin yanda zata janyo hankalinsa a cewarta Luba tantiriya ce zata ‘kwace shi gabad’aya. Hajara na share hawaye ta ce ita dai ta barwa Allah idan suka cuceta Allah zai saka mata. Koda ya zo gidan ta nuna masa ta san ya yi a aure sai da ta gwammace bata nuna masa ba don mugun duka ya yi mata kuma ya yi tafiyarsa ya barta kwance a gurin tana neman d’auki.

Wannan shine abinda ya faru a baya.


‘KWAGE
Da gudu suka karyo kwana su kusan shida ‘yansanda na bin su a baya gudu suke yi sosai kowa yana neman mafaka, wani irin tsalle ‘kwage ya yi ya d’ane jikin k’aramar katangar wani kango da aka fara ginawa durga ya yi cikin gidan matan aure yana hakki! Ihu matan gidan suka sanya ko wacce ta bar abinda take yi ta shige d’akinta a guje suka rufo kofa cikin tsananin tsoro!
‘Kwage ya fara bin tsakar gidan da kallo idonsa ya sauka kan wata tafkekiyar waya samufurin Inpinix hannu yasa ya d’auka da sauri ya zura a aljuhu yana sakin murmushi hanyar fita ya nufa, a hankali ya le’ka nan ya hango police yana waige-waige a gurin, da alama shi yake nema, da gudu ya fito ya tad’e k’afarsa. Fad’uwa ya yi a gurin. Kwage ya yi saurin daukar bindigarsa da ta yi nata guri, gwiwar d’ansandan ya dinga duka da bundigar sai da yaga baya motsi sannan ya lalube shi duk yan kud’in da suke jikinsa da wayarsa ya kwashe su gurin ya bari da sauri ya shiga wata siririyar hanya wacce ba kowane zai gane hanyar tana ‘bullewa ba dole sai mazauna unguwar.

GIDAN ‘DANGWAMNA.

Komai ya tsaya a gidan bikin ‘Dan gwamna ana jiran zuwan ‘yansanda su zo Mairo mai haja duk ta sare da al’amarin domin kowa Ita yake zargi tunda duk gurin manyan matane kowacce tana ganin tafi karfin ta dauki abin wani Mairo sai kuka take yi tana fadin a duba ko ina na jikinta a gani, ana tsaka da haka sai ga Asabe dillaliya ta shigo gidan cikin kwalliya tana taku dai-dai ta ‘karaso gurin duk tagansu tsaye ta ce”Wai me yake faruwa ne a gidan biki naga duk an sauke tukwane kuna tsaye cirko-cirko uwar biki ta yi duguzunzun! kamar wata jaka ni da ‘kyar ma masu gadi suka barni na shigo gidan.” Tana maganar tana kalle-kallen ganin yadda gidan ya hargitse. ‘Yar London ta ce”Sata aka tafka mana ni Aziza Talatuwa sai kuma uwar bikin Hankatama.” Asabe ta yi salati tare da fadin”Ko wace barauniya ce to tana cikinku wane irin sata Kuma ana zaune kalau, gaskiya kun ba ni mamaki. “
Hankatama uwar amarya ta ce”Nifa na fi zargin waccan mutsiyaciyar Mairo domin itace fakiriya Kuma ban gayyaceta sha’anina ba.” Asabe ta waiwaya tana kallon Mairo dake raku’be duk abin duniya ya yi mata katutu! Ta ce”To koma dai wanene ni yanzu zan je na d’auko ‘danbori Haladu yanzu zai tashi iskokinsa za su fad’i ko wace tsinanniya ce a cikinku domin ‘yansandan nan suma ba gaskiya ce da su ba, amma aljanun Haladu ha’kkun ne. Gabad’aya suka amince da maganar Asabe. Yarlandan ta gyara mayafinta tana fad’in.” Mu je na raka ki.”

Asabe ta juyo tana kallonsu ta yi k’wafa tare da cewa.” Wallahi ko wacece ta yi satar nan ta fito ta nuna kanta, domin aljanun Haladu ba su da mutunci tozarta mutum suke yi babu ruwansu.”

Talatu ta ce.” Kin ga Asabe don Allah ki kama hanya ku tafi kin tsaya kina wata doguwar magana, kin je kin sako wani kodad’adan lesiri (Mama ta mutu) kina yi wa mutane burga, cikinmu waye matalauci sai dai Mairo.”
Hajiya Aziza ta ce.” Akin banza aikin wofi Asabe na san kud’in sar’kar wuyanki fa canaran ce ba G -L ba ‘yar tsomi ce. shine za ki zo kina yi mana wasu zantuka wa za ki burge a cikinmu.”

Hajiya Jidda ta ja tsaki tare da cewa” Dube ta don Allah hancinta duk bushashan tasono.”

Gabad’aya suka kwashe da dariya hadda Mairo da take cikin tasku sai da ta yi dariya tana kallon Asabe tana gumtse bakinta. Asabe ta dawo da baya ranta a ‘bace take fad’in.” To shikkenan tunda abin naku cin zarafi ne wallahi na fasa taimaka muku kowa tasa ta fishshe shi.
Hajiya Hankatama ta ce.” Ai ba don su za ki yi ba Asabe. Ki yi ha’kuri don Allah, na san ki da kunga-kunga da kuma jama’a, ki je ki d’auko mana d’nbori Haladu domin ya zo ya tona asirin wadda ta lalata mini sha’anina.”
Asabe ta girgiza kai ta ce.” Hajiya Hankatama wallahi saboda ke zan yi wannan ko’karin ba saboda wad’annan mutanan ba da ba su san mutunci ba.”
Tana gama maganarta ta yi sauri ta yi gaba. ‘Yarlandan ta rufa mata baya tana gumtse dariyar dake ko’karin kufce mata. zahirin gaskiya Asabe dillaliya abar dariya ce gabad’ayanta. Ta tsufa amma sai budurwar zuciya, bereziya take sawa mai ‘koko hadda su janfarce a ‘kumbar hannunta.

Hajiya Aziza ta waiwayo kan Mairo tana fad’in.” Wai shin Mairo bari ma na tambayeki, a ina ki ka tabbatar da sahihancin magungunan da ki ke siyarwa bayan ba ki da aure, kowa ya san ke din bazawara ce, ko dai maza ki ke bi ne ba mu sa ni ba.”
Mairo ta fara diri-diri da ‘kyar ta mayar da ruwan hawayen da ya ciko idonta Murya na rawa ta ce.” Hajiya Aziza kada ki yi mini sharri akan kaddarata. Kuma na tabbatar da sahihancin magungunan ne a gurin wad’anda suke saye. Saboda haka ku daina cin zarafin sana’ata tunda ba maula nake yi ba.”
Ta ce.” To mun ji ki rufe mana baki munafuka kawai.”
Mairo ta sunkuyar da kanta hawaye yana d’iga babu shakka idan ta ku’buta, sai ta tsulawa Hajiya Aziza rashin mutumci, za ta nuna mata ita ma ‘kwalluwar shegiya ce.
Kyauta ne ga kowa da kowa ku fara bibiyarsa tun yanzu, kada a yi nisa ku tambaye ni farko.

°°°GAMA DUNIYA
BINTA UMAR ABBALE 🍒

Hajiya Hankatama uwar amarya tana mi’ko gaisuwa ga ilahirin masayonta🤣🤣🤣

BABI NA TAKWAS
Sosai Auwalu ya yi wa Amina jini da majina yasa hannu ya d’auki d’ansa ya kama hannun Fatima suka fita daga dakin. Amina ta kwanta a kasa tana wani irin kuka mai tsuma zuciya Auwalu ya fasa mata baki jini sai zuba yake yi ta kasa motsa yatsanta saboda yadda jikinta ya yi mata nauyi da tsami haka ta kwana a gurin cikin mawuyacin hali. Da safe ya shigo d’akin tana kallonsa ya tsallake ta yaje ya bude sif kayansa ya dauko ya sa a jikinsa tsaf ya shirya ko kallon gurin da take kwance bai yi ba, ya kama hanyar fita ta ce”Auwalu wallahi tallahi ba ka daki banza ba na rantse da girman Allah sai na dauki fansar dukan da ka yi mini kuma wallahi sai ka bani kud’in mutane daka sace ‘barawo kawai.” Bai kalleta ba kallonta ya fita ya je ya sayowa yaransa koko da kosai ya dawo lokacin Amina ta rarrafo ta fito ta gan su sun baje a rumfa suna karyawa ga ‘kosai nan cikin takarda wato itace wahalalliya kenan, tunanin take yi yaya za’ayi ta yi maganin Auwalu band’aki ta shiga ta dauro alwala ta fito tana shigowa rumfar ta ji shi yana waya tare da fadin “Zuwaira na ce ki yi hakuri ki bari a yi albashi dan dai dubu bakwai zan ba ki ki yi ankon biki, amma ni ma ki yi mini tanadi me kyau don ina nan zanz…….. Shigowarta ne yasa ya kasa ‘karasa maganar sai ya wayance da fadin” Musbahu ganin fitowa kar ka damu fa.” Girgiza kanta ta yi kawai ta shige cikin daki tana mamakinsa wai ita zai rainawa hankali. Da sauri ya tashi ya zura takalmansa yana kallon yaransa ya ce.” Fatima ku yi maza ku cinye kar ta fito ta cinye muku, ai ku kam ba ku yi sa’ar uwa ba.” Kallonsa suke yi kawai domin dukaninsu basu da hankalin da za su fuskanci abinda yake faruwa.
Ya kama hanya ya fita daga gidan cike da nishadi yana jin duk duniya babu wanda ya isa ya raba shi da bazawararsa Zuwaira tunda tana share masa hawaye da albarkatun jikinta a duk lokacin da bu’katarsa ta tashi.

Amina sallah ta yi ta fito kawai ta ga ya fita. Zama ta yi tana tunanin abinda zata yi masa ta huce takaicin da ya jima yana ‘kunsa mata. Sallama ta ji tana daga zaune a rumfar ta ce a shigo. Harira ce ‘kawarta tun ta ‘kuruciya ita ba ta yi aure ba tana ta faman yawon siyasa duk ta zubar da mutumcinta. Amina ta ce”Na ji dadin ganinki Harira .” Ta zauna kusa da ita tana yamutsa fuska sai wani irin kallo take wa dakin tana tab’e bakinta.

Amina ta ce”Ba fa na son iskanci kin shigo mini daki kina yamutsa fuska kamar wadda ta ga kashi aikin banza kawai.” Harira ta ce”Dube ki don Allah, yanzu Amina waye zai ce shekarun ki ashirin kacal a duniya dubi yanda kika tsofa kirjinki ya zube haihuwa biyu kacal kin mai da kanki abar tsantsami d’akinki sai zarnin fitsari yake yi tabdijam.” Harira ta’karasa maganar tana toshe hancinta. Amina ta ce”Harira masifar Auwalu babu abinda ba za ta mai da ni ba jiya fa kwana ya yi yana dukana akan hakkin mutane.” Harira ta kurma wani uban ashar tana kallonta ta ce”Ki ka zauna wani gardi yana dukanki Amina me yasa ba ki tashi Kun had’a kwanji ba, ko kuma ki nemi makarfafarsa.”
Amina ta share hawayen da suka zubo mata ta ce”Harira ya zan yi da jarabar Auwalu wata bazawara ce ta dauke masa hankali wai ita Zuwaira, haka kawai ya zo ya fasa bankin da nake ajiyar kud’in a dashin mutane yaje ya saya mata waya da kudi.”

Harira ta buga hannun kujera tana cire ‘karamin mayafin dake jikinta ta ce”Amma gaskiya Auwalu ba shi da mutumci tabdijam ni fa shiyasa ko sha’awar aure bana yi domin bazan zauna namiji ya dinga raina min hankali banci ubansa ba.” Amina ta ce”Harira na rasa meye maganin Auwalu wallahi?” K’wafa ta yi tare da cewa.” Ki sha kuruminki wallahi sai munyi maganinsa da kudi ‘yan kad’an tashi ki shirya na rakaki gurin malam Atiku na zaure tsaf zai yi miki maganin sa wallahi.” Shiru Amina ta yi tana tunani Harira ta ce”Dallah ki tashi ki shirya kin yi wani shiru kina tunani yanzu waye ya fada miki ana zama ko wace mace da kika gani bata zama haka kawai idan ba haka ba sai a yi babu ita na tabbatar itama Zuwairan gurin malamai ta kai sunan Auwalu shiyasa take juya shi yanda take so.” Amina ta ce”Hakane fa maganar ki amma nifa bana son malamin da zai ci kudina kin tabbatar ya iya aiki?” Harira ta ce”Shikkenan tunda ‘kure ni ki ke so ki yi kin san dai bazan kai ki gurin da za’a cuce ki ba ko.” Amina ta mike da sauri tana fad’in “Bari na shirya muje nasan ba za ki cuce ni ba K’awata.” Daki ta shige da sauri ta sanyo kaya Harira ta ce”A ina zaki bar yaran nan domin ba’a zuwa zauran malam da yara. ” Amina ta ce”Mu shiga gidan Maman Sajida za ta ri’ke mini su har muje mu dawo.” Harira ta tashi tana gyara yafan siririn mayafinta suka fita daga gidan.

Tsangayar Malam D’auda

Ladi zaune cikin ‘kuryar dakinsu ta ji murya kamar ta aminiyarta tana sallama sai Kuma ta tsinkayi muryar babarsu tana fadin”A’a Hafsa kece da rana haka.” Hafsa na kokarin zama kusa da ita take cewa “Wallahi ni ce da fatan na same Ku lafiya, ya gida ya bayan rabuwa?”

Uwale ta ce”Lafiya lau Alhmdullahi ya hanya? da mai gidan naki?.” Hafsa na murmushi ta ce”Yana nan lafiya lau ai tare muke dashi ma munzo hutu ne.” Uwale ta ce”Ayya to me yasa baki kawo min jikokina mun gaisa ba.” Kafin Hafsa ta yi magana Ladi ta fito daga daki ganin irin uwar kwalliyar da Hafsa taci da uban kamshi turare da take yasa ta ji wani irin bakinciki da kishi ya rufe ta, amma sai ta danne ta saki fuskarta tana yar dariya take fadin”Wato sai yau ku ka waiwayo gida ko kuna can abinku.” Hafsa ta yi murmushi tana fad’in “Kin san dai halin mutumin naki kwata-kwata baya so na yi nesa da shi shiyasa nake biye masa da abinda yake so.” Ta’be baki ta yi tana jin wani irin kishin Yana yunkuro mata. Faruk ya gama da rayuwarta. Ta kalleta kafin ta ja tsaki ta ce.”Ya yi kyau tattabaru sarakan soyayya don Allah idan kun tashi mutuwa ku sanar da mala’ika ya d’auki rayuwarku a tare.” Dariya kawai Hafsa ta yi ta bagarar da maganar saboda gudun bacin rai, ta San halin ‘kawarta da saurin fushi da rashin ha’kuri. Amma tana mamakin irin kiyayyar da take tsakanin mijinta da kuma aminiyarta.

Uwale ta ce.” Duk ina yaran suke ko ba dasu ku ka zo ba?” ta ce.” Tare muka zo da su ai an yi hutu suna can gidanmu Amma zan kawo su domin su yini a gurinki.”

Tace”To ma sha Allah da kuwa kin kyauta, ina jira akawosu na sa musu albarka” Hafsa ta yi dariya tare da maida hankalinta kan Ladi dake danna wayarta Uwale fita ta yi daga dakin gabadaya ta zauna tsakargida duk hayaniya yara ta cika gidan kasancewar juma’a ce anata rabon abinci al’majiran sun cika gidan kowa da kwanonsa zama ta yi kan kujerar yar tsugono tana jin takaicin yanda Ladi ta maida kanta ga ‘kawarta nan ta yi aure har da yara ita ta tsaya shashanci addu’a take mata cikin zuciyarta.

Hafsa ta kalli Ladi tare da fadin” Manyan gari haka kika yi uwar ‘kiba wai don Allah me kike sha ne?” Hankalinta na kan wayar hannunta ta ce”Ke me kike sha? da zaki tambaye ni ko an fad’a miki ke kadai kike shan Faruk ne? Uhm ni ma ina da masu bani nasha watak’ila ma nawa yafi naki kuzari da gamsawarwa.” Hafsa ta kalleta da jiki a sanyaye ta ce”Matsala ta dake kenan wallahi, wato dai kina so ki fahimtar dani cewar har yanzu baki bar wannan harkar ba ko?” Ladi ta watsa mata kallo tare da fadin”Uwata ce ke ko ubana da zaki sanya ni na bar bariki yanzu na fara Wallahi.”
“Wa’iyazubillah! Hafsa ta fad’a kamar za ta yi kuka ta ce” Ladi wannan wace irin rayuwace ne? har rantsewa ki ke yi kina cin alwashi ba za ki bar harkar bariki ba, ki yi aure mana indai jima’i ne matsalarki amma wannan harkar bata dace dake ba duba don Allah yanda kika bata jikinki da hallitar ki bilitin hauka ne wallahi.”

Kallon tsakiyar idonta ta yi ta ce.” Namiji d’aya nake so a rayuwata amma an yi mini fin k’arfi sai dai nan da kwanaki kad’an zan ‘kwato abuna ya dawo hannuna, kuma mutum sai ya gane bashi da wayo.”

Hafsa ta saki baki tana kallonta da d’umbun mamakin furucinta a tattare da ita.
Kyauta ne ga kowa da kowa ki fara bibiyar littafin nan tun kafin na yi nisa kada ki ce na tura miki daga farko.

BABI NA TARA
Hafsa ta yi shiru kawai tana nazarin maganganun Ladi ta furzar. To wai shin me ya yi zafi ne?
Ita kuwa cigaba ta yi da duba wayarta tana taunar cingum kamar yanda ta saba. Kira ya shigo wayar Hafsa abinda ya katse musu shirun kenan ta fito da ita daga jakarta babba ce don har ta fi ta Ladi tsada da ‘kayatuwa. Fuska a sake tasa wayar a kunnanta tana fad’in.” Hubby afuwa ina gidan Malam ne.” Daga ‘bangaran Faruk din ya ce.” Waye ya ba ki izinin zuwa, kina so ki fad’a mini kina tare da ‘yar iskar yarinyar nan ko?”

Hafsa ta kwantar da murya a hankali ta ce”Haba Faruk ba girman ka ba ne abinda ka ke yi shikkenan ba zan shiga mu gaisa da mutan gidan ba sai kace gurin Ladi na je wai me yasa ka tsaneta ne? me ta yi maka?” Kashe wayarsa kawai ya yi ransa a ‘bace kwata-kwata baya son tarrayar Ladi da Hafsa domin gani yake zata lalata masa ita.
Hafsa ta juya tana kallon Ladi da ke zaune tana murmushi duk abinda ya faru ta ji wai ita Faruk yake zagi lallai duniya kenan. Hafsa ta tashi tana gyara mayafinta. “Ladi ni zan wuce gida kinga mutuminki ya dawo zai fara zazzaga mini masifa Kuma wallahi niyya na yi na wuni a gidan nan.” Ladi ta mike ta d’an yamutsa fuska ta ce”Duk ina jinsa Hafsa na rasa me na yi wa mijinki ya tsane ni irin haka wallahi.” Hafsa ta ce”Halinki ne baya so kawai. ” Ladi na ‘kokarin shiga daki take fad’in”Karya yake Yi wallahi ni nasan abinda yasa yake gudun mu’amula ta dake, bayan kuma a tare ya gan mu, mufiki kawai d’antasha kawai.” Hafsa ta rufe bakinta da hannunta tana salati tsaki ta ja cikin takaici ta shige dakin tana murgud’a manyan mazaunata masu firgita lafiyayyan namiji har ma da marasa lafiyar.

Siririn mayafi ta yafa a jikinta ta zura wani takalmin plate ta fito tana cigaba da zagin Faruk da kiransa shu’umi. Hafsa ta ce.” zan fa yi miki rashin mutunci wallahi, mijin nawa ki ke yi wa wannan cin mutunci.”
Ta galla mata harara tare da cewa.” An ce masa dan-isa ki yi abinda za ki yi.”
Hafsa ta yi shiru tana mamakin lamarin. Ta ce.” Ni mu je na raka ki, idan Kuma ba kya so na koma na zauna.”
Hafsa ta yi gaba zuciyarta cike da tunane-tunane.

Uwale tana zaune akan kujera suka fito Hafsa ta ce” Zan tafi amma in sha Allah kafin mu koma zan dawo mu kara gaisawa.” Uwale ta ce”To madallah Hafsa ki gaishe min da maigidan naki.” Hafsa ta ce”Zai ji Insha Allahu rabbi.” Fita suka yi daga gidan a tare.
Malam Dauda yana zaune kan wata kujerar k’arfe tsakiyar al’majirana ko wanne da allo a hannunsa gurin ya kaure da karatu, shi kuma hannunsa rike da al’k’urani izifi sittin idanunsa sakaye da farin tubarau Hafsa ta je ta tsuguna kusa dashi tana masa sallama tubarau din ya cire cikin nutsuwa ya ce”Hafsatu Allah ya yi miki albarka ya raya miki zuria’arki mun gode k’warai da ziyara.” Hafsa ta bude jakarta kudi ta d’auko dubu goma ta aije a kusa dashi tana fad’in”Malam gashi babu yawa a dai cigaba da yi mana addu’a. ya ce.” Hafsa hadda hidima haka.” Yar dariya tare da tashi tsaye. Ya ce.” Allah ya kara suttura don Allah ki cigaba da yi wa ‘kawarki fad’a kin ga dai halin da take ciki ko.” Ladi ta kawar da kanta jin abinda malam din yake fad’a wayarta ta cigaba da latsawa tana taunar cingum din bakinta.
Malam ya girgiza kansa domin duk abinda ta yi akan idonsa cikin zuciyarsa ya ce ‘Allah ya shirye ki Ladi.’ Hafsa ta yi masa sallama suka kama hanya suka tafi tufafin dake jikin Ladi yake kallo wanda dasu gwara babu domin ga shacin jikinta nan duk ana gani shi kam Allah ya jarrabeshi da gagararriyar yarinya kullum cikin addu’a yake kan Allah ya shiryata ya san addu’a bata fad’uwa kasa banza haka ya cigaba da lura da al’majiran har lokacin sallar azuhar ya yi.

Faruk na kwance a d’aki tare da yaransa ya ji shigowarsu gidan. Da yake babu tazara sosai da gidan Malam din Ladi saboda neman fitina har gidan ta je kuma ta san ba sa ga miciji da maigidan.

Lokacin da ya fito falon Hafsa ta shiga kicin. Ita Kuma Ladi ta zauna kan kujera harda cire dankwali tana duba wayarta. Kallon banza ya yi mata. Itama ta mayar masa da kwatankwacinsa. Ya girgiza kansa tare da cewa.” Waye ya ce ki shigo gidan nan?” Share shi ta yi, ta cigaba da abinda take yi. A zafafe ya buga hannun kujerar da take zaune idonsa har ya yi ja saboda bala’i ya furta.” Ba za ki daina shiga gonata ba ko?”

Ta muskuta tana kallonsa ko d’ar ba ta ji ba. Ta ce.” Hargaginka duk na banza ne. Na kusa na fasa ‘kwan, gwanda ma ka lalla’bani.”

“Tashi ki fita ko kuma yanzu jikinki ya fada miki.” Ya fad’a yana nuna mata hanya. Murmushi ta yi wanda ya soke shi a kirjinsa. Ya kawar da kai jikinsa na tsuma, da alama allurar ce take so ta motsa masa.

Ta ja tsaki tare da d’auke kanta. Sunkuyowa ya yi Yar suna jin hucin juna. Ya furta.” Ki tashi ki fita na ce kada ki kashe mini aure, na ce miki ki rabu da Hafsa kin ‘ki ko?”

Ta ajiye wayar hannunta tana kallonsa. Sai Kuma idonta ya ciko da hawaye. ” Ni kake yi wa haka ko?” Ya bagarar da maganarta ya gyara tsayuwarsa domin Wani abu ya ji yana tsunkulinsa kusantar da ya yi mata azababan k’amshin turaranta yana nema ya jefe shi cikin mawuyanci hali.

Hafsa ce ta fito daga kicin hannunta rike da k’aramin plate da ruwa da Lemo a ciki tana kallon Faruk din ta ce”Hubby na shigo ina ta sallama na ji shiru shine nace ko bacci ka ke yi ne duk ina yaran suke?”

Fuska ya tur’bune ya ce.” Bana neman doguwar magana, ki sallami wannan ‘kawar ta ki, domin ina bukatar mala’ikun rahama su shigo mini gida, bayan haka kuma ki shigo ɗaki ina da buk’atar kasantuwa dake.”

Ladi ta ji kamar ya soka mata wuka a kahon zucci. Sunkuyar da kanta ta yi tana ko’karin mayar da hawayen idonta.

Hafsa ta zaune jiki a sanyaye ta ce.” Ki yi ha’kuri kawata, ni kam na gaji da wannan abinda yake a tsakaninku. Kuna kin juna kamar Annabi da kafiri, wai don Allah me yake faruwa ne?”

Ta danni zuciyarta tare da furta “Ki je ki tambayi mijinki don Allah ni kada ki cika ni da surutu, ko kin ji na mayar masa da martani?”

Hafsa ta yi jim tana kallonta kafin ta ce.” Ga ruwa da lemo nan, ki sha bari na shiga mu yi wacce za mu yi da shi domin na kai ma’kurar bacin rai akan abinda yake yi miki “
Ladi ba tace komai ba tana kallonta ta shige d’akin sai ta ja tsaki ta rufe fuskarta da tafukan hannayenta tana kuka.

Kyauta ne ga kowa da kowa.

BABI NA GOMA.
Ladi hawaye kawai take zubarwa tana jiran fitowar Hafsa wadda ta yi furucin shiga ta nunawa Faruk bacin ranta. Shiru kamar an shuka dusa ko motsinsu ba ta ji ba. Tana zaune akan kujera abinda duniya ya yi mata katutu! tsananin kishi mai tafe da gilli ya dinga ratsa sassan jikinta. Babu tamtama Faruk don ya cuzguna mata ne ya hana Hafsa fitowa zuwa gare ta, dama ta ji lokacin da yake fad’in ta shiga d’aki ta same shi
yana da bukatarta. Kuka mai karfi ya k’wace mata. Tasa hannu ta gumste bakinta. ‘Dif ta yi lokacin da kunnanta ya fara jiyo mata wasu lamura. Ta yi kasa’ke tana jin sambatu Faruk yana daga muryarsa tare da kiran sunan Hafsa.
Babu shiri ta tashi da saurin gaske ta d’auki jakarta ta kama hanyar fita har tana yin tuntube da kujera. Ta yi kamar za ta fad’i sai kuma ta ja ta tsaya. Tana Jin muryar Hafsa tana cewa” Hubby ka bari don Allah ka san fa muna da bakuwa a gidan nan, don Allah ka saurara mini hak….Ba ta yadda ta sake jin wani abu ba, ta fita daga gidan idonta na zubar da hawaye ji take yi kamar ta mutu saboda takaici da ‘bacin rai.
Da kyar ta kai kanta gida ta zube a tsakiyar d’aki tana numfarfashi, kamar mahaukaciya ta dinga hargitsa kayanta har sai da ta cimma abinda take nema kwayoyi ne birjik ta dantso a hannunta ta watsa a bakinta ta lalubu ruwan pure water da take ajiyewa ta kora. Sai kawai ta bingire a gurin nannauyan bacci ya yi gaba da ita.

**

Amina da Harira gurfane a gaban Malam Atiku wanda suke kira da malam na zaure.
katon fefe ne a gabansa cike da yashi yana ta rubuce-rubuce.
Ya kai minti goma yana yi kafin ya d’ago kansa yana kallonsu tare da cewa.” Na san abinda yake tafe daku ba sai kun jadadda mini ba.” Shiru suka yi suna kallonsa. Sai ya yi murmushi tare da cewa.”Na lura kamar kuna so ku fada mini da bakinku to ba zan katse muku hanzari ba ina sauraranku.” Harira ta zunguri ‘kafar Amina da kanta yake a sunkuye dalili yaune karon farko da ta fara zuwa gurin malami da sunan ya yi mata taimako.
Malam na zaure ya ce.” Ina sauraranku.” Murya na rawa Amina ta fara magana kamar haka.” Malam ni dai na zo gurinka ne domin ka yi mini taimako a kan mijina.” Malam Atiku ya yi murmushi tare da cewa.” Duk na san komai dama ta tsuniyar gizo ai bata wuce ta koki kin zo gurin da za’a taimaka mi ki yanzu ya sunan mijin naki?” Amina ta sauke ajiyar zuciya tana ji a jikinta ta zo gurin da za’a yi mata maganin Auwalu.

Amina ta fad’i sunan tana me gurfanar da kanta kasa. Malam ya cigaba da zane jikin yashin minti biyu ya d’ago kansa babu walwala yace.” Wannan mijin naki d’an taurin kai ne aiki zai yi wuya a kansa amma yanzu zan ba ki wani turare ki yi amfani dashi yau din nan mutukar ya shaki ‘kamshinsa to wannan bazawara tasa da na gani cikin duban da na yi yanzu zata zama kamar ja’ba domin duk lokacin da ya kusance ta zai ji tana wari ke kuma Idan ya kusance ki ya ji kina ‘kamshi mai dad’i za mu shawo miki kansa da addu’a kar ki damu. ” Ya fada yana girgiza kai kana yana cigaba da zane-zane da yashin.

Amina ta ce”Nawa ne Abin sadaka to?” shiru ya yi na minti biyu kafin ya furta.” Abin sadaka za ki bada dubu ashirin Amina domin turaran nan, ni ma ana kawo mun shi ne daga birnin sin akwai aljanin da nake sawa ya kawo mini kinga kuwa dole shima ayi masa hidima, za a siya masa ‘bakar kaza da zakara mai bin mata. Harira ta Amina tana girgiza kafin ta ce”Gaskiya ne malam Insha Allah zamu bayar indai aiki zai kyau, babban burinmu Auwalu ya zama rakumi da akala, sai yanda Amina ta yi dashi.
Malam Atiku ya ce.” wannan ai duk mai sauki ne muddin za ku cika sharad’ai.”
Amina ta fara inda-inda ita dai har ga Allah ba ta da wannan kudin, amma ta ji Harira ta yi caraf ta amsa masa.
A sanyaye ta ce .” Malam a yi mini sauki na bada dubu bakwai domin wallahi ba ni da kudi yanzu haka dana fito ko karyawa ban yi b… Kafin ta ‘karasa ya katse ta hanyar fad’in.” Amina akwai abinda na ‘boye ban fad’a miki ba, wato Amina idan ki ka tsaya wasa to sai dai kiji gud’a ayiriri! a cikin gidanki ana cewa ki matsa za’a shigo da amarya ina me tabbatar miki da cewar mijinki na shirye-shiryen kai kudin aure wallahi.”

Dafe k’irjinta ta yi tana kallon Malam din bakinta sai motsi yake tana cikin tashin hankali ta kasa magana ma lokacin ne kuma Harira ta fuzge jakar hannunta ta zuge zif din kud’in ciki ta zaro ta hau lissafawa dubu goma sha bakwai ne haka ta lissafa cas ta zube gaban malam ta ce”Malam gashinan a yi hakuri don Allah abinda yake cikin jakar kenan a taimaka mana. ” Malam ya yi wani munafikin murmushi ya ce.” Kar ki damu ‘yan mata za a taimaka insha Allahu dama mu ai kullum cikin taimako muke.” Amina dai ta yi shiru tana jin su suna magana kafin su yi masa sallama yana ‘kara jaddadawa Amina cewa”Yau ta nemi Auwalu ya sadu da ita ana so ne ya sha’ki k’amshin turaran ne sosai ta nan zai mace kowa hadda uwar da ta haife shi.
ta ce”Insha Allah malam zan yi kokari na yi yanda ka ce a yi.”
sallama suka yi masa suka fita Harira sai karfafa mata guiwa take yi har suka fito titi. Harira ta yi salati tare da fad’in “Amina na manta jakata zauran Malam Atiku.”

Amina ta ce”Sai ki je ki d’auko tunda kin sa na yi kankant! babu ko sisi a jakata har kud’in adashin mutane na yau kin had’a kin bawa malam Allah dai yasa aikin ya yi domin ni wallahi lamarin Auwalu ya na bani tsoro.”
Harira ta ce”Aiki zai yi insha Allah ke dai kawai ki yi yadda malam din yace miki za ki aiki da cikawa.” Amina ta nemi dakalin wani gida ta zauna tana jiran dawowar Harira da ta tafi zauran Malam da niyyar ta d’auko jakarta.

Atiku kud’in ya lissafa tsaf! ya zura cikin aljihunsa yana fad’in’ Lallai yau na fito a sa’a wai dubu goma sha bakwai ai gida zan shiga wallahi na tashi yau akwai cin gashashshiyar kaza mai maiko. Sallamar Harira ce ta katse hanzarinsa. Kallo ya bi ta dashi ta yi masa tsaye ‘kerere a ka kafin ta mika masa hannu tare da furta.” Ba ni rabona.”

Dariya ya yi yana nuna ta da hannu ya ce”Harira wallahi ke da kudi kamar mayya na d’auka ai jakarki kawai ki ka zo dauka ki tafi.” Harararsa ta yi tare da fadin “Lallai Atiku ka raina mini hankali ma wato kana nufin zan kawo maka kostoma a banza kenan ai ina sane na bar jakar saboda na san halin Amina duk son kud’ina tafi ni.” Suka fashe da dariya a tare hadda tafawa.
Kyauta ne ga kowa da kowa.

Join our WhatsApp group here

°°°°GAMA DUNIYA
BINTA UMAR ABBALE 🍒

BABI NA GOMA SHA ‘DAYA
Babu sallama Alhaji Badamasi ya shiga gidan. Shiru suna d’aki cikin duhu. Yasa hannu ya d’aga labulan yana yamutsa fuskarsa.
Duhu ne ya marabce shi don babu haske ko kad’an.
Hajara tana jin motsi da sauri bude idonta ta tashi zaune murya na rawa ta ce”Wanene?”
“Ubanki ne!” Ya fad’a a fusace. Hajara ta yi saurin tashi tsaye jikinta na rawa ” Sannu da zuwa ka yi hakuri don Allah bacci ne ya dauke ni wallahi.” Yamutsa fuskarsa ya ‘kara yi kana ya shiga d’akin sosai yana haskawa da fitilar wayarsa.
Yaran suna kwance kan wata yamutsatsiyar katifa sauro sai cizonsu yake yi da ‘kyar ma suka yi bacci saboda yunwa sai da ta shiga ma’kota ta samu abinci ta basu suka lamusa suka kwanta.
Sai da ya gama kallonsu kamar me neman wani abu a tare dasu ya juya da niyyar fita.
D’akinsa ya bud’e ya shiga wanda babu abinda babu na more rayuwa tibi irin ta bango ga wata katuwar katifa a kwance a kasan dakin.
‘Kofar dake waje ya bude ya nemi yaro domin ya sayo masa fetur din da zai kunna inji. Ya bude garejin da yake ajiye motarsa ‘katon ganareto ya d’auko saurayin yaron ya da ya aika ya kawo masa fetur din ya juye ya tashi injin gidan ya yi haske ko’ina. Yana shiga d’akinsa ya ga Hajara a zaune kan kujera. Cikin hantara ya ce.” Ke menene haka kin shigo mini d’aki kina wari fita don Allah ki je ki yi wanka ki zo ina nemanki.”
Hajara ta mike da sauri ta fita domin zuwa ta watsa ruwa tunda babu sabulu, kuma tana jin tsoron ta fad’a masa.

Band’akin da yake manne a d’akin nasa ya shiga ya yi wanka ya fito, ya zauna daga shi sai gajeran wando, ya tasa shirgegen ciki a gaba sai kace na mace mai haihuwar ‘yan uku.
Ledar da ya shigo da ita ya bud’e manyan kaji ne da kayan marmari ya bud’e firji ya d’auko lemo da ruwa ya fara cin kayansa yana duba tsaraicin sabuwar yarinyar da ya yi, wadda take ta turo masa hotonanta ta Whsap.

Hajara ta shiga d’akin da ‘yar shimi a jikinta, da yake tana da kirji masu kyau ba su yi muni ba duk da ta shayar suna bada sha’awa. Ta nemi guri ta zauna a tsorace tana satar kallonsa yana zuge ‘kashin kaza yana korawa da lemo. Ta dinga ha’diyar yawu, mummunar yunwa ce ta dinga yun’koro mata.

Shi kuwa Alhaji Badamasi ganinta a haka sai ga’bobin jikinsa suka raunana. kasantuwa da ita ya bijiro masa. Lokaci k’ankani ya rikice launin idonsa ya canja da tsantsar fitina.

Yana ci yana satar kallonta kamar tsohon maye ya zuge naman jikin kajin tas, ya bar mata ‘kashushuwa da abinda ba za a rasa ba. Da yake a bu’kace take ta sauko daga kan kujera jikinta na kyarma ta dinga tsotse ‘kashin tana taunewa maimakon ta zubar da tikar had’iyewa ta dinga yi. Lemon fata ma ta dinga cinye bawon.
Ya kalleta tare da furta.” Wai Hajara mayya ki ka zama ne ban sani ba .” Hawaye ya ciko idonta ta ce.” Alhaji ai ka san a inda ka auro ni, bamu da gadon maita yunwa ce kawai.”
Ya ce.” Ki ganta a kan ki yunwar, mu ba ma fatan ta zo inda muke.” Hannu tasa ta goge hawayen da yake falfala gudu a kumatunta. Ya buga mata tsawa tare da cewa” Me na yi miki da za ki yi mini kuka, wallahi idan ba ki yi shiru ba yanzu za ki yi mai dalili.” Hajara ta goge hawayenta tana cigaba da tsotse ‘kashin hannunta.

Ya ce.” Dallah Malama ajiye kashin nan haka ki je ki wanke hannunki ina da buk’atarki.” ta ajiye tare da tattara gurin ta fita da takardar ta zuba a shara. D’akinta ta shiga ta tarar Shahida ta tashi tana kuka sai soshe soshe take yi sauro ne yake cinzonta.
Ta zauna kusa da ita tana lallabata baccin yana fizgarta da sauron ya cijeta sai ta fashe da kuka.
Hajara ta cigaba da lallabata har ta samu bacci ya d’auketa. Ta tashi a hankali ta shiga kuryar d’akinta. Humrar da k’awarta ta kawo mata ta shafa a jikinta ta fito wanda ya yi daidai da shigowarsa d’akin kawai sai hau d’ura mata ashar wai ta zaunar dashi yana jiranta.
Da sauri ta bi bayansa ba tare da ta mayar masa da martani ba gudun kada yarinyar ta tashi daga baccin da ya d’auketa na wahala.

Alhaji badamasi babu d’an aike ya turmushe Hajara da niyyar biyan bu’katarsa. Ita Kuma zahirin gaskiya tana so a yi mata wassani tunda itama ba dutse ba ce tana da buk’ata. Amma d’an tahalikin mutumin nan bai saurareta ba, shagalinsa kawai yake gudanarwa dama sai da yasha maganin karfin maza shiyasa ya samu kuzuri.

Suna cikin yin wannan lamari Shahida ta farka daga bacci ta dinga tsala Ihu tana kiran Ummana! kina ina?”
Ta fito tsakargida tana ihu! Sayyid shi ma ya dinga fad’in.”Ummanmu kina ina?”
Hajara ta ji gabad’aya komai ya fice mata daga rai, ta dinga tureshi tana ko’karin sauka daga katifar yana cukuikuyeta. Da kyar ta furta.” Alhaji Yara sun tashi dama kwana biyu Shahida ciwonta ya tashi ka bari na je na duba su.”
Ko a jikinsa ya cigaba da gudanar da lamarinsa yana yi yana kiran sunan Ladi.
Hajara ta dinga kuka tana kir’ba masa duka domin hankalinta ya tashi da irin kukan da Shahida take yi, tana Jin tsoron ciwon ya kwantar da ita
Da ‘kyar ya rabu da ita. Ta daura zaninta a sukwane ta bud’e d’akinta ta fita lokacin yarinyar ta kai ma’kurar galabaita tana kwance a bakin k’ofar d’akin sai wani irin nishi take yi, numfashinta na fita a fizge a fizge.

  Hankalinta ya tashi ainun. Ta rungumeta a jikinta tana kuka tana kiran sunanta. Sayyid ya tsuguna kusa da ita shi ma yana ta kuka yana d'ora hannunsa a kirjin 'yar uwarsa.

Rungume da Yarinyar a kirjinta ta shiga d’akin ta same shi kamar matacce don har bacci ya d’auke shi sai munshari yake yi ta bubbuga katifar ya tashi zaune yana hararta ta ce.” Don Allah ka taimaka mini yarinyar nan numfashinta ya d’auke
Jikinta ya yi sanyi kalau.

“Ki fitar mini da ita daga daki ko kuma yanzu na had’aku na ci ubanku, me zan yi mata? ko ni ne na d’aura mata lalurar, na fad’a mini wallahi dana san wannan yarinyar za ki haifa da tuni na zubar da cikin tun kafin ta zo duniya domin ba zan lamunci asarar kud’i ba, duk masu lalurar nan asarar dukiya ake yi musu domin mutuwa suke yi, saboda haka ki je da ita kawai idan ta mutu sayan likkafani ba zai yi mini wahala ba.”

Hajara ta diririce! Hawaye na zuba ta juya da sauri ta fita da Yarinyar a kirjinta. Hijabi tasa ta fito Sayyid ya bude musu kofar gidan tana ganin a wannan ga’badar dole ta nemi taimakon ma’kota.

Alhaji Badamasi yana jin alamun bude kofar gida ya tashi da sauri ya fito ya janyota ta dawo ciki ya mayar da kofar ya rufe yana fad’in. “Wannan yarinyar ta zame mini annoba ban san iya adadin kud’in da na kashe a kanta ba Allah ka kasheta na huta.”
Komawa ya yi, ya kwanta ya bar Hajara tana gursheken kuka rungume da ‘yarta a hannu.

**
Aliya da Atine suka isa gida cikin nishadi. Babbar tabarma Aliya ta shiga d’aki ta d’auko ta shimfada suka zauna. Suka fara zazzage kayan satar.
Atine sai ihu take yi tana fad’in.” Kin ga Aliya ashe rabo ne. Shiyasa fa na ce miki kada mu tafi mu sake komawa gidan mu samu hanyar shiga d’akin Hajiya Hankatama, sai gashi Allah ya ba mu sa’a, mun yi gamnakatar da setin gwal kirar dubai! gaskiya yau mun fita sa’a wallahi.”
Aliya ta dinga murmushi farinciki duk ya isheta. Tana zazzage jakunkunan da suka sato take fadin.” Kowa yana neman sa’a akan sanarsa. Shiyasa ni ma bana fita sai na nemi sa’a, dalilin da yasa kenan komai yake tafiya daidai, Malamin da yake yi mini aiki dole ne na yi masa gwagwgwa’bar kyauta.
Kyauta ne ga kowa da kowa.

12

°°°°GAMA DUNIYA!
BINTA UMAR ABBALE 🍒

BABI NA GOMA SHA BIYU
Atine ta ce”Yanzu ya ya za mu yi kenan? kin san dai ba za mu yi ganganci amfani da wani abu daga ciki kayan nan ba gudun ‘bacin rana kawai mu sayar mu kar’bi kud’in, don ni wallahi har na fara tunanin tafiya dubai na fara sare-sare na san ba ‘karamin kud’i zan samu ba.”
Aliya ta yi mata wani irin kallo tana yamutsa fuska “Lallai Atine baki da hankali wato kina nufin mu sayar mu raba kudin kai d’aya lallai kin ci kai, zan dai ba ki wani abu daga ciki, A
amma babu maganar mu raba daidai wadaida.” Atine ta ‘bata rai tana kallonta ta ce”Bangane me kike nufi ba Aliya?” Ta’be bakinta ta yi ta ce”Zan sayar dasu, zan raba kudi kashi uku zan d’auki kaso biyu na baki kashi d’aya shine abinda nake nufi.”
Atine ta buga ‘kasan gurin da tafin hannunta a hautsine ta ce”Wallahi baki isa ba Aliya kudi daidai zamu rabasu idan an sayar da sar’kokin ma mu raba daidai, ai ni ce na bada shawarar shiga d’akin Hajiya Hankatama, kuma setin gwal din da muka sato zai kai dubu dari tara dan manya ne masu nauyi saboda haka muddin kina so mu wanye lafiya ki bada hadin kai mu raba kayan nan daidai.”

Aliya ta ce.” Ni ce dai gwanar fasaha, Kuma cikin dabaruna muka samu nasarar shiga d’akin Hankatama, bayan haka, ni ce na d’auko jakar Hajiya Aziza, ke kuma kika d’auko ta Talatuwa, abubuwan da suke cikin jakar Talatu bana ku zo a gani ba ne. Saboda haka wallahi ba zamu raba daidai ba.”

Atine ganin Aliya tana nema ta raina mata hankali sai ta mike a fusace mayafin jikinta ta cire tana nuna ta da hannu tare da fad’in”Aliya sharrina ya fi naki billahil-lazi ki yarda kawai mu raba kayan nan daidai idan kuma ba ki yi yanda nace ba to sai na yi miki rashin mutumcin da baki taba tsammani ba.”
Aliya ta fara had’a kan gwala-gwalan tana fad’in”Kin dad’e ba ki yi min rashin mutunci ba Atine mu zub……. Kafin ta karasa maganar suka ji alamun motsi cikin gidan da alama an shigo ba su ji ba suna can suna hayaniya.

**
A mutu’kar gajiye Amina ta isa gida dama tun a mota suka rabu da Harira yaranta ta je ta d’auko a ma’kota ta bud’e gidan ta shiga, ko zama ba ta yi ba ta ji sallama, ta ce”Ko wacece ta shigo. ” Maman Walid ta daga labulen d’akin ta shiga bakinta dauke da wata sallamar. Amina sai da ta kusa sakin futsari ganin Maman Walid shaf ta manta yaune ranar kar’bar kudin a dashinta. Sai ta fara diriri ta ce”Maman Walid zauna don Allah ni ma kin ga yanzu na dawo daga unguwa wallahi duk na gaji.” Maman Walid ta ce”Aifa shiyasa na yi ta aiko yara sai suce ba kya nan, na d’auka ma ‘kuiya ce irinta yara shine na ce bari to na zo dai da kaina na gani ashe da gaske ne.” Ta numfasa kafin ta cigaba da cewa.” Kin ga wallahi a matse nake da kudin nan ki shiga ki lissafo mini na tafi domin mijina bai sani ba na fito yanzu dab yake da dawowa.”

Amina ta ce”Maman Walid bari na yi sallah sai mu yi magana ta fahimta.” Jin abinda Amina ke fad’a ne yasa Maman Walid tashi tsaya tana fad’in”Haba Amina ni da na ce miki akan hanya nake shine za ki ce na tsaya ki yi sallah na fad’a miki fa mijina bai sani ba na fito sauri nake yi, kuma zahirin gaskiya ina da uzuri da kud’ina, domin bana wasa gurin zubi, kin ga kuwa ba za ki zo mini da wasa ba na fahimce ki.”
Jiki a sanyaye Amina ta zauna kan hannu kujera tana kallon Maman Walid din da jikinta ya fara bata akwai matsala Amina ta ce”Maman Walid ki yi hakuri don Allah wallahi kudin nan ba su had’u ba kin san wannan karon Maman Nafisa ta shiga kuma lamari da ita a ciki bala’i ne, wallahi zubi hud’u ake bin ta bata bayar ba shiyasa ma nace in zan kara bud’e wani bazan yi da ‘yan gidansu ba saboda suna yi mini wasa ki yi hakuri don Allah insha Allah zuwa Asabar zan had’a miki kudin ki.” Maman Walid ta ce”Gaskiya Amina baki kyauta mini ba wallahi sai da d’auka ta zo k kaina sannan za ki yi mini haka da sassafe fa ki ke aika mini na bada kudin adashi watarana ma mijina bai fita ba kike aiko mini amma saboda tsabar baki da mutumuci shine za ki wani lauya maganar ki ce wani Maman Nafisa ki ke bi kudi to yanzu zan je gidan Maman Nafisan na ji daga bakinta wallahi idan ba haka bane to ki shirya zuwana gobe duk inda kudina suke ki fito mini dasu.”
Amina ta ce”Kinga Maman Walid ba fa za ki zo har cikin gidana kina ‘kokarin fad’a mini magana ba kudin naki har nawa suke da ki ke ko’karin cin zarafina.” A fusace Maman Walid ta ce”An fad’a miki maganar aike ce kika janyo a fada miki din, ni dai na jadadda miki wallahi ki tanadar min kudina gobe ko kuma mu kwashi yan kwallo a unguwar nan.” Maman Walid na gama maganar ta fita daga dakin tana surutai.

Shiru Amina ta yi duk takaici ya isheta ga wata irin ba’kar yunwa da take sasakar cikinta jiki babu kwari ta tashi ta je dauro alwala ta zo ta had’a sallar azahar da la’asar a muhalli d’aya ko addu’a ba ta yi ba ta mike daga inda take ta fita tsakargida. Sai ta samu k’aramin yaronta ya yi kashi duk ya yi dama-dama da jikinsa da gurin gabadaya.
Aikuwa ta dinga dura masa ashar tana dungure kansa sannan ta yi masa tsarki tazo ta dangwareshi kasa tana fad’in “Zauna nan ni ba zan zauna hidimarku ta kashe ni ba.” Kuka yaron yake yi ko kallonsa ba ta yi ba ta nufi kicin kurfoti ta d’auko ta karkad’e tokar wata Leda viva dage rataye a kicin din ta dauko ta zazzaga diddigar gwayi sannan ta sanya ledoji da ashana ta kunna. Kafin minti goma wutar har ta had’u ta d’auko ruwa a ciki tukunya ta d’ora a kai ta fito daga kicin din har yanzu yaron kuka yake yi yayarsa na yi masa wasa Amina ta shige cikin daki tana fadin “Idan kukan jini za ka yi, sai dai ka yi, wallahi ba zan zauna ka yi ta ‘katale mini nono ba domin ubanka bai bani naci ba.” Shinkafa yar Hausa ta d’ebo cikin wani faranti sila ta fara tsincewa zuciyarta tana addu’ar Allah yasa karshen Auwalu ne ya zo, rabbi yasa turaran da Malam ya bata ya yi tasiri. Idan ta mallaki Auwalu sai ta bashi wahala kamar yadda yake bata. Ta dinga sauri domin kammala girki, ta yi al’kawarin yau sai ta nemi Auwalu a shimfid’a ko ba ya buk’atar hakan, babban burinta ya sha’ki k’amshin turaran shikkenan zai zama rakumi da akala.


“Yaya Jamilu don Allah ka tsaya anan ka saya mini gurasa da tsire, wallahi kwad’ayi nake ji kuma dan cikina ne yake buk’ata.”
Jamilu ya burga babur d’insa ba tare da yace mata komai ba. Sailuba ta cigaba da yi masa na ci ya tsaya a bakin Titin layinsu ya siya mata gurasa idan ma tsiran ba zai samu ba.
A fusace Ya ce.” Sailuba wallahi idan ba ki daina had’ani da Allah ba zan sauke ki a nan, kya da’bo sayyadarki, in banda tsiya da samun guri irin naki ana fama da abinda za’a ci kina cewa a siya miki gurasa da tsire, ai ko Ina da kudin ba zan siya miki ba.”
Hawaye suka ciko idonta nurya na rawa ta ce.” Wallahi ba lefina ba ne Yaya Jamilu babynka ne yake da kwad’ayi.”
Ya ce.” Sai dai kuwa ya karaci kwad’ayinsa domin bani da kudin sayan gurasa da tsire.” Babur din ya fizga da gudu suka hau titi.
Sai mita yake yi mata wai ta fiye fitina. Kawai sai ta fashe da kuka tana Jin kamar ta diro daga babur din taje mota ta takata ta mutu, ko a mafarki ba ta yi tunanin Jamilu zai yi mata haka ba saboda soyayyar da suka yi, amma tunda ta samu ciki shikkenan take ganin wula’kanci iri iri a gurinsa, yadda yake nunawa ma kamar bai yi maraba da cikin da take dauke dashi ba domin baya bashi muhimmanci.
Kyauta ne ga kowa da kowa.

°°°°GAMA DUNIYA!
BINTA UMAR ABBALE 🍒

Manzo Allah (S.A.W) ya ce.” Allah ma d’aukakin sarki yana ce wa”Kada d’an Adam ya nisance ni, tabbas zan cika masa zuciyarsa da bu’katu.

Sahihut Targib:{3165}

Wannan hadisin yana nuna mana cewa; Duk d’an Adam din da ya nisanci Allah ga bauta masa da addininsa to Ubangiji zai cika masa zuciyar sa da bu’katu
Allah ne mafi sani.

BABI NA GOMA SHA UKU.
Amina tsaf ta kammala dafa shinkafa da wake da mai da yaji. Ta zuba a faranti ta zauna tsakargida tana ci tana shayar da yaronta mama gefe guda kuma tana tunanin abunda zai faru tsakaninta da Auwalu yau wanka ta yi sosai ta durje jikinta ta dauko briziyarta mai soso (a cuci maza) ta sanya duk kirjinta da suka shamule suka tashi. Ta sanya riga k’arama da dongon wando Amina sam bata da wata kira ta jan hankalin d’a namiji shiyasa Auwalu yake mata tsiya da iskanci iri iri. Daki ta shiga ta bude dorowa ta gefan gadonta ta dauko garin maganin ni’ima a d’aure a leda
Ta fito tsakar gidan da sauri ta d’auko kofi a kicin ta kwance ledar maganin ta sa cokali ta d’ebo ta zuba sannan tasa madara yar talatin akai ta dama da ruwa kad’an ta kafa kai ta shanye, ta je ta d’auko robar ruwar faro da zuma a ciki itama ta bankad’a . Amina dai tana ta kintsa jikinta kafin Auwalu ya shigo ta sha kayan harka don ya ji zam-zam!
Turaran gurin Malam Atiku ta d’auko sai bude k’afafunta sosai ta dinga gogowa a gabanta da kasan mamanta lungu da sako na jikinta sai da ta gogo turaran nan, sannan ta ‘kame kan kujera tana jiran dawowarsa.
Yaranta da sun yi motsi za ta kai hannu ta dake su tana zaginsu dole su ka yi bacci saboda iziyar da take gana musu. K’arfe goma saura Auwalu ya shiga gidan.
ta tashi da sauri tana mutsika ido domin har bacci ya fara d’aukarta. Auwalu ya shiga cikin d’akin cike da nishadi yau Zuwaira ta faranta masa rai ta sakar masa jikinta sosai ya yi sha’aninsa yana sa rai zai shiga ‘koramarta wadda ita kadai ce ta rage a tsakaninsu amma komai na jikin Zuwaira ya yi masa farin sani.
Yana sanya kansa cikin d’akin ya ji wani mugun karni ya bugi hancinsa, ya yi sauri yamutse fuska zuciyarsa na tashi. Amina ta isa gurinsa kamar gaske tana yi masa sannu da zuwa, kallonta yake cike da mamaki ya ce.” Wannan wane irin wari d’akin nan yake yi?”
Amina gabanta ya fadi jin abinda yake cewa ta ce”Auwalu wane irin wari kuma ni fa bana son haka.” Tsaki ya ja da sauri ya shige uwardakin domin yanda wari da karnin yake fita a jikinta ya soma sanya masa ciwon kai. Bin bayansa ta yi da sauri tana fadin.”Ka fito ka ci abinci yau na ajiye maka.”

Ya ce.” Ki ci kayanki ni cikina a cike yake yanzu babu abinda nake buk’ata sai bacci.” Zama ta yi kusa dashi yana kokarin cire rigar jikinsa sai ya yi saurin matsawa yana toshe hancinsa ya ce.” Wai Amina wannan wane irin karni jikinki yake yi ne?” Muryarta na rawa ta ce”Haba Auwalu karni fa kace na yi wanka na fesa turare amma ka ce Ina karni saboda tsabar shiga hakki.” Ya ce.” Kar ki kuskura ki kara matsowa kusa da ni idan ba haka ba sai na yi mugun ‘bata miki rai wallahi.” Amina ta tashi tsaye cikin jin haushin wulakanci da yake mata ta ce.” Auwalu baka isa ba wallahi ni ma yau a bukace nake da kai domin ina da hakki na kintsa jikina amma saboda tsabar rainin hankali za ka ce mini ina karni Allah yau kome abinka sai ka biya mini bukatata.”

Da mamaki yake kallonta kafin ya furta .”Kina wannan warin zan hada shimfid’a dake baki isa ba wallahi ba za ki sa cikina ya kumbura ba idan kina so na kwanta dake ki je ki yi wanka ki wanke wannan turaran me mugun karni daga jikin ki.”

Cikin takaici ta fita daga dakin tana jin haushin abinda yake yi mata. Wani ruwan ta hada ta nufi band’aki ta watsa a jikinta ta fito da daurin k’irji dakin ta shiga ta same shi bacci har ya fara fuzgarsa kansa ta haye tana kiran sunansa. Auwalu ya tashi a firgice yana ‘kokarin janye ta daga jikinsa jin har yanzu wari take. Ita kuma tuni jikinta ya mutu tana ta ko’karin cire masa wando ya buge hannunta cikin tsawa ya ce”Amina sauka daga kaina ko na ci ubanki yanzu wai dole ne sai na yi? na ce miki bana buk’ata fa.” Muryarta na rawa ta ce”Auwalu idan kai kana da masu d’ebe maka kewa ni bani dasu kai kadai gare ni kaine zaka biya min bukatata.” Ya ce.” To ni nagaji babu abinda zan iya tsinana miki.” Cikin wani yanayi ta ce.” “Ni zanyi da kaina ai ba abu ne me wahala ba.” Ta k’arasha maganar tana yun’kurin sabule masa riga.
Zabura ya yi da sauri ya tureta ta fad’i kan gadon kallonta ya ke da jan ido yana fad’in “Wallahi tallahi ba za ki shafa mini wannan warin na jikinki ba sai ka ce wata ja’ba, na ce miiki idan kina so ki je ki yi wanka mana. ” Kuka ta fashe dashi sosai tana fadin” Yanzu fa na yi wanka duk da sanyin nan da akayi Auwalu wai menene haka?” ya ce.” To har yanzu warin jaba ki ke yi ni ba zan kwanta dake ba gobe na shiga cikin mutane a dinga guduwa.”

Kuka take yi tu’kuru tana kallonsa ya sauka daga gadon ya yi ficewarsa daga dakin. Jiki babu k’wari ta sauko mararta sai murd’awa take yi. A rumfa ta same shi a kwance a tsakiyar yaransa. Ta je ta kwanta a bayansa tana tattaba shi tana kuka burinta kawai ya sadu da ita kamar yanda Malam na zaure ya bukata taga kuma Auwalu bashi da wannan alamun gashi ta d’ubgi maganin mata mararta sai ciwo take yi.

Auwalu sai jan tsaki yake yi, sam abinda take yi masa bai burgeshi ba, saboda ba ita yake buk’ata ba. Cikin mugun takaici yasa hannu ya tureta ta fad’i a gurin. A zuciye ya ce.” Allah idan ki ka sake bi na sai na yi miki rashin mutunci don duka zan yi miki haba! sai kace dole na ce bana so bana so sai tura mini ki ke yi aikin banza kawai.” Daki ya tashi ya koma yana ja mata tsaki.

Amina ta kwanta a gurin tana gursheken kukan bakinciki da takaicin kudinta da Malam na zaure yaci bata san lokaci da ta d’ora hannu aka ba ta kurma wani uban ihu! “Wayyo Allah na shiga uku!”

**

Gidan bikin Hajiya Hankatama, duk ‘bakon da ya zo sai kawai ya bi ayari ya tsaya yana jajantawa uwar amarya aika-aikar da akayi mata. Gabad’aya sunyi cirko-cirko suna jiran dawowar ‘yarlandon ita da Asabe dillaliya tuntuni ‘yansanda sun zo sun yi binkice ciki da waje ba’a ga komai ba yanzu jiran zuwan d’an bori Haladu ake yi Mairo duk ta muzanta lokaci guda ta yi wujiga-wujiga don duk wanda ya zo ita yake zargi ganin kamar itace matalauciya a gurin, Kuma Hajiya Hankatama ta tabbatar wa da kowa cewa ba ta gayyaci Mairo zuwa sha’aninta ba.

“Ahayye nanaye casss!” Muryar wani d’an daudu su ka ji daga can bakin gate duka suka d’unguma suka nufi inda suka ji maganar.

‘Yarlandon da Asabe da d’anbori Haladu sai Sisi ‘Dandaudu yaron Haladu kenan suka yi kicibus dasu Asabe ta ce.” Yawwa Hankatama ga ‘kare magana ya zo yanzu-yanzu idan Aljanu dubu ki ke so Haladu zai tashe su kuma zai fad’a mana wacece ‘Barauniya a cikin wad’annan mutanan da suke tsaye.” Hankatama ta kalli Haladu wanda yake tsaye yana wata irin girgiza jikinsa sanye da kayan sa’ki fari da ba’ki kafafunsa d’aure da k’ananun layu da wasu fararan abubuwa (Wuri) haka ma wuyansa rakwacam da tarin allurai gami da wasu murtuka murtukan layu idonsa ranbad’au da kwalli baki le’bensa rad’au da jan baki sai wata irin girgiza yake yi abubuwan da suke jikinsa na bada wani irin sauti(kacacar-kacacar) Sisi wanda yake ta faman gyara d’aurin zani yana tafa hannu cikin al’ajabi yake furta” Oh! Ni ‘yar nan wai sata a tsakaninmu mu mata kai Allah dai ya sawwa’ke yo ni me abun wani zai yi mini a gwara na je na sayar da doya da ‘kwai na tara kudi na sayi gwal dina akan dai na saci abin wani tabdjim Allah ya sutturi bu’kui, inji kishiyar maidoro.” Yana maganar ne yana tafa hannaye da cinyarsa wai shi dole ga mace.
‘Yarlandon ta ce” To yanzu dai dukaninmu sai mu koma ciki mu nutsu Haladu ya fara gudanar da aikinsa domin mu cigaba da sabgar bikin mu kar masu kid’an ‘kwarya su zo hankali ba a kwance ba.” Hankatama ta ce”Hakane maganarki, Haladu mu shiga daga ciki ka fara aikinka.” Haladu ya yi gaba yana wata irin girgiza! gabad’ayansu suka rufa masa baya.
Kyauta ne ga kowa da kowa.

°°°°°GAMA DUNIYA
BINTA UMAR ABBALE 🍒

Ankar’bo daga Abi hurairata(R.A) ya ce.” Lallai manzon Allah (S.A.W) Yana ce wa”Kada ku mai da gidajenku su zama kamar ma’kabarta babu shakka shaid’ainu suna gudu daga gidan da ake karanta suratul ba’kara.
@ Muslimu ne ya rawaito shi.

BABI NA GOMA SHA HUDU
Wani irin zaman da’baro ya yi a tsakiyarsu ya shiga yin wasu irin zantuka wanda shi ne kad’ai ya san ma’anar abinda yake fad’i. Dukaninsu su ka yi shiru suna kallonsa ya tashi tsaye hannunsa rike da jelar kare ya dinga binsu d’aya bayan d’aya yana shanshana musu a hancinsu yana cigaba da zantuka masu yanayi da yaran chanis. Yana ta shanshana musu jelar karen a hancinsu har ya zo kan Mairo sai ya tsaya tare da ‘kura mata ido yana yi mata wani irin kallonta da mici-micin idonsa. Jelar karan da take hannunsa ya sake gogo mata a jikinta sai ya zabura! kafin ya ce.” Ya Aljani nakadu 👹ka nuna mini wadda ta yi sata a cikin matan nan da suke tsaye a gurin nan.”
Duk suka tsurawa Mairo ido da tayi tsumu-tsumu! a jikin bango gabanta sai lugudan daka yake yi ganin yadda d’anbori Haladu ya ja tunga ya tsaya a gabanta.

Ya tattaro kumfar bakinsa ya fesa mata a fuskarta sai kawai ya shiga shaud’a mata jelar karan yana buga tsalle! Ya ma’kale murya yana fad’in”Itace Itace! Itace!” Mairo ta rufe bakinta da hannunta cikin tsanin kad’uwa da tashin hankali ta ce”Haba Ubana a duba da kyau dai wallahi ba ni ba ce.” Tana zubar da hawaye ta kai k’arshen maganar.

Haladu ya buga tsalle ya dure a ‘kasa yana girgiza yana buga sambatu. Sautin rankwacaman kayan dake jikinsa suna bada kacacar-kacacar! Ya kalli
Hankatama tare da dake cewa.”Ni ne Aljani nakadu👹 maza ku bunkici jikin wannan Mairo itace ta yi muku sata!” Da sauri dukkaninsu su ka yi kan Mairo suka fara dungirin kanta suna ko’karin cire mata kayan jikinta. Mairo ta dinga rokonsu tana ba su hakuri gami da rantsewa da Allah ba itace ba. Babu wanda ya saurareta sai ko’karin yi mata tsirara suke yi. Suka barta daga ita sai dogon siket da shimi duk sun lalube jikinta babu komai tana durkushe gaban Haladu tana kuka da neman afuwarsa.

Haladu ya ce.” Aljani nakadu 👹 ya ce.” A yi miki ‘kwal kwabo (aski) yanzu saboda haka a yi maza a kawo sabuwar reza.”
Jin abinda ya ce ne yasa Mairo saurin d’aga kanta tana kallonsa. Tana yawo sosai a gidajen ‘yan bori, idan Aljani nakadu ya hau kammanin mutum gabad’aya sai ya canza amma abin mamaki Haladu yana zaune daram babu wani abu da ya jirkita a tattare dashi. Sai ta fahimci karya yake yi.

Ba zato ba tsammani! sai suka ga ta mike tsaye a zabure ta kurma wani irin ihu! ta buga tsalle ta dure kasan gurin. Sai ta fara wata girgiza tana surutai wanda ta ‘kir’kiresu a lokacin. Ganin abinda ta ke ya shadadde sai Haladu ya tsorata da ‘kyar dai ya daure ya cigaba da gudanar da nasa abun yanayi yana ‘kokarin riketa da cigaba da tsula mata jelar karan da take hannunsa.
Bai ankara ba ta yi wani kukan kura ta taska masa mari! had’e ta tofa masa kumfar yawun da tara a bakinta. Sai kawai ta yi kansa a haukace ta turmushe shi tana naushin hancinsa. Da azama ya tattara karfinsa ya tureta ta fad’i kasa. Ya yun’kura zai tashi ta kara turumshe shi hannu bibbiyu tasa ta dinga gaura masa Mari tana wani irin gwalantu miyau na dulala daga bakinta.
Gurin sai ya hautsine wasu suka fara tsorata ganin yanda kammanin Mairo suka jirkita. Sai dukan Haladu take yi shi kuma yana neman d’auki.

‘YarLandon ta yi namajin ko’karin zuwa gurin tana fadin. “Karya ki ke yi Mairo, mu za ki lanyacewa ba Aljani ba ne mu zaki rainawa hanka….Kafin ta karasa Mairo ta yi kanta a zafafe! ta karfo k’afafunta ta timar da ita a gurin ta haye kanta tana duka hade da fesa mata miyau irin yanda ta yi wa Haladu ta dinga waska mata mari a kumatu tana murd’e mata hanci.
‘yarLondon ta dinga rafsa ihu na neman d’auki.

Da sauri Talatu ta nufi gurin cikin dakiyar zuciya take kokarin janye Mairo daga kan ‘YarLondon Mairo ta kamo hannunta ta gartsa mata cizo Wanda sai da fatar hannunta ta kwaile Talatu ta yi baya da sauri tana duba hannunta, Mairo ta cigaba da yakushin fuskar ‘yarlandan tana tofe mata fuska da yawun bakinta. Sosai Mairo take aljanun karya wanda ya firgita su kwarai da gaske
Hankatama ta yi kan Haladu tana fadin “Haladu Ka yi wani abu akan wannan lamarin mana, kana kallon fa Mairo akan ‘yarlandon tana nema ta sabauta mata rayuwa, ka yi gaggawar kiran wasu aljanun naka da suka ci uban nata.” Haladu ya ce.” Hajiya Hankatama aljanun Mairo iyayen nawa ne ni ma dole na yi biyayya.” Sisi dake bayansa a la’be ya ce.” Oh! Ni ‘yasu yau naga yanda ake aljanu duba fa ka gani.” Yafad’a yana nuna Mairo da ta dage! tana dukan yarlandan da ta galabaita tana ta cewa a kawo mata d’auki. Amma babu wanda ya je gurin.

Ana tsaka da wannan tataburza sai ga amarya Nabila ita da ‘kawayenta sun dawo daga gidan k’unshi(lalle) amarya tana yin arba da Haladu da irin kayan da suke jikinsa kawai sai ta yanke jiki ta fad’i a gurin duk ta lallauye ta lanjare jikinta ya shagid’e, bakinta ya muskuce hannunta ya kantare! Hankatama ta kurma Uban ihu! ita da ‘yan’uwanta su ka yi kanta saku rufu suna ihu! Amarya Nabila ta fara tafiya a kwance tana gangarawa can gurin da aka rataye dabobbin da za a yi miyar shagalin biki. Kawai ta finciko rago d’aya ta datsa masa ha’koranta tana fizgo d’anyan nama tana ci tana sud’e baki.

Tofah! guri ya hautsine kowa yana neman hanyar tserewa domin ganin abin al’ajabi da mamakin da yake faruwa ta tabbata dai Amarya Nabila itace take da aljanun gaske ta sanadiyar zuwan Haladu gidan sun tashi ganin irin kayansu a jikinsa.

Hankatama kuka kawai take yi ta rasa me za ta yi sai diri-diri take yi tana kwarma ihu! Hankalin kowa ya tashi ana ta kaya-kaya to cikin wannan halin Mairo ta sunkuci jakarta ta samu ta sulale ta fice daga gidan.
Kyauta ne ga kowa da kowa, don Allah a daina tambayata farkon littafin nan tunda na fad’a muku tun kafin na yi nisa, ku cigata a gruops a tura muku.

°°°°GAMA DUNIYA
BINTA UMAR ABBALE 🍒

Manzon Allah (S.A.W) Yana cewa” Duk wanda ya nemi za’bin mahallici kuma ya yi shawara ga Muminai, ya kuma yi azama a cikin lamarinsa to ba zai yi nadama ba.

BABI NA GOMA SHA BIYAR
Gari yana waye wa Auwalu ya fice daga gidan ko wanka bai yi ba haka ya fita majalisa ya zauna yana ta zagin Amina. Musbahu ya ce.” Wai ya aka yi ne namiji na Zuwaira alherin Allah, mai ya faru ne tsakaninki da Amina?” Dariya ya yi yana shafa gemunsa ya ce.” Har kasa na ji dad’i da ka ambaci sunan Zuwaira a gurin nan wallahi raina a ‘bace yake sakamakon abinda Amina ta yi mini a daran jiya, amma jin sunan Zuwaira sai zuciyata ta yi fes.”

Rabi’u da yake tsaye a can tsallake gurin Wada mai shayi ya ‘karasa gurin hannunsa da rike da kofin shayi yana k’urba kusa da Auwalu ya zauna yana fadin”Ya akayi ne na Zuwaira.” Auwalu ya ce.” Meye ma ba’ayi ba Mtss Amina jiya ta bata mini rai wallahi.”

Musbahu ya ce.” Ai sai ka fada mana ko muna da shawarar da zamu baka.” Cikin takaici Auwalu ya ce.” Jiya fa yarinyar nan Amina ta sanya ni a gaba tana warin ja’ba wai dole sai na kwanta da ita ni fa wallahi sam yanzu bana sha’awarta Zuwaira ce kawai a gabana ina ta nazarin yanda zan yi na mallaketa.”
Musbahu ya ce.” Ai naga ‘kokarinka da har ka haihu biyu da ita kawai ka sallameta ta yi gaba don wallahi bata dace da kai ba, kasan kwanaki da ta zo wucewa kallonta na dinga yi sama da ‘kasa naga babu wani abun arziki k’irjinta kamar na fara ba gaba ba baya gaskiya Auwalu kana ‘kokari.” Ya k’arasa maganar yana kyalkyala dariya. Rabi’u shi ma ya fashe da wata mahaukaciyar dariya yana fadin.” Me za a yi da mace irin Amina kirji a shafe kayan takaici kenan.”
Tsaki Auwalu ya ja a kufule ya ce.” Bana son dariyar iskanci fa ni da nake da Zuwaira kasaitaciyar mace Amina kuwa lokaci kawai na ke jira don sakinta zan yi wallahi ba zan iya zama da ita a haka ba.”

Suka fashe da dariya harda tafawa. Rabi’u ya ce.” A’a Auwalu kar ka yi haka don Allah ka k’yaleta ta zauna ta rike yaranta idan yaso ka auri Zuwaira kawai sai ka kebanceta a wani gidan kasha shagalinka.” Auwalu bai ce komai ba ya tashi ya nufi gurin Wada mai shayi yasa ya yi masa had’in kauri hade da borodi d’an dari biyu da wainar kwai ya dawo gurin ya zauna yana shan shayin yana zagin Amina su kuma suna ta yi masa dariya haka majalisar ta yi ta cika da mutane marasa akin yi duk wanda ya zo sai ya tambayi Musbahu abinda yake faruwa. Shi kuwa babu bata lokaci zai shiga zayyana tundaga farko har k’arshe.
Cikinsu babu wanda yake bawa Auwalu shawarar arziki, sai d’ora shi suke yi a kekan bera yana hawa, suna fasa masa kai da kiransa na Zuwaira.

*
Amina Ido suntum ta tashi alwala kawai ta yi ta yi sallah ba tare da ta yi addu’a ba ta mike daga kan daddumar Wayarta take nema, Fatima ta bi bayanta tana kuka tare da fad’in”Umma abinci yunwa muke ji.” Wani bahagon mari ta kifawa yarinyar zare mata ido ta yi ta ce”Wallahi kika k’ara yi min maganar abinci sai na kusa kashe ki don ubanki! ke ki ka bani kudin da zan siya miki abincin da za ki dame ni da koke koke.”

Yarinyar ta fashe da kuka cikin jin tsoron ta rakube a gefe ita kuma ta fita daga dakin A fusace! tana huci ta zauna kan kujera lambar Harira take kira bugu d’aya ta daga wayar.
Harira bakinta cike da borodi da wainar ‘kwai ta ce.” Ya akayi ne ‘kawata da alama komai ya yi daidai tunda naga wayar ki da saf…….. “Dallah Malama ki yi mana Shiru.” Amina ta katseta a fusace! Harira ta yi saurin had’iye borodin bakinta ta ce” Kamar ya ya na yi shiru Amina ni ki ke bugawa tsawa haka?”
“Don kutumar Ubanki an buga miki tsawar!” Amina ta fada tana dukan hannun kujerar da take zaune kana ganinta kasan tana cikin tashin hankali!
Harira ta sassauta murya tare da fadin”Wai wannan masifar da kike yi ta magani da mece ne? ko dai Auwalu bai bada hadin kai ba ne?”
Amina ta ce”Wato ki na tambaya ta ko? haka kawai ina zama na ki ka zo ki ka jajibe ni gurin da aka ci min kudi har dubu goma sha bakwai aiki bai yi ba sai ma abinda ya kara dagulewa, a maimakon Auwalu ya ji warin ja’ba jikin bazawarsa sai ni ya kasance nake wari jaba jiya babu yanda ban yi da shi kan ya bani hakkina ba ya dinga guduwa harda barazanar duka!”
Harira ta k’unshe dariyar da take k’okarin kufce mata da ‘kyar ta daure ta ce”Amma gaskiya Auwalu bashi da mutumci wallahi yanzu ke yace kina warin ja’ba?” Amina ta ce”Wallahi Harira jiya kwana na yi ina kuka saboda bakinciki da takaici jiya ina shigowa gida Maman Walid ta zo karb’ar kudin adashinta sai ‘karya na yi mata duk da haka bata yarda ba tace zata dawo na bata ni kuma wallahi yanzu haka bani da ko kwabo kin gani ma ko karyawa ban yi ba ga yara suna yi mini kuka Auwalu ya sanya kafarsa ya fice da duku-duku.”

Harira ta gutsuro k’atuwar wainar ‘kwai dake gabanta ta lun’kuma a bakinta cikin zuciyarta ta ce ‘Wannan ke ya dama Amina ni dai tunda na yi habzi da kudi bukata ta ta bi ya tunda gashi yanzu Ina karin kummalo mai kyau.”

Amina ta ce “Harira kin yi shiru don Allah ko za’a samu koda dubu biyar ne a gurinki na samu na biya Maman Walid idan anjima na san za ta shigo insha Allahu ke kuma sai mu warware a hankali zan biya ki da yardar Allah.”
Dariya Harira ta yi cikin zuciyarta ta ce ‘Lallai Amina baki da hankali yo ni ko ina da kudi ai bazan baki ba’ A zahiri kuwa cewa ta yi “Kinga Amina gani nan a kwance tun d’azu nake sa’kawa da kwancewa wallahi ba ni da ko silai biyar da kika ganni ga yunwa ina ji amma ki bari zan zo gidan naki idan anjima sai mu san abinda za mu yi.”
Amina ta sauke ajiyar zuciya ta ce.” Ina jiran zuwa ki.” Kashe wayar ta yi. Hannu bibbiyu ta zabga tagumi tana tunanin mafita.


Sailuba tana shiga d’akinta ta ji ‘kamshin humrar Maman Sabir. Gabanta ya fad’i! Ta dinga bin d’akin da kallo sai ta ga kamar an hargitsa mata shimfid’ar gadonta tunda da safe kafin ta fita sai da ta gyara gadon luwai ta jera fillo dama Jamilu a kwance a kan kujerar falo ta fita ta bar shi. Gabanta na fad’uwa ta fito tsargidan lokacin yana kafe babur d’insa ta ce.” Yaya Jamilu yana ji dakina yana k’amshin turaran Maman Sabir ko ta shigo ne bayan na fita?”
Gabansa ne ya fadi! amma da yake tantarin namiji ne sai ya fara hayaniya yana ce wa” idan ban da tsabar iskanci da zargi mai zai kawo Maman Sabir gidan nan bayan ba kya nan? wato zargina ma ki ke yi ko Sailubu, ko neman mata zan yi a duniyar nan mai zan yi da wannan matar sai kace dokanya. Wallahi kada ki kara yi mini irin haka.”
Sailuba jikinta ya yi sanyi, ta juya a sa’bule ta shiga d’akin tana tunani. Tabbas Maman Sabir ce kawai take da irin wannan humrar domin tasha jikin ‘kamshinta a jikinta.
Gefe gado ta zauna tana nazari domin har yanzu zuciyarta ta kasa gazgata gaskiyar Jamilu akan abinda ya fad’a mata.
Kyauta ne ga kowa da kowa a yi hakuri don Allah a daina cewa na turo daga farko, ga link nan a sama duk mai buk’atar karanta littafin ya yi joining, zai samu daga farko har k’arshe. Na gode sosai. Hajiya Hankatama tana miko gaisuwa.🤣

°°°GAMA DUNIYA!
BINTA UMAR ABBALE 🍒

BABI NA GOMA SHA SHIDA
Alhaji Badamasi kwanciyarsa ya yi yana bacci ya bar Hajara cikin tsananin tashin hankali da fargabar halin da ‘yarta take ciki. Kamar yanda ya fad’a a zahiri wato yana so yarinyar ta mutu hakan abin yake a zuciyarsa, bayan ya zura sakata sai ya kara sanya katon kwado ya kulle gida domin kada Hajara ta fita ta nemi d’aukin ma’kota.

Shahida ta dinga suma tana sandarewa idonta ya yi sama ‘kwayar ta juye. Cikin tsananin tashin hankali Hajara ta ajiyeta ‘kasan gurin ta je ta d’ebo ruwa ta sharara mata a jikinta. Kuka kawai take yi duk ta rasa yadda za ta yi. Shi kuwa Sayyid sai jijjiga yarinyar yake yana kiran sunanta.

Minti biyar tana tsaye a kanta sai ta ga numfashinta ya dawo yana fita sama sama. Da sauri ta dauketa suka shiga daki tana kiran sunanta ita kuma yarinyar sai ‘kifta ido take yi tana wata irin zabura. Kwantar da ita ta yi akan katifa ta d’ebo ruwa a Kofi ta zauna ta fara karanta ayatulkursiyu da duk abinda ya zo bakinta ta tofa cikin ruwa. Ta rungumeta a jikinta tana bata ruwan tofin da ta yi.
A hankali a hankali Shahida ta daina zaburar da take yi wani irin gumi ya dinga tsatstsafo mata jiki. Bacci ne ya dauketa. Hajara ta dinga godewa Allah. Mintuna ashirin ta yi rungume da yarinyar a jikinta kafin ta lallaba a hankali ta kwantar da ita, dakin duhu babu haske haka ta zauna tana share hawaye kwata-kwata ta kasa kwanciya saboda fargaba Allah ya zuba mata ‘kaunar yarinyar tana tausayin ta saboda lalurarta. Addu’a ta ke yi kan Allah ya ya ye mata wannan masifar da take ciki. Ta yi da tasanin auran Alhaji Badamasi tasan hakkin iyayenta ma dole ya bibiyeta

Yadda ta ga rana haka ta ga dare asubah na yi taje ta yi wankan tsarki don sai a lokacin ta tuna da abinda ya faru tsakaninta dashi wanka ta yi ta dauro alwala ta yi sallah ta dade tana addu’a kafin ta kwanta kan daddumar nannauyan bacci ya dauketa.
Yana baza k’amshin turare ya shiga dakin ya tarar da yaran sun zubawa mahaifiyarta su ido wadda take ta faman bacci a fusace! ya sanya k’afarsa ya daki cikinta cikin tsawa ya ce.” Tashi ko na ci gidanku ‘yar iska kawai, ki saki baki kina bacci kin bar min yara sakaka.” Hajara ta mike a firgice ta ganshi a tsaye a kanta yana wani irin huci ya kara kai kafarsa zai haureta ta yi saurin matsawa gefe guda tana kallonsa da idonta dake zubar da hawaye na bakinciki ta ce”Alhaji ka ji tsoron Allah kan abinda ka ke yi mini me na yi maka haka kawai zaka hau dukana gaban yarana wallahi ubangiji sai ya saka mana abinda kake yi man….. Kafin ta karasa ya kwade ta da mari yana fad’in “Rufe mi baki don ubanki! Ni sa’an uwarki ne zaki sanya ni a gaba kina so ki zageni ni zaki fadawa Allah yace Annabi yace tun kafin a haifi uwarki nasan da Allah da Annabi.”

Dafe kuncinta ta yi tana kuka tace”Duk abinda za ka fad’a dole ne na nuna maka gaskiya kana shiga hakkinmu kuma Allah ba zai barka ba.” Duka ya kawai bakinta yana huci ya ce.” Ashe ba ki ji maganar da na yi miki ba kenan lallai jikinki yana yi miki kyaikyayi.” Fita ya yi daga dakin ya je ya dauko wayar redio. Yana shiga ya yi kanta da gudu ta tashi domin ta tseratar da kanta yasa kafa ya tad’eta fad’uwa ta yi a gurin ya shiga zabga mata wayar yana zaginta. Sayyid ya ji wani irin tsanar mahaifin nasa cikin zuciyarsa da sauri ya mi’ke ya isa gurin yana fadin”Baba ka yi hakuri ka daina dukanta me ta yi maka.” Zabgawa yaron ya yi yana cewa.” Matsa ka bani guri munafuki dama ai na lura itace take d’aure maka gindi baka ganina da mutumci to daga yau na tsame hannuna daga kanku tunda duk hidimar da nake yi muku ba kwa gani ita uwar taku sai ta cigaba da dawainiya daku.” Sayyid ya yi tsaye yana kallon yadda yake jibgarta. Zuciyarsa ta dinga wani irin ciwo yana jin duk duniya babu babban azzalimi kamar ubansa. Shahida na kuka ta je ta rungumeta tana fad’in.” Ummana! Ummana. Amma saboda tsabar rashin tausayi irin na Badamasi bai fasa dukan hajara ba ya dinga hadawa da yarinyar yana duka. Da sauri Sayyid ya je ya rungume su wani irin hawaye na zuba a kumatunsa. Alhaji badamasi da kansa ya gaji da dukansu wayar ya jefar a gurin ya fita daga dakin yana fad’in.” Daga yau idan na sake magana ki yi jayayya da ni, ko ki musanta mini.”

Da kyar ta tashi zaune ta rungume Shahida tana duba jikinta duk shacin wayar redio kuka kawai take yi tana share mata hawaye. Sayyid ya share hawaye dake ta kwaranya ya ce.” Umma wai me yasa kike zama Babanmu na dukanki ne don Allah ki dinga guduwa.” Hajara ta goge hawaye cikin dauriya ta ce.” Sayyid ko na gudu sai ya bi ni ya dake ni zuwa yake ya rufe kofar gida, ku yi hakuri ka ji ka dinga yi masa addu’a. ” Sayyid ya ce.” Umma ke za a bawa hakuri amma ni wallahi yanzu na tsane shi tunda yana cin zalinki.” Ta ce.” Kar na kara jin ka fad’i wannan maganar mahaifinka ne kome lalacewarsa.” Shiru yaron ya yi yana tunani ta ce”Ka yi sauri ka je gidan anti Amarya ka yi mata ayyukanta da wuri ta sallame ka sai mu samu abinda zamu ci tunda ka ga bai bar mana komai ba ya fita.” Tashi ya yi yana fadin”To Umma bari naje yanzu.” Ta ce”Allah ya yi maka albarka.” Da sauri ya fita har yana tuntube da bakin kofa.

Hajara ta dinga Hawaye tana Kiran sunan Allah ya kawo mata rangwami.

**
Amina tana zaune tana tunane-tunane na neman mafita ta ji sallamar yaro da sauri ta ce”Me za’a baka?” Yaron ya ce.” Manja za’a ba ni gwangwani daya.” Ta ce”Shigo ka kar’ba” yaron ya shigo hannunsa ta kalla “Ina kudin suke?”
“Ummana ce ta aiko ni ta ce idan anjima za ta kawo miki kud’in Babanmu ya fita bai bata kud’in cefane ba.” Tsawa ta bugawa yaron tana fadin”Ba zan bayar ba aikin banza kawai ni na d’auka ma da kudin ashe bashi ne fita ka bani guri.”
Yaron ya fita da sauri minti biyar tsakani ta ji sallama a cunkushe ta ce “Shigo Jummai ta shiga ranta a bace tace”Haba Amina aiko baki sanni ba na aiko nace ki bani mai zamu ci abinci da yara za ki ba ni balle ba cewa na yi ki bani kyauta ba cewa nayi ki bani idan anjima zan aiko miki dashi.”

Kamar za ta rafsa ihu ta ce”Jummai ke kin samu ma abincin da zaki ci har ki bawa yara ni kuwa fa har yanzu ba mu karya ba ga Fatima nan ta ga ji ta daina kuka saboda azaba.” Jummai ta rike baki cike da mamaki tace”Au! da ni har ina cewa kuna cikin kudi d’azu da safe naje sayo ‘kosai gurin Marka na hangi Auwalu majalisarsu gurin Wada mai shan da ‘katon borodi da wainar kwai a hannunsa wallahi.” Amina ta ji wani bakin ciki ya cika mata zuciya ta kalli Jummai tare da fadin”Da gaske kike? Jummai ta ce”Kin dai san ba zan miki karya ba ko.” Tashi ta yi ta zura hijab ta goya karamin a bayanta ta ri’ke hannun Fatima ta kama hanya zata fita. Jummai tace”A’a Amina ni fa ban fada miki don ki yi wani abu ba don Allah ki yi hakuri kar kije majalisar Musbahu.” Amina tace”Jummai ki rabu dani wallahi sai naje na yi wa Auwalu rashin mutumci.” Jummai ta bi bayanta tana bata hakuri ina Amina ko sauraronta ba tayi ba figi hannun Fatima bagazan-bagazan ta fita.

Muryar Harira taji tana kwala mata kira. Tsayawa ta yi Harira ta ‘karasa gurin tana fadin”Ina za ki je kamar mahaukaciya.”
A kufule tace”Majalisar Musbahu zanje yau zan nunawa Auwalu wacece Amina. ” Harira ta ce” muje na raka ki shege mutsiyaci kawai.” Tafiya sukayi suna zagin Auwalu ta uwa ta uba.

**

“Sayyid ka kai mini sharar ko?” Muryar anti Amarya kenan Uwar dakin Sayyid ya ce.” E, Anti na kai miki ” Fitowa ta yi daga cikin dakinta ta kalleshi tana fadin” Ina fatan ka zuba mini ruwa cikin doro ko.” Ya ce.” E, Anti na zuba.” Kicin ta shiga ta had’o masa shayi da ‘katon borodi harda blueband a jiki ta ce”Zauna kasha ka ji ko.” Hannu na rawa ya karba yana fadin “Na gode anti amma zan je da shi gida mu sha tare da Shahida.” Cike da tausayin yaron tace”Shikkenan Sayyid don Allah kana gamawa ka dawo zaka kai min markad’e”. Ya ce.” Insha Allah anti.” Fita ya yi da sauri. Anti amarya ta bi shi da kallo gwanin tausayi a fili ta ce”Yaro da gantanka ubanka mai kudi amma saboda yasa iskanci a gabansa ya hofintar daku Allah wadaran mutane irinsu Alhaji Badamasi. ” D’akinta ta shiga minti biyu ta fito ta zauna tsakargidan kan wata kujera tana danna babbar wayarta da bata jima da saye ba. Hira take yi da ‘kawarta kamar wadda aka tsikara ta tashi da sauri tare da ajiye wayar kan kujera ta shiga d’aki ta fito da hijab a jikinta. Kawai sai ta kama hanyar fita ba tare da ta dauki wayar ba. Gidan Ummi makociyarta ta shiga dama dabi’ar matan layin kenan, fita babu izinin miji, kuma su bar gidajensu a bud’e. Akan idon ‘Kwage Anti Amarya ta fito dama ya jima yana target dinta. Kawai sai ya fito daga maboyarsa ya afka gidan.
Idonsa ne ya sauka kan lafceciyar wayarta da sauri ya dauka ya zura aljihu dakin ya afka ya fara diri-diri can kan tibi stand ya hangi dubu d’aya sabuwa dal ya dauka da sauri yana kokarin shiga uwar dakin ne ya ji motsi lamfo ya yi, sai da ya ji shiru tukkuna ya fito da sauri ya fece daga gidan.
Kyauta ne ga kowa da kowa.

°°°GAMA DUNIYA!
BINTA UMAR ABBALE 🍒

BABI NA GOMA SHA BAKWAI
Lokacin da ‘Yarlandan ta farfad’o sai ta lura babu su Asabe a gurin, sai sauran tsirarun mutanan da ba su wuce ‘yan’uwan Hankatama ba. Suma sun yi yun’kurin gudawa Hajiya Hankatama ta ce wallahi ba su isa ba. Ta juya ta kalli Amarya Nabila da take ta karya ‘kashin rago da hannunta tana yage naman dake jikinsa tana taunewa. Gabanta ne ya fadi ras! ta zabura da sauri ta d’auki mayafinta da Mairo ta cillar da shi can gefe da gudu ta kama hanyar fita. Hankatama cikin azama ta tare hanya tana fadin”Babu inda za ku je wallahi tallahi sai kun yi mini maganin wannan masifar da kuka janyo mini Asabe dai ta samu nasarar tserewa ke da wad’ancan matsiyatan sai kun gane baku da wayo tunda ku ka lalata mini sha’anina.”
Yarlandon ta kalli inda Nabila ke gurfane gaban rago ta kusa cinye rabinsa tsoronta ya kara nunnkuwa. Da azama ta juya hagunta nan ta ga Haladu da Sisi a rakub’e guri d’aya sun yi tsuru-tsuru! Jikinsu sai kyarma yake yi baki na rawa ta ce”Me zan gani ni yarLondon Hajiya Hankatama dama mayya ki ka haifa bamu da labari to wallahi ba zan tsaya ba ki sake ni na yi ta kaina.” Hankatama ta ce”Wallahi ba za ki fita ba ai kune ku ka janyo komai.” YarLandan ta ce”To duk ina sauran ‘yan bikin? ko ni kad’ai ki ka rainawa hankali da za ki rike ni, ki barni na ji da cin zarafin da Mairo ta yi mini yanzu haka guringuntsin hancina ciwo yake yi mini, na yi tsammanin ma babu hancin sai da na shafa tukkuna na fahimci yana nan Mairo ba ta samu nasara ba.”

Hankatama ta ce” Wannan damuwarki ce ‘Yarlandan, kina maganar ‘yan biki ai duk sun gudu hatta da ‘yan’uwana da ‘kawayen amarya sai wad’annan dake tsaye suka rage, tunda na haifi Nabila ba ta’ba yin iskokai ba sai a yau, saboda cin mutunci kuma ranar bikinta. Ai ‘Yarlandan ke da Asabe kun tozarta ni wallahi.”

Haladu ya daure ya ce.” Kinga hajiya Hankatama ki daina d’aga hankali a kan wani lamari idan ta yi ta gama za ta watsake ai ba itace ke cin naman ba, kawai ki ‘kyalemu mu ta fi daga zuwa taimako za ki ce sai mun zauna miki dole ne.” Hankatama ta ce”Wato kuna so na zauna ni kadai ta cinye ni ko to ba ku isaba wallahi.” Sisi yace.” Oh! ni na ga masifa da bala’i haka kawai ina zamana na zo naga masifa tabdjim, gaskiya Hajiya Hankatama kin ‘kware mu.”
Haladu ya yi kan Hankatama da nufin ture ta ya gudu, da sauri ta tunkuda shi ciki ya fad’i kusa da Nabila. Aikuwa tayo kansa zata turmushe ya buga wani tsalle da gudu ya tashi ya je ya rungume Sisi suka dunga kurma Ihu!

YarLondon ta kalli Hankatama da ta yi bake-bake a kofar fita abinka da jibgegiyar mace. Ta dinga zare Ido tana neman hanyar da zata ratse ta gudu hankatama ta tare hanyar tana ta huci!

Dabara ta shirya sai ta ce.” To ai sai ki ba ni hanya na je na nemo maza majiya k’arfi su d’auketa akwai wani malami mai ru’kiya sai sai mu je a kai ta gurinsa in sha Allahu aljanun za su gusa.” Jin abinda Yarlandan ta fad’a yasa Hankatama ce wa”Muje tare.” YarLandon ta ji gabanta ya fadi dubara ta shirya mata amma tana ganin kar ta gane. basarwa ta yi tare da furta “Muje to.” Hankatama ta fizgi mayafin da yake jikin Nadiya kanwarta ta yafa a jikinta ta tasa ‘keyar ‘Yarlandan suka kama hanyar fita.
Haladu da Sisi suka bi bayansu sad’af-sad’af! Hankatama ta juyo ta buga musu tsawa “Maza ku koma ciki kada d’an iskan da ya biyo mu rufe gate din ma zan yi da kwad’o shegu marasa aikin yi” Sisi ya dafe k’irji a tsorace ya ce”Hajiya ki yi wa Allah ki ‘kyale mu mu tafi ni wallahi lokacin soya doya ta ya yi domin ni ina da abin yi.” Ta ce”Duk za ku ci ubanku ai kun shigo gida kun sanya mini yarinya tana aljanu masu cin nama wai ku ‘yanbori ko! to za ku zauna da ita har mu dawo.” Haladu ya fara share zufa yana magiya Hankatama ta yi musu banza ta yi gaba Yarlandan kuwa burinta kawai ta ganta ta fita daga gidan ta san yadda za ta yi ta fece! ba tare da Hankatama ta ankara ba.
Sisi ne ya ri’ke mayafin Yarlandan yana rawar murya yace.” Yarlandan kar mu yi haka dake don Allah ki rarrashin waccen matar ta bari mu tafi wallahi ni ina da sana’a.”
Yarlandan ta ce.” Tunda dai yau ta rutsa daku sai ku yi hakuri ku barwa Allah ni ma ta kaina nake yi.” Muryar mata Sisi yake yi Haladu ya kwad’e masa ‘keya Ya ce.” Idan za ka yi maganarka ta mazaja ka yi mu ‘kwaci kanmu gurin waccan k’atuwar matar.”

Suka doshi katon gate din ‘Yarlandan tana ta addua a zuciyarta Allah ya bata sa’a, Hajiya Hankatama ta kwance bakin zaninta mukulli ta d’auko tasa a jikin kwadon da ta rufe kofar ta murza mukullin kofar ta bud’e!
Yarlandan ta tattara karfin da ya rage mata ta tunkudeta ta fadi rigib a gurin. Da gudun Yarlandan ta tsallaketa ta fita.

Hankatama da azama ta yun’kura ta tashi ta fita wajan gidan wayam! babu ‘Yarlandan babu labarinta. Masu gadi suna zaune a kan bainci a can tsallake suka taso da sauri suna fad’in.” Hajiya Lafiya dai tun d’azu mu ka ga gidan ya rikice sai guje-guje ake yi.” Hankatama ta ce”Ina matar da muka fito tare da Ita?” ‘Daya daga cikinsu ya ce.” Kalli can.” Hankatama ta juya da sauri sai kawai ta hangi Yarlandan tana falfala gudu takalmi a hannu har ta sha kwana. Baki a sake ta juyo tana kallonsu ta ce”Wato ku baku da amfani ko? Kuna gani ta gudu ba ku yi min magana ba.” Sukace Hajiya ki yi hakuri don Allah tun d’azu muke ganin ana guje-guje shiyasa bamu damu ba mun d’auka duk cikin shagalin biki ne.” Zaginsu ta shiga yi tana fadin” Daga yau kun bar aiki a gidan nan muddin ku ka sake bari wani ya gudu.”
Suka dinga bata ha’kuri ko sauransu ba ta yi ba ta nufi gidan Asabe dillaliya bayan ta basu umarin rufe gate din da gargadin kada su bar kowa ya fito.

**
Duk irin ta’kaddamar da Aliya da Atine sukeyi a kunnen Nasiru Shigowa ya yi kamar bai ji abinda suke yi ba ya kalli Aliya ido jazur ya ce”Ke dan Uwarki ba cewa na yi ki tafi gida na sake ki ba shine da yake ke din mayyace ki ka sake dawo mini gida ko?”
Aliya tace”Nasiru na fada maka fa ko zaka sakeni sau miliyan wallahi tallahi babu inda zani zama daram gwara ma ka daina wahalar da kanka.” Atine ya kalla ransa a bace ya ce.”Ke Atine ware! daga nan zanyi rashin mutunci.” Ganin kamar ba a cikin hayyacinsa yake ba yasa Atine ta ji tsoro! tace”Ko baka fada ba dama yanzu zan fita.” Kanta ya yi “Zaki ware ko zaki tsaya ki zage ni ne.” Atine ta yi saurin nufar kofar fita tana fadin” Aliya zan dawo gobe ki canja wannan tunanin naki idan ba haka ba zan baki mamaki wallahi.” Aliya ta shareta tana kallon Nasiru da ya tsira mata jajayen idonsa, matsowa ya yi kusa da ita yana fad’in”Me kike boyewa ne ‘barauniya.”Aliya ta yi shiru tana janye jikinta. Fizgota ya yi ya buga da bango ta mike da sauri tana kara damke jakar hannunta hanyar fita ta nufa da gudu ya bita yana kokarin fizge jakar tana fizgewa Allah ya bashi sa’a ya fizgota da k’arfi a take abubuwan dake ciki suka zube a kasa. Wani iri ihu! ya yi gani yadda hasken gwal yake nema ya kashe masa Ido. A gigice ya sunkuya yana tattaresu Aliya ta shammace shi ta doki gabansa fad’uwa ya yi a gurin ta yi saurin kwashewa ta mayar jakarta fita ta yi ta bar Nasiru sheme a gurin.

Tana ‘kokarin karya kwana ne ta yi arangama da Mairo kamar sabuwar Mahaukaciya tafiya take yi bagazan-bagazan! tana waiwayen bayanta.


Alhaji Badamasi na barin gidan Hajara kai tsaye gidan Luba ya nufa yana cike da nishadi ya kirata a waya lokacin suna tare da Ashanty sun gama iskancinsu Luba ta ce”Kin ji wahalalle wai gashinan kan hanya. Ashanty tana kwance kan gado ta ce ” Tsohon banza kawai sai ki tashi ki tar’be shi sosai kin san nace miki ina bukatar kudi a gurinki ko.” Luba tace”Kar ki damu babyna indai kudi ne ba ki da matsalarsu.” Ashanty ta tashitana fadin”Bari na yi wanka kafin ya shigo.” Luba ta ce”To bari kawai na shigo mu yi tare don wallahi ban so zuwan tsohon nan ba.”
Kyauta ne ga kowa da kowa.

°°°°GAMA DUNIYA!
BINTA UMAR ABBALE 🍒

BABI NA GOMA SHA TAKWAS
Hajara tana zaune a tsakargida ta yi tagumi hannun bibbiyu tana tunanin yanayin rayuwa gabad’aya tunaninta ya yi nisa da nazarin yadda za ta kwaci kanta a hannun Alhaji Badamasi. Sayyid ya shigo gidan da sauri ya ‘karasa kusa da ita yana fad’in”Umma kinga aunty Amarya ta bani shayi da borodi.” Hajara ta ce”Har ka gama mata aikin ne?” Girgiza kansa ya yi tare da furta.” Zan koma yanzu na kai mata markad’e shikkenan sai ta sallame ni.” Shahida ta matsa kusa da shi tana ko’karin yagar borodin Hajara ta ‘karba ta gutsira mata ta ce”Je ka dauko kofi a tsiyaya mata shayin.” Da sauri ya tashi ya je ya dauko ya kawo ta tsiyaya mata. Shahida ta dinga cin borodin hannu baka hannu kwarya. Kallonta ta yi, zuciyarta ta tsinke tana tausaya musu halin rayuwar da suke ciki. Sayyid har ya kai kofin shayin bakinsa ya cire yana kallon mahaifiyartasa ya ce.” Umma ke ma ki kur’bi shayin kin ji.” Girgiza kai ta yi “Kai dai ka shanye kawai Sayyid na fi bu’katar ku ‘koshi, ka yi sauri ka je ka ‘karasa mata aikin ta sallame ka da wuri.” Ajiye kofin shayin ya yi yana cewa.” Umma in dai ba za ki shaba to ni ma ba zan sha ba. ” Cike da tausayinsa ta ce.”Ka shanye ka ga bashi da yawa ba zai ishe mu ba, idan ka kar’bo sallamarka sai mu auni shinkafa ko gwangwani biyu ce tunda ina da ragowar manja da yaji sai mu ci da rana.”

Girgiza kansa ya yi, ya ajiye kofin shayin tare da sunkuyar da kansa hawaye sun cika kwarmin idonsa. ta ce”Ba ni na yi kur’ba biyu shikkenan ko.” Da sauri ya mika mata kofin shayin ta gutsiri borodin kad’an ta mik’a masa tana fadin”Gashinan nasha sai ka yi hanzari ka shanye ka koma kada ta yi ta jiranka.”

Cikin sauri ya shanye shayin ya koma gidan Uwardakin nasa anti Amarya.

Anti Amarya tana shiga gidan kai tsaye gurin da ta ajiye wayarta ta nufa da mamaki take kallon kujerar babu waya sai ta yi tunanin ko lokacin data shiga d’akin ta shiga da ita. Duk inda ta san zata ajiye wayar ta duba bata ganta ba gabanta na fad’uwa ta fita waje kamar mahaukaciya ta shiga gidan Ummi tana fad’in.” Kinga abin mamaki wai shigowata nan har an shiga an sace min waya ta.” Ummi dake gyaran kayan miya ta ce”Haba dai ki ‘kara dubawa watak’ila kin ajiyeta a wani gurin. “

“Ummi wane irin na ajiye ta a wani gurin wallahi tallahi sace wayar nan aka yi.” Ummi ta mi’ke tsaye cike da mamaki! ta ce”Lokacin da zaki shigo gidanan da mutane a waje kuma?”
“Yo ni ina zan gane tunda ba tsayawa na yi kallo ba, kaina a kasa na shigo gidanki.” Ummi ta zari hijab din ta daya ke rataye a kan igiya ta ce”Muje na taya ki dubawa.” Fita sukayi Ummi ta bar gidanta bud’e da alama dai haka d’abi’arsu take ta barin gidaje a bud’e.
Neman duniya ba suga wayar ba. Anti amarya ta rike ‘kugu tana mamakin al’amarin kamar ance mata ta kalli tibi stand ta ga babu dubu dayan da ta ajiye a furgice ta nufi gurin tana dubawa. “Shikkenan shikkenan!” abinda take fada kenan tana yi tana dube-dube. Ummi tace” Wai menene?”
Ta kalleta murya na rawa ta ce”An d’auke mini harda kudin cefane na.” Ummi ta ce”Wane irin cefane kuma? bayan kina da kayan miya.” Murya na rawa anti Amarya ta ce”Kin manta jiya na fad’a miki zan yi miya ta kwana biyu Idan ya ba ni kudin cefanena na yau sai na yi zubin adashi na kwana biyu.” Ummi ta ce”Na manta wallahi wai bari na tambaye ki kafin ki fita ba ki yi bak’o ba?”

” Wallahi Ummi babu wanda ya shigo gidan nan sai Sayyid shi ma kuma bai dade ba ya tafi gida shine nake cewa dake zai kai mini markad’e.”
Ummi ta yi shiru tana tunani ta ce”Ni fa na fara zargin yaron nan wallahi.”

Da mamaki anti Amarya ta ce”Wane yaro kenan?”

” Sayyid mana wallahi zai iya sace miki wayarki da kudin cefanki.” Anti Amarya ta yi shiru tana tunani ta ce”Anya kuwa ni dai ba na zarginsa gaskiya mun jima a tare dashi wallahi idan ba daukar abu na yi na bashi ba baya sa hannunsa ya dauka.” Ummi ta ce”Lallai ne wato ke har yanzu baki san halin d’an adam ba tsaf zai iya sace miki yaron da suke fama da talauci rashin abinci meye ba zai yi ba.” Anti Amarya ta yi shiru tana tunanin maganar Ummi tace”kuma fa hakan zata iya kasancewa.” Ummi ta ce”Ki bari ya dawo sai mu yi masa tas shege munafuki idan shine ma ya dauke miki waya zai fada tsorata shi za mu yi.”
Kafin anti amarya ta ce wani abu sukaji sallamar Sayyid a tare suka fito daga d’akin suna bin sa da kallo. Kicin ya nufa da kofin shayin da ta ba shi a hannunsa yana fad’in”Anti gashi mun shanye Ummanmu tace ta gode.” Ummi ta nufe shi tana fadin “Rufe mana baki munafuki kawai kai ne ka d’auke waya da dubu daya ko?” A tsorace ya ce.” Ba ni ba ne wallahi anti Ummi.” Zare masa ido ta yi tare da furta “Wallahi ko ka je ka d’auko mata wayarta a inda ka ‘boye ko kuma yanzu mu kulle gidan nan mu yi maka mugun duka sai mun kusa kasheka Anti Amarya d’auko wuka.” Tafad’a tana razana shi tana kallon anti Amarya da kifta mata Ido wai ta d’auko wuka a kicin dinta.

Sayyid ya kalli anti Amarya bakinsa na rawa ya ce.” Kin san halina ba na daukar abinda ba nawa ba wallahi ban dauki wayarki ba.”
ta ce”To idan ba kaine ka dauka ba waye ya daukar min waya da kudin cefane? Idan na ajiye waya a kan kujera to waye ya san inda nake ajiye kudin cefane na kai ka sani domin wani lokacin ina barinka ka shigar mini falo ka yi kallo ashe kana kallon duk abinda na ke yi ko?”

Sayyid ya ce.” Anti wallahi ba haka bane ki yarda ban d’aukar miki wayarki ba.” A fusace ta ce”Rufe min baki algungumi kawai mu je gaban uwar taka idan ma ita ka bawa ajiyar wayar sai ta fito da ita don asirin ku ya tono.” ‘Keyarsa suka tasa suka fita daga gidan anti Amarya ta kulle kofar gidanta . Ummi kuwa ta manta bata kulle ba gashi ta bar kayan girkinta uwa uba kuma ‘yarta ‘yar wata hud’u tana bacci a kan kujera.

MAJALISAR MUSBAHU.

Tun daga nesa suka hangi Auwalu tsakiyarsu Musbahu sai kyalkyala dariya yake yi da alama hirar da suke yi tana sanya shi nishad’i. A zuciya Amina ta durfafi gurin Harira ta rufa mata baya.
Auwalu yana hango Amina ya sha kunu yana dauke kansa don ma kar ta gan shi. Rabi’u ya zungure shi yana fad’in”Kai na Zuwaira ga Amina nan fa ta kusa isowa.” Rabu da shashasha Malam.” Yafad’a yana kauda fuskarsa.
Amina na isa majalisar kai tsaye inda yake ta je ta tsaya had’e da ri’ke kugunta tana wata irin girgiza ta rashin mutumci ta ce”Auwalu yau ko ni ko kai wato ka ci kudin mutane kana ganin kamar kaci banza kaje ka siyawa bazawararka waya ka barmu da yunwa kwana da kwanaki babu abinci kai kana nan kana shan shayi da borodi har da wainar ‘kwai to wallahi tallahi daga yau na bar zama da kai sai ka sake ni.” Ta kwance yaron da yake bayanta ta dure shi a kasan gurin tana cewa. “Ga yaranka nan babu inda zan matsa daga gurin nan sai ka rubuta mini takardar saki ko kuma na maka ka hukuma.”
Auwalu ya tashi a zafafe zai mareta ta kauce da sauri ta ce”Wallahi ba ka isa ka dake ni ba na k’yale ka ba, banza d’an-iska lusari.” Musbahu ya ce.” Ke Amina kina da hankali kuw…… Katse shi ta yi a zafafe “Rufe mini baki ba’kin munafuki kawai duk abinda yake yi ba ku ne kuke zuga shi ba, shine yanzu za ka yi mini wata maganar banza.”

Auwalu jikinsa ya yi sanyi da hukunci da Amina ta yanke. Ya san za ta iya tafiya ta bar masa yaransa shi kuma a halin yanzu bashi da wanda zai kaiwa su. Babu uwa babu uba ‘yan’uwansa kuma ba ya shiri dasu yana ganin hargaginsa babu inda zai kai shi. Kwantar da murya ya yi, ya ce.” Amina ki koma gida ganin zuwa dama yanzu nake tunanin zuwa gidan nasan babu abinda nabar….. Bai ‘karasa ba ta katse shi a hasale “Saurare ni da kyau na fito daga wannan mutsiyacin gidan naka har abada sai ka sake ni dan kutumar ubanka.” Duka ‘yan majalisar suka zaro ido jin irin zagin da Amina ta kurmawa Auwalu. Kunyar duniya ta ishe shi, sai ya yi ta maza ya durfafeta a fusace! Aikuwa sai ta buga tsalle taci kwalarsa kamar yanda ta saba ta cigaba da sirfa masa ashar sai kace bamagujiya kafin kace kwabo gurin ya cika da yara da manya, Amina sai rashin mutumci take yi Auwalu ya kasa tabuka komai…. Rabi’u ne ya ce. ” Wallahi Auwalu yau na kara tabbatar da cewar kai lusarin namiji ne kamar wannan matar taci kwalarka ka kasa sakinta kazama solob’iyo namijin hotiho.” Amina ta ce”Kai dan uban babanka ka sake ni mana shegu munafukan Allah ta’ala duk sai Ubangiji ya yi maganin ku.”
simi-simi Rabi’u ya koma ya zauna ya d’auka barazanarsa za ta sa Amina ta ji tsoro sai ya ga ba haka ba. Fatima da kaninta Najib sai kuka suke yi suna bin iyayen nasu suna ri’kewa. Amina ta ture su tana fadin”Ku sake ni shegu yaran Allah ba ni mai za’ayi da had’a zuria da mutsiyacin Ubanku.” Jin cin mutumcin da Amina ta ke yi ya yi yawa yasa Auwalu zage ‘karfinsa ya tureta ta fad’i kasa a guje ta tashi ta yi kansa ya kara hankad’ata ta fad’i da sauri ya shiga shagon Musbahu ya d’auko wayar da yake caza redionsa ya risketa ta biyo bayansa kamar sabuwar mahaukaciya sai zage zage take yi. Aikuwa bai yi mata da sau’ki ba tura ta ya yi cikin shagon ya rufe da sakata ya fara jibagarta yana fad’in”Wai ke mara kunya ko? ni za ki tozarta acikin abokina to yau sai naga wanda kike ta’kama da shi.” Dukanta yake yi tana kurma Ihu! Harira ta zo kofar shagon tana bugawa hade da fad’in”Auwalu idan ka kasheta ko ka nakastata wallahi ba za mu yarda ba sai mun dauki fansa.” Cikin su Musbahu kuwa babu wanda ya je da nufin k’watar Amina dariya ma su ke yi suna fadin abinda Auwalu ya yi shine daidai. Sai da yayi mata lilis sannan ya bude kofar ya han’kadota waje. Jikinta duk shatin duka wani gurin ma ya kwailaye fuskarta ta yi rud’u-rud’u. Harira ta ri’keta ta tashi tsaye da kyar tana wani irin kuka mai tsuma zuciya. Harira fad’i take “Rabu da mutsiyaci mu je gurin da za a bi miki hakkinki ai akwai hukuma duk iskancinsa bai fi karfinsu ba.

Auwalu ya ce”Ku je duk inda za ku je ina zaman jiranku kuma saki ba yanzu na yi niyya ba sai kin gama rainon ‘ya’yana sannan zan sake ki, shegiya yar iska kawai.” Amina dai ta kasa magana saboda ta daku a hannun Auwalu haka Harira ta ja ta suka nufi bakin titi domin samun abin hawa hizbah suka nufa. Zama ya yi yana huci Musbahu ya ce.” Yanzu ka cika namiji wallahi ka burge ni daka zane jikin shegiya yar iska kawai ko ta dauka kana amfanuwa da itane za ta yiwa mutane d’anyan kai gaskiya ka burgeni na Zuwaira”.
Auwalu ya ji kansa ya kara girma jin abinda Musbahu yake fad’a haka dai suka dinga zuga shi shi kuma yana jin dad’i
Ya je ya sayowa yaransa awara ya zaunar dasu suna ci suna kuka tare da kiran Ummansu.

Kyauta ne ga kowa da kowa.

°°°GAMA DUNIYA!
BINTA UMAR ABBALE 🍒

BABI NA GOMA SHA TARA
Aliya da Mairo aka fara kallon kallo. Aliya ta juya tana waiwayen bayanta kana kallonta kasan a tsorace take. Mairo tana wuri-wuri ta ce.” Ina za ki je ne wai? gidanki fa na yi niyyar zuwa yanzu.”

Aliya ta ce”Babu halin magana yanzu mu je can gidanki sai mu tattauna.”

Suka kama hanya suna tafiya a tsarge kana ganinsu kaga marasa gaskiya. Mairo tasa mukkuli ta bude kofar gidan suka shiga. Ajiyar zuciya Aliya ta sauke ta zauna a ‘kasa dabas tana numfashi na wahala. Mairo ta yi tsaye a kanta tana hura hanci ta ce”Idan kin gama numfarfashin sai ki zazzage abinda yake cikin jakar shegiya ‘barauniya yau satar ki za ta yi mana amfani.”
Aliya ta d’aga kanta tana kallonta ta ce” Ban gane abinda ki ke nufi ba?”
Mairo ta ce” ina nufin ki fito da gwalagwalan da kika sato gidan bikin Hankatama domin da shigarku da fitarku duk akan idona.” Aliya tace”Kinga Mairo bana son sharri ni da na shiga gidan bikin ma ko zama ban yi ba na fita shine za ki ce na yi sata.” Ganin Aliya na neman raina mata hankali yasa taci d’amara! tana kumfar baki “Wallahi tallahi idan ba ki fito da gwal din nan ba sai na tona miki asiri kin san irin masifar dana shiga kuwa? ni fa suka ‘kalawa satar dubi wuyana ki dubi bayana ki ga shatin duka.” Ta fad’a tana ko’karin cire rigarta. Aliya taga shatin duka da yankushi duk a jikinta tace”Lallai Mairo kika tsaya suka dake ki baki ci ubansu ba.” Tsaki ta yi ta ce”Ke abinda na yi kina tunanin za ki iya aikata irinsa ne? ai ban san ni d’in shegiya ba ce wallahi wai sun d’auko d’an borin karya ya yi musu duba kan wadda ta yi sata da yake hamagone sai yace nice alhalin ni nasan ko wacece Barauniyar, kawai na ji yana cewa ayi min tsirara sannan Aljani ya bada umarin ayi min aski ai ban san lokacin da na yi tsalle na dire a kansa ba ni ma na fara aljanun k’arya shege sai ya gudu hahahahaha! ai naci uwar ‘Yarlandan dama haushinta nake ji shegiya mari na dinga falla mata ina tumami akanta ina murd’e mata hanci.”
Aliya ta kwanta a gurin tana dariya har da rike ciki. Mairo ta ce”Dallah malama tashi ni mu san abinda za mu yi domin masifar da na gani yau ke baki taba ganinta ba duk shaid’ancinki, amaryar fa da ake biki itace ta shagid’e ta lauye ta dinga cin d’anyan nama tana karya ‘kashi wallahi nake fad’a miki kafin na fito ta kusa cinye rago d’aya.”

Cike da mamaki Aliya ta tashi zaune ta ce” ‘Danyan nama fa kika ce?” Mairo ta ce”Kin san ai bana karya ko?” A “Gaskiya gwara da Allah yasa ba na gidan haka ta faru.” ‘Kokarin zuge jakarta ta ke yi Mairo tace”Ke ni yau masifar da na gani ai tana da yawa.” Aliya dai dariya kawai take yi tana firfito da abubuwan dake cikin jakarta. Mairo bude baki tace”Lallai Aliya ba karamin aika-aika ki ka yi ba dole Hankatama ta shiririce! “
Aliya ta ce”Shine wacan mutsiyaciyar take fadin wai sai mun raba daidai alhalin basirata ce.” Mairo ta ce”Wai kina nufin Atine?”
“E, mana wai har tana tunanin tafiya dubai ki ji shegiya da cin buri.” Mairo ta ce”Atine bata da hankali tashi maza mu je mu nemi ‘kwage shine yasan kan harkar yanzu za ki ga ya samo mana wad’anda za su saya cikin mutunci, tunda kin ga idan muka ce kasuwa zamu kai sai an tambayemu rasit, kuma bamu dashi.”

Aliya ta tashi tana gyara mayafinta suka fita. Atine da take la’be a wani loko taga gilmawarsu wayarta ta d’auko ta kira ‘kwage yana d’agawa ta ce”Gasunan sun tawo.” kashe wayar ta yi ta jefa Jakarta gurin ta bari da sauri.

**
Har yanzu Hajara tana zaune a tsakargida tana jiran dawowar Sayyid ta ji sallama amsawa ta yi tana fad’in”Ku shigo.” Sayyid ta gani sun shigo da anti Amarya ta ce”A’a maraba lale sann…… Ummi ta ce.” Kinga don Allah ki yi mana shiru ba zama mu ka zo yi ba ina waya da kudin da d’anki ya kawo miki.”
Cike da mamaki Hajara ta ce”Bangane ba?” Anti Amarya ta ce”Yaronki ya dauke mini waya da dubu d’aya duk abinda nake yi muku ba ku gani ba sai da kuka ci amanata.” Hajara ta ce”Nifa babu abinda Sayyid ya kawo mini sai shayi da borodi ya ce kuma ke ce ki ka bashi.” Ummi ta ce”Babu wani dama d’anshege meye ba zai aikata ba kawai ki fito mana da wayarmu.” Hajara ta ji takaicin jin maganar Ummi ta ce”Kar ki ka ra kira mini yaro da shege da ubansa.” Ummi ta shek’e da dariya tana fadin”Lallai ma wai da ubansa ko kunyar fad’a ba ki ji ba, dama da ubansa mana amma na wata shida ba.” A zuciye Hajara ta kifa mata mari tana huci ta ce.” Wallahi a kan Sayyid zan iyayin komai saboda haka kar ki ‘kara sheganta mini d’ana.” Ummi ta ri’ke kuncinta da b’acin rai ta ce”Ni kika mara akan shegen d’anki.” Hajara ta ce”Na mareki d’in.” Ummi ta daga hannu zata mari Hajara Sayyid ya rike hannunta yana marairaice fuska ya ce.” Ni ki mare ni a madadinta anti Ummi ku yi hakuri wallahi ban yi muku sata ba.
Hajara ta janye shi daga gurin ranta a bace tace “Ummi ki mare ni tunda ke baki da kunya! na ce ki mareni mana.” Cikin tsawa ta fad’i maganar anti Amarya ta ce”Kinga Hajara ba za ki dinga yi mana borin kunya ba kawai ki shiga ki d’auko mini waya da kud’ina ko kuma in d’auki wani abu a madadin kudina a gidanki.” Hajara ta ce “Allah ya isa satar da kuka ma’kalawa ‘dana idan kuma kun ga abun kud’i cikin gidana ku dauka.” tana gama maganar ta ta koma ta zauna.”
Dube-dube suka dinga yi a gidan har kuryar d’akinta sai da suka shiga suka dinga fatali da kayan dakin suna watsowa tsakargida ba su ga komai ba suka fito Anti Amarya ta tsaya kan Hajara ta dinga zaginta gami da ci mata mutumci Ummi na taya ta sai da su ka yi mai isasarsu sannan suka fita daga gidan suna huci.
Suna fita Hajara ta fashe da wani irin kuka mai ciwo tana fadin “Innalillahi wa’ina ilahi raji’un! Allah ka ya ye mana wannan masifar ubangiji ka dube ni ka kawo mini mafita.”
Ganin tana kuka yasa yaran suka kama kuka wannan karon Hajara kasa hana su ta yi sai ta rungume su suka had’u suna kuka gabad’aya.

Anti Amarya da Ummi tafiya suke bagazan-bagazan Ummi na zugata tana cewa taje ta dauko ‘yansanda domin su bi mata hakkinta domin ita ta tabbatar da cewar Sayyid din ne ya yi mata sata! Ta ce ” Dole idan mijinta ya dawo zata fada masa ya dauki mataki haka suka rabu kowacce ta shiga gidanta.
Ummi tana shiga gidanta ta shiga daki domin ta duba jaririyar ‘yarta kawai ta ga bata kan gado dubata ta shiga yi gabanta na fad’uwa ta hango towol din data kwantar da ita a ‘kar’kashin gado janyowa ta yi da sauri tare da yarinyar. Abinda ta gani yasa ta ‘kwalla k’ara yarinyar idonta ya ‘kafe ta sandare farar kumfa na fita daga bakinta (dafara) daukarta tayi tana ihu ta fita daga gidan kamar mahaukaciya.
**
Wani rugujajan kango
‘Kwage ne a ciki ya lafe jikin bango(Garu) hannunsa nannad’e da wani tsumma sai cusa shi a baki yake yi yana lumshe ido lokacin da ya bude idonsa sai da gabana ya fadi ganin yanda su ka yi wani irin jajawur? sauri na yi na matsa daga gurin can na hangi Mairo da Aliya sun nufi kangon suna isa suka afka ciki Mairo ta bude baki Tana fad’in”Kwage kana ina ne?”
“E, yane! gani nan a ma’kale ina tsotsar alawa ku shigo ciki mana.” Jin muryar ‘Kwage yasa suka kutsa kai can karshen kangon suka hangeshi ya taso yana layi da tangad’i ya ce.” Yane! akwai harka kenan?” Mairo ta ce “K’warai kuwa gashi kuma mun zo kana cikin maye ya za’ayi kenan?”

” Ke! dan uwarki waye yake maye?” Kwage ya fad’i maganar a fusace! Mairo ta ce”Ni kake zagi kwage alheri fa na zo maka dashi.” Dariya ya yi tare da furta.” To ke wacece da ba za’a zage ki ba hahahahaha! Mairo ni dake fa kar-ta-san-kar-ce.” Mairo ta ce” Ai kaci kai dole ka zage ni mu dai yanzu kaya muke so mu sayar dawa zaka had’amu domin masu nauyi ne Kuma muna so a siya da daraja!” Girgiza kansa ya yi yana lumshe idonsa da alama yana jin dadin yanayin ya ce.” Ba yawa! Ku mu je ni zan had’aku da masu saye.” Fita su ka yi daka kangon suna jiransa ya fito. Sunanan a tsaye suna kus-kus suka hangi wasu mutane su biyu suna tafiya hirarasu suka cigaba da yi kafin su ankara su kaga ‘yansanda sun kewaye su. Duk suka fito musu da ID Card dinsu suna fad’in”Me ku ke yi a wannan guri na masu laifi.” Mairo da Aliya suka diririce suna kyarma! sun kasa cewa komai. Wata tafkekiyar bulala mai k’arafuna a jiki ya fito da ita Aliya ta kusa sakin fitsari ganin bulalar tsawa ya buga musu yana fad’in” ku wuce mu je ciki, sai mun binkice ku domin ga alamun rashin gaskiya nan a tare daku.” Mairo ta ce.” Haba oga kawai daga ganin mu a tsaye a guri sai kace ba mu da gaskiya ni babu inda zan shiga…… Bulala ya shar’ba mata a k’afafu ta saki ihu jin zafin bulalar cikin rashin imani ya kuma lafta mata zubewa ta yi a gurin tana ihu! Kafarta duk ta sage! Ya kalli Aliya da jajeyen idonsa yake fad’in “Zaki shiga ko A’a.” Simi-simi ta shige kango, gabanta na lugudan daka. Ya sake kallon Mairo a karo na biyu ya ce.” Za ki shiga ko kuwa?” Shiru ta yi sai ya kara daga bulalar zai shimfid’a mata da sauri ta fara jan jikinta ta shiga kangon tana jin wani irin zugi a k’afafunta.
Kyauta ne ga kowa da kowa.

°°°°GAMA DUNIYA!
BINTA UMAR ABBALE 🍒

Babu laifi mace mai jin haila ta yi tasbihi, ko kabbara, ko cewa; lhamdullahi, ko yin bisimillah yayin cin abinci, ko ta ce “Amin idan an yi addu’a, ko ta saurari karatun al’kur’ani. Duk wad’annan abubuwa ba haramun ba ne mai haila ta yi su, saboda Manzon Allah(S.A.W) Ya kishingid’a kan cinyar Nana Aisha Allah ya yarda da ita ya karanta Al’kur’ani alhalin tana cikin haila.
@Buhari da Muslimu ne suka rawaito shi

BABI NA ASHIRIN.
Cikin tsananin damuwa Amina da Harira suka isa hukumar sassanci da sulhu wato hizbah ma’aikatan gurin na ganin Amina da kumburarran baki hankalinsu ya tashi. Wata ma’aikaciya ta zo ta rike hannunta suka shiga wata rumfar kwano ita kuma Harira ta zauna gurin da aka tadanarwa masu zama. Malama Rabi ta kalli Amina dake ta faman share hawaye ta ce”Yarinya tunda ki ka shigo cikin gurin nan hankalina ya tashi duba da irin tabo na duka da na gani a jikinki gashi lebanki a fashe ina so ki yi mini bayanin abinda yake faruwa.” Amina ta fashe da kuka tana fadin”Wallahi tallahi malama maza tsinannu ne! Maza la’anannu n…… Kafin ta ‘karasa malamar ta katse ta ta hanyar fadin”Auzibillahi! ke! kina da hankali kuwa?” Amina ta share hawaye cikin takaici da damuwa ta ce”Malama ni ina da tabon d’a namiji kin ga wannan dukan na jikina shine ya yi mini shi cikin bainar jama’a kuma bashi ne karo na farko ba wallahi dole ne na tsinewa maza kuma na la’ance su.” Malama Rabi ta bata fuskarta babu alamun wasa a tartare da ita ta ce”To ki shiga hankalin ki kuma ki kiyaye domin nan gurin ba gurin shirme ba ne gurin aiki da hankali ne hukuma ce nan dole ki kimtsa bakin ki duk abinda mijinki ya yi miki bai kamata ki jefe shi da irin wannan kalamai ba.”

Amina ta ji wani irin haushi da maganar malamar. Sunkuyar da kanta ta yi tana kuka hade da jin rad’adin ciwon jikinta. Malama Rabi’a ta ce”Yanzu ki fad’amin duk abinda yake faruwa.” Amina ta gyara zamanta sosai ta warware wa Malama Rabi duk abinda Auwalu yake yi mata. Malama ta ce”To ki yi hakuri ki zauna nan bari yanzu za’a je a da’uko shi gaskiya idan hakane yana zalintarki bari zai zo sai mu ji meye dalilinsa na yin hakan.” Tashi ta yi ta je ta zubo mata abinci cikin faranti ta ce”Ki ci ki dauki ruwa gashinan ki kwantar da hankalin ki insha Allah kin zo gurin da za’a duba lamarin ki.”
Amina ta fara cin abincin ita kuma malama Rabi ta fita.


Hafsa ta kira wayar Ladi ya kai sau biyar bata daga ba. Gabad’aya sai hankalinta ya tashi ta damu Faruk da maganar tana nuna masa kuskuran abinda suka yi mata.
Tun yana biye mata har dai ya fusata ya rufe ta da fad’a yana cewa; Muddin ba ta daina yi masa maganar Ladi a gidansa ba to zai kore ta zuwa gidansu.
Hafsa ranta ya ‘baci sosai sai ta d’auki fushi dashi mai tsanani. Ganin haka sai jikinsa ya yi sanyi domin tunda suka yi aure ba su ta’ba fuskantar matsala ba. Shiyasa yake ganin Ladi za ta iya tarwatsa masa aurensa.
Ya dinga neman shiri da ita, ta furje ta ce itafa ba zata saurareshi ba sai ya sanar da ita menene a tsakaninsa da Ladi da ya yi mata mummunar tsana. Sai ya rasa ina zai tsoma rayuwarsa ya ji dadi.
Sai da ya fita daga gidan tukkuna ya kira Ladi ya waya ya fara yi mata tijarar da ya saba. Aikuwa ta yi masa rashin kunyar da bai yi tsammani ba. Ta Kuma sheda masa cewa; Saura kiris ta sanar da matarsa abinda ba ta sani ba.

**
Sayyid ganin irin kukan da Mahaifiyarsa take yi sai ya tashi da azama yana kallonta ya ce. ” Ummana ki daina kuka kin ji ko insha Allah zan share miki hawayenki ni zan fita na nema da jikina da lafiyata Allah zai rufa mana asiri.” Hajara ta d’aga kanta tana kallonsa ” Ina za ka je Sayyid kada fa ka d’auko mini wata maganar don Allah ka kiyaye ka nemi halak dinka.” Ya goge hawayen fuskarsa yana kokarin fita ya ke cewa.” Umma kada ki damu insha Allahu zan share miki hawaye.” Kafin ta ce komai ya fita daga gidan da saurin gaske.
Wata tsohowar bola ya nufa ya haye kanta buhu ya dau’ka ya dinga tona bolar yana tsince-tsince yana zubawa a cikin buhun sai da ya yi da yawa sannan ya sauko ya nufi wata bolar. Haka ya yi ta yawo a bololi sai da ya kusa cika buhun da tarkacen ‘karafuna da su gwangwani ledojin pure watar kwalabe. Ya d’aure bakin buhun ya nufi cikin kasuwar kurmi k’afarsa ko takalmi babu. Ko da ya isa kasuwar haka ya riski cincirindon yara kamarsa sun ja dogon layi a k’ofar wani shago mutumin na sallamarsu.

Sayyid yabi layi yana ‘kara rike buhun hannunsa addu’a ya ke yi Allah yasa a zo kansa kada magariba ta yi ya san har yanzu Ummansa tana can tana jiransa ga Shahida bata jurarar yunwa.

GIDAN HAYA
ZUWAIRA

Koda su ka ji shiru babu motsi a gidan sai ko wacce ta bud’e d’akinta ta fIto tana zare ido Zuwaira da sauri ta nufi gurin zamanta ta san a nan ta jefar da wayarta lokacin da ‘Kwage ya fad’o musu gida. Ihu! ta Kurma ta d’ora hannu aka tana fad’in”Shikkenan ya sace mini wayata innalillahi wa’ina ilahi raji’un na shiga ukuna.”
Baito ta ce”Ke a garin ya ya ki ka bar wayar taki a gurin?” Zuwaira ta ce”Wallahi ban san lokacin da na jefar da ita ba domin na tsorata sosai shege tsinanne!.” Ta ‘karashe maganar tana yin zaman dabaro a kasa.
Ummiyo ta fashe da dariya tana furta “Allah ya kara miki na ji dadi wallahi dama tunda ki ka yi wayar nan ki ke hura mana hanci kina mana wani irin kallo saboda bamu da irinta to gashinan dai.” Zuwaira ta ce”Ummiyo zan ci kutumar ubanki shegiya ‘yar bakinciki kawai in dai babbar waya ce yanzu na fara rikewa ko yau nace a saya mini za’a saya mini sabuwa ke kuwa fa mijin naki da yake cin ubanki shegiya mutsiyaciya kawai.”
Ummiyo ta buga kafa tana tafa hannayenta ta ce.” Oho! dai ni dai na san zaman aure nake yi ba zaman banza ba.”
A fusace Zuwaira ta tashi ta yi kanta tana danna mata ashar! Ummiyo ta ce”Kanki ki ke zagi banza yar isk….. Kafin ta k’arasa Zuwaira ta kifa mata mari! sai kawai fad’a ya rikice tsakaninsu Baito ta shiga raba su tana fadin “Wai da girmanku da ‘ya’yanku kuke kokawa kun ji kunya.” Zuwaira ta buge hannunta tana fad’in”Baito k’yale ni na huce fushina kan wannan ‘yar iskar matar dama ta gama cika mini ciki.” Zuwaira ta kwantar da Ummiyo ta haye ruwan cikinta ta dinga dukanta kamar wacce aka aiko.

**
Haladu da Sisi suka raku’be a jikin gate suna jin sautin muryar Nabila daga cikin gidan tana tumami had’e da kurma ihu tana wasu irin surutai!
Cikinsu ya d’uru ruwa sosai Sisi yake jin wata irin gudawa (kashi) na shirin ya kufce masa ‘kafafunsa na rawa ya fara zarya a harabar gidan yana matse fuskarsa “Yiiihuhu!” Suka sake jiyo ihun! Nabila yana ‘kara kunsanto gurin da suke. Da gudu Sisi ya manne a jikin gate din gudawar da yake ta matsewa ta tsinke masa haka ta yi ta zuba wani mugun d’oyi ya nashe a gurin.
Haladu Ido cike da ruwan hawaye ya d’aga kansa sama yana kallon duguwar katangar gidan mai mugun tsayin gaske babu wata kafa da mutum zai kama ya haure. Sisi ya rungume hannunsa jikinsa na kyarma ya ce.” ‘Kalu innalillahi wa’ina ilahi raji’un!” Haladu ya ji wani irin d’oyi ya bugi hancinsa da sauri ya matsa daga gurin yana toshe hancinsa yake fad’in”Kai don malafar ubanka kashi ka yi?” Sisi ya ce.” Yo ya na iya dole na sake shi tunda ya’ki matsuwa ni duk ba wannan ba wai ba ka iya addu’a ba ne ko baka jin irin ihun da nake ji ne.” Haladu ya ce.” Da ni da kai duk daya ne ko bihim ban san…… Kafin ya ‘karasa fad’in abinda yake bakinsa suka ‘kara jin wani ihun!” Yiiiiihuhu!”

Rungume juna sukayi suna kallon nahiyar da suke jin ihun sai suka hango Nabila ta fito daga cikin gidan tana wata irin tafiya a malkawad’e! a jirkice! suka dinga kurma ihu! suna buga gate din ita kuma tana ‘kara durfafar inda suke tsaye tana ‘kara sakin ihu! “Yiiihuhu! Kwayoyoin idonta sun yi jawur babu fari ko kad’an, kamar ma fitar da hayaki idon yake yi.
Kyauta ne ga kowa da kowa.

°°°°GAMA DUNIYA!
BINTA UMAR ABBALE 🍒

Manzo Allah (S.A.W) yana cewa”Musulmi d’an uwan musulmi ne, kada ya mi’ka shi ga abokan gabansa, sannan kada ya wulakanta shi, kada ya aibata shi, Manzon Allah (S.A.W) Yana cewa”Tsoron Allah a nan yake.” Ya fada yana nuna k’irjinsa har sau uku. Ya ce.’ Kada mutum ya yi sharri domin a wulakanta d’an uwansa musulmi aikata hakan haramun ne. Dukiyarsa, da jininsa da mutumucinsa, duk ya sadaukar dasu kan dan uwanshi musulmi.

BABI NA ASHIRIN DA ‘DAYA
Ana kiran sallar magariba layi yazo kan Sayyid mai kar’bar kayan karikican ya fito daga cikin shagon jikinsa dukun-dukun da daud’a yana kallon Sayyid din fuskarsa babu walwala ya ce.” Kai yaro sai dai ka yi hakuri fa sai gobe ka dawo ka karb’i kudinka domin yau dai na tashi wallahi amma za ka iya barin buhun kayan naka anan gurin, idan kuma gobe zaka fita dashi kana iya zazzage kayan gobe da safe idan na zo zan yi musu kudi. ” Sayyid kamar zai fashe da kuka ya ce.” Don Allah ka taimaka mini wallahi mamana da ‘kanwata na gida ba su ci abinci ba tun safe ni ma yunwa nake ji babu abinda na ci.” Wani irin kallo ya yi masa kafin ya ce.” Je ka juye mini kayan na duba na gani. ” Da sauri Sayyid ya zazzage kayan karikican, mutumin ya bi su da wani d’an iskan kallo ya kalli Sayyid din tare da furta.”Wad’annan kayan ba na sayan irinsu gaskiya na ga duk tarin ledoji ne da yagaggun buhunhuna.”
Sayyid ya fara d’aga kayan yana fad’in”Wallahi akwai kwalabe had’e da gwangwanin maltina.” Tsaki mutumin ya ja “Ni fa ba zan iya duba su ba yanzu ka je gobe ka dawo.” Da gudu Sayyid ya bi shi ya rike gefen rigarsa kamar zai yi kuka ya ce.” Don Allah ka taimaka mini ka bani wani abu na je da shi gida.” Mutumin ya fizge rigarsa a fusace ya ce.”Ka jini da shashashan yaro haka kawai ban duba kaya ba sai na baka kudi dan baka da hankali wanene ya fad’a maka ana wasa da kudi kullum haka nake yini kamar mahaukaci ina nemansu saboda rashin hankali irin naka kace na baka ba tare dana tantance ba. ” fizge rigarsa ya yi ya bar gurun da saurin gaske.
Sayyid ya tsuguna yana goge kwallar da ta taru a kwarmin idonsa. Tashi ya yi jikinsa babu ‘kwari ya nufi bakin titi ya tsaya yana dawurwura! A can tsallake ya hango wani mai lemo da ayaba yana ta aikin gyarawa sai zubawa yake cikin ruwa yana wankewa Sayyid ya tsallaka titin da sauri ya karasa ba tare da ya nemin izinin mutumin ba kawai ya saka hannunsa cikin ruwan wanke lemon ya fara wankewa yana debowa yana zubawa cikin kwando.
Da mamaki mutumin yake kallonsa ya ce.”Kai waye ya saka?” Sayyid ya ce.” Kawai taimaka maka na ke yi kuma ina sha’awar fara sana’a.” Tausayinsa ya kama mutumin ya ce.” Menene sunanka?” “Sunana Sayyid. ” mutumin ya girgiza kansa kafin ya furta.”Ina ne gidan ku?”

Sayyid ya ce.” Gidanmu na can tsallaken titi sosai ka shiga layin Alhaji Badamasi. ” Bai fada masa shine babansa ba.
Ya ce.”To kullum da magariba ka zo ka dinga taimaka mini ni kuma zan dinga sallamarka.”

Sayyid ya ce.” Insha Allah na gode sosai Allah ya biya maka bukatunka.”

Mai Lemo ya ce.” Kana da tarbiyya da nutsuwa na yaba da hankalinka.”
Sayyid ya ji dadi sosai ya zage yana ta aikin wankin lemo shi kuma ogon ya nufi tiredarsa yana jera lemon gwanin ban sha’awa kafin kace kwabo har kostoma sun fara tsayuwa a gurin . Sayyid ya gama tsaf ya je ya zauna kan wani dogon benci yana kallon yanda ake kasuwancin Yahuza mai Lemo ya juyo yana kallonsa tare da fad’in”Sayyid ka gama ko?” “E, na gama tun d’azu.” Yahuza ya ce.” Bari na sallameka ka je gida na ga tara saura.”

Sayyid ya ji gabansa ya fadin jin abinda Yahuza ya fad’a! sai ya mike tsaye yana kallonsa jikinsa duk ya yi sanyi Yahuza ya sallami mutanan dake gabansa ya goge hannunsa ya d’auko dari biyu daga aljihunsa sannan ya dauki bak’ar leda mai dan girma lemo ya zuba manya-manya guda goma sai ya sanya kankana guda daya ya mik’a masa tare da fadin”Ga wannan d’ari biyu ce ka karba da hakuri ka ji ko gobe ina jiranka ka zo da wuri.”

Sayyid ya karba yana godiya ya bar gurin da sauri. Hankalinsa duk ya yi gida addu’a yake Allah yasa Shahida ba ta fara wannan kukan nata ba. Daf da zai shiga layinsu akwai mai sayar da gurasa da kuli sai ya tsaya ya sayi ta d’ari da Hamsin ya nufi gidan da saurin gaske.
Kukan Shahida ya fara ji tun kafin ya shiga gidan.

” Shahida ki yi shiru kin ji ko ki yi shuru ne ce miki.” Hajara ta fada muryarta na rawa duk ta rasa yanda za ta yi.
“Umuum! Umma yunwa nake ji.” Yarinyar ta fad’a tana kara sautin kukan nata. Hajara na niyyar magana sallamar Sayyid ta katseta. Ya shigo dakin da sallama duhu d’und’um kamar koyaushe labulen dakin ya nannade domin hasken farin wata ya shigo ya ce.” Umma na dawo ki yi hakuri sai yanzu na samu kudin.” Hajara ta ce “Sayyid ka daga mini hankali mai yasa ka zauna a waje yanzu fa goma na dare ta kusa.” Hajara ta fadi maganar Cikin damuwa.” Ya ce.”ki yi hakuri kin ji ga gurasa da lemo na kawo muku .” Shahida ta tashi zaune tana ko’karin janyo ledar. Hajara ta hanata ta hanyar buge hannunta yarinyar ta fashe da kuka tana burgima a kasa. Ta ce”Sayyid a ina ka samu kudi har kayi wannan sayayar ka fad’a mini gaskiya?” Cikin nutsuwa duk ya fayyace mata yanda aka yi.
Ajiyar zuciya ta sauke ta janyo ledar hankalinta ya kwanta dama tasan halin yaronta baya sata ko daukar abinda ba na sa ba. Hannu baka hannu kwarya haka Shahida ta dinga yi sai da ta ‘koshi sannan ta bingire a gurin bacci ya d’auketa.

**

Jin kamar motsin shigowa cikin kangon ne yasa ‘kwage ya fito yana wani irin tangadi domin ya yi mankas! sai ya yi tozali da Mairo da Aliya gurfane gaban ‘yansanda.
A tsorace ya d’aga hannunsa yana jefar da tsuman da yake nannade a yatsunsa.
‘Daya daga cikinsu yazo ya saka masa ankwa a hannu yana zaginsa hade da fad’in”Dama tuntuni muke nemanka yau Allah ya kama ka za ka ci ubanka.”
Kwage ya dinga wani ciccije bakinsa yana kokarin fizgewa ya gudu dansandan ya rike shi tamau! Mairo da Aliya sun tsure sosai ganin yanda dansanda yake kusantosu hannunsa rike da abin duka. ya ce.”Ko wacce ta cire mayafinta ta ajiye shi, ke kuma da ki ke b’oye jaka ki zazzage duk abinda yake ciki anan gurin.”
Aliya ta ji fad’uwar gaba jin abinda yake fad’a zata iya yin tsirara a gabansa amma tana jin ba za ta iya zazzage abinda yake cikin jakarta ba.

Mairo da yake tasan yanda zafin bulalar yake sai tayi saurin cire mayafinta ta jefar a gurin dansandan ya fara bin k’irjinta da wani mayen kallo yana sude baki. Aliya kuwa neman hanyar guduwa take yi ganin sun shagala da kallon Mairo yasa ta tashi a sukwane zata fita. Wanda yake kusa da ita yasa kafarsa ya kwarfo kafafunta ta fadi a gurin ya ce.” Guduwa za ki yi saboda ba ki da hankali ko?” Aliya ta hau zazzare ido tana ‘kara k’an’kame jakarta. tsugunawa ya yi yana kallon fuskarta ya ce.” Tunda na ga kin ki zazzage abinda yake cikin jakarar nan to na san baki da gaskiya.” Cikin rawar baki ta ce”Oga ka yi hakuri don Allah ni ina da aure wallahi kuma da kuka gan mu anan ba wani abun muke yi ba.” Gemunsa ya shafa yana lumshe idonsa ya ce.” Muma mu na da aure ai kuma aiki muka fito saboda haka dole mu binkice ku.”
Gama maganarsa ke da wuya ya fizge yalolan mayafin dake jikinta. Aliya ta rungume jakar kam a k’irjinta babu kunyar komai d’ansandan ya sanya hannunsa yana kokarin kwance jakar yana had’awa da mamanta yana dumbula. Aliya ko a jikinta ita dai k’okarinta ya za a yi ta tsira da jakarta. Saukar duka ta ji a gadon bayanta sai ta kurma ihu tana gantsarewa hakan ya bashi damar fizge jakar ya zazzage komai na ciki. Ganin irin gwal din dake ciki ne ya daga musu hankali ya ce.” Lallai b’arayi ne ku ashe wannan kayan na sata ne dole mu hukunta ku anan gurin.”
Cikin tsawa! ya ce .” Ku fara yin tsallan kwad’o a gurinan ko kuma yanzu naci ubanku.” Mairo da k’afafunta suke mata tsami ta ce”Oga ku yi hakuri ku kyalemu tunda dai kun karbe mana kayanmu shikkenan don Allah ku yi hakuri ku sallame mu.” Mari ya taska mata wanda yasa taga gilmawar taurari hakan ta dinga jin wani irin dumm! a kunnenta cikin tsawa! ya ce.” Mu za ki cewa ga yanda zamu gabatar da aikinmu ? za ku yi abinda muka umarceku ko za ki tsaya gardama?” Mairo ta fara buga tsallan kwad’o tana kuka!
Aliya kuwa gardama ta tsaya yi. Aikuwa ya dinga lafta mata bulalar hannunsa a k’afafu jin azabar rad’ad’in zafi yasa ta fara buga tsallan kwad’o tana kuka hade da sharbe majina babban takaicin ta yanda suka samu nasarar ‘kwace mata gwal dinta. Tsallan kwad’o suke bugawa cikin rana suna yi suna dukan mazaunansu da k’afafunsu Aliya ta kifa hakoranta suka karci kasa ihu ta kurma ta dago tana shafa bakinta jini sai zuba yake ga hakoranta uku sun zube babu sassauci da tausayi d’ansandan ya cigaba da zubaba musu bulala yana fadin “Maza! ku cigaba hayya maza dai.” Mairo ta dage tana yi sosai don yanzu al’amarin ya soma bata tsoro Aliya kuwa tuni ta sare da al’amarin yanzu ta ha’koranta take wanda suka fita sakamakon kartar kasa da suka yi.
‘Kwage ya kalli Mada ya saki murmushi tsummansa ya d’auko ya tusa a bakinsa ya cigaba da shak’a yana kallon yanda Mairo da Aliya suke tsallan kwad’o abin yana bashi dariya daurewa kawai yake yi ya kalli Mada ya kifta masa ido. Fita ya yi waje da sauri. Mada ya ce.” Muna tsaye a waje muna jiran lokacin da muka d’ibar muku ya cika wallahi duk wacce ta daina sai munci ubanta.” Aliya da mairo babu bakin magana gumi kawai suke sharb’awa. Mada da Halifa suka bi bayan ‘Kwage suna fita suka ‘bace daga gurin suka bar su Mairo na buga tsallan kwad’o a cikin kango.

*
Atine na ri’ke da wayarta a hannu tana neman lambar K’wage Nasiru dake zaune a gefenta ya ce.” Wai har yanzu baki same shi ba ne?” Cike da damuwa ta ce”Wallahi wayar na shiga sai ya kashe ya’ki d’agawa kwata-kwata. ” Nasiru ya ce.” Nasan halin mutsiyacin yanzu dai na san yayi nasara akansu Aliya shiyasa ya’ki daga wayar amma bari na je mahad’ar tasu domin na ji dalilinsa.”
Atine ta ce.” Yawwa Nasiru ka je don Allah domin ka ji dalili, wallahi har jikina ya yi sanyi da al’amarin k’wage mugun butulu ne zai iya guduwa ya bar mu da hamma!”

Nasiru ya tashi da azama yana fadin”Karya yake wallahi ke dai bari na je idan ya kawo gardama za ki ji abinda zai faru domin ba zan kyale shi ba.
Kyauta ne ga kowa da kowa.

°°°GAMA DUNIYA!
BINTA UMAR ABBALE 🍒

BABI NA ASHIRIN DA BIYU
Anti Amarya tana jin Ummi ta shigo tana ihu sai ta fito daga daki da sauri tana fad’in”Ummi lafiya menene?” Cikin kuka ta ce” Kin ga Islam babu rai a jikinta ko?” Aunty Amarya ta fara duba Islam ta gane suma ta yi da sauri ta je ta debo ruwa hannunta na kyarma ta yayyafa wa yarinyar tana fadin “Suma ta yi Ummi garin ya haka ta faru?” Ummi na kuka take fadin” Ina shiga gida na ganta ta fad’o daga kan gado wallahi sai a ‘karkashin gado na d’auko ta.” Aunty Amarya ta rike ha’ba cike da mamaki take kallon fuskar yarinyar wadda take ta sauke numfashi na wahala. ta ce”Alhmdullahi numfashin ya daidaita ni wallahi na dauka tana goye a bayan ki ashe ba da ita ki ka je ba.” Ummi ta samu guri ta zauna jikinta sai kyarma yake Yi ta ce”Bacci take yi a lokacin da muka fita to don kada na tashe ta sai nace bari kawai na barta har mu dawo.” Anti amarya ta zauna tana sauke ajiyar zuciya ta furta “Allah dai ya kiyaye amma gaskiya Ummi ki daina gangancin barin ta a gida ita kadai kin ga abinda ya faru da da k’arar kwana sai dai ki zo ki tarar da gawarta.” Ummi ta ce “Ke dai bari wallahi na tsorata sosai da sosai ai ba zan sake ba Insha Allahu.” Nono ta bawa yarinyar kafin ta bar gidan ita kuma anti amarya ta cigaba da aikinta tana tunanin abinda za ta fad’awa mijinta idan ya dawo.

**
Auwalu yana shirin barin majalisar ne ‘Yan hizbah suka isa gurin. Gaisawa su ka yi cikin mutumci kana suka ce” Wanene Auwalu a cikin ku?” Auwalu da bai gane ko su waye ba ya ce.” Ni ne lafiya dai ko?” Ma’aikacin ya mik’a masa wata takarda dake manne.
Auwalu ya kar’ba yana duba bayan takardar sai ya ga an rubuta Hizbah hannun na rawa ya bud’e yana karantawa nan ya fahimci cewar Amina ce ta kai shi hukumar Hizbah ya kalli d’an hizbah yana fad’in.” Yanzu me kuke bukata da ni?”
“Za mu je da kai ne domin a yi muku sulhu matarka ta kai ‘korafi gurin mu ka kwantar da hankalin ka mu masu sasanta al’amari ne.” Auwalu ya ce.” Babu komai mu je gani ga yara na.” Yafad’a Yana nuna yaransa dake kusa dashi d’an-hizbah ya ce.” E, dama dole da su za ka je .”
Musbahu da Rabi’u da su ka yi saura a gurin suka tashi da sauri domin rakiya d’an-hizbah ya dakatar da su ta hanyar fad’in.” Ku yi zamanku idan da akwai bukatarku anan gaba to za mu zauna da ku.” Jiki a sanyaye suka koma suka zauna amma dai sun so su je ko don suga abinda zai faru.

Amina tana zaune a wani ofis aka shigo da Auwalu da yaransa. ‘Dauke kanta ta yi tana jan tsaki Malamin da zai musu sulhu ya kalleta cike da mamaki girgiza kansa ya yi kawai ya bawa Auwalu umarnin zama. Bayan ya zauna ne Malamin ya ce.” Kaine Auwalu ko?”
“E, Ni ne ranka ya d’ade.”

Ya numfasa kafin ya ce.” Matarka ta shigar da ‘k’orafi a kan cewar baka ciyar da ita, baka bata hakkinta na aure hakane ko ba haka ba ne?”
Auwalu ya sunkuyar da kansa yana magana cikin inda-inda da kame-kame. Amina ta yi tsagal tana fad’in “Malam ka ga rashin gaskiyar tasa ko? Wallahi duk abinda na fada gaskiya ne yana aiki yana d’aukar albashi amma ba ya ciyar da ni, kullum ya tattara gurin bazawarasa haka ya zo ya ‘bude mini asusun da nake yin ajiyar kudin mutane ya kwashe kudin ciki dubu goma sha bakwai yaje a sayawa bazawarsa waya dasu.”

Malamin ya ce.” Idan hakane a gaskiya Malam Auwalu baka kyautawa abunda ka ke yi wa iyalinka, shin kana so Allah ya kama a ranar lahira saboda hakkin aure Allah baya barin irin wannan zalincin, Malam Auwalu ka yi kokari ka zama adalin namiji idan ka ci a cikinka to kaciyar da matarka, idan ka d’inka tufafi, to ka d’inkawa matarka haka Allah yace kuma babu ruwanka da abinta tunda tana sana’a ne tana rufawa kanta asiri Malam Auwalu tunda Allah yasa kai namiji ne mai lafiya kuma kana da sana’ar yi to ina baka shawarar cewa ka tsaya tsayin daka ka kula da matarka da yaranka wannan bazawara taka idan ba auranta za ka yi ba to ka rabu da ita idan kuma ka shirya auranta to sai ka yi bayani.”

Auwalu ya ce.” Malam ni ina da ra’ayin k’ara aure a Kurkusa saboda abinda Amina take yi mini ba ta min ladabi da biyayya kullum cikin zagina take bata ganin girma ba ko kad’an, wannan dalilin yasa hankalina ya karkata gurin auran wadda zata girmama ni.”
Malamin ya ce.” Ba wai ina goyon bayanta ba ne ina ganin duk kaine ka janyo hakan, idan da ka tsare mutumucinka a gurinta ka cika hakokinta na aure dake rataye a wuyanka ba za ta raina ka ba, to amma ina mai tabbatar maka da cewar idan ka d’auki duk wannan shawarar da na baka to babu shakka za ka zauna da matarka lafiya.”
Auwalu gani yake kamar Malamin yana goyon bayan Amina ne wani haushinsa da kishinsa suka rufe shi a fusace! Ya ce.” To Allah shi gafarta malam yanzu me kake so a yi?” Ya ce.” Ka dauki duk hud’ubobin da na yi maka za ka ga canji gurin iyalinka, aure kuma ba mu da hurumin hana ka yi, ba za mu tauyeka ba muddin kana da ikon ri’ke mata biyu, daga bangaran mu zamu taimaka maka.” Ya ce.” Insha Allahu zan gyara kuskurena aure kuma ko a cikin satinan za’a iya d’aura shi. Malamin ya ce.” Zamu zauna da shugaban wannan gida insha Allah za mu yi wani abu akai tunda kana da niyya, amma ina gargadinka kada ka cigaba da zalintar matarka, idan ta sake kawo kararka zamu hukuntaka.”
Yana washe baki yake fad’in.” In sha Allahu zan kiyaye Allah ya gafarta Malam.”
Amina ta ji duk wani farincikin da take ciki ya dusashe ya koma ba’kin ciki! ranta ya yi bakikirin aure-aure Lallai da sake hawaye ta shiga gogewa tana fatar majina Malamin ya juya kanta ya dinga yi mata nasiha ji take kamar ta gaggaura masa mari domin ita yanzu da ta sanin zuwa hizbah take yi, gashi daga zuwa domin a yi sulhu amma ana yin maganar aure. Cikin kuka ta ce”Malam ni fa na gaji da zama da shi kawai ya sake ni.”

Da sauri ya ce”Innalillahi wa’ina ilahi raji’un! Amina kin san hukuncin macan da ta furta mijinta ya sake ta kuwa?” Kuka take yi sosai duk ta rasa yadda za ta yi. Malam ya shiga yi mata wa’azi da nasiha ko saurarasa ba ta yi ba. Ita yanzu shawara take yi da zuciyarta za’ayi ta rusa wannan auran.

Haka aka sallamesu da sharadin cewa idan Auwalu baya kawo mata abinci da abin buk’ata ba to ta dawo ta fad’a musu za su dauki mataki akai.
Suka fito daga ofis din Harira ta taso daga gurin da take zaune su ka yi gaba ba tare da sun tsaya jin maganar da Auwalu yake musu ba. Ko a jikinsa ya rungume yaransa yana murmushi shi zuwa hizbah ma ya yi masa dadi tunda gashi za’a aura masa Zuwairasa. Lallai yau akwai labari mai dadi shida Zuwaira ya san za ta yi farinciki sosai.

**
Sayid da safe ya je ya sayo musu kunu dauri uku sai ya siyo sukari na hamsin ya nufi gida da sauri so yake yi ya tafi gurin sana’arsa da wuri.
lokacin har Shahida ta fara koke-koken yunwa tana ganinsa da kunu a leda ta fara murna Hajara ta karba tana fadin”Jeka d’auko kofuna a juye. Yaje ya dauko da sauri ta juye masa leda daya Shahida ma haka tasa sukari Sayyid ya ce.” Umma na ga ke baki sa sukarin ba duk kin juye mana.” Ta ce”Ku sha kawai ni na sha haka yaron ya ji babu dadi a ransa da kyar ya shanye nasa yana tausayin mahaifiyar tasa. Tashi ya yi zai tafi ta ce”Sayyid Don Allah yau kar ka yi dare ka dawo da wuri ka ji ko.” Ya ce.” Insha Allahu Umma zan fara zuwa na kar’bo kudin gwan-gwan dina sai na kawo miki ki yi cefane dasu idan yaso sai na nufi gurin Yahuza mai lemo.” Ta ce”Allah ya shi maka albarka sai ka dawo.”
Ya fita yana amsawa ita kuma bayan ta gama ‘yan gyare-gyare sai ta yi wa Shahida wanka da ruwa itama ta wanke hammatarta da soso da ruwa tunda babu sabulu babu mai na shafawa haka dai ta d’auko wata kod’addiyar atamfarta ta saka da hijabi bulu ta shirya Shahida tsaf yau gidansu take su ta je tuntuni ‘kanwarta take ce mata ta zo ta kaita unguwar masu hannu da shuni dake cikin gari ta dinga yi musu kitso. Da yake hajara ta iya kitso kamar ruwa na hannu da wibin haka ta d’auki kibiyarta ta soke a kanta ta kulle gidan cikin zuciyarta take cewa ta daina zama cikin gidan yunwa ta kasheta ita da yaranta komai zai yi sai dai ya yi.
Ko da Sayyid ya dawo ya tarar bata nan bai damu ba sai ya juya ya nufi gurin Yahuza ya samu kuwa an sauke kaya anata aiki. Sai kawai yasa hannu aka cigaba da gudanar da aikin dashi.
Yamma tana yi jama’a suka fara tsayawa a gurin. Motar Alhaji Badamasi ta yi parking Ashanty na kusa dashi hannunta rike da tafkekiyar wayar da ya saya mata mai mugun tsadar gaske. Charting take yi ta ce”Alhajina ina za ka je ne? naga ka tsayar da mota.” Yana dariya ya ce.”Zan saya miki kankana ne.” Dariya ta sa tana fad’in “Ya yi daidai Ya hujaj!” Fitowa ya yi yana dariya hade da karkad’a mukulin mota kawai su ka yi ido hud’u da Sayyid yana aikin jera lemon za’ki kan wani katako. Yaron ya firgita sosai lemon da yake hannunsa ya fad’i a gurin a take jikinsa ya shiga karkarwa!
Kyauta ne ga kowa da kowa.

°°°GAMA DUNIYA!
BINTA UMAR ABBALE 🍒

BABI NA ASHIRIN DA UKU

“Yaya Jamilu yau ne fa ranar da zan koma asibitin nan, na shirya kai na ke jira.”
Idonsa ya bud’e yana kallonta kafin ya ce.” Kin ga Sailuba yau haka na tashi ba ni da ko kwabo wallahi, babu lallai babu dole zuwa asibitin, ki zauna kawai, idan kuma za ki iya tafiya da ‘kafafunki to ki je kawai, ba ni da kud’in da zan baki.”
Hawaye ne ya cika idonta, ta rasa mai yasa Jamilu yake yi mata haka, ‘karara ya nuna ba ya son haihuwa da ita.
Jiki a sanyaye ta tashi tana share hawaye ta fita daga gidan zuciyarta sam babu dad’i.
Gidan Maman Sabir ta shiga suka gaisa ta ce.” Don Allah maman Sabir ki ba ni aron d’ari biyar zan je asibiti, Yaya Jamilu yau bai tashi da kudi ba, amma idan na dawo da yamma zan ba ki in sha Allahu.”

“To shikkenan Sailuba zan baki a cikin kudin da Abban Sabir ya ba ni domin na dinga yin cefane, kin san yau kwanansa biyu da tafiya, don Allah kada ki yi mini wasa.”

“Ba zan yi miki ba In sha Allahu, zan baki a kan lokaci.”
Jakarta ta bud’e ta d’auko dari biyar ta mi’ka mata. Sailuba ta kar’bi kudin da sauri ta kama hanyar fita tana fadin.” Kin ga takwas da rabi har ta kusa Allah yasa ma dai ban makara ba.”


A hankali Aliya ta tashi ta je ta le’ka ta ramin bulo tana dubawa ko za ta ga inda ‘yansandan suke kawai sai ta ga gurin babu kowa. Da sauri ta juya tana fad’in “Mairo tashi mu gudu ban ga kowa ba.” Mairo dake tsallan kwad’o da sauri ta bari ta ‘karasa inda Aliya ta ke tsaye tana le’ken waje itama ta zura kanta sosai tana le’kawa babu kowa gurin. Da sauri suka fito daga cikin kangon suka mi’ke hanya da mugun gudu takalmin Mairo har yana fad’uwa ko sauraransa ba ta yi ba ta cigaba da falfala gudu tana so ta iske Aliya dake wani irin falla gudu kamar filfilwa dama abinka da mara jiki duk da haka dai Mairo bata cimmata ba sai waiwayen bayanta take yi tana ‘kara ‘kaimi gurin gudun. Sai da suka fara shiga cikin jama’a sannan suka saurara da gudun da suke yi. Aliya na ra’be jikin katangar wani gida Mairo ta ‘karaso suka cigaba da tafiya babu mai magana har suka isa gida suna shiga Aliya ta zube tsakar gidan tana kuka hai’kan tana tsine-tsine mussaman idan ta kai hannunta bakinta ta shafa ta ji babu ha’kora uku sai ta sake fashewa da kuka cikin tsananin ba’kinciki da damuwa.

Mairo kuwa k’afafunta ta mik’ar da su tana matsa gwiwar gurin da Mada ya daddake ta gashi ta yi tsallan kwad’o kafar ta yi wani irin tsami itama saura kiris ta fashe da kuka tsabar bakinciki da takaicin, su ba ga sayar da gold din ba, gashi sun sha wahalar banza da wofi.

*
Haladu da Sisi suna rungume da juna sai ihu! suke kurmawa amarya Nabila ta ‘karasa inda suke tsaye tana wata irin tafiya miyau na dulala a bakinta. Hannu ta kai za ta cafki Sisi ya kurma ihu! tare da fad’in”Inahu! Sulaimanu wa’innahu BISIMILLAHIR-RAHAMANIR-RAHIM don girman Allah ku yi ha’kuri wayo! na shiga uku.” Haladu da yake wa Sisi dariya ya saki kashi a wando shi ma bai san lokacin da fitsari ya kufce masa ba yana rawar baki yake cewa “Wallahi ni d’an borin ‘karya ne rashin sana’a ne yasa na shiga wannan harkar da na san zan shigo gidanan kuna cikinsa da ba zan shigo da kayanku ba, don Allah ku yi hakuri.”
Nabila ta ‘kwala ‘kara ta yi tsalle! ta dure a gurin wata irin girgiza ta yi kafin ta fara zagaye zagaye tana tsalle had’e da girgije-girgije! yanda take taka ‘kasan gurin sai ka d’auka da cewar bijimin zaki ne, ko kuma karfafan dokuna ne suke sukuwa a wurin.
Haladu da Sisi suka rungume junansu da rintse idonsu suna jin yanda kasan gurin yake motsi kamar simintin zai tsage!
Wani irin gigigifff!i su ka ji. Da sauri suka bude idanuwansu gate din gidan suka gani a hannunta ta ciro shi daga inda yake. Ganin hanyar guduwa yasa suka saki junansu a guje su ka yi waje har suna fad’uwa masu gadi ma da suka ga abinda yake faruwa a take suka tsorata su ka bi bayansu da gudu wanda yayi dai-dai da karyo kwanansu Hankatama ita da Asabe tun daga nesa suka hangi ana gudu kafin su ankara suka ga gate din gidan gabakid’ayansa a hannun Nabila ta fito dashi tana wani irin ihu! Yiiihuhu! ai kafin ki ce me Asabe ta bi bayansu Haladu a guje! Hankatama da taga da gaske Nabila ta nufo ta da gate din tana ihu yasa ita ma tace ‘kafa mai naci ban baki ba gudu take tana waiwayen bayanta abinka da mai ‘kiba tuni su Asabe sun yi mata nisa ganin ta kusa cimmata sai ta fad’a wani gida da gudu ta buga kofar gidan ta zura sakata tana sauke numfashi na wahala. Ta kafar mukuli ta le’ka nan ta hango Nabila ta wuce da gate din a saman kanta ko ina ta nufa oho!

**
Ya nufi yaron ransa a mugun ‘bace ya fara gaura masa mari tare da fad’in”Don uwarka me ka ke yi a gurinan? ka na so ka zubar mini da mutunci a gari yasa ka zo kana wanke lemo a kan hanya ko kuma uwarka ce ta sanyaka?” Sayyid da idonsa ya bushe ya kalli mahaifin nasa ya ce.”Baba babu wanda ya turo ni gurinan ni na zo domin in nemi halak d’ina ka yi hakuri ban ga abinda zai d’aga maka hankali ba tunda neman halak nake yi.” Alhaji Badamasi ya ce.” Ni kake fad’awa kana neman halak dinka?” Sayyid ya juya ya cigaba da gyara lemonsa kunyar duniya ta ishi Alhaji Badamasi lallai yaron ya yi masa bazata bai ta’ba tsammanin zai wulakantashi acikin jama’a ba. A fusace ya bar wurin yana kallon yanda jama’a suke yi masa wani irin kallo. Yahuza mai Lemo ya kalli Sayyid tare da fad’in “Sayyid menene ala’kar ka da wannan mara mutumcin mutumin?”
Ya ce.” Shine mahaifina.” Aikuwa gurin suka cika da mamakin jin abinda ya fada wai ashe yaron d’an Alhaji Badamasi ne a take aka bud’e shafinsa a gurin sai zaginsa ake yi sayyid kuwa sam bai damu ba domin ya san duk abinda suke fad’a kan mahaifin nasa gaskiya ne. Alhaji Badamasi yaa ajiye Ashanty a gida ya juya kan motarsa gidan Hajara ya nufa yau sai ya ci ubanta sai ta fad’a masa ko itace ta tura yaronsa siyar da lemo a bakin titi don su zubar masa da mutumci.

Hajara dawowarta kenan. Alhamdullahi ta yi kitso kai uku kuma duk kai d’aya naira d’ari biyu, ta had’a kan kud’inta naira dari shida sai da ta tsaya ta yi cefane a hanya sannan ta shiga gida tana cike da farin ciki shinkafar da ta sayo ta juye cikin faranti ta fara tsincewa Shahida har ta fara yi mata kuka sauri-sauri take ta tsincewa ta gama ta je tana kunna kurfoti sai kawai ta ji an yi wurgi da farantin shinkafar dake cinyarta tana juyawa ta gan shi a tsaye ya watsar da shinkafar duk ta tarwatse a tsakar gidan.
Ta bi shi da kallo gabanta na wani irin faduwa, da sauri ta tashi tsaye jikinta na rawa za ta yi magana ya fara dukanta kamar wanda Allah ya aiko shi. Da ya lura babbar rigar dake jikinsa tana hana shi sakewa ya cire ya ajiye a gefe guda. Igiyar da take shanya ita ya tsinko ya hau zabga mata babu ji babu gani Hajara ta dinga ihu tana ko’karin ceton kanta. Duk inda ta nufasai ya bi ta da duka. Shahida ta rungumeta tana kuka tsabar rashin tausayi nasa ya dinga labta masu igayar a jikinsu Hajara ta yi wani irin yun’kuri ta tashi a fusace ta ture shi da gudu ta nufi hanyar fita tana rungume da Shahida dake wani irin kuka kamar zata shid’e. Ya bi bayanta da gudu domin ba ya so ta fita waje a haka ya san mutane za su gane me yake faruwa. Tana kokarin bude kofa ya tad’e kafarta suka fad’i a gurin yana numfarfashi ya ce.” Ni za ki tonawa asiri ko? Kamar ni Alhaji Badamasi za ki tura mini yaro bakin titi gurin ma sayar da lemo yana aikatau to yau sai na sumar dake cikin gidanan nan.” Yafad’a maganar yana cigaba da dukanta. Kuka take yi tana rokonsa da ya tsaya ya saurareta. Kamar yanda ya fad’a din sai da ya sumar da ita sannan hankalinsa ya kwanta.

Igiyar ya jefar ya je ya sanyo babbar rigarsa zuwa ya yi ya tsallakesu ita da yarinyar ya bud’e kofar ya yi ficewarsa.

Kyauta ne ga kowa da kowa.

°°°GAMA DUNIYA!
BINTA UMAR ABBALE 🍒

BABI NA ASHIRIN DA HU’DU.
Sailuba sai da ta je asibitin tukkuna ta duba jakarta ta ga ashe bata d’auko katin awo ba kuma dole sai dashi za a yi mata. Cikin takaici ta fito daga asibitin domin samun abin hawa ta koma gida. Wannan shi ake kira ‘sauri ya haifi nawa’ da rance ta je asibitin domin a duba lafiyarta da abinda yake cikinta sai gashi ta je a banza za ta koma gida a wofi bayan bashin d’ari biyar din da Maman Sabir take bin ta.
Ta shiga adaidaita sahu tana tunani da nazarin yadda za ta yi ta biya Maman Sabir kud’inta, ta san Jamilu ko za ta mutu ba zai biya ba tunda bashi ya aiketa ta ranto ba.
Hawaye suka fara kasa tsere a kumatunta, ta yi nadamar auran Jamilu sau curin masaki. Duk mutumin da ba ya son had’a zuri’a da kai to tabbas ba masoyi ne na hakika ba.
Ta dinga share hawayen takaici tana jin yadda d’an dake cikinta yake wutsil-wutisl! wata kafirar yunwa take ji, saboda da za ta fito ruwan kunu ne kawai a cikinta ‘yartsalan da yake sayo musu domin su had’a da kunun yau bai sayo ba tunda ya d’auki allon babu ya d’ora a ransa. Magana d’aya zai ce bashi da kud’i, duk wasu bukatu na gidan ya jingine, ga lalura irin ta masu ciki kwad’ayi da sauransu amma ko kallonta ba ya yi da matsalarta gabad’aya ta rasa inda ya dosa.

Tun daga nesa ta hangi gidan babu kwad’o (mukkuli) a tunaninta bayan tafiyarta asibiti zai yi shirin kasuwa tunda bai kwana da lalura ba ballanatana hakan ya kawo tsaiko gurin fitarsa.

Cike da mamaki ta tura ‘kofar gidan ta shiga. Bahaushe ya ce ‘Rana dubu ta barawo, rana guda ta mai kaya’ Yau Allah ya mantar da Jamilu bai rufe kofar ba bayan shigar Maman Sabir, da yake a matse suke da juna ita dashi dalilin dawowar mijinta tunda matafiyi ne sai da ya yi wata d’aya kafin ya koma garin da yake kasuwanci. Jamilu da Maman Sabir sun d’okanta da junansu, dama kuma sun yi waya za su kasance a ranar tunda Sailuba za ta je asibiti awon ciki.

Sailuba ta dinga jin nishi da numfarfashi a cikin uwar d’akinta. Tundaga tsakargida ta ke jin ‘kyyy!kyy! gadonta ne yake wannan sautin ta tabbatar da hakan ne saboda idan suna auratayya da Jamilu haka yake yi musu tonan silili don har tana cewa za ta kira mai gyara ya kafe mata shi da ‘kusoshi!

Cike da tsantsar tashin hankali ta kutsa kanta d’akin domin duk a tunaninta ko ‘barayi ne suka shigo gidan da niyyar yin sata suke ko’karin kashe mata mijinta sai kawai idonta ya yi tozali da su turmi da ta’barya mijinta da makociyarta matar da iyayenta suka bawa amanarta a lokacin da aka kawo ta unguwar.

Wani irin ihu! ta zunduma wanda ya zaburar dasu gabad’aya suka farga da kasantuwarta a cikin dakin. Sai suka gigice! Maman Sabir ta ja zanin gado ta rufe jikinta sai karkarwa yake yi.
Jamilu ya dinga rawar baki gumi yana karyo masa magana yake so ya yi amma tsabar tashin hankali da fargaba ya gagara furta wani abu.
Sailuba ta fita tsakargida tana diri-diri hawaye sai kasa tsare suke a kumatunta. Kicin ta nufa cikin fitar hayyaci ta finciko setin wu’kake dake rataye. Babbar cikinsu ta zaro da azama ta nufi d’akin kamar wadda tasha tsumin ‘yan bori jikinta na rawa tana shiga ba ta jira komai ba ta zage ‘karfinta ta burma masa ita a gadon bayansa lokacin ya juya yana magana da Maman Sabir wadda take ta k
‘kokarin sanya kayanta a jikinta.
Ihu! ya yi, na fitar hankali ya juya yana kallonta ta rintse idonta ta sake buga masa wu’kar a tsakiyar kirjinsa. Jini ya fara tsartuwa! Jamilu ya silale ya fad’i a saman gadon jini na malala.
Maman Sabir ta dinga ihu! tana neman hanyar guduwa. Zani a hannu d’ankwali a hannu ta tattara ‘karfinta ta daki ciki Sailuba wanda hakan ya karya alkadarinta ta fad’i a gurin tana mur’kususu! sai ta tsallaketa a guje! ta fita daga gidan.

NA TAUSAYAWA KADDARAR SAILUBA😭 AKWAI DARRUSA A CIKIN WANNAN LITTAFIN, KU YI SHARING DINSA SOSAI A GRUOPS, SANNAN COMMENTS ‘DINKU YA YI RAUNI, ZAN JE HUTU SAI BAYAN SALLAH IDAN KUN GAJI DA KARATU LAMARINSU HANKATAMA😂

**
Amina masifa da zage-zage kawai ta ke yi a cikin a daidaita sahu tana fad’in”Kin san Allah Harira idan na bar Auwalu ya zauna da matar da zai auro lafiya ki ce ni ba ‘yar halak ba ce, ki ce ni shegiya ce wallahi tallahi ba zan bari ba ko da zan yi yawo tsirara sai Auwalu ya gane ni ya yi wa wannan cin amanar.”

Harira ta ce”Rabu da tsinanne, naga sai wani rawar jiki ya ke yi zai yi aure, wallahi suma malaman Hizbar sam ba su san aikinsu ba kawai babu bikince sai su ce za su d’aura masa aure, wallahi da mun san haka za su yi mana da ba za mu je ba banzaye kawai babu abinda su ka iya sai hauka.”

Amina hawaye take sharewa tana cizar le’benta shawara take yi da zuciyarta mai za ta yi wa Auwalu ta huce takaici tana ganin ko kashe shi ta yi bata huce ‘bakincikin da ya dade yana ‘kunsa mata ba. Direban adaidaita sahu yana jin yadda suke ta zagin Auwalu had’e da malamin da ya yi musu sulhu sai ya dinga mamakin wane irin mata ya d’auko cikin babur d’insa. Yana sauke su ya karbi kudinsa ya bar wurin ya na yi musu addu’ar shiriya.

Tun daga nesa Amina ta hangi Maman Walid a tsaye a ‘kofar gidanta ita da wasu mutane biyu Ta ce”Harira duba mini ki gani Maman Walid ce ko?”
Harira ta ce”Babu shakka ita ce .”
“Kin gani ko ta zo fa kar’bar kud’in adashinta ne gashi ban san me zan ce mata ba.”
Harira ta ce”Ki yi kalar tausayi idan mun ‘karasa mu bata hakuri nan da kwana biyu sai ta dawo ta karba in sha Allahu zan yi miki k’okarin wani abu.”
Suka ‘karasa Maman Walid ta kalle su she’keke kafin ta ce”Ke Amina tuntuni nake tsaye kofar gidanan Maman Sajida ta ce mini kun fita ke da Harira kud’ina na zo ‘karba.”
Amina ta raunatar da muryata “Maman Walid ki yi hakuri ni masifar da na ke ciki wallahi itace ta dame ni kin ga yanzu ma daga hizbah muke wai Auwalu ne zai yi mini kishiya.”
Maman Walid ta ce”Abinda ya shafeki ne wannan ni babu ruwana kud’ina na sani.” Harira ta ce”Haba maman Walid ki yi hakuri don Allah ki dawo jibi za ki samu rabin ‘kudinki insha Allahu ciwon ‘ya mace na ‘ya mace ne, ki tausayawa Amina mana.”

“Ke! Harira rufe mini bakin ki.” Maman Walid ta fad’a tana wata irin girgiza ta cigaba da cewa” Da za ki ce na yi hakuri, ki na ina lokacin da nake zubin a dashina na hana cikina in zuba dashi domin na tara kudi na yi sayayya don na fita kunya cikin mata shine ki ke cewa na hak’ura wallahi tallahi ba zan hak’ura ba maza ki bude gida domin da masu sayan kaya na zo gasunan a tsaye dama na fada miki kudina ko kuma na d’auko dillalai su yi wa kayan d’akinki kudi.”
Asabe da Yarlandan suka sake gyara tsayuwa suna jira Amina ta bud’e gidan su shiga su duba kaya tunda sana’arsu ce dilanci.

Amina ta ce”Maman Walid a kan kudinki dubu goma sha bakwai wallahi ba zan sayar da kayan d’akina ba sai dai duk abinda za ki yi, ki yi.”

Maman Walid ta yi saurin fad’in.” Lallai kam yau ni dake za mu ci uwa a unguwar nan.” Kafin ki ce me ta kwance goyon yaronta dake bayanta ta ci d’amara! da mayafinta kan Amina ta yi da kokawa tana fadin”Tunda ba za ki bude gidan ba bari na k’waci mukullin gidan da kaina wallahi sai an sayar da kayan d’akinki na d’auki kudina”
Amina da Maman Walid suka fara kokawa da juna yara suka fara taruwa a gurin suna kallonsu.
Auwalu ne ya karyo kwana ya hangi abinda yake faruwa a kofar gidansa da sauri ya tari wani yaro yana tambayarsa. Yaron ya warware masa komai.
Auwalu ya yi gaggawar jan hannun yaransa suka bar wurin yana addu’a gwara da Allah yasa bai ‘karasa ba ya san fad’an kansa zai dawo zai bari sai dare ya tsala tukkuna sai ya shiga gidan.

Allah ya bawa Maman Walid nasarar k’watar mukulin gidan tana nishi da zage-zage ta je tana bud’e gidan. Amina ta tashi a fusace tana fad’in”Wallahi tallahi ba ki isa ba Maman Walid kin yi kad’an ki sayar mini da kayan dakina.”
Maman Walid ta bangajeta ta fad’i a wurin.

Bude gidan ta yi ta ce”Yarlandan Asabe ku shigo gidan ku yi wa gado da kwaba da kujerunta kudi yanzu zan je na kira ‘kartin da za su fito muku da kayan.”

Asabe ta kutsa kanta gidan tana sakace hakorinta da tsinke ‘Yarlandan ta rufa mata baya.
Amina ta sake kai wa Maman Walid raruma tana fadin”Ni za ki tozarta a unguwa kan mutsiyatan kud’inki da ba su taka kara sun karya ba wallahi sai na wulakanta ki ke ma.”

Maman Walid ta fizge jikinta ta bar wurin da sauri. Harira ta rike Amina tana fad’in”Ki rabu dasu don Allah na san kayan d’akin na ki duka-duka ba za su kai dubu goma ba ki ‘kyale ta sai me don ta sayar miki dasu za ki mayar insha Allah. ” Amina ta fincike tana fadin”Don kutumar ubanki ba ke ce ki ka janyo mini ba, yanzu dame na ‘karu da zuwa wurin malami gashinan Auwalu ya furta da bakinsa zai auri Zuwaira ta ina asirin ya kama jikinsa, Allah ya isa ban yafe ba asarar da ki ka janyo mini Harira ban yafe ba.” Da sauri ta rufe mata bakinta tana fadin”Dallah ki yi shiru kada ki tonawa kanki asiri kowa ya san halin da ki ke ciki a gari, ki bari za mu yi komai cikin kwanciyar hankali.”

Fincikewa ta yi ta afka cikin gidan tana zaginsu ”Yarlandan wad’anda suke ta faman duba matattaun katakwayen d’akin Amina domin gadon ma babu alharga falanki ‘kasa duk sun kakkarye saboda babu ‘kososhi a jikinsu. Gadon sam ba a had’e yake ba jogana shi aka yi. Kwabar kuwa duk ta jirkice murfayenta sun ciccire dama jinginawa take yi sai za ta d’auki kayan sawa take sauke murfin ta jingine a gefe.
‘Yarlandan sai dukan katakon gadon take yi da hannunta tana fadin”Wannan ai ya ru’be kuma an daina yayinsa jan katako mu ke so fameka.”

Amina ta ce “A uwarki ya ru’be shegu tsinannu ‘barayi ni za ku rainawa hankali ku shigo mini har d’aki kuna yi mini zance banza”
Asabe ta rike ha’barta da mamaki ta ce”Ke Amina mu kuma menene na mu a ciki da za ki dinga zaginmu.” Amina ta cire dankwalinta ta yi d’amara dashi ta ce”Na lura duniya kowa kansa ya sani wato na fad’a muku halin da nake ciki kun kasa fahimta to zan ci ubanku yanzu nan.” Yanda take maganar tana kumfar baki hade da zabure-zabure! ya sanya ‘Yarlandan tsorata tunawa da artabunsu da Mairo sai ta ga Amina kamar ta na so ta tada aljanu ne. Shiru ta yi Asabe ta ce”Ke ‘yar nan kada ki zage ni haka kawai yo don mijinki zai yi miki kishiya sai abin ya dame mu Allah ya sanya alkairi shine fatan mu.”
Amina ta yi wani irin tsalle ta zabgawa Asabe wani gigitaccan mari tana fadin”Ku fice mini daga daki shegu ‘yan iska.” Yarlandan ta yi saurin fita ita kuwa Asabe ta ce ba za ta fita ba wallahi. Aikuwa Amina ta yi kanta da kokawa tana zaginta.
Maman Walid ta shigo dakin bayanta da maza majiya k’arfi sai ta ga ‘Yarlandan a tsaye a rumfa tana zare ido ta ce”Meye wai? ya nake jin doke-doke cikin d’akin.” Yarlandan ta ce shiga ki gani.” Maman Walid ta afka dakin taga Amina kan Asabe sai dukanta take yi. Maman Walid daya ke irin matanan ne masu k’arfi ta zo ta ture Amina tana fadin”Banza matsiyaciya kawai Asabe tashi ki yi wa kayan d’akin nan kudi ai na yi rantsuwar sai an sayar dasu na kar’bi kudina.” Asabe ta tashi tana gyara d’aurin dankwalinta ta ce”Dole na sayi kayan nan ko don na nunawa wannan yarinyar kuranta duk da katakon ya lalace kuma ba’a yayin irinsa na saya dubu bakwai kwabar gado mudubi gabad’aya dubu bakwai.
Maman Walid ta ce”An sallama miki nawa za ki sayi katifar nan.” Asabe ta duba lauyayyiyar katifar Amina ta ce”Dubu biyar zan saye ta.” A take Maman Walid tace”An sallama miki yanzu na hada dubu goma sha biyu, mu je ki yi wa wad’ancan lamusassun kujerun kudi.” Suka fita rumfar suka bar Amina na kukan takaici gami da neman mafita. Asabe ta yi wa kujerun kudi dubu uku gabakid’aya. A take Maman Walid ta sanya matasan samarin nan suka shigo suna fita da kayan suna zuba su cikin akori kura. Tsaf suka kwashe komai suka bar mata d’akinta kamar kango Amina ta d’ora hannu aka tana zunduma ihu! ta rasa ya za ta yi da rayuwarta. Harira ta shiga d’akin jikinta a sanyaye gaskiya ta ji tausayinta amma fa tana ganin tunda kud’inan suka shiga hannunta ba za ta iya fito da su ba itama akwai buk’atar da za ta yi.
Littafin Kyauta

°°GAMA DUNIYA!
BINTA UMAR ABBALE 🍒

BABI NA ASHIRIN DA BIYAR
Cikin fitar hayyaci ta dinga jin nishi da gurnaninsa. Ta dude idonta hawaye na fafara gudu a kumatunta. Jikinta ta ja ta isa gadon da yake kwance gabad’aya jini ya yi dabaibayi a d’akin. Jamilu nishi yake yi yana d’aga mata hannu da yun’kurin kiran sunanta
Tana kuka wurjajan! ta rirrike hannunsa tana fad’in.” Yaya Jamilu don Allah kada ka mutu, me yasa ka ci amanata? kada ka manta fa mun yi wa junanmu alkawari ri’ke amanar kanmu, to me yasa za ka yi fasikanci da Maman Sabir? da me ta fini da har kuke cin amanata, Yaya Jamilu don Allah kada ka mutu ka tashi! ka yi hakuri Yaya Jamilu, ka yi hakuri! ka yi ha’kuri”

Tana kuka take wannan sambatun yayin da shi kuma yake ta ko’karin yin magana Allah ya hane shi, sai wani irin nishi yake yi mai kama dana fitar rai.
Ta rarumi wayarsa da rabinta ya jike da jini, ta goge a jikinta, hannu na rawa ta lalubi lambar babbar yayarsu.

“Anti Lami na kashe shi! Ni ce na kashe shi anti Lami na shiga gararin rayuwa, Allah ya d’auki raina na huta.” Wad’annan maganganun ta dinga furzarwa cikin fitar hayyaci da rashin makama.
Ihu! kawai take yi tana jijjigashi da kiran sunansa a lokacin ne kuma ya amsa kiran Ubangiji.
Hannunsa ta d’aga sai kawai taga ya koma sharaf idanunsa sun tsaya cak suna kallon rufin d’akin.
Ta furta “Inna lillahi wa’ina ilaihi raji’un! da babban sauti! sai kawai jini ya tsinke mata, ta kwanta a wurin tana kuka na fitar hankali tana kiran Ubangiji ya d’auki rayuwarta gabad’aya.

Anti Lami suka shiga gidan da sauran ‘yan’uwa, lokacin Sailuba hankali ya gushe daga gangar jikinta kwata-kwata, ba ta san inda kanta yake ba. Suka dinga kurma ihu! ganin halin da suke ciki, ga Jamilu a kwance tsirara haihuwar uwarsa cikin jini kuma babu rai, ga Kuma Sailuba tana nishi jini yana bin cinyoyinta!
Suka dinga kiran sunan Allah suna ko’karin ganin Sailuba ta dawo hayyacinta. Jami’an tsaro suka dura a gidan kowaye ya fada musu oho!
Suka gudanar da binkicesu tsaf, suka tabbatar da cewa kashe shi aka yi. Gabad’aya suka tarkatasu suka wuce dasu hukuma, Sailuba kuma suka bada umarinin a kaita asibiti domin a yi gaggawar ceto rayuwarta. Ita kanta gawar Jamilu sai da likitoci su ka yi bincike akanta sannan aka yi masa suttura.


Sayyid ya tura kofar gidan ya shiga sai kawai ya yi tuntu’be dan saura kad’an ya fad’i, da saurin bud’e kofar gidan sosai hasken da yake waje ya haske Mahaifiyarsa da Shahida a kwance. Da azama ya tsuguna yana kiran sunansu shiru ba su motsa ba. Cikin tsananin tashin hankali da damuwa ya shiga gidan a guje ruwa ya d’ebo cikin kofi ya zo ya watsa musu a jiki. Hajara ta saki ajiyar zuciya ta bud’e idonta Sayyid na kuka ya ce.”Umma me ya same ku ke da Shahida ku ka kwanta a nan.” Hajara ta yi saurin kallon wurin tana neman Shahida ta ga yarinyar na yin wani irin numfashi wasu zafafan hawaye suka shiga zuba a kumatunta tuna abinda ya faru wanda Alhaji Badamasi ya aikata musu. Shahida ta rungume da take wata irin sandarewa da sank’amewa ta ce”Sayyid Shahida kada ta mutu Innalillahi wa’ina ilahi raji’un!.” Yaron ya fita a guje titi ya nufa ya tarar Yahuza na ‘kokarin tashi ya ce.” Sayyid Lafiya dai?” Yana nishi “Oga ka taimaka mini don Allah kanwatace ciwonta ya tashi.” Yahuza ya ce.” Mu je mu je maza.” Hajara ta fito waje tana rungume da Shahida a jikinta sai hawaye take tana addu’a tana tofawa yarinyar da take wata irin jijjiga.
Yahuza da Sayyid suka ‘karasa wurin cikin damuwa ya kar’bi Shahida daga hannun Hajara ya ce.” Mu yi sauri mu ‘karasa bakin titi domin samun abin hawa muje asibiti Innalillahi wa’ina ilahi raji’un!” Titi suka nufa cikin tsananin damuwa da tashin hankali.


Amina tafi awa biyar zaune tsakiyar d’akinta tana kuka had’e da tunanin neman mafita Harira kuwa ganin yamma ta yi sai ta yi mata sallama ta tafi. Ta nan zaune Auwalu ya yi sallama ya shigo gidan yana rike da leda viva shinkafa ya auno da wake da barkono sai maggi fari da mai tauraro Najib yana rike da ledar gawayi ita kuma Fatima tana rike da awara cikin leda fara suka shiga rumfar Auwalu gabansa ya yanke ya fadi ganin dakin ya koma kamar kango ya kalli Amina dake zaune cikin k’ura duk ta yi wujiga-wujiga da ita bakinsa na rawa ya ce.” Amina ya aka yi haka?” A fusace! ta ce.” Ubanka aka yi.” Zumbur ta tashi tana kallonsa da jajayen idonta tana fadin” na ce” uban uwarka aka yi Auwalu wallahi ni ce ajalinka.”
Cikin kad’uwa yake kallonta ya nuna kansa tare da furta.” Ni ki ke zagi Amina, wai me yasa ke ba kya cin ribar rayuwa ne?”
A fusace! ta ce”Auwalu na zage ka din! na ce Auwalu bantan ubanka.”

“Innalillahi wa’ina ilahi raji’un! abinda Auwalu ya iya fada kenan ya juya zai fita daga d’akin. Ta janyo rigarsa ta baya ji kake keettt!! rigar ta yage. “Ina za ka je kuma wallahi tallahi yau ko ni ko kai a gidanan?” Auwalu ya kalleta cike da bakinciki ya ce.” Amina ki yi hankali fa kada ki tunzura ni na aikata miki abinda bai dace ba.” “Ka yi duk abinda za ka yi mini dama menene ba ka yi mini ba, ka maida ni abar kwantace a gari wallahi sai na d’auki fansar abinda ka yi mini.” Kafin ya ce wani abu ta fizge ledar hannunsa shinkafar da take ciki ta watse a tsakiyar d’akin, ta fasa mangyd’a akan shinkafa tasa kafa ta tattaka bangaje shi ta yi ta fita a fusace! ya bi ta da kallo cikin tsanani mamaki kafin ya ankara ya ganta ta shigo hannunta ri’ke da bokitin da suke wanka yana kallo ya san ruwan zafi ne a ciki saboda turirin haya’kin da yake fitowa daga cikin bokitin.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA ASHIRIN DA SHIDA
Hankali a tashe suka isa bakin titi kasancewar dare ya fara yi ababan hawa sun yi ‘karanci. Kuma mafi akasari motocin gida ne suke yawo akan yitin. Hajara sai share hawaye take yi tana kallon Shahida dake hannun Yahuza wanda yake ta k’okarin tsayar da masu motocin gida wai ko Allah zai sa su taimaka musu. Sayyid da gudu ya tsallaka d’aya b’angaran dan ganin wani mai napep yana kokarin karya kwanar wani layi. Ya je ya tare shi yana masa magiya da fada masa halin da suke ciki.
Direban ya kalli agogo tare da fad’in “Kai gaskiya na tashi daga aiki sha biyu na dare ta yi.” Sayyid ya ce.”Dan darajar Annabi ka taimaka mini kada k’anwata ta mutu.” Jim ya yi kafin ya ce.” Shigo mu je.” Sayyid ya yi saurin shiga napep din suka isa inda su Hajara ke tsaye. Yahuza tuntuni jikinsa ya mutu dan yanda ya ga jikin yarinyar ya sandare shi yake nuna masa cewar lokaci kawai take jira. Amma saboda kada ya karyar musu da gwiwa sai kawai ya shiga napep din yana rugume da ita a kirjinsa. Sayyid ya zauna kusa dashi kafin Hajara ta shiga.

Koda suka isa asibitin kai tsaye ‘bangaran masu fama da cutar sikila suka nufa(emagency) su kansu likitocin da suka ga Shahida ba yanda take sai da hankalinsu ya tashi, suka kar’be ta cikin gaggawa suka fara aikinsu. Binkicensu ya nuna musu yarinyar ta mutu mintina ashirin da suka wuce dan haka duk wasu naurori da suka d’aura mata suka cire, a sanyaye wata narse ta fito tana sheda musu abinda yake da akwai. Hajara Fad’uwa ta yi a gurin tana wani irin kuka mai tsuma zuciya.
Sayyid ya zo ya rungumeta shi ma hawayen yake sharewa, Hajara tasa hannu ta dafe bayansa cikin kuka ta ce” Sayyid mun rasa Shahida shikkenan ta tafi har abadah.” Yaron yasa hannunsa yana goge mata hawaye ya ce.”Umma ki yi shiru ki daina kuka addua za ki yi mata.
Yahuza cikin sanyin jiki ya tsaya a kansu yana rarrashinsu da basu hakuri, shi kansa ya tausaya musu halin rayuwar da suke ciki babu shakka Alhaji Badamasi nada sa hannu gurin mutuwar yarinyar dole ranar lahira Allah yayi tambayeshi.

Allah sarki Yahuza mai lemo shine ya tsaya akan gawar shahida aka shiryata tsaf tsaf Liman ya ce ba za’a dauketa ba sai mahaifinta yazo. wani ma’kocinsu ya fito da wayarsa ya shiga kiran Alhaji Badamasin, lokacin yana jikin Ashanty a ma’kale suna bacci ‘karfe takawas da rabi na safe ba su tashi ba ballanatana su yi sallah. Ashanty ta bud’e idonta jin ‘karar waya ya cika mata kunne, cire jikinta ta yi daga nasa ta lalubi wayar ta daga. lokacin da wayar ta shiga shi ma’kocin nasu da kansa ya shiga cikin gidan ya bawa Hajara yace ta fad’a masa abinda ke faruwa. Hajara jin muryar mace ta d’aga wayar yasa wasu zafafan hawaye suka sake zubo mata
Murya na rawa ta ce”Ina me wayar yake?” Ashanty ta dauka irin ‘yan iska ne irinta sai tace”Me za ki yi masa kike tambayarsa.” Hajara ta fusata! ta ce”Ki dai bashi wayar ko kuma ki fada masa matarsa ce take magana.”
Ashanty gabanta ya fad’i da sauri ta shiga tashinsa da fad’in “Alhaji ka tashi ka tashi matarka ta kira waya.”
Alhaji Badamasi ya tashi a firgice hamma! ya saki ya kalleta da jajayen idanunsa ya ce.”Wacece ta kira?” Da sauri ta ce.” matarka ce.”
Afusace! ya kar’bi wayar yana fadin “Gidan uban wa ta samu waya da zata kira ni.”
Ganin lambar makocinsa sai jikinsa ya yi sanyi. Nutsuwarsa ya shiga ya d’aga wayar da sallama a bakinsa. Hajara ta amsa murya na rawa ta ce”Bukatarka ta biya ka yi wa Allah izgili akan kyautar da ya yi maka Shahida ta mutu jiya da daddare dan haka yanzu kowa ya hallara kai ake jira a kaita makwancinta.” Tana gama maganarta ta kashe wayar shawaye na sharara.
Alhaji badamasi a gigice ya nemi kayansa yasa ya dauki key na mota zai fita Ashanty ta ce.”Babyna baka sallameni ba.”Ya ce.”Ke ba ki ji ance yarinyata ta mutu ba ne, ki je idan an kwana biyu zan nemi ki yanzu bana cikin nutsuwata.” Ashanty sakin baki ta yi tana kallonsa ya fita daga dakin cikin tashin hankali

Tunda ya yi parking din motarsa idanun Jama’ar dake gurin ya dawo kansa. Jiki a sanyaye ya fito daga motar fuskarsa ta nuna alamun alhini da damuwa kallon da jama’ar dake gurin ke masa ne yasa jikinsa ya yi mugun sanyi . Cikin borin kunya ya dinga mika musu hannu suna gaisawa wasu na yi masa ta’aziya wasu kuwa kallonsa kawai suke yi har ya shiga cikin gidan.
Gaban gawar yarinyar ya tsuguna sai kawai ya fashe da kuka! Hajara ta tashi a fusace! ta tsinka masa mari! hannu yasa da sauri ya dafe kumatunsa yana kallonta. Ta ce”Kukan me ka ke yi munafiki anamimi! bukatarka ta biya Shahida ta mutu ta koma ga Allah kai ma dole za ka je inda ta tafi Allah kuma ya yi hisabi.” Ta’kare maganar cikin sar’kewar murya.

Mahaifiyarta ta zaunar da ita tana tausarta sai kuka take yi. Shi kuwa Alhaji Badamasi cikin tsantsar kunyar marin da Hajara ta taska masa ya tashi yana muzurai ya fita daga dakin….Minti biyar sai ga Yahuza da Sayyid sun shigo suka dauki makarar da shahida ke kwance suka fita da ita. Hajara kwanciya ta yi a gurin tana kuka tare da fadin”Allah ya ji’kanki Shahida, na yafe miki domin ba ki yi mini lefin komai ba.

**
Mairo tun daga nesa ta hangi Atine da Nasiru a tsaye a bakin shagon ‘Kwage! ta ‘karasa gurin tana d’ingisa kafafu ganin hannun Nasiru na zubda jini ta ce”Kai kuma Nasiru waye ya yanke ka a hannu.”? Nasiru ya yi shiru yana kallon Atine. Mairo ta bi su da kallo cikin zargi ta ce” Da ka ganinku ba ku da gaskiya wallahi.”
Atine ta ce.”Kinga Mairo kada ki fad’a mana magana mana, kawai da ka ganinmu a tsaye sai ki ce ba mu da gaskiya.”
Mairo ta ce.”To me ya kawo ku kofar shagon ‘Kwage ko dai da had’in bakinku suka ‘kwace mana gold d’inmu ni da Aliya.”
Nasiru ya ce.”Ke dallah malama matsa daga an fad’a miki kowa ma irinki ne ‘barawo.”
Mairo ta ce”To shikkenan yanzu ina ‘Kwage yake ko bashi ku ka zo nema ba.” Atine ta ce.”Mu bashi muke nema ba mun tsaya muna tattauna magana ne.” Mairo ta shiga girgiza kanta tana kallonsu tsayin minti biyu kafin ta d’ingisa kafafunta ta bar wurin.

Atine ta ce”Amma ‘Kwage ya ba ni mamaki wallahi shine wato har sai da ya fitar maka da jini akan abinda aka yi al’kawari da shi, ni fa yanzu gabadaya ban fahimci inda ya dosa ba.”

Nasiru yana cije bakinsa ya ce.” Atine ‘Kwage fa ba zai ba mu ko kwabo ba koda ya sayar da gold din nan, dan garin nuna rashin yarda ta ya fito da wu’ka ya yanke ni a hannu.”

Atine ta ce”Aikuwa wallahi ba zan yarda ba ‘yansanda zanje na d’auko masa.” Nasiru ya bita da kallo ganin ta kama hanya tana tafiya sai zage zage take yi kamar sabuwar mahaukaciya. Kansa ya girgiza ya kama hanyar gidansa hannunsa na d’igar da jini.


Auwalu ganin Amina ta d’aga bokitin ruwan za ta watsa masa a jiki da mugun sauri ya janye yaransa suka matsa gefe ruwan zafin da Amina ta niyyar kwara masa a jiki ya gauraye d’akin. Takaicin haka yasa zuciyarta kara d’aukar zafi! ta sake fita daga d’akin a karo na biyu tana huci. Lokacin shi kuma ya yanke shawarar fita ya bar mata gidan gabad’aya, sai kawai suka yi kacibus hannunta ri’ke da wuka.
Ya tsorota sosai, saboda ya zan halin rashin hankalinta za ta iya soka masa wu’kar, jiya jiya kuma yake jin labarin wata mace ta kashe mijinta.

Ya razana sosai, da saurin gaske ya koma cikin d’akin yana diri-diri! Amina ta bi shi da wu’kar a hannunta ta yi mata rikon tsauri.
Ritsa shi ta yi ya ma’kale a bango yana fadin “Amina kada ki kashe ni, za ki jefa rayuwarki cikin garari, na yarda ina zalintarki kuma zan gyara, kada ki kashe ni, ki mayar da yaranki marayu, za ki shiga masifa matsananciya muddin jinina ya rataya a wuyanki.”
“Auwalu na fad’a maka ni ce aljalinka, sai na kashe ka, domin ba ka da amfani, gwara na kashe ka na zo kuma na kashe kaina da yaran gabad’aya.”
Ya ce.” In dai akan auran Zuwaira ne na janye, don Allah kada ki kashe ni.”
Rintse idonta ta yi da k’arfi ta nufe shi tana fadin.” Sai na kashe ka fa Auwalu.
Ganin da gaske take yi, sai ya yi wani irin tsalle, dama yana ta’ba kwallon kafa (ball) Amina ta tsince shi a bayanta ya yi mata rikon tsauri, ta dinga yun’kurin kwacewa karfin ba daya ba ne.
Murd’e hannunta ya yi, wu’kar ta fadi kasan wurin, da sauri ya sunkuya ya d’auka. Aikuwa kafin ya dago ta rufe shi da duka tana zunduma ihu! tare da tsine masa albarka.
Ya dago a fusace! ya tsinka mata mari mai shiga Jiki.
Ba ta saduda ba, ta bi bayansa tana jifansa da kwanuka. Ta cukuikuye masa riga har sai da ta yage. Ta dinga cizonsa tana yakushinsa.
Auwalu da kyar ya fincike ya fita daga gidan yana numfarfashi!

Babu inda ya nufa sai majalisarsu. Ya shiga rumfar kwanon Wada maishayi ya samu kar’kashin teburi ya kwanta yana takure jikinsa gari garin sanyi ga dare ya tsala sanyi sai ratsa jikinsa yake yi, ga riga a yage. Akan dai ya kwana a gida Amina ta nakastashi gwara ya kwana a rumfar kwanon maishayi komai sanyi zai jure!

GIDAN MUSBAHU.

“Haba masoyita dan Allah ki yi hakuri ki tallafe ni mana Habiba ki bari na gudanar da wannan lamari wallahi tallahi yau a tsananin bukace nake Habiba ke kanki kin san ina hakuri, yau kusan wata d’aya ba ki ba ni hakkina ba ki tausaya mini.”
Habiba ta tashi zaune tana harararsa kafin ta yi magana sai da ta tsartar da yawun dake bakinta a jikin bangon d’akin, bushshiyar fatar jikinta ta shiga sosawa ta ce”Wai dan Allah Musbahu wane irin abu ne haka? tun farkon dare ka ke naci akan abu d’aya ka’ki ka saurara mini, na ce ba zan bayar ba dole ne? aikin banza akin wofi kawai.” Kwanciya ta yi tare da juya masa baya.
Musbahu bai yi zuciya ba ya sake matsawa jikinta shi ko warin da take ma bai dame shi ba bukatarsa kawai yake so ta biya! bayanta ya shiga shafawa da hannuwansa a fusace! ta tunkud’e shi tana jan tsaki ta mi’ke zaune harara ta dinga banka masa shi kuma sai marairacewa yake yi yana bin kirjinta da kallo. Hannunta ta d’aga zata cire rigar baccin jikinta warin hammatarta ne ya bugi hancina na yi gaggawar matsawa gefe guda ina mamaki Habiba hammatarta cinkus da gashi sai tsiyayar da ruwan gumi take yi. Shi kuwa Musbahu gigicewa ya yi da sauri ya yi mata rumfa jikinsa sai kyarma ya ke yi, ya fara kokarin biyawa kansa bukata
Habiba sai da ta bari yana daf da cimma wani lamari sai hau ta ture shi! ta kalle shi ido cikin ido kafin tace”Sai ka bani kudi.” Musbahu wanda yake cikin halin d’imuwa ya ce.”Nawa?” Kai tsaye ta ce”Dubu biyar.” Marairaice fuska ya yi ya ce”Haba Habiba hakkina sai na baki kudi dan Allah ki bari na yi wallahi a matse nake.”

“Lallai ashe zamu kwana a haka wallahi sai ka biya zan bari ka yi.” Jiki na rawa yana had’a gumi yace.” To zan baki dubu biyu ki yi hakuri.” Girgiza kanta ta yi tare da furta.”Dubu uku za ka ba ni wallahi idan ba haka ba to fita ka bar mini dakina”
Hannu ya mi’ka ya dauko dogon wandonsa daya cire ya dauko ‘yan dari biyar biyar guda shida ya ce gashi to.” Kar’ba ta yi tasa a ‘karkashin fillo sannan ta kwanta. Musbahu a gaggauce ya cigaba da gudanar da wani lamari yana jin kamar ransa zai fita daga gangar jikinsa.
Littafin Kyauta.

°°GAMA DUNIYA!
BINTA UMAR ABBALE 🍒

BABI NA ASHIRIN DA BAKWAI.

Hawaye ne masu tsananin zafi suka kasa tsare kumatunta. Tana kwance a gadon asibiti ‘yan’uwa da abokan arzik a tsaye a kanta. Kowa ka kalli fuskarsa babu annuri, alhini da damuwa ya damalmala nutsuwar zukatansu.
Murya a dusashe take fad’in.” Anti Lami ni ce fa na kashe shi, ku daina tantama da kokwanto wallahi ni na kashe Yaya Jamilu da hannuna, ni ce na soka masa wuka a bayansa da kirjinsa.”
Gabad’aya d’akin suka rude. Wad’anda a da suke kokwanto sai suka gazgata jin gaskiyar magana daga bakinta. Koke koke ya cika gurin, wad’anda Allah ya ba su karfin Imani daga ciki suka dinga tambayar dalilin da yasa ta aikata hakan.
Kukanta ne ya tsananta tana tunanin lamarin da ya faru. A lokacin ji ta yi kamar ana bata umarni, sai yanzu kuma take nadamar abinda ta aikata. Tana son mijinta sosai kuma tana kishinsa, ta yi mamakin cin amanar da Maman Sabir ta yi mata, yanda ta d’auketa kamar ‘yar’uwa wadda suka fito ciki d’aya. Wai yau itace kwance a kan gadonta tare da mijinta na sunnah turmi da ta’barya.
Jami’an tsaro ne suka shiga d’akin. Ba tare da ‘bata lokaci ba suka d’aura mata ankwa a hannu. Dama abinda ya kawo tsaiko saboda bata cikin hayyacinta. Aljanu ne suka buge Anti Lami a gurin. Wasu suna salati da kiran sunan Allah, wasu kuma suna ihu. Dama kuma duk cibiyarsu d’aya auran zumunci ne. Haka dai suna ji suna gani aka sanyata cikin mota da ankwa a hannu ga zungureren ciki. Hannu take d’aga musu tana kuka tare da neman yafiyarsu.

Maman Sabir kuwa a ranar da lamarin ya faru unguwar ta bari gabad’aya. Sai bayan goma da rabi ta dawo. A daran wata makociyarsu ta shiga gidan tana fad’a mata abinda ya faru. Sai ta shiga jajantawa har da kukanta tana fadin gwara da Allah ya sa ba ta nan lamarin ya faru. Ta yi ta kuka kamar wata mai gaskiya tana fad’in Allah ya jikan Jamilu, ita kuma Sailuba Ubangiji Allah Ya sa mahukanta su yi mata hukunci daidai da abinda ta aikata.

Da sassafe tana damawa yara kunu ‘yansanda suka dira a gidan. Duk sai ta tsure! Ta dinga diri-diri tana kallon almajirin Sailuba wanda yake tsaye a gefe yana yi mata wani irin kallo. Ya ce.” Ita ce ranka ya dade na rantse da wanda raina yake a hannunsa fasika ce, macuciya, mazanbaciya ce, tana zalintar mijinta da makociyarta da ta bata yarda da aminci. Na rantse da Ubangiji da ya hallice ni, sau uku ina ganinta tana shiga gidan uward’akina su rufe kofa da maigidan, a duk lokacin da uwar d’akin nawa ta tafi asibiti, saboda haka ranka ya dade a yi bincike sosai kafin a yankewa anti Sailuba hukunci.”
Maman Sabir ta fashe da kuka tana fad’in ” Laminu sharri za ka yi mini. Ni fa lokacin da lamarin nan ya faru ba na unguwar ma gabad’aya, wallahi ba ni da lefi yallabai sharri ya yi mini.”
Ba su saurareta ba, suka d’aura mata ankwa a hannaye su ka yi gaba da ita, yaranta sai kuka suke yi. Unguwar ta cika da jama’a, lokacin da aka fito da ita tana turjewa sai kuka take yi.
Wani makocinsu ya janye yaran ya kai su gidansa. Cikin alhini da damuwa ya kira wayar mijin nata domin ya sanar masa da halin da ake ciki yana can uwa duniya neman halalinsa matarsa tana aikata alfasha.

**

Musbahu irin marasa saurin gamsuwa da wuri ne, sai ya shafe awa d’aya bai ji yanda yake so ba. To ita kuma Habiba ta kasance mara juriya da kuzari, tun kafin tafiya ta yi nisa ta soma mita tana ture shi shi kuwa ya makale ta tsam sai gudanar da lamarinsa yake yana cusa fuskarsa a tsakanin wuyanta sam warin jikinta baya damunsa shi dai kawai ya samu abinda yake so.

Habiba tunkud’e shi take yi tana turje-turje gami da fad’in “Ni wallahi ba zan iya da wannan jaraba ba haba tun d’azu ka ke abu d’aya duk ka bi ka danne ni wallahi na gaji sai ka d’aga ni.” Ture shi ta ke yi tana kokarin tashi zaune.

Agigice Musbahu ya mayar da ita ya sake dannewa yana fad’in “Ki yi hakuri na kusa dan darajar Allah da Annabi kada ki katse mini hanzari.”

Yun’kuri ta yi ta tofar da yawun bakinta a jikin bango ta ce”Wallahi sai dai idan za ka ‘kara mini kudi sannan zan yarda haba jama’a ka fi minti talatin kana sasakata kashe ni kake so ka yi?”

Musbahu kamar ya yi kuka ya ce.”Haba Habiba ki ji tsoron Allah akan abinda ki ke yi mini hakkina nefa amma ki ke sayar mini wannan ba daidai ba ne.” Ta ce.”Abu a jikina ka ce na ka lallai ma, dallah malami ni sauka daga kaina haka ya isa.”
Musbahu ya ce wallahi ba zan sauka ba sai na gama ai ban gama cin kud’ina ba.” Yana gama maganarsa ya matseta a jikin gadon ya cigaba da sha’aninsa.
Habiba yaron ciki ne da ita shiyasa take da ni’ima ko babu ciki Musbahu Yana gamsuwa da ita sosai domin Allah ya hore mata ni’ima sai dai sam ba ta yarda da shi ta dad’in rai tun tana amarya haka take yi masa duk lokacin da zai nemeta sai sun tsadance take yarda, a haka suka haifi yara uku Habiba a cewar ta da jima’i da rashinsa duk d’aya suke a gurinta, dan idan za ta yi shekara namiji bai kusanceta ba ba zata damu ba.
Musbahu zage ‘kwanjinsa ya dinga suburbud’arta. Domin shi mutum ne muzzakari. Sai kuma Allah ya had’a shi mace lusara mara sanin ciwon kai ‘kazama kuma.

Daku nake matan da suke sayar da kwanan aure ga mazajensu! Wallahi ku ji tsoron Allah, ku sani kuma Kuna cikin tsiniwar Ubangiji

WASHE GARI DA SAFE.

Ta kalle shi da idanunta duk kwantsa kamar ba ta yi alwala ba cike da bada umarni ta ce”Zan turo Shahid yanzu ka had’a mana kayan shayi har da ‘kwai sannan kada ka saya mana borodi mai arha.”

Kwantar da kansa ya yi ya ce.”Haba Habiba ki na so ki rusa mini jari ne? yau kwana shida kullum sai kin soya ‘kwai a gidan nan gashi ba ki yarda ki sha madarar leda ba sai ta gwangwani, dan Allah ki yi hakuri yau ki turo shi ya kar’bar muku gasarar kunu.” Da sauri ta ce”Wallahi ba ka isa ba ka kwana kana suburbud’ata ka ce na sha kunu wallahi sai ka ba mu kayan shayi da madara da ‘kwai kada ka sake ka sayo mini gasara dan zubar da ita zanyi ka yi asarar kudinka sannan kuma na zo har shagon naka na d’auki abunda na ke so.”

Ya ce.”Habiba wai ko dan mahaifinki ne ya ba ni jari ki ke yi mini katsalandan ne kada fa ki manta ba duka kudin mahaifinki nake juyawa ba.”
Ta ce.”Oho maka kai ka sani, ni dai na fad’a maka kada ka sake ba sayo gasarar kunu dan wallahi zubar da ita zan yi.”

Rigarsa ya d’auka yasa rai a b’ace ya ce.” Ki turo Shahid din ya kar’bar muku.” Hanyar fita ya kama ta bi shi da harara tana zumbura bakinta.

‘Dakin yaran ta nufa ta tashi yaron a gurguje ya yi alwala ko sallah bata sa shi ya yi ba ta ce”Maza ka bi babanku shago zai baka kayan shayi idan ya sayo mana borodi nadari biyu ka ajiye kace dan dari biyar na ce a sayo.”
Yaron ya ce.”To Umma.” Takalmansa yasa ya bi bayan mahaifin nasa.


Duk tsananin sanyi da sauron da ake yi a gari a ‘karkashin teburi Auwalu ya kwana gashi duk rigarsa ta yage gaba da bayanta. Ganin gari ya waye sai ya fito daga k’asan teburin ya zauna yana kallon hanya.
Wada mai shayi ya ‘karaso gurin yana fad’in” A’a na Zuwaira yana ganka da farar safiya ina fata dai lafiya? Auwalu ya kalle shi da jan ido ya ce.”Wada dube ni da kyau ka gani.”

Wada ya shiga bin sa da kallo, nan yaga duk rigar jikinsa a yage Auwalu ya juya masa bayansa Wada maishayi ya ri’ke baki cike da mamaki ya ce.”Wannan ai cizo ne gashi nan ha’koranta sun fito rad’au a bayanka.”
Auwalu ya tattare rigar ya mayar jikinsa yana kwafa ya ce.”Amina yau ‘kiri-‘kiri ta hana ni na kwana a gidana ta dauko wuka za ta kashe ni, da bata samu nasara ba shine ta kafa mini ha’koranta a baya.
Wada maishayi ya ‘boye dariyarsa yana jinjina kai ya ce.”Auwalu garin yaya haka ta faru? kullum ina baka shawara ka zauna da matarka lafiya domin itace matar rufin asirinka tunda kun fara haihuwa.

Auwalu yana girgiza kafarsa ya ce.”Amina fa saboda zan auri Zuwaira yasa ta ke yi mini wannan iskanci ba ni ne nake neman tashin hankali da ita ba, itace kullum take nema na da tashin hankali auran Zuwaira kuwa kamar na yi na gama wallahi.” Wada maishayi yana kokarin kunna wuta ya ce.”Kai Auwalu kada ka tarowa kanka wahala yanzu fisabilillahi ina ka ke da ‘karfin ri’ke mata biyu.”
“Ka ga dallah malami kada ka yi mini maganar banza mana mutumin da yake da aikin yi gomnati ta san da zamansa har shi za ka kira mara abin yi ko ba ni da aikin yi sai na auri Zuwaira saboda ni zuwana Hizbah alkairi ya janyo mini dan sun yi al’kawarin aura mini ita.”

Wada maishayi ya ce.”Haba Auwalu daga magana sai kuma ka fusata ai ba ka yi mini bayani ba sai yanzu to Allah ya sanya alkairi.” Auwalu ya ce.”Ameeen haka na ke so ka fad’a malam.” Wada dariya ya yi kawai ya cigaba da jera borodinsa a kan teburi suna sake tattauna maganar.

Musbahu na kokarin bud’e shagonsa ya hango Auwalu suna hira da Wada, kai tsaye teburin ya nufa, ya ba su hannu suka gaisa kafin ya ce.”Auwalu yana ganka da farar safiya ga rigarka duk a yage.” Auwalu ya yi kwafa tare da cewa .” Mutsiyaciya ce ta d’auko wu’ka za ta kashe ni akan Hizbah sun yi min al’kawarin aura mini Zuwaira.”
Musbahu cikin girmama al’amarin ya ce.”Shine kai kuma saboda sahorami ne ka fito ka bar mata gidan ba ka ci ubanta ba, kai da gidanka ta hana ka kwanciya a ciki wai Kai Auwalu mai yasa ka ke bada maza ne?”
Auwalu ya ce.”Kai ai dole na ji tsoro na fito dan wallahi ban shirya mutuwa yanzu tabbas da na tsaya Amina sai ta caka mini wu’kar data d’auko.”
Auwalu ya bugi kirji cikin nu na shifa jarumi ne a gidansa ya ce.”Amma wallahi Auwalu ka ba ni mamaki ace kamar Amina ka zauna tana wasa da hankalinka ba ka ci Ubanta ba wallahi idan ni ne sai na yi mata shegen duka kuma na kore ta daga gidana, ni akwai ‘yar iskar macan da ta isa na ajiye kara a gidana ta ‘ketara ai wallahi duk ranar da Habiba ta yi mini laifi yini ta ke yi tana kuka gami da neman gafarata ni ba shashashan namiji ba ne.” Yana hura hanci ya kai karshen maganar.

Auwalu ya ‘kaa fusata ya ce.”Yanzu yanzu zan koma gidan ai za ta ci ubanta za ta fad’a mini idan da kudin ubanta na had’a na yi ginin gidan.” Tashi ya yi a fusace! Wada maishayi yace.”Kabi komai a sannu Auwalu.” Musbahu ya ce.”Kai Wada ba ka san halin mata ba saboda ba ka yi aure ba ai mata ba’ayi musu da sauki! kawai ka rabu da shi yaje ya dauki hukunci mai tsauri a kanta zata kiyaye a gaba.”
Wada girgiza kansa ya yi ya cigaba da jera gwangwanayen madara.

Auwalu ya kama rigarsa inda ya yage ya tattare ya r’ike da hannu d’aya, ya kalli Musbahu da fad’in “Ni na tafi.” Musbahu ya ce.” Yawwa namijin maza ka je ka nuna mata bata isa ba, idan ta yi maka rashin kunya ka ci ubanta.” Auwalu girgiza kansa ya yi, ya kama hanyar gidansa, Musbahu ya kalli Wada hankalinsa a kwance ya ce.” Ba ni borodi d’an dari biyu.” Da sauri Shahid ya ce.” Ai ta ce kada a kar’bo d’an dari biyu na dari biyar take so.” jim ya yi na minti biyu kafin ya ce ‘Dauko mata na dari biyar din.”
Wada ya dauko leda yasa ‘katon borodi na dari biyar ya mika masa! Musbahu ya bawa yaron da fad’in muje shagon na had’a maka sauran kayan.” Wada ya ajiye kofin hannunsa kawai yana bin sa da kallo yana mamakin mugun halinsa wato shi yana zaune lafiya da iyalinsa amma idan ya fito kullum cikin zuga mutane yake mutukar zai ji tashin hankali to ba zai kwantar dashi ba sai dai ya ‘kara rura masa wuta. Girgiza kansa ya yi kawai ya cigaba da gyara teburinsa .
Littafin Kyauta

°°°GAMA DUNIYA!
BINTA UMAR ABBALE 🍒

BABI NA ASHIRIN DA TAKWAS.
Mairo a fusace ta buga ‘kofar gidansu ‘kwage ta shiga ba tare da ta yi sallama ba kawai ta afka cikin gidan.
“Zaharaddini kada ka taka ni, ka ga ba ido ne da ni ba, shin wai me ka ajiye mini a dakin da za ka shigo babu sallama.” Kande kakar ‘Kwage itace take wannan maganar Yayin da take ta lalube da hannunta saboda lalurar makanta da Allah ya d’ora mata.
Asali sunan ‘Kwage shine Zaharaddini tun sanda ya zama gagararre ya canjawa kansa suna da ‘Kwage. Bashi da uwa da uba maraya ne gaba daya ba a hannun kakarsa ya taso ita kuma talaka ce mai lalurar rashin gani. ‘Kwage ne yake yi mata jagora su fita bara idan an samu sadaka yasa a aljihunsa da ‘kyar yake saya mata abinci. Tunda ya kai shekara ashirin ya hana ta zuwa bara kullum zai fita ya yi sace-sacensa ya zo ya ciyar da ita ya ciyar da kansa. ‘Kwage ya gagari kowa idan ma ‘Yansanda sun kama shi ba ya wani dogon zango yake fitowa, kuma idan ya fito baya daina aikata barna d’orawa yake daga inda ya tsaya.
Mairo binkice kawai ta ke yi a dakin sai hargitsa kaya ta ke yi ita kuma Kande lalu’be take da hannu tana fad’in “Zaharaddini kada ka yi mini ‘barna ban ajiye komai a dakin nan ba, dama kai na ke jira ka kawo mini abinda zanci tunda ka hana ni fita bara.” Mairo ta d’ago tana nishi duk ta had’a gumi ta ce”Kande ba fa ‘Kwage ba ne ni ce nan Mairo akwai abinda nake dubawa a dakinki.” Kande ta ce.”To ikon Allah ka ji ni da yarinyar abu ki ka ajiye mini da za ki shigo ki na yi min binkice.” Mairo d’aurin zaninta ta gyara ta ce” Ban ajiye komai ba amma ina zargin ‘Barawon jikanki zai shigo kayanmu ya ‘boye shiyasa ki ka ga ina yi miki binkice a daki.”
Kande baki ta bude cike da mamaki ta ce.” Kaya kuma ‘yar nan a’ina Zaharaddini ya samu kayanku, kuma wane iri ne ? dan Allah ki rufa mana asiri Zaharaddini ba ‘barawo ba ne.”
Mairo tsaki ta ja cike da takaici ta ce.”Kina zaune ana ci dake da haram kina wata magana to bari ki ji jikanki mugun ‘barawo ne dan haka idan ya shigo ki fad’a masa cewar na zo kuma na gane cewar da had’in bakinsa ‘yansanda suka ‘kwace mana gold d’in mu, dan haka ya ki ya yi had’uwata da shi.” Tana gama maganarta ta fita daga gidan. Kande ta fashe da kuka tana laluben hanyar fita tana fad’in “Zaharaddini ba mu da gata a garinan kada ka janyo mana masifa ba ni da kowa sai kai, duk iyayenka sun mutu ka daina zuwa kana sato kayan mutane ana zuwa ana yi mini binkice a gida.” Kande sambatun surutai kawai ta ke yi tana laluben hanyar fita.


‘Bangaran amarya Nabila kuwa tana tsaka da gudu da gate a saman kanta motar angon ta taci burki a gabanta. Dama tuni labari ya iske shi cewa ga amaryarsa can tana gudu akan titi ta zama mahaukaciya. Babu shiri shi da abokanansa suka shiga mota domin zuwa su ganewa idonsu abinda yake faruwa.
Rirriketa su ka yi tana ihu! da zambarwa yawu na dulala. Da kyar suka ‘kwace gate d’in daga hannunta suka jingine shi a jikin wani kango
suka sata a mota kai tsaye gida suka nufa da ita sai malkwad’e-malkwade ta ke yi a motar tana gwalantu koriyar majina ta cika hancinta taf da kyar take fizgo numfashi.

Alhaji Dangwamna kai kawo kawai yake yi a kofar gidansa ga masu gadinsa sun jeru gabadaya a gabansa sun sunkuyar da kansu ‘kasa tsabar ladabi sai ba shi hakuri su ke yi ganin yadda ransa ya ‘baci.

Babbar rigarsa ya gyara ya cigaba da hura hanci yana fad’in “Saboda ku shashashai ne kuna kallo aka cire mini gate din gidana wanda na kashe makudan kud’i nasa ashe ba ku da amfani ko? to wallahi ba zan baku albashinku na wannan watan ba da su zan gyara ‘barnar da kuka janyo mini dan ni ban yarda da asara ba.”
Babban cikinsu ya ce.”Alhaji wallahi al’amarin ne ya fi karfinmu dan gabadaya gidan ne ya hargitse aka dinga guje guje Amarya Nabila itace ta tayar da Aljanu ta dinga cin d’anyan nama kafin mu ankara kawai muka ga tana jijjige gate din gidan tana ihu!! sai kowa ya tsorata da al’amarin saboda ganin mahaifiyarta ma ta gudu, to mu ma sai muka gudu dan kada mu tsaya ta cutar da mu.”

Babbar rigarsa ya sake gyarawa a karo na biyu yana muzurai ya ce.”Rufe mini baki sakarkarun banza da wofi! ni akwai wani aljani da zai firgitani a duniya da har za ku dinga guje guje akansa ni da ina nan ai da na yi maganin aljanun da su ka yi mini ‘barna a gidana, sun bar mini gida a hangame domin su tona mini asiri, to ni bana tsoronsu komai shekarunsu a duniya na gagaresu saboda haka ku san da sani baku da albashi na wannan watan domin ba zan dauki asara ba.”

Hakurin dai suka cigaba da bashi suna ‘kas’kantar da kansu.
Motar Shafi’u ango ce ta yi parking a gurin Alhaji D’angwamna ya gyara tsayuwa yana harare harare! Shafiu da abokansa suka bude mota suka fito da sauri Nabila ta yi yun’kuri fitowa tana kwarma ihu! Alhaji Dangwamna ya ‘karasa bakin motar cike da karsashi yake fad’in “Kai menene hakane ihu! me na ke ji ne ? ba na son sakarci fa.” Shafi’u ya ce.” Alhaji dama yarinyar nan tana da Aljanu amma shine kuka munafurce ni kuka d’aura mini aure da ita.” Alhaji Dangwamna ya ce.”Kai ba na son sakarci banza da wofi wane irin aljanu kake magana yarinyata ‘kalau take bata da iskokai domin ba su ta’ba nuna alama ba .”
Shafi’u ya ce.” A can bakin titi fa muka tsinceta tana gudu tana ihu! da gate a saman kanta.” Alhaji shiru ya yi gabansa na fad’uwa hango Nabila ya yi a cikin mota tana wani irin taune-taune da bakinta Ya ce.”Ni ban yarda da cewar yarinyar nan nada aljanu ba, dan haka ku bude mata kofa ta fito babu wani aljani da ya isa ya tsorata ni ko ya shigo mini gidana na fi karfinsa, domin na fi tunanin mahassada ne suka yi mini jifa ya sauka a kanta amma ba wani aljani ba.”

Shafiu ya kalli abokinsa da fad’in “Murtala bud’e mata kofa ta fito.” Murtala da sauri ya bude motar ya matsa gefe yana zare ido.
Fit!! ta fito daga motar tana rarraba idonta a kansu gaban rigarta duk ya ji’ke da miyau da majina gashin kanta ya yi cibiri-cibiri wani irin kallo ta ke wa mahaifin nata kafin ta tisgid’e ta shagid’e kafafu ta nufe shi tana dallaro da harshenta.
Gabansa ne ya fad’i! gumi ya karyo masa yanda yaga ‘yar tasa tana lallauyewa tana tafiya a tisgid’e shine yaji shakkar tunkararta. Babban abinda ya ‘kara firgitashi yanda yaga harshenta ya ‘kara girma gashi sai dallaro dashi take tana tsotsarsa. A tsorace ya matsa gefe guda yana muzurai! Wata mahaukaciyar dariya ta saki ta sake nufarsa tana dariyar had’e da mika masa hannunta wanda ya ‘kara tsayi! a guje! ya afka cikin gidan yana addu’a bin bayansa ta yi tana cigaba da she’ka dariya.

Shafiu da abokansa suka shiga mota sukayi tafiyarsu. Masu gadi kuwa zama sukayi jikinsu a sanyaye.
Alhaji Dangwamna tun kafin ya ‘karasa shiga cikin gidan ta ritsa shi! ya dinga kwarma ihu! yana ma’kalewa a jikin bango! bin sa take yi tana kyalkyala dariya tare da mi’ka masa hannunta. Ya dinga ‘kwalawa masu gadi kira suna jin sa suka yi shiru tsoro su ke ji su shiga gidan. Da mutukar gudu ya fito babbar rigarsa sai zamewa take yi. Ganin yanda ya saici hanya yana falfala gudu yasa masu gadin suka rufa masa baya dan ba su san kuma wannan karon da me zata fito ba! koda ta fito taga suna gudu sai ta tsaya ta dinga k’yalkyala dariya kafin ta zube a gurin! ta fadi kamar matacciya.

TSANGAYAR MALAM DAUDA
“Dan Allah D’anAudu ka k’yale ni wallahi abinda ka ke yi mini da zafi gurin ciwo yake yi mini, dan Allah ka bari wayyo Allah na.” muryar ‘karamin yaro ce yana kuka tare da wannan magiyar. Rumfar kwanon na shiga ina lalube can na hango ‘katon saurayi ya danne dan ‘karamin yaro yana rufe masa baki da hannunsa. Yaron ya dinga mutsu mutsu yana fitar da numfashi da kyar! yayin da shi kuma D’anAudu keta kaiwa yana kawowa a kansa yana lumshe ido, a kallah sai da ya yi mintina talatin akan yaron kafin ya sauka ya mayar da wandonsa ya koma makwancinsa ya kwanta, Yaron yana kuka ya mi’ke tsaye ya gyara wandonsa fita yake kokarin yi wanda yake dab da ba’kin kofar a kwance ya ri’ko hannunsa ya janyoshi kan shimfidarsa ya kwantar dashi shi ma ya zage tazugen wandonsa ya haye kansa. ” Wayyo Allah na kada ku kashe ni Dan Allah Suraja ka yi hakuri da zafi ka daina da zafi! wayyo zan mutu.” Siraja yasa hannunsa ya rufe masa bakinsa gam ya cigaba da biyawa kansa bukata! shi ma sai da ya yi minti talatin a kansa ya kyale shi.
Da kyar Mansur ya koma rumfarsu yana wata iriyar tafiya sai kuka yake yi. Da safe kowa ya tashi ya yi alwala da sallah banda shi yana kwance yana makyarkyata duburarsa sai zugi take yi masa duk ta tsage! yana kallo kowa ya dauki robarsa ya tafi bara shi yana kwance hawaye ne kawai suke tsere a kumatunsa.
Saukar bulala ya ji a bayansa a tsorace! ya tashi zaune yana zare idonsa! Suraja ya gani a tsaye a kansa yana muzurai! tsawa ya buga masa da fad’in “Dan ubanka kwanciyar me ka ke yi anan tashi ka tafi bara kada lokacin zaman karatu ya yi.”
Mansur ya tashi zaune yana kuka yace “Ba ni da lafiya nan ne yake min ciwo.” Ya fada yana nuna bayansa
Suraja bulalar ya shaud’a masa da kar’fi ya ce.”Tashi dan ubanka ka dauki robarka ni ina ruwana da rashin lafiyarka kuma wallahi duk sanda ka fad’awa malam abinda ke faruwa sai naci ubanka sai na kusa kasheka.” Mansur ya yi gaggawar tashi yana tale ‘kafafunsa ya dauki robarsa yabi ‘yan uwansa yawon neman abinci.
INNALILLAHI WA’INA ILAIHI RAJI’UN!

Cikin gidan Malam
Ladi ce a ‘kuryar daki da wayarta a hannunta tana shawarwari da zuciyarta, lambar Faruq ta nema ta shiga kira tana so yau ta yi masa wankin babban bargo dan ta gaji da iskancin da yake yi mata ya mayar da ita karuwa amma yana gudunta.

Faruq yana duba loptop kiran ya shigo wayarsa kamar kada ya daga sai dai ya dauka a cunkushe ya ce.”Ke lafiya ki ke nema na?”
Ta ce.”Kai dan akuya na fi ka rashin mutunci wallahi wato ni kakewa iskanci da wulakanci ko bayan ka gama lalatani ka shine kake fad’ar munanan kalmomi a kaina to wallahi a shirye nake dana tona maka asiri dan na gaji da irin cin mutuncin da kake mini.”
Tsawa! ya buga mata ya ce.”Rufe min baki ko kuma naci ubanki ni nace ki kawo min kanki inda nake da har kike wannan maganar ko yanzu kika kawo min kanki sai na bi ta kanki kuma ba zan aureki ba.”
Kuka ta fashe dashi ta ce”Amma ka cika macuci maci amana wallahi sai na hana ka jin dad’in rayuwarka zaka san ni ka wulakanta.” Kashe wayarta tayi tana kukan bakinciki.
Faruq ne silar lalacewarta tunda tun tana yarinya yake nuna mata kauna da kulawa, kullum idan za ta tafi makarantar boko ta zo wucewa ta kofar gidansu sai ya bata kudi da biscuits masu yawa a hankali sabo ya shiga tsakaninta dashi idan ma tazo wucewa bata ganshi ba sai ta shiga gidansu ta tambayi mamansa ita kuma tace mata ta duba dakinsa dake soro. Idan ta shiga dakin nasa haka zai cire mata wando da riga yayi ta wasa da gabansa a gabanta yana mutsika ‘kananun mamanta da suka fara fitowa! Ladi ta sakar masa jiki su yi ta shafe shafe tana jin dadi yana jin dadi! da tafiya tayi nisa a tsakaninsu daina zuwa makarantar ta yi duk sanda ta fito da sunan zuwa skull sai ta shiga shagonsa su yi ta abu d’aya Faruq shi ya koya mata yanda ake duk wani iska hankali a hankali ya samu nasarar raba ta da budurcinta, ta zama kamar matarsa ya dinga mu’amula da ita yana dubga mata k’waya dan kada ta dauki ciki.
Katsam! ya ga ‘kawarta Hafsa ya ce ita yake so ya aura, Ladi hankalinta ya tashi ta dinga rokonsa akan ya aureta yace shi ba zai aureta ba dan baya so ya haifi lalattun ‘ya’ya irinta! Ladi ta dinga kuka ta rasa ina zata saka kanta haka tana ji tana gani ya auri Hafsa ya barta da ba’kincikin haka yasa ta fad’a harkar karuwanci.

*
Auwalu yana muzurai ya shiga gida ko sallama bai yi ba ya dinga ball da abubuwan dake kan hanya! Shiru gidan dan da alama Aminar ta yi asubanci ta fita. A gurguje ya yi wanka ya canja kaya ya wuce gurin aiki ya so ya same ta a gidan yaci ubanta akan abinda ta yi masa jiya sai kuma ya riski ba ta gidan.

Amina gidan babbar yayarsa ta je tana kuka duk ta kwashe abinda yake faruwa ta fad’a mata ta kuma ajiye mata yaran ta tafi gidansu domin ta yi alkawari ita da Auwalu har abada.

Uwani hankalinta ya tashi. Babu shiri ta tura babban d’anta ya je can gurin aikinsu Auwalu ya kira mata shi. Koda ya zo ta fada masa abinda Amina ta yi. Sai cewa ya yi ta rabu da ita insha Allah bada jimawa ba zai auri wadda za ta ri’ke masa ‘ya’yansa. Uwani ta ce”Da ka yi hakuri ka je ka yi bikonta dan a wannan zamanin babu wadda za ta zo ta ri’ke maka ‘ya’yanka da daraja.” Ya ce.”Kada ki damu insha Allahu Zuwaira za ta ri’ke mini ‘ya’yana sannan kafin daurin auran yazo zan dan kawo miki kudi domin ki rage wahala.” A sanyaye ta ce”To shikkenan.”
Auwalu na fita kai tsaye majalisa ya nufa dan ba ya jin zai iya komawa gurin aikin ba tare da yaje ya fad’awa Musbahu abinda ke faruwa ba.
Musbahu ya ce.”To tayi ta tafiya mana, ko ta dauka kana amfanuwa da ita ne? maza yanzu wuya sukeyi wallahi ina fada maka kana zaune za ta zo tana neman ka mayar da ita dakinta, kawai ka rubuta mata takardar saki malam.” Rabiu ya ce.”Kwarai kuwa wannan shine hukuncin daya dace, dan idan tana nan zata hana ka kaci amarcinka da Zuwaira.” Auwalu ya duba maganar su Musbahu ya fahimci itace ta dace dan haka sallama ya yi musu yace zai koma gurin aiki daga can zai yanke shawara.” Yana barin gurin suka cigaba da tattauna maganar Musbahu sai hura hanci yake yana cika baki shi jarumi ne mai fada aji a cikin gidansa. Wada maishayi dai jinsa kawai yake dan tuntuni ya dawo daga rakiyarsa
Shagon nasa ya rufe yace musu zai je gida ya ci abinci ya dawo.
Habiba na tsakar gida gabanta k’aton faranti ne cike da shinkafa da wake da salak da tumatir harda cocombar ga uban yaji nan ta zabga sai loma ta ke yi tana zukar bakinta. Gefe guda kuma yaranta ta zuba musu abincin cikin ‘karamin plate wanda mutum d’aya ma ya yi masa kad’an! cikin kankanin lokaci yaran suka cinye abincin suna bin wanda ya zube a kasa suna tsincewa. Ita kuma sai d’ura musu ashar take yi tana kai loma bakinta.
Cikin wannan hali musbahu ya shiga gidan.
Ko kallonsa ba ta yi ba ballantana ta amsa masa sallamarsa loma kawai take zabgawa tana barbad’a yajin barkono. Yace.”Habiba kawo mini abinci na ci na koma shago.”

Bakin zaninta ta kwance ta fyace hanci ta mayar da zanin ta d’aura ta kalle shi tana tand’ar baki “Ban girka abinci da kai ba wallahi.” Musbahu cike da mamaki yake kallonta.” Wannan wace irin magana ce Habiba yau kwana uku kina hana ni abinci a gidana wane irin shiga hakki wannan?”

A fusace! ta ce”Ai wallahi tunda ba za ka yi cefane mai kyau ba, to ko na girka ba za ka ci ba yau kwana uku ina maka magiya akan ka sayo mana tattasai da nama domin mu yi miya amma ka’ki kullum sai ka aiko mana da shinkafa da wake da manja to saboda wannan dalilin yasa ko na dafa nake cinyewa idan ka yi abinda nace maka zaka dawo ka tarar na ajiye maka.”Sororo kawai ya yi yana kallonta dan ya rasa ma abinda zai ce mata. Cigaba ta yi da cin abincinta tana barbad’a yaji…Ya kalli yaransa da suka zuba mata ido bayan sun gama tsintar shinkafar ‘kasan gurin, Yace.”To su yaran fa naga kamar ba su ci komai ba.”
Tace”Ga faratin nan gabansu ka ce ba su ci komai ba, suma na fara zubawa kafin na zubo nawa.”
Ya girgiza kansa cike da takaici ya kalli Shahid da fad’in “Kai kun ‘koshi?” Da sauri suka girgiza kai “A ‘a ba mu ‘koshi ba Baba.” Zuciyarsa kamar ta fashe ya juya tare da furta “Shahid ta so muje shago na baka garin kwaki da sukari sai ku ji’ka kusha kafin dare.” Sai tayi saurin cewa”Dan Allah ka ba shi lemon kwalba fenta ya kawo min kaji.” Musbahu ko kallonta bai yi ba yasa kai ya fice daga gidan yunwa na sasakar cikinsa.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA ASHIRIN DA TARA
Nasiru a fusace ya shiga gidansa ruwa ya zuba a buta ya wanke hannunsa gurin da jinin ya bushe ya samu tsumma ya d’aure kana ya shiga cikin dakin yana zage-zage kamar yanda ya saba. Aliya ta d’aga kanta ta kalle shi rai a ‘bace ta ce”Meye haka za ka shigo min daki babu sallama sai zage zage.”
Zama ya yi gefe daya ya fito da sigari yasa a bakinsa ashana ya dauko ya kunna ya mayar aljihunsa, Aliya tsaki taja ta yunk’ura da niyyar barin gurin ya ce.”Ke! dan ubanki ni ki ke wa tsaki?Shiru ta yi masa tana kokarin fita ta bar masa dakin dan masifar da take ciki ma ta isheta bata neman tashin hankali.
Tashi ya yi a zabure zai kai mata duka ta yi saurin kaucewa tana jan tsaki! Ya ce.”Shegiya mayya nace na sake ki amma kin nace! kin ‘ki tafiya ‘barauniya kawai.” Aliya na jinsa tayi masa shuru. Zama ta yi akan kujera ‘yar tsuguno tana sake-saken abinda zai taimaketa. Da sauri ta mi’ke ta shiga dakin. Nasiru yasa mata kafarsa ta fad’i a gurin! tashi tayi ba tace masa komai ba ta shiga daki minti biyu ta fito cikin zabgegen hijabi har ‘kasa ta daura niqab a fuskarta tazo ta tsallake shi zata fita
Yana tangaltangal ya tashi tsaye yana fad’in “Ina zakije baki tambayeni ba.” Yanda yake maganar za ka gane baya hayyacinsa dan sholisho ce a bakinsa yana zuka. Aliya kauda kanta ta yi tace.”Nasiru ba ni hanya na fita na bar maka gidan.”
Ya ce.”Baki isa ba ni nace na sake ki kuma yanzu nace na mayar dake saboda haka koma ki zauna.”Hijabin jikinta yake kokarin cire mata ta bangaje shi da yake bashi da kwari a lokacin sai kawai ya fadi a kasa. Rsallake shi tayi ta fita tana tsaki! da Sholishon a bakinsa yake fad’in ” Wato na ce kada ki fita shine kika fita ko? to ki je na sake ki saki uku shegiya ‘yar matsiyata.” ‘Bingirewa yayi a gurin yana sambatu bacci ya dauke shi.

**
Atine na daf da shiga Police station su ‘Kwage suka fito sai dariya suke yi. K’wage ganin Atine sai ya sha kunu! d’auke kansa ya yi zai wuce, gabansa ta tare ta ce”Kai mara mutunci butulu ina al’kawarinmu wato saboda na turo Nasiru akan hakkina ka fito da wu’ka ka yanke shi da ita.”
Cikin cije baki irin na gagararru ya ce.”Ke Atine wato har yanzu baki san waye ‘Kwage ba ko? har ni za ki tarewa hanya kina tuhumata kan me yasa na yanki Nasiru da wu’ka to wallahi kema yanzu idan ba ki yi wasa ba zan yi miki mugun rauni.” Atine a fusace! ta cire mayafinta ta yi d’amara! ta shiga cusa masa ashar! tana girgiza jiki cikin bala’i tace”Wallahi komai abinka sai ka fito da kudin gold d’in nan mun raba dan tuntuni na san ka sayar dasu to baka isa kaci kudin kai kadai ba, wannan dalilin ne ma yasa na kawo ‘karar ka gurin ‘Yansanda.”

‘Kwage ya kalli Halifa da Mada suka kwashe da dariya suna nuna ta da yatsa. Wasu ‘yansanda ne suka fito suna tambayar abinda ke faruwa.” Kwage yace.”Wannan karuwar ce ta zo tana nema ta yi min sharri wai ta kawo muku ‘kara.” Sai kawai ya fashe da dariya yana tangadi.

ofisa ya kalli Atine yana zare jajayen idonsa yace.”Ke menene ya faru kin shigo hukuma zaki d’aga mana hankali hadda cire mayafi.” Atine ta kwance mayafin ta yafa a kafadarta tace.”Oga wannan d’an ta’addah ne kada ku bari ya fita ‘barawo ne wallahi.” Ofisa ya buga mata tsawa yana zare mata ido yace.”Satar me yayi miki? ki yi mana bayani idan ke mai gaskiya ce.”
Rashin abin fad’a yasa Atine zare ido! ‘Kwage ya kalli abokanansa suka kwashe dariya kana ya juya yana kallon police d’in yace.”Oga mu zamu tafi sai an kwana biyu.” Washe bakinsa ya yi yace.”To Allah ya taimaka a dai dinga kiyayewa.” Kwage da abokanansa suka bar gurin cikin wata ‘yar iskar tafiya

Atine jikinta ne yayi sanyi tabbas akwai lauje cikin nad’i wato K’wage ya san zata kawo shi gurin ‘yan sanda shine ya yi sauri ya zo ya toshe musu baki da kudi. Cikin fushi tace”Oga wallahi ku ji tsoron Allah wato kuna d’aurewa masu laifi gindi suna abinda suke so a gar…….Kafin ta ‘karasa ya kwad’a mata azababben mari ya nuna mata hanya a zabure ya ce.”Maza fita daga station d’in nan ko yanzu na targad’aki har mu zaki zo ki na yiwa wa’azi.”
Atine da sauri ta bar gurin ranta idan yayi dubu ya ‘baci shikkenan ‘kwage ya yi nasara a kansu.

**
Aliya kai tsaye da ta fita daga gidanta kasuwa ta nufa da yake yamma ta yi jama’a sunyi yawa a kasuwar ga ababen hawa titi ya cika maza da mata sai cakud’uwa ake yi wasu ma suna ta had’a kayansu za su rufe shagunansu. Haka ta dinga kutsawa cikin jama’a tana ba za ‘katon hijabinta duk abinda Allah ya bata sa’a dauk’owa take yi ta turmutsa a buhun data ma’kale a hammatarta.

Gurin wata mata ta nufa wadda ta tsuguna gaban mai sayar da gwanjo sai duba kayanta take yi ta ajiye jakarta a gefe guda, Aliya na zuwa gurin Hijabin ta baza ta tsuguna kamar me duba kayan jakar ta dauke ta ‘kara gaba! Matar sai da ta gama zab’ar kayan ta juya da niyyar daukar jakarta ta nemeta ta rasa!
A zabure ta mi’ke tana dube dube! mai kayan ya ce.”Hajia yi maza ki sallame ni magariba ta gabato zan d’aure kaya na.”
Cikin fargaba da tsoro tace”to bari na duba jakata ko kayan sun danneta ikon Allah yanzu fa na ajiyeta a kusa dani.”

Mai sayar da kayan yasa hannu yana taya ta dubawa. Tsaf aka wargitsa kayan gwanjon ba’a ga jakar ba, Hannu ta d’ora a kanta ta zumbud’a ihu!! ”Wayyo Allahna na shiga uku na lalace an sace min jakata da kudina dubu ashirin a ciki da wayata da sauran muhimman abubuwana.” Ai kafin kice kwabo mutane sun rufe ta suna tambayarta yanda al’amarin ya faru….Kai ta had’a da gwiwa ta dinga kwarma ihu! ta kasa magana tsabar tashin hankalin da take ciki.


Amina tana kuka ta shedawa mahaifiyarta duk abinda ke faruwa, Magajiya ta dinga zagin Auwalu tana kwashe masa albarka tare da fadin”Wallahi ba za ki koma gidan tsinanne ba gwara ki yi ta zama a gabana ina kallonki haba jama’a me za’ayi da namiji irin Auwalu shege d’an-iska wannan kudin na ki dake hannunsa sai ya kawo su dan Hizba zan kai kararsa, ya sake ki ya baki kudinki da kike bin sa, ki yi zamanki har Allah ya kawo miki mijin aure.”
Amina ta ce”Ni ma shawarar dana yanke kenan shiyasa na kai masa ‘ya’yansa gidan ‘yar uwarsa dan ba zan koma auransa ba, amma ina jin tsoron masifar Baba Musa kada ya ce dole sai na koma.
Magajiya ta ce.”Ke rabu dashi dan Allah ci zai baki ko kuma sha, ba gidansa za ki je ki zauna ba balantana yace dole sai kin koma Allah yasa kema ubanki ya mutu ya bar gida sai mu yi zamanmu sana’ar sayar da abinci zamu fara dan haka kada na sake jin kince kina jin tsoron Musa dan bai isa yayi miki wani abu ba.” Amina taji dadi sosai da d’aurin gindin data samu gurin mahaifiyarta. Koda ‘kanwarta mai suna Shafa’atu ta dawo daga makaranta ta samu labarin abinda ke faruwa cewa ta yi sai taje har gurin aikinsu Auwalun taci masa mutunci Shafaatu irin marasa kunyar yara ne kamar ‘yar daba haka take ko magana ta ke yi cikin gadara da tauri! take yi gata da shegen ‘karfin tsiya duk karfin namiji baya cin galaba a kanta to taso mahaifiyarsu ta barta taje har can ma’aikatarsu Auwalun ta ci masa mutunci kan abinda yayi wa ‘yar uwarta, da kyar Magajiya ta taushi zuciyarta ta hakura.

Auwalu kafin ya aika da takadar sakin Amina sai da ya kaiwa su Musbahu suka karanta sannan ya aika da takadar. Magajiya ta dinga zaginsa ta uwa ta uba ita kuwa Shafaatu cewa take da ya sani duka ukun ya yi basu da asara dan sun rabu dashi, b’angaran Amina kuwa jikinta ne yayi sanyi Auwalu ya saketa saki biyu akan hakkinta daki ta shiga ta dinga kuka! Shafaatu ta zo ta tsaya a kanta ta dinga cusa mata ashar sai ci je baki take yi kamar zata dake ta tace”Ashe da kin san kina sonsa kika dawo gida dallah malama ki yi mana shuru aikin banza kawai mara zuciya.” Amina shuru tayi mata bata ce komai ba har ta kar’e mata zagi ta fita daga dakin.
Washe garin ranar Hizba suke je da takardar sakin sannan suka shigar da ‘korafinsu na suna so hukuma ta kar’bar musu hakkinsu dake hannun Auwalu.
Yana gurun aiki hukumar hizba ta tura aka daukoshi, ganin Amina da mahaifiyarta bai girgiza shi ba suka zazzauna ana mayar da magana, Auwalu ya ce shi dai ya gaji da zama da Amina shiyasa ya saketa kuma baya jin zai mayar da ita, kudi kuma a bashi karshen wata zai bayar. Malamin ya ce” To shikkenan Allah ya haka shi yafi alkairi.” Takarda ya d’auko yasa hannu ya mikawa Auwalun shima yasa hannu kana itama Aminar tasa hannu aka sallamesu.
Suna fita bakin Titi Shafa’atu ta ci kwalarsa, ta dinga d’ura masa ashar! da ‘kyar wani jami’in d’ansanda yazo ya k’waceshi a hannunta, matsawa yayi gefe yana nishi had’e da gyara botiran rigarsa da suka zube.
Shafaatu ta dinga nuna shi da yatsa tana cije bakinta da fad’in “Ina raye baka isa kaci mutuncin ‘yar uwata na ‘kyaleka ba sai naci kutumar ubanka wallahi.” Auwalu ya ce.”Kinga wadda kike zagi nan a tsaye shegiya mara tarbiya.”
Shafaatu kukan kura ta yi ta wanka masa mari! yaga gilmawar taurari jinsa da ganinsa ya dauke na wucin gadi! tace”Uwata zaka zaga a gabana na kyaleka ni ba Amina ba ce uwarka zanci.”
Auwalu ‘kus! ya yi da bakinsa yana zazzare ido! a maimakon jami’an tsaron dake gurinsu dauki mataki akan Shafaatu A’a sai kawai suka shiga bata hakuri suna rarrashinta ta ja gefe guda sai hura hanci take yi. Wani jami’i ne ya tarar musu Napep yace maza ku shiga ku tafi gida.” Amina da Magajiya suka shiga Shafaatu kafin ta shiga sai da ta tofawa Auwalu yawun bakinta sannan ta shiga motar tana hararasa, Auwalu tsumu! tsumu! ya yi a gurin kamar kazar da aka ji’ka da ruwan zafi jikinsa ya yi sanyi hakika ba’a ta’ba ci masa mutumci ba irin yau.


To Alhaji Badamasi al’amuransa sun d’anyi sau’ki tunda Shahida ta mutu jikinsa yayi la’asar ya rage wasu abubuwan da yake yi, Bangaran Hajara kuwa har yanzu taki sakin jikinta dashi kallonsa kawai take yi dan saboda tasan me hali baya fasawa aikuwa sati biyu da rasuwar ya cigaba da abinda yake yi. Idan ya fita tun safe sai tsakar dare yake shigowa gidan ranar girkin Luba kuwa ai ko hanyar gidan Hajara baya yii ballantana ya zo ya basu abinda zasu ci Sayyid ne ke fita sana’arsa ya dan samu kudi su sayi abinci da sauran abubuwan bukata.
Akwai ranar da ya zo gidan ya ga makotansa sun kawowa Hajara abinci cikin kwano da yawa sai ya fusata ya dinga zaginta wai tana tona masa asiri a unguwa, Hajara ta yi ta so ta fahimtar dashi ya’ki fahimta a fusace! tace”To wai kai Alhaji an fada maka kowa ma irinka ne mugu kana tunanin dan ka hana ni abinci Allah zai hana Wanda zai taimake ni, akwai mutanan kirki a duniya suna taimaka mana kai kuma kaje ka ri’ke naka bariki kuma kada ka daina.” Wannan magana ta fusata shi sosai ya shiga dakinsa a fusace! ya fito da zabgagiyar wayar redio ya shiga tsula mata yana zaginta! Hajara da kyar ta kwaci kanta ta shiga daki ta rufe kofa tana kuka! tana jinsa yana ta d’ura mata ashar kafin ya sa takalmansa ya bar gidan, ta zube kasan dakin tana wani irin kuka mai tsuma zuciya, cikin wannan halin ta ji ana sallama. Hajara da sauri ta share hawayenta ta mike tare da bude kofar dakin tana amsa sallamar da ake yi. Ido hudu sukayi da ‘kawarta Sha’awa tana dariyar ya’ke tace”Sha’awa dama rai kanga rai lallai ashe yau ina da babbar bakuwa.” Sha’awa na murmushi ta ce”Wallahi kuwa ai cewa na yi ba zan koma Abuja ba sai nazo mun gaisa da juna nayi miki gaisuwar Shahida humm! Hajara ke ce kika koma haka?” cike da al’ajabi tayi maganar
Hajara murmushi tayi tace”Ke dai shigo mu gaisa ‘kawata.” Sha’awa ta cire takalminta ta shiga dakin tana ya mutsa fuskarta Hajara jiki na rawa ta shimfida mata dadduma ta zauna!Shaawa dakin kawai take kallo tana girgiza kanta tace”Lallai Hajara kina hakuri da rayuwa dubi dakinki fa ko labule babu ballantana azo ga maganar kujeru wai Alhajin Badamasin karayar arziki ya samu ne?”
Hajara shiru tayi tana nazarin abinda zata ce. Shaawa ta dafa ta tace”Hajara abokin kuka shi ake fadawa mutuwa ni ‘kawarki ce tun ta ‘kuruciya yana da kyau ki fada min abinda ke faruwa duk da ina samun labarin halin da kike ciki a cikin gari amma yana da kyau tunda nazo gareki ki fada min damuwarki ko akwai taimakon da zanyi miki haba dan Allah dube ki haihuwa biyu kin lalace kin tsufa da ‘kuruciyarki da komai wallahi maza na nan suna neman kyakkyawar mace irinki.”

Hajara hawaye ta share tace”Sha’awa ina cikin masifar d’a namiji.” tiryan tiryan ta zayyane mata halin wahalar da take ciki a gidan Auranta ta ‘kare maganar tana jadadda mata irin dukan da yayi mata kafin ya fita.

Sha’awa tace”Amma wallahi kin bani mamaki hajara da ki ka zauna wani d’an iska yana jibgarki da duk mata haka suke to wallahi da mun cutu, shiyasa gabadaya aure baya cikin tsarina saboda irin wannan rainin hankalin namiji ya aureka ya mayar da kai jaki, idan ina neman biyan bukata ina da inda zanje in biya bukatata kuma a bani kudi saboda haka nake so na jaddada miki cewar yanzu mata sun daina zama suna wulakanta babu lallai babu dole a zaman aure ki kashe shi yaranki biyu Allah zai raya miki su kawai ki zo ki shiga cikinmu nan da nan za ki yi kudi ki shahara kina da kyau da kuruciya to me ake nema a jikin ‘ya mace.”

Hajara ta sauke ajiyar zuciya tace”Shaawa bangane ba wace irin sana’a kike so na yi, kinga ban san sana’arki ba amma kina bani sha’awa sosai ganin kinfi karfin komai na rayuwa gashi baki da matsalar d’a namiji dan Allah ki yi min bayani yanda zan gane.

Shaawa murmushi ta yi tace”Sana’ar da nake yi bata da wuya za ki ji dadi sannan za’aji dadi dake kana kuma ki samu kudi.” Hajara tace”Ai kin kasa fayyace min magana sai rufa rufa ki ke mini.

Sha’awa zama ta gyara tace”Akwai manyan matan masu kudi da ba sa samun biyan bukata a gurin mazanjensu suna neman masu d’ebe musu kewa ni ma harkar da na ke yi kenan a Abuja ina da wad’anda nake mu’amula dasu kusan biyar kuma ko wacce kudi take biya na.
Hajara ta fara fahimtar inda maganar ta dosa ta yi shuru tana nazari, Shaawa tace”Kada kisa shakka ko kokwanto a ciki wallahi kika fara harkar zaki huce takaici zaki samu kudi sosai.” Hajara ta kalleta a nutse tace”A gaskiya Sha’awa ba zan yi lesbian ba ashe dama sana’ar da ki ke yi kenan a can abujan Sha’awa kiji tsoron Allah.”
Sha’awa murmushi ta yi tace”Lallai Hajara wai fadi kike naji tsoron Allah laifa tudu ne ka take naka ka hango na wani ni dai na san laifina bai kai na wani ba dan haka ma ki daina wannan maganar daga duniya sai k’iyama, sannan kuma tunda kince ke ba zaki bini mu yi harka tare ba shikkenan sai ki yi ta zama takaicin namiji ya kashe ki.” Tana gama maganarta ta zuge jakarta kudi ta dauko ta lissafa dubu goma ta ajiye mata a gabanta da fad’in “Gashi nan ko omo sai ki saya ni zan tafi sai mun sake had’uwa.”

Hajara bin ta tayi da kallo tana tunane tunane ko dai ta amince da shawarar tane dan gaskiya ta gaji da azabar da Alhaji Badamasi ke gana mata.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA TALATIN
Aliya cike da farin ciki ta isa gida. Har yanzu Nasiru yana kwance a tsakiyar daki yana baccin asara, dan haka a tsakar gida ta zazzage kayan data sato mayafai guda biyu sai wandunan yara leda biyu, sai daurin albasa guda biyu da manya manyan kwalbar man shafawa ( mai gurguwa) guda hudu, jakar ta zazzage tana jin wani farin ciki a cikin ranta, kudin data gani gami da tafkekiyar waya kirar Samsung yasa ta mike tsaye tana kurma ihu!! tsalle take tana fadin Allah na gode maka daka share min hawaye.” zama tayi da sauri ta d’auki wayar tana kokarin kashewa kira ya shigo gabanta ya fadi da sauri ta bude wayar ta cire batir din ta ajiye gefe guda tana murmushi, kudin ta shiga lissafawa ranta fari tas……Inuwar mutum ta gani a kanta a zabure ta daga kai Nasiru ne ya tsirawa kudin hannunta ido, tsaki taja ta dauke kanta gami da cigaba lissafin kudinta….Yace.”Ke ba cewa nayi kada ki fita.” Ko kallonsa ba tayi ba ta cigaba da abinda take yi hannu ya kai zai dauki wayar kusa da ita tayi saurin daukewa tana hararsa Yace.”Zanci ubanki fa wallahi ko ki bani wayar nan ko in raunata ki yanzu.” Afusace ta ce”Da yake kaina kayi min wahalar ko? wallahi babu abinda zan baka a gurin nan.
Mari ya kaiwa fuskarta ta kauce yace.”Kin san Allah Aliya idan kina neman zaman lafiyar dani ki bani wani abu nasa a aljihuna tunda a karkashina kike idan kuma kin hana ni zanyi miki rashin mutumci kin san halina.”
Tsaki taja tace”Sai kayi ai wannan kayan da kudin gabadayansu ba zasu kwana a gidan nan ba zan kaisu na siyar dasu ne wahalata ce babu dan iskan da zan bawa.” Kudin hannunta ya kaiwa wafta tayi saurin daga karkashinta tasa kudin ta zauna a kai tana d’ura masha ashar! girgiza kansa yayi yana tangad’i yace.”To tunda kin ‘ki yarda a more ki dan bura ubanki yau sai ki nemi gidan da zaki kwana tashi ki fice min daga gida shegiya barauniya.”

Shuru tayi masa ta janyo buhun ta kwashe kayan tsaf ta zuba a ciki a dabarance ta d’auko kudin da wayar tasa a jakar ta rataya a kafadarta hijabinta tasa ta miqe tare da d’aukar buhunta zata fita, ganin da gaske tafiya za tayi yasa ya tare hanya yace.”Wai da gaske tafiya zakiyi.”Tace”To meye amfanin zamana a gidan da zaka dinga zagina akan hakkina.” Yace.”Allah ya baki hakuri koma ki zauna amma dan Allah ki bani ko dubu d’aya ce wallahi bani dana sigari.” Tace.”Sai ka bari na dawo dan gidan Asabe dillaliya zani.
Yace.”Kin san me za’ayi?” Sai ka fad’a.” Yace.”Wannan wayar ki kawo ta naje can bakin titi na siyar miki amma idan kika kaiwa Asabe a banzace zata siya.” Murmushi tayi tace”Dallah matsa ka bani guri wa za kayiwa wayo Nasiru a tafin hannuna kake idan siyarwa nake so nayi ai nasan bakin titin sabida haka matsa ka ban guri na fita.
Yace.”To ina jiranki ki dawo da wuri ki kawo min kudin na fad’a miki bani dana sigari.” Tsaki taja ta wuce shi da sauri ta fita kai tsaye gidan Asabe dillaliya ta nufa domin siyar mata da kyan satar.

*
Cikin zurfin tunani Sayyid ya shigo ya sameta. Ta dago kanta tana kallonsa ya zauna kusa da ita tare da ajiye ledar hannunsa yace.”Umma tun dazu na shigo ina sallama baki amsa ba dan Allah ki daina saka damuwa a cikin ranki da yardar Allah zan dauki dawainiyarki tunda ina fita Allah yana taimakona yanzu ma ga cefane nan na sayo sai ki d’ora mana girki.”
Hajara ajiyar zuciya ta sauke tace” Allah yayi maka albarka Sayyid ina rokon Allah ya daukaka min kai daukaka mafi alkairi.” Sayyid ya amsa da amin Ummana.” Idanunsa ne ya sauka kan kudin dake gefanta, Yace.”Umma wannan kudin fa.” Tace”Bakuwa nayi ta bani wai na sayi omo.”Mamaki ya shiga yace.”Umma wannan wace b’akuwa ce mai kudi haka kai amma mungode ai ba omo kawai zaki siya ba harda kayan abinci ko?” Tace”Eh dama so nake dare ya yi sai muje sabuwar singa muyi siyayya.” Yace.”To haka yayi bari na koma bakin titi.” Tace.”To Allah ya taimaka.” Bayansa tabi da kallo har ya fita daga gidan, ba tajin zata iya tafiya wata uwa duniya ta bar shi yaron nada zuciya yana iya bakin kokarinsa a kanta yini yake aikin wahala makaranta ma ya daina zuwa saboda neman abinda za su ci gaskiya ba zata watsa masa ‘kasa a ido ba zata cigaba da zama a cikin halin da take ciki watarana sai labari amma ba za ta iya sa’bon Allah ba.

Sayyid na komawa bakin titi gurin Yahuza ya ga sauyin fuska daga gurinsa dan kici kici da fuska Yahuza yayi ya’ki kallonsa. Sayyid jikinsa yayi sanyi yace.”Oga na dawo kayi hakuri kaga na dad’e ko wallahi na d’an tsaya nayi mata cefane ne.”
Yahuza yace.”Duk ba wannan ba d’azu wannan mutumin da yazo a mota nawa ya baka kudin lemo?” Sayyid yace.”Dubu d’aya ya ba ni na baka.” Yahuza yace.”Aa baka bani ba dan da na kar’bi kudin zan gani a aljihuna ka dai duba jikinka da kyau.” Sayyid yasa hannunsa a aljihu yana dubawa, ikon Allah sai ya ciro dubu d’ayan Yace.”Ayya oga wallahi mantawa na yi ashe tana aljihuna saurin da nake yasa na manta ban baka ba.” ‘Danliti dake gefe a zaune yace.”Dallah yi mana shuru ‘barawo kawai sau nawa ana zuwa siyan lemo a baka kudin kasa a aljihunka duk abinda kakeyi fa ina kallonka yau dai gashi Allah ya tona maka asiri.” Sayyid da sauri ya kalli Danliti bakinsa na rawa yace.”Wannan wace irin magana ce haba Danliti wallahi ba zan ta’ba cutar oga ba tsakani da Allah nake zaune dashi.

Yahuza yace.”Kaga Sayyid ka nutsu kaji ni da kyau! wannan shine na farko kuma shine na ‘karshe, duk sanda aka siyi wani abu a gurin nan kasa kudin a aljihunka to zan koreka ai talauci ba hauka ba ne da zaka dinga kokarin ruguza ni kai duk irin hallacin da nayi maka baka duba ba sai ka ha’ince ni.” Danliti murmushi ya yi cikin farin ciki yaji dadi da ogansu ya dauki zugarsa Danliti d’an yayan Yahuza ne ya dauko shi domin ya nuna masa hanyar kasuwanci tunda yazo gurin ya tsani Sayyid haka kawai baya kaunarsa wannan dalilin ya sanya ya dauki al’kawarin korarsa.

Sayyid a sanyaye yace.”Wallahi oga banyi da wata manufa ba mantawa nayi kasan dai tun zuwana gurin nan ban ta’ba daukar maka wani abu naka ba mutukar ba kai ka bani ba.” Yahuza yace.”Ni dai nayi maka magana ta karshe ka kiyaye.” Sayyid a sanyaye yace.”To insha Allahu.” Yana gama maganar ya janyo buhun lemo domin kwancewa.

**
Auwalu kai tsaye majalisa ya nufa sai huci! yake ya nemi guri ya zauna yana girgiza kafarsa hakika Shafa’atu ta kaishi ma’kura yana ganin ba zai kyaleta ba sai ya rama marin da tayi masa a bainar jamaa…..Musbahu ya fito daga shagonsa ya ganshi zaune sai girgiza kafa yake yana huci! yace.”Ya akayi ne na Zuwaira me hizba sukayi maka naga kana huci! ajiyar zuciya ya sauke yace.” Musbahu abinda Amina ba ta’ba aikata min ba yau ‘kanwarta ta aika min Shafa’atu taci kwalar rigata kana ta tsinka min mari a cikin jama’a babban abinda zai baka mamaki shine jami’an tsaron gurin suka daure mata gindi ta doke ni ta daki banza wannan abin yayi masifar ‘kona min rai.”

Musbahu ya ce.”Wannan wace irin ‘yar iskar yarinya ce yanzu a gaban hukuma ta tsinka maka mari basu dauki mataki a kanta ba to kai me yasa baka tumurmusata a gurin ba.”

Auwalu kuncinsa ya shafa yace.”Ina naga ‘kwanji da kuzari a lokacin shegiyar yarinyar karfi ne da ita ba ka ga yanda ta dinga wujijjigani ba.” Misbahu dariya yasa yace.”Lallai Auwalu ka cika lusari ni akwai wata ‘ya mace da zata fi karfina ka kyaleni da ita mutukar zata biyo hanyar nan sai nasa yara sun jefe ta sunyi mata ihun karuwa.” Auwalu yace.”Nima dama matakin da zan dauka a kanta kenan zan sa yara su jefe ta gami da yi mata ihu.” Musbahu yace.”Wannan itace shawara yanzu yaushe zakaje gidansu Zuwairan.”
Auwalu yace.”Yanzu gida zan koma nayi wanka na shirya sai nazo ka rakani.” Yace.”To nima bari na rufe shago naje na shirya.” mi’kewa sukayi a tare shi ya nufi gida shi kuma ya shiga kulle shagonsa.

**
A kwance ya tarar da ita daga ita sai daurin kirji sai mai’ko takeyi gabanta wata ‘yar roba ce cike da toka miyau take tofawa a ciki, gidan yayi kaca kaca kud’aje sai tashi suke ga wani mugun zarni da d’oyi da band’aki keyi yara sunyi futsari da bayan gida basu zuba ruwa ba gabadaya gidan ya rikice da d’oyi da ‘kazanta

Sai da ya tsallake kwanukan da suka ci abinci da rana kana ya shiga dakin. Zaune ta tashi ta fesar da yawun bakinta a jikin bango ta kalleshi a kumbure tace”Ina cefanan da nace ka shigo dashi.” Yace.”Ba na aiko yaro ya kawo ba nace miki yau towo nake sha’awar naci gobe sai kiyi miyar.”
“Wallahi tallahi ba zan yi towo ba ga kayan ka can a kici ka zauna ka tu’ka da kanka kaci, haka kawai zaka had’ani da aikin wahala.” Yace.”Habiba wai dan Allah me yasa kike abu kamar jahila ba kya min ladabi nifa mijinki ne ba zan ta’ba baki umarni kice to ba.”

“Wallahi ni ba jahila bace wane umarnin ka bani na’ki bi? towo ne nace ba zanyi ba kai ka zauna ka tuqa abinka mtsssw.” Takarasa maganar tana jan tsaki!
Kallonta yayi rai a ‘bace yace.”Ina ganin aure zan ‘kara ko na samu sa’ida tunda kin kasa hankali har yanxu.
Ashar ta kund’uma tace.”Kayi auran ka gani wallahi sai naci uban matar da zaka aura har ni zakayi wa kishiya saboda butulci.” Tsallake ta yayi ya shiga daki yana tsaki.
Da sauri ta miqe tabi bayansa tana zage zage! yace.”Habiba dan Allah saurara da wasa nake yi miki ba aure zanyi ba.” Hannu ta kai saman kanta tana sosawa tace”Yo kayi auran mana daga kai har amaryar taka sai kun gane baku da wayo wallahi dan ba kyaleku zanyi ba.” Yace.”Abokina Auwalu shine zai kara aure ai ina jin ma kin san matar da zai aura Zuwaira ta bayan layi.” Shuru tayi tana tunani! washe baki tayi tace.”Laaa! na gane ta Zuwaira wata bazawara mai qiba da ‘ya’ya uku ko.?” Yace.”Kwarai kuwa ashe kin ganeta.” Tace.”To Allah ya sanya alkairi kai kam ai sai dai kaga anayi.” Yana kokarin zura rigarsa yace.”Haba ni da nake dake me zanyi da wata mace.” murmushi tayi tana fari tare da sosa kanta.” Yace.”ni zan fita amma dan Allahi ki gyara gidan nan sannan kiyi wanka kiyi kwalliya zan siyo miki kaza amma nima zaki bar ni da daddare.” Dariya tayi kamar shashasha tace”To shikkenan wallahi dama kwadayi nake ji wannan cikin yana damuna da tsirfa.” Yace.”To zan kawo miki kayan kwad’ayi amma nima kada ki katse min hanzari.” Tace”Kada ka damu zan barka kayi yanda kake so.” Washe bakinsa ya yi yace to sai na dawo.” Adawo lafiya tayi masa kamar gaske ya amsa cike da farin cikin yau zai kwashi gara ya fita daga gidan.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA TALATIN DA DAYA
Zuwaira cikin ado da kwalliya ta fito zaure ta same su suna hira Auwalu tunda ya yi tozali da ita ya rikice ya dinga murmushi yana shafa gemunsa idonsa kur a ‘kirjinta. Zuwaira matsatstsiyar riga tasa wadda ta fito mata da suffar jikinta. Auwalu tuni idanunsa suka sauya kala lasar bakinsa yake yana sake matsawa kusa da ita. Zuwaira na murmushi suka gaisa da Musbahu wanda yake ta faman gyara tsayuwarsa yace.”Hajia Zuwaira amarya wato tun kafin a daura auran ma ‘kamshi kikeyi gaskiya dole ki rikita abokina da yawa.” Zuwaira murmushi tayi tare dayin fari da idonta ta nayi wa Auwalu kallon ‘kasa-‘kasa, gogan sai ya sake susucewa ya wani matsa jikinta yana lumshe idondasa. Musbahu ya kwashe da dariya cikin shaqiyanci yace.”Ai yau da albishir mai dad’i muka zo gurinki.” Tace.”To ina jira naji abinda yake tafe daku.” Musbahu ya sake gyara tsayuwa yace.”Hizbah sunyi al’kawarin d’aura muku aure keda masoyinki sati biyu masu zuwa sannan babban abin farin ciki a gurinki shine zaki zauna ke kad’ai a gidanki dan yau kwanan Amina uku a gidansu jiya ya aika mata da takardar sakinta.”

Zuwaira wani irin kallon ‘kauna takewa Auwalu tace”Lallai ka cika d’an halak kuma na tabbatar da cewar kana sona da kyau to ka kwantar da hankalinka zan baka dukkanin kulawar da kake bukata.” Auwalu ya lumshe jajayen idonsa a sarqe yace.”Godiya nake sahibata.” Musbahu na dariya yace.”To bari na baku guri ku sake da juna.” Fita ya yi daga soron Auwalu ya matsa jikinta sosai yana lumshe mata ido, murmushi tayi ta kamo fuskarsa ta sumbata tace”Sahibi dama nace maka idan zan tare a gidanka da yarana zanzo naji dadi da ka saki matarka ni zan kula maka da yaranka insha Allahu.”
Hannu yasa ya rungumota yana d’ora fuskarsa akan kirjinta yace.”Zuwaira na yarda dake na amince da cewar zaki kula da yara na to me zanyi da Amina bayan ina dake wallahi baki ji yanda na matsu sati biyun nan suyi a daura mana aure mafarkina naji ni cikin ‘koramar ki hakika nasan za ki gamsar da ni gaskiya Zuwaira ina masifar sonki.
Murmushi tayi ta tura masa kirjinta da fad’in “Haba Sahibi wannan ai naka ne gashin nan kayi yanda kake so dashi.” Auwalu cikin zumud’i ya tusa hannunsa cikin rigarta Yana yawo da hannunsa. Zuwaira nishi take saki tana rirrikeshi! Gabadaya ficewa sukayi daga hayyacinsu dan Auwalu ma hularsa har sai da ta fad’i yabi ya ru’kun’kumeta a jikinsa sai nishi suke. Musbahu jin shiru yasa ya d’an le’ka kansa cikin soron ganin Auwalu yayi ya dage sai tattaba Zuwaira da sauri ya cire kansa yana gyaran murya.
Auwalu ya zabura da sauri ya d’auki hularsa data fadi yasa a kansa yana kallon kofar fita da fad’in ” Musbahu ganin zuwa.” Zuwaira da sauri ta gyara mayafinta ta kalleshi tana murmshi tace”Wallahi ka tayar min da sha’awa masoyi.” Auwalu Ya ce.”Nima haka Sahiba da ba dan tare muke da Musbahu ai da yau sai na biya mana bukata.” tace”Gaskiya kam to shikkenan ni zan shiga gida.” yana mata kallon sha’awa yace.”Gobe zan dawo mu sake morewa” Dariya tayi tace”To sai ka zo.” Ta juya da niyyar shiga cikin gidan ya bi manyan manyan mazaunanta da kallo yana lasar le’bensa.

Musbahu tun a hanya yake jin yanayinsa Yana sauyawa Allah-Allah yake ya isa gida shima ya samu damar biyan bukatarsa dan kirjin Zuwaira ba ‘karamin firgitashi sukayi ba koda yake shima Habibansa na dasu tubarkallah, murmushi ya yi daya tuna al’kawarin da tayi masa cewar yau zata barshi yayi ya ishe shi.
Koda suka dawo kasa zaman shago yayi saboda zumud’i Sallama yayi musu yace da wuri zai shiga gida saboda yana da uziri, kafin ya shiga gidan sai da ya siya mata katuwar kaza da sauran kayan kwadayi kamar dai yanda ya yi mata al’kawari ya shiga gidan cike da annusuwa…….yana saka kafarsa cikin dakin yaji ya taka wani abu mai ruwa ruwa. Hancinsa ya shaqo masa wani mugun wari! da sauri ya kunna hasken wayarsa yana haska gurin. Kashi ne yayi dama-dama a bakin kofar dakin, daga ciki kuma itace kwance da yaran suna bacci sai d’an karamin wanda shine yayi kashin yana kwance a bakin kofa babu wando a jikinsa ga kashin nan duk ya bushe a jikinsa.
Da sauri ya ‘kwala mata kira! Ta miqe a firgice tana soshe soshe! yawun bakinta ta fesar a jikin bango ta dinga laluben fitila ta kunna, sai da haske ya game dakin tukkuna ta kalleshi a yamutse tace”To ka shigo mana ka tsaya a bakin kofa.

Musbahu ya dinga bin rumfar da kallo kaca kaca dan da alamu babu abinda tayi tun bayan fitarsa daga gidan, Yace.”Habiba ashe baki ji maganar da nayi miki ba duba dan girman Allah kin kwanta kamar jaka yaro yayi dama -dama da kashi a bakin kofa kina bacci wace irin d’abia ce wannan.”

A hasale tace”Wai dan Allah ya kake so nayi? kayi min ciki kuma ka dinga yi min masifa ni ban san ma ya tashi yayi kashi ba d’aniskan yaro tun jiya yake bani wahala da kashe -kashe shikkenan ni a aikin kashi zan ‘kare aikin banza kawai.”

Miqewa tayi tana gyara daurin kirjinta! ya matsa daga hanya ta wuce sai zage zage take taje ta d’ebo toka ta zuba a kan kashin tsintsiya da abun kwashe shara ta dauko tazo tana kwashe! Musbahu cikin dakin ya shiga ya zauna ransa idan yay dubu ya ‘baci! anya kuwa shima ba zai kara aure ba.

Habiba tana mita ta gyara gurin tazo ta tafkawa yaron duka da fad’in “Tashi d’an-iska kawai me kashin tsiya.” Yaron ya tashi a firgice yana kuka kunnensa ta murde masa ta dinga zaginsa wai ita nan fada take masa! Hannunsa taja ta fita dashi tsakar gida tasa tsintsiya ta shiga wanke masa yaron ya dinga kwarma ihu! tana dukansa sai da duk ta karce masa d’uwawu sannan ta rabu dashi! Ta shiga dakin tana mita.
Tsaye tayi a kansa tana sosa kanta tace.”Ina kazar da kace zaka shigo min da ita.” Musbahu ya kalleta ya ganta kamar tsohowar jaka! wani ‘kululun abu ya tokare masa a kirji yace.”Da alama ma bakiyi wanka ba ko.”
“Dan Allah ni kabar wannan maganar ka bani abinda kayi min alkawari.” Yace.”Ba zan baki ba wallahi sai kinje kinyi wanka dan bazan kusanceki ba kina wari.”

Tace”Lallai ma har kura ce zata ce da kare maye ina ce kai yau satin ka biyu rabon daka watsawa jikinla ruwa kullum sai da ka d’auraye hammatarka ka fita wani sa’in ma baka wankewa kake sa kaya ni kuwa ko shekaran jiya nayi wanka.”
Yace.”Ai ni namiji ne ko banyi wanka ba bani da matsala (Kunji Musbahu da wata magana K’azamin namiji kawai🌚) Saboda haka kiji ki wanke wannan d’audar ta jikin ki idan kina so kici kaza.” Zumbura baki tayi ta kama hanyar fita daga dakin…ruwa ta zuba a k’aramar buta wai dashi za tayi wankan, haka duk ta tada daud’a ta d’auro zani ta dawo dakin….Ledar ya mika mata da sauri ta zauna tana bud’ewa fuskarta dauke da murmushin jin dadi.

Musbahu rigarsa ya cire ya kwanta a gadon wanda yake ta faman zarnin futsari tsabar sabon da yayi har ya daina jin zarnin a hancinsa Habiba bata wanke zanin gadonta sai ya yi sama da wata biyu a shimfide kazanata iri iri a kai haka suke kwanciyarsu kallonta yake yana lumshe idonsa gabad’aya hankalinsa ya riga ya tashi so yake kawai yaji shi yana nin’kaya a cikin rijiyar Habiba mai cike da ni’ima, ita kuwa taunar naman kazar ta kawai take tana tsotsar kashi! Habiba kamar jaka haka ta cinye kazar ko tunanin ta ragewa yaranta ba tayi ba, takardar ta d’auke taje tasa a shara ta d’aurayo bakinta ta dawo dakin.
Ganin yanda Musbahun ya mi’ke zandardar a gado yasa gabanta ya fad’i! ta manta fa tayi masa al’kawar. Tashi zaune yayi yana kallonta da jajen idonsa yace.”Zo ki kwanta ki bani dukkanin kulawar da nake bukata.”
Zumbura bakinta tayi tasa hannu tana sosa hancinta Musbahu a maimakon yaji ‘kyamarta idonsa a rufe ya janyo ta ya rungumeta jikinsa sai mazari yake ya kwance daurin kirjin da tayi, Habiba ta dinga kare kirjinta tana ja masa tsaki shi kuwa sai kokari yake tana tureshi tana kun’kuni.
Da dai ya ga zata bashi wuya kawai sai yasa mata k’arfi sosai ya danneta ya cigaba da biyan bukatar ransa…..A rayuwar Habiba babu abinda ta sani sai dai taci abinci tayi bacci ibadah da sauran abubuwa na rayuwa duk basu dameta ba dama ta fad’a da jima’i dashi da babu duk daya suke a gurinta gim take a kwance shi Musbahun shike kid’ansa da rawarsa, yanzu ma da kyar ta barshi ya biya bukatarsa sai turjewa take tana kir’ba masa duka wai ya d’agata ta gaji. Musbahu da kyar ya samu ya biya bukatarsa ya sauka yana mayar da numfashi.

**
Alhaji ‘Dangwamna na tsaka da gudu yaci karo da Hankatama ita da Asabe da wani siririn mutum kansa nannad’e da ‘katon farin rawani hannunsa rike da wani zabgegen carbi yana ja.
Hankatama tace”Alhaji ya naga kana gudu haka ko ka samu labarin abinda ke faruwa?” Alhaji na k’okarin yayi magana Masu gadi suka iskesu a gurin suka tsaitsaya sai mayar da numfashi suke suna waiwayen bayansu.
Alhaji babbar rigarsa ya gyara sai muzurai yake ga wani uban gumi dake karyo masa.
Asabe tace”Haba Alhaji da girmanka kake gudu kada dai kace kaima tsoron Aljanun Nabila kake yi.”
Da sauri yace.”Asabe! al’amarin ne da akwai firgici a ciki gabad’aya ban dau’ka abun yayi tsanani haka ba amma ni bana tsoron jinnu da kika ganni har magana nake dasu.”
Arrama dake bayansu Hankatama yana jan carbi yace.”To masha Allah Alhaji yana da kyau dukkaninmu mu koma can gidan domun ni Asabe taje ta fad’a min dukkanin abinda yake faruwa inaso naje nayi magana da aljanun naji abinda ya kawo su.” Alhaji gabansa ya yanke ya fad’i! yana muzurai yace.”To to ai babu matsala zaka iya zuwa tare dasu dan saboda yanzu ni ina da wani uziri mai girma a kasuwa zanje na gabatar dashi yanzu yanzu.”

Hankatama tace”A’a Alhaji yana da kyau ka bar kowane uziri a yanzu lafiyar ‘Yar mu itace a gabanmu.” Da sauri yace.”Hankatama kuje dai ayi dukkanin abinda ya dace zanyi kokarin dawowa da wuri.” Kafin suce wani abu ya bar gurin da saurin gaske.
kallo suka bishi dashi har sai da ya karya kwana kafin su bar gurun.

Tunda Nabila ta fad’i a kofar gidan Aljanun suka dinga wujijjigata kafin su gusa sai da suka bata wuya sosai suka yar da ita a gurin kamar matacciya……Limamin unguwar ne yasa aka dauketa aka kaita gidansa yayi mata addua sosai kafin ta dawo hayyacinta ta dinga kuka tana jin yanda jikinta keyi mata wani irin ciwo mai tsanani.
Koda su Hankatama suka samu labarin cewa Nabila na gidan Liman kai tsaye can suka nufa, Liman nayin arba da malamin da suka d’auko da sunan (ru’kiya) yace maza maza ya bar masa ‘kofar gidansa dan ya gane irin malaman k’arya ne masu ci da addini suna cin kudin mutane suffar malamin kwarai ai ta fita daban….Arrama da sauri ya zungura rawaninsa ya bar gidan dan ganin Liman na kokarin tona masa asiri

Liman zaunar dasu Hankatama yayi ya dinga yi musu nasiha tare da gargadin su akan su gujewa abinda zai janyo musu mugwayen aljanu jikinsu….Hankatama da Asabe jikinsu yayi sanyi da nasihar da liman din ke musu…….Hankatama rumgume ‘Yarta tayi ta dinga kuka tana dudduba jikinta inda taji ciwo.

**
To koda Sayyid yazo tafiya gida Yahuza hana shi komai ya yi duk a kokarinsa naso ya nuna masa kuransa. Allah sarki Sayyid haka ya nufi gida jikinsa a sanyaye rashin samun fuska daga gurin Yahuza shine ya dameshi tabbas yasan sharrin duk daga gurin Danliti ne, koda ya isa gida ko da wasa bai fad’awa mahaifiyarsa abinda ke faruwa ba, sai bayan yaci abinci tukkuna suka nufi sabuwar singa domin yin siye siye da kudin da Sha’awa ta bata.
Kar’fe goma da rabi na dare suka dawo gidan, Ganin garejin motar mai gidan a bude yasa dukkaninsu jikinsu yayi sanyi…Hajara tasa mukkuli ta bude kofar gidan Sayyid ya kwashi ledojin kayan da suka siyo ya shiga dasu….Alhaji Badamasi dake zaune a cikin mota jin motsi a cikin gidan yasa ya bude mota a fusace ya shiga cikin gidan.

Ya dinga bin kayayyakin da kallo yana girgiza kansa. Dagowa ya yi ya kalleta da fadin daga ina kike?” Hajara tace”Naje sabuwar singa ne dazu Sha’awa wannan ‘kawar tawa tazo tayi min kyautar kudi shine naje nayi siyayya.”

Cikin tsawa! Yace.”Rufe min baki dan ubanki.” Sayyid yay saurin kallonsa jin zagin da yayi wa mahaifiyarsa, Ya cigaba da cewa”Ni zaki rainawa hankali kin tafi karuwanci kin samo kudi kice k’awarki ce ta baki ni ba yaro bane duk abinda kikeyi sai dai na kalleki.

Hajara murmushin takaici tayi tace”Wallahi Alhaji kaji tsoron Allah wato abinda kakeyi shine nima kake zargina dashi.” hannu ya kai zai kwad’a mata mari Sayyid ya ri’ke hannunsa! Cike da mamaki yake kallon yaron, Sayyid ya saki hannunsa yace.”Baba abunda kake baya dacewa daga magana sai ka doketa dan Allah kaji tsoron Allah ka dinga kiyaye haqqoqin aure.”

Wani irin mari ya fallawa yaron yana zaginsa yace.”Ni kake riqewa hannu akan zan daki uwarka har kake cewa na dinga kiyaye haqqoqin aure ashe kaine kake rakata yawon karuwancin da take zuwa duk dare shiyasa kake kare ta.”

Sayyid yace.”Ka daina yi mata sharri wallahi ummana bata karuwanci ‘kawarta ce tazo ta bata kudi kamar yanda ta fad’a maka shine muka yanke a
shawarar siyo kayan abinci.”
A fusace! Ya dinga watsi da ledojin kayan ya tarwarsa komai na fashewa ya fashe na zubewa ya zube! Hajara ta dinga kuka tana rirruke kafafunsa, bugeta ya dinga yi yana cigaba da tattaka kayan da suka siyo….Sayyid zuciya ta dinga tunzura shi ya miqe a fusace! Hanyar fita ya nufa! Hajara ta rike hannunsa tana kuka tace”Sayyid ina zakaje kada ka fita da daddare.” Alhaji Badamasi ya juyo a fusace yace.”Koda baka fita ba dama ina da niyyar korarka ka fice ka bar min gidana tunda har ka kai munzalin da zan fad’a kana fad’a to bana bukatar ka a gidana fice ka bar min gida.” Cikin qaraji ya ‘karashe maganar….Hajara rirrikeshi take tana bashi hakuri sai bangajeta yake yana tura Sayyid din wai sai ya fita, yaron da yake mai zuciya ne sai kawai yasa kai ya fice daga gidan, Hajara ta yun’kura da saurin gaske zata bi bayansa, tunkud’eta yayi ta fad’i a gurin yasa mukkuli ya kulle gidan ciki ya shiga ya barta kwance a soro tana kuka na tsantsar tashin hankali.
Littafin Kyauta.

°°°GAMA DUNIYA!
BINTA UMAR ABBALE 🍒

°°°GAMA DUNIYA!
BINTA UMAR ABBALE 🍒

BABI NA TALATIN DA BIYU
Sayyid yana fita daga gidan sai ya rasa inda zai nufa. Garin yayi tsit! Jama’a sun rufe gidajensu. Da farko yanke shawarar bubbuga kofar gidan mak’ota ya yi, sai kuma ya fasa kawai ya d’auki hanyar bakin titi tare da rashin sanin takameman inda zai nufa. Lunguna ya shiga bi har Allah ya kawo shi wani kango wanda aka kusa gama ginawa dan har rufi an yi a wasu guraran, ajiyar zuciya ya sauke kawai ya yanke shawarar shiga cikin kangon ya kwanta. Yana shiga yayi tozali dasu ‘kwage sun sha sunyi mankas sai tam’bele su ke yi dan wasu ma har bacci ya kwashesu. ‘Kwage ne a kishingide yana zu’kar abar bacci na d’ibarsa ya ji motsi a firgice ya tashi zaune dan ya zata jami’an tsaro ne suka kawo farmaki gurin.
Dishi dishi yake ganin Sayyid a buge ya ce.”Kai yaro me ya kawo ka nan ko ka zo ne kai ma ka d’au chaji ne?”
Sayyid girgiza kansa ya yi ya ce.”A’a kwanciya zanyi kafin gari ya waye na tafi.” Kwage ya nuna masa kusa dashi da fad’in “Zo nan ka kwanta yaro.”
Sayyid bai ji tsoro ba ya je ya karkad’e tsumman gurin ya kwanta. K’wage ya cigaba da zu’ke-zu’ken sa yana surutai shi kad’ai kamar mahaukaci!

Sayyid warin kayan mayen ya dame shi. Tashi zaune ya yi yana kallonsa wanda ya dage yana ta d’ure-d’uren ashar da cika baki ko da wa yake oho!

Sayyid tsira masa ido ya yi yana kallonsa kawai sai yaji ‘kwalla ta ciko a idonsa, K’wage ya kalle shi yana lumshe jajayen idanunsa yace.” Kai Yane dan uwarka! ka zuba mini ido ko na ci bashin ubanka ne?” Sayyid ya girgiza kansa a sanyaye ya ce.”Me yasa kake shaye shaye!” Kwage ya kwashe da dariya wadda ta farkar da abokansa suka tashi zaune.
Ya ce.”Tambayata ka ke yi me yasa nake shaye-shaye ko?” Sayyid ya ce.”E.”
Sai ya sunkuyar da kansa yana tunani minti biyu ya dago lokacin sai dana tsorata ganin yanda yanayin fuskarsa ya sauya tamkar bai ta’ba dariya ba, Yace.”Yayan mahaifina shine silar lalacewa ta shine yasa na fara shaye-shaye da sace-sace….Na kasance maraya mara uwa da uba mahaifina nada ‘Yan uwa biyu daya mai kudi daya talaka a cikinsu babu wanda ya yi tunanin daukata ya had’a da yaransa ya ri’ke ni, sai suka barni hannun mahaifiyarsu wadda ta kasance miskiniya babu ruwansu da ci da shanmu kansu kawai suka sani da Iyalinsu.

Kullum ni da Kande muna tafiya bara domin samun abinda za mu ci, haka ina kallon ‘ya’yansu na zuwa makaranta boko da islamiyya amma ni cikinsu babu wanda ya yi tunani daukata ya kaini nayi karatu tsakanina dasu hantarace gami da nuna k’yama babu wanda ya ta’ba yi min suttura kullum sai ‘ya’yansu sunci sun rage zasu bani abokina Labaran Allah ya jikansa shine ya fara bani sigari yace duk sanda wani ‘bacin rai ya dame ni nasha zanji sanyi a zuciyata, wannan shine mafarin shaye-shaye na, a yanzu ni nake daukar d’awainiyar kakata Kande cinta shanta kula da lafiyarta cikinsu babu mai yi mata komai a cewarsu idan sun kawo mata kud’i ko abinci nine nake sacewa sai suka watsar da ita suka mayar da hankalinsu gurin kula da iyalinsu, nafi tsanar Alhaji Buba kullum da cin alwashi a kansa nake kwana nake tashi na rantse da wanda raina yake hannunsa nine ajalin wannan mutumin.”
Cike da wata iriyar zabura ya’kare maganar.

Sayyid tausayinsa yasa shi share hawaye ashe dai akwai azzalimai da yawa a duniya Allah sarki k’wage maraya ne amma babu wanda ya tallafa masa sanadiyar maraici rayuwarsa ta lalace(Wallahi ri’ke maraya babban al’amari ne Annabi Muhammad S.A.W yace duk wanda ya kyautatawa maraya ya ji’banci al’amuransa a ranar lahira zanyi kafad’a da ‘kafada dashi gurin shiga aljanna idan akace maka wannan maraya ne koda baka had’a dangataka dashi ba kana da iko ka kyautata masa iya iyawarka.”)

Sayyid ya ce.”Ni ma mahaifina ne ya kore ni daga gidansa.” Gabad’yansu suka zabura! suna fad’in “Ya sunan mahaifin naka?” Yace.” Alhaji Badamasi mai leda.” Kwage ya qunduma ashar! Yace.”Wannan matsiyacin mutumin shine mahaifin ka to me kayi masa ya kore ka.” Sayyid hawaye ya share ya warware musu abinda ke faruwa…Kwage ya kalli abokanansa yana taune le’bansa cikin cijewa yace.”Dama yana target d’in mu to za mu shirya masa sai ya gane bashi da wayo wallahi.” Mudansir yace.”Sai mu shirya yanda zamu far masa.
Sayyid jin irin zatunkan da suke sai jikinsa ya yi sanyi yace.”Dan Allah kada ku kashe shi.” Kwage ya zaburo! “Dan ubanka meye amfaninsa a gurunka da har za ka ce kada a kashe shi ubanka bashi da amfani a duniya ya tara dukiya yana zalinci babu abinda ya sani sai neman mata saboda haka zamu mayar dashi abun kwatance a gari.
Sayyid yace.” Duk abinda zakuyi masa kuyi amma kada ku kashe shi.” Halifa yace.”Kada ka damu ba zamu kasheshi ba amma zamu raunata shi.” Sayyid a sanyaye ya dinga kallonsu sai tattaunawa sukeyi.
Kiran sallar asubahi ne yasa suka miqe suka fito daga kangon Halifa da Mudansir suka kama hanyar gidajensu ‘Kwage ya kama hannun Sayyid suka nufi gidan Kande a tare.
Allah sarki K’wage zuwa ya yi teburin din mai shayi yasa aka dafawa Sayyid indomee da k’wai sannan ya siyo masa shayi da birodi itama Kande ya kawo mata nata. Sayyid sakin jikinsa ya yi, yaci ya koshi K’wage nata bugar cikinsa dangane da mahaifinsa shi kuwa Sayyid sai fada masa sirrikan mahafin nasa yake.
Wajejen goma da rabi suka fito daga gidan. K’wage ya tafi buge bugensa shi kuma Sayyid ya kama hanyar gidansu dan kwana ya yi da tunanin mahaifiyarsa a ransa
“Kai Sayyid zo nan.” Da sauri ya kalli inda yaji ana masa magana, hada ido sukayi. Danjuma ne mijin aunty Amarya, Sayyid ya nufe shi tare da dan risinwa yana gaishe shi, Danjuma yace.”Me ya had’a ka da wancan d’an iskan?” Da sauri ya juya yana kallon ‘Kwage dake wata iriyar tafiya. Ya dawo da hankalinsa kan Danjuman yace.”Babu abinda ya had’a ni dashi.” Danjuma yace.”Ya za ka fad’i haka bayan tare naga kun fito daga gidansu?” Sayyid shuru ya yi dan bai san abinda zai ce ba. Danjuma yace.”Me yasa kwana biyu baka zuwa aiki.” Sayyid ya sunkuyar da kansa.
Danjuma girgiza kansa yake yana nazari yace.”To tunda ka’ki ka amsa tambayoyina inaso na baka shawara akan wancan yaron K’wage ka fita daga sabgarsa ba mutumin kirki ba ne zai lalataka dan bashi da tarbiya.”
Sayyid a sanyaye yace.”To insha Allahu zan kiyaye.” Danjuma yasa hannu a aljihu ya d’auko dari biyu yace .”Kar’bi ka sayi ‘kosai da kunu.” Sayyid yasa hannu ya kar’ba yana godiya. Danjuma ido ya bishi dashi har ya karya kwana. Gidan ya shiga rai a ‘bace ya zauna kan kujera “Safara’u kina ina.” Aunty amarya dake kwance a daki ta amsa da fadin ”gani nan.” Falon ta fito ta zauna yace.”Wai kwana biyu mai yasa Sayyid baya zuwa aiki ne ko korarsa kikayi?”
Gabanta ya fad’i sai ta shiga inda inda. Yace.” kiyi min bayani ma. Tace” Waya ta da aka sace shine nake zargin shi ya dauke min dan babu wanda ke shigo min falo sai shi to muna maganar da Ummi shine tace wai muje gidansu mu turke babarsa ko ya kai mata wayar can to tunda mukaje sai al’amura suka ‘baci! daga ranar be sake zuwa ba.”
Danjuma ya fusata! ya shiga yi mata fad’a da fadin”Shikkenan ke sai ki zama shashasha mara tunani shekaranki nawa da yaron be ta’ba yi miki sata ba sai yanzu zaki ce ya dauke miki kudi da waya, ke baki da tunanin kanki sai abinda waccan shashashar matar ta tsara miki saboda rashin hankali ta zugaki kuje har gida kuci mutuncin mahaifiyarsa to ya za’ayi ba zai yi zuciya ya daina zuwa yi miki aiki ba.” Aunt amarya murya na rawa take bashi hakuri, Yace.”Ai ke dama baki da hankali Ummi kuma sai ta kai ki ta baro dan jahila ce kuma ki cigaba da fita kina barin gidanki a bud’e watarana sai an shigo an dauke miki abinda yafi waya da dubu daya.”


Hajara tsakar gida ta zo ta zauna idonta ya yi kozai kozai kana ganinta kasan bata hayyacinta idanunta a kafe a kofar dakinsa tana jira ya fito ya bude gidan komai abinsa sai ta fita kuma idan ta fita ta barshi har abadah.
Jin motsi tayi da sauri ta miqe tsaye ya fito cikin galleliyar shaddarsa sai daukar ido take yana zabga kamshin turare .shan kunu ya yi ganinta a tsaye sai ya dauke kansa ya kulle dakinsa kai tsaye hanyar fita ya nufa! Da sauri tabi bayansa ta ri’ke rigarsa a sukwane ya juyo ya daga hannu zai kwad’a mata mari. Ri’ke hannun tayi hawaye na ambaliya a fuskarta tace”Allah ya isa zalincin da kake yi min insha Allahu ba zaka gama da duniya lafiya ba kuma sai ka sake ni mugu azzalimi mai bakar aniya.”
Alhaji Badamasi ya fusata! Ya murd’e mata hannunta ta fadi a gurin, rigarsa ya karkad’e yana ya mutsa fuska ya bar gurin, mikewa tayi da sauri tabi bayansa, ya bude kofar da sauri tayi nufin fita ya hankad’ata cikin gidan ya mayar da kofar yasa key ya kulle yasa a aljihunsa…Garejin motarsa ya bude ya fito da abarsa.
Yana daf da fita daga layin Sayyid ya shigo, Alhaji Badamasi ta mudubin motar ya kalleshi sai ya dauke kansa motar ya k’arawa wuta ya bar gurin. Sayyid ya girgiza kansa cikin tsantsar takaici ya nufi gidan

Hajara jin muryar Sayyid na buga kofar gidan yasa da sauri ta mi’ke ta nufi bakin kofar, murya na rawa tace”Sayyid.” Yace.”Naam ummana bude kofar inaso na ganki.” Wasu hawaye suka k’wace mata ta ce.”Sayyid ya rufe gidan ya tafi da mukkulin.” Sayyid ba ki na rawa yace.”Ummana me yasa baki fito ba ki ka bari ya kulle ki.”
“Sayyid ya zanyi yafi karfina.” Cikin reshin kuka take maganar. Yaji wasu zafafan hawaye sun zubo masa, waiwaya wa ya yi, ya kalli gabas da yamma shuru layin dan dama na masu kudi ne babu hayaniya sannan kowane yaro na makaranta. d’aga kansa yayi yana kallon doguwar katangar gidan babu hanyar da zai iya haurawa cikin gidan. Ya mayar da idonsa kan narkekiyar ‘kofar data zama sucurity da gidan ‘kofa ce mai k’wari babu yanda za’ayi ya iya cireta….murya na rawa yace.” Ummana kiyi hakuri ki daina kuka dan Allah kin ci abinci ko?” hajara ta ce.”Sayyid waye yake maganar abinci yanzu hankalina a tashe yake banyi bacci ba saboda tunanin inda ka kwana.” Yace.”Umma ina can karkashin tebur din oga Yahuza a can na kwana.
Ajiyar zuciya ta sauke tace”To shikkenan Sayyid dan Allah ka kula kada tsanani yasa ka kauce hanya insha Allahu komai zai wuce.”Yace.”Insha Allahu zan kiyaye Umma tunda da akwai abinci ki girka kici kada ki zauna da yunwa amma duk sanda ya dawo ya bude gidan dan Allah ki fito ki tafi can gidanku sai na sameki a can.” Tace.”To Sayyid nima wahalar ta isheni haka ka tayi ni da addua Allah ya bani rinjaye a kansa.” Yace.”To Umma insha Allah sai Allah ya saka miki.” A haka basa ganin juna sukayi dukkanin maganar da zasuyi kafin ya yi mata sallama ya tafi( Ya salam😭😭 wannan al’amarin yasa ni kuka mutuka Allah ya nisanta mu da azzalimai irinsu Alhaji Badamasi)

**
Asabe dillaliya a wulakance take kallon kayan satar da Aliya ta zube mata a gabanta. Aliya ta ce”Wai meye naga kina yiwa kayan kallon wulakanci kinga Asabe idan ba zaki siya da mutunci ba na had’a kan kaya na.”……Asabe ta kalli ‘Yarlandon dake kwance tana latsa tafkekiyar wayarta tace.”Yar london tashi muyi wa kayan nan kudi.”

‘Yar london ta miqe zaune tana bin kayan satar da kallo….Asabe ta shiga dudduba mayafan tace”Aliya kinga dai wannan mayafan an daina yayinsu saboda haka duka guda biyar d’in idan kin siyar min dasu dubu biyu da dari biyar zan siya.” Aliya ta kurma ashar tace”Lallai Asabe ke ‘barauniya ce wallahi mayafan dubu uku-uku da dari biyar biyar sune zaki siya dari biyar biyar.” ‘ Yarlondon tace”Ke kinga Aliya kada ki fad’a mana magana mana akwai babban ‘barawo kamar ki wannan kayan naki ko tambaya babu na sata ne.”
Aliya tace”Eh duk da na sata ne amma dai kin san kudin mayafan nan sunfi d’ari biyar dubu uku da dariyar ne duk guda daya amma saboda tsabar wulakanci shine zaku siya d’ari biyar biyar.”
Asabe tace”To kinga tunda ba zaki siyar ba kwashe kayan ki haba jamaa nifa taimaka miki zanyi dan wallahi ina da mayafai masu kyau wanda suka fi naki har yanzu ba’a siya ba sabida haka bana son doguwar magana ki kwashe kayan ki.”

Aliya jikinta ya yi sanyi tace”Shikkenan zan bar miki akan dubu uku gabad’aya.” Asabe na qas-qas da cingum! tace”Dubu biyu da dari biyar nayi niyyar siya idan kin siyar.” Tsaki taja tace na sallama sai ki yi wa wannan mayukan shafawar kudi har albasar ma ki yi mata kudi.”
‘Yar london ta kwashe da dariya tace.”A gaskiya Aliya ya cancanta a baki aword na sata wato tsabar iya sata har albasa ma baki bari ba hahahaha.” tana dariya ta kar’e maganar. Aliya na taya ta dariyar tace”Ke! ni mutum ma idan zan iya zura shi a buhuna to sato shi zan yi mutukar zai yi min amfani babu ruwana idan daddawa! hannuna ya sauka a kanta satowa zanyi nasan idan na siyar da ita kudi zan samu.” Asabe da ‘Yar london suka dinga kyalkyala dariya suna mamakin rashin mutuncin Aliya……Asabe tace”Kina da labarin abinda ya faru a gidan bikin d’an Gwamna kuwa?” Aliya gabanta ya fad’i! Tace”Mairo ta bani labari Allah ya kyauta shine abinda za’a ce dare yanayi ke nake jira.”
Asabe ta shiga duba sauran kayan. Kwalbar mai gurguwa guda hudu ledar pants na yara daurin albasa biyu gabadaya na siya dubu daya.”
Aliya tace” a gaskiya Asabe kina cin riba wallahi kin san kudin ko wace kwalbar mai dari shida ne amma saboda san zuciya ki had’a kwalba hud’u ga wanduna ga albasa manya manya har dauri biyu kice zaki bayar da dubu daya haba Asabe kiji tsoron Allah( Jama’a kunji Aliya ko) Asabe tace”Kinga ba na son kace-na-kace abinda naga zan iya siya kenan.” Aliya tasa hannu ta dauki d’aurin albasa d’aya tace”To na dauke d’auri d’aya ko waina na soya ki bayar da dubu d’ayan, ‘Yar london ta zuge jakarta ta irgo kudi dubu uku da dari biyar tace “Gashi.” Aliya ta kar’ba ta irga tasa a jakarta, Asabe murmushi tayi tace”To ita kuma wayar fa.” Aliya harara ta watsa mata tace”Nasan inda zanje na siyar da ita a mutunce ke kuwa kina iya cewa dubu daya ni nasan wayar nan za tayi dubu talatin…..Tace”Kawo na baki dubu goma naga original ce ba copy ba.” Aliya ta girgiza kai tace”Dubu ashirin da biyar nayi mata kudi idan kin siya a haka to.” Yar london ta miqa hannu da fadin”Muga wayar dubu ashirin da biyar din.”
Aliya ta miqa mata wayar, duddubata takeyi ta kalli Asabe magana sukayi da ido kafin ta kalli Aliyan tace”Ki bar mana ita a dubu ashirin mana.”
Aliya tace.”Idan kun siya dubu ashirin da biyar shikkenan.” Asabe tace”Babu damuwa mun siya amma ba duka kudin zaki samu ba yanzu ga dubu goma sha biyar bayan mun siyar da wayar sai mu cika miki dubu goman.” Aliya tace.”To ayi a rubuce dan ya zama sheda.” Yar london takarda ta dauko kowa yasa hannu Aliya ta bada waya suka bata kudin Sallama tayi musu ta had’a kan kud’inta ta tafi gida..
Littafin Kyauta.

°°GAMA DUNIYA!
BINTA UMAR ABBALE 🍒

BABI NA TALATIN DA UKU.
Hukuma ta gudanar da binkice mai tsauri a kan Maman Sabir, cikin k
‘karamin lokaci Ubangiji ya tona asirinta sakamakon ganin d’ankwalinta da sawun k’afafunta a gidan, uwa uba warin d’ankunnanta da ya fadi, wanda kuma har yanzu da ake gudanar da binkice a kanta guda d’ayan na ma’kale a fatar kunnanta.
Maman Sabir ta dinga kuka tana rokon Alkali ya sassauta mata. Mijinta kuwa kukan zucci kawai yake yi, ‘yan’uwansa suna ta zuga shi ya saketa domin ko a lahira kada ta tashi a matsayin matarsa bayan an jefe ta.
Alkali ya yanke hukunci daidai da abinda addinin musulunci ya tanada, Saibula yanda ta kashe a kasheta fad’in Allah subawanahu wata’ala. Sannan ita Kuma Maman Sabir hukuncin jifa ne ya sauka a kanta, ta aikata Zina da aure za a jefe ta har sai ta mutu.
Ita Saibula sai ta haihu tukkuna hukuncinta zai tabbata. Ita kuwa Maman Sabir ma’aikata ne sukayi mata dabaibayi tana ta ihu da kiran sunan Yan uwanta da Yarantq wad’anda suke ta kuka. Mustafa mijinta ya nufi gurin da take ya kutsa cikin jama’a jami’an tsaro da ‘yan jarida ya kama hannunta ya sa mata takardar saki uku. Ya fito daga gurin Yana share hawaye, babu wanda yake tausayawa sai yaransu, hakika ba su yi sa’ar uwa ba, ta bar musu tabo .mai muni a rayuwarsu.

*

Ladi kamar koyaushe cikin kwalliya ta fito sai masifar kamshin turare take mai rikita tunanin duk wani lafiyayyan namiji. Uwale ta d’aga kanta ta kalleta a nutse tace”Yau kuma ina kika nufa kwana biyu kina zaune a gida har ina murna Allah ya shiryeki yanzu kuma gashi kin sheqa kwalliya kinsa tufafi masu fitar da tsaraici zaki fita ki fada min inda zakije?”

Hankalinta na kan wayarta tace”Uwale kada ki damu ba nisa zanyi ba gidan Hafsa zanje.” Uwale tace to dan Allah dan Annabi Ladi kada kiyi dare kiyiwa kanki fada rayuwar duniya Takaitacciya ce.” ”To shikkenan Uwale zan kiyaye.” Tafada tare da kama hanyar fita.
Uwale da kallo ta bita tana adduar Allah ya shirya mata ita.

Malam na zaune a kujerarsa tazo ta wuce shi, Yace.”Ladi zo nan.” cikin ‘bacin rai taje ta tsuguna tana kawar da fuskarta, Yace.”Ina kika nufa yanzu?” A dan fusace tace”Wai malam me yasa kuke tuhumata ne nifa ba yarinya bace nasan inda zanje zan kuma dawo gida duk nisan inda naje.” Yace.”Ladi ke yarinya ce har yanzu dole kuma a matsayina na mahaifinki na tambayi inda zakije sabida ina gudun ranar da Allah zai tuhume ni akanki.”
A hasale tace”To ni ba yawon karuwanci zani ba gidan Hafsa zani.” Malam yace.”Yanzu bakiji wani iri ba? kina maganar zakije gidan auran ‘kawar ki Hafsa baki ji sha’awar aure a ranki ba Ladi yana da kyau ki ajiye kowace irin rayuwa ki fuskanci al’kibula mai kyau aure shine cikar kamalar ko wace mace dan Allah ki fito da miji kiyi aure kamar k’awarki.'”

Hawaye ta share tace”Malam sai fa da miji a ake aure wallahi bani da tsayayyen namijin da zai aureni duk ‘yan iska ne.” Malam yace.”Dole dama sai haka ta faru dake Ladi a yanzu kafin ki samu nagartaccan namijin da zai aureki sai kin sha wuya duk wanda zai zo gurinki ba zai zo da tunanin aure ba sai da lalacewa saboda irin rayuwar da kika jefa kanki a ciki saboda haka yanzu abinda zakiyi ki gyara rayuwarki shine ki nesanci duk wani aikin sa’bo da kikayi a baya sannan ki daina saka lalatattun kaya masu fitar da tsaraici ki dinga suturce jikinki da hijabi idan zaki fita mutukar kina irin wannan shigar ta kamala to mijin arziki zai zo ya aureki.”

Ladi fuskarta ta goge tace”To malam insha Allahu zan gyara halina.” Murmushi ya yi ya ce.”To Allah yayi miki albarka Allah yasa wannan maganar ta zama itace sanadiyar shiriyar ki.”
Tana kokarin miqewa ta amsa da “ameen.” kama hanya tayi ta wuce Malam ya bita da kallo yana me girgiza kansa gami dayi mata adduar shiriya a cikin zuciyarsa.

Tun kafin ta qarasa gidan ta kira wayar Hafsan domun ta sanar da ita cewar gata nan zata zo gidanta.

Hafsa tace”Wallahi yanzu na fito daga gidan sai Faruk kawai na bari yana barci nima naje gidan yayata zamu gaisa.” Tace”Okey shikkenan gobe idan Allah ya kaimu nazo.” Sallama sukayi da juna kowa ya kashe wayarsa Ladi a maimakon ta juya gida tunda bata nan A’a sai da ta dangane da gidan Hafsa sannan hankalinta ya kwanta ta biya mai napep kudinsa kai tsaye ta bubbuga gate din gidan maigadi ya bude mata ta shiga.

bedroom dinsu ta nufa, nan ta ganshi yayi d’ai-d’ai a gado yana bacci daga shi sai qaramin wando wanda ya d’ameshi suffofinsa na mazantaka sun bayyana Ladi taji wata gawurtacciyar sha’awa ta taso mata! jarumtarsa da yanda yake gamsar da ita ta shiga tunawa Lumshe idonta tayi ta bude a kansa, a hankali ta ajiye jakarta kan mirror ta shiga cire kayan jikinta babu abinda ta bari a jikinta ta hau gado
ta shiga cikin bargon da ya rufe jikinsa ta rungume shi. Faruk ya tashi a firgice domin ya d’auka a mafarki yake jin daddadan kamshin turaran Ladi da yake tayar masa da muguwar fitina.
Ba ta jira koma ba ta fara firgita shi da salonta. Ya kidime ya gigice! ya matseta a jikinsa ya fara fita daga hayyacinsa yana surutai. Ya san Ladi ta fi Hafsa komai, gashi kuma ta iya sarrafa shi, kawai dai ba zai iya auranta ba, saboda Yana zargin ba dashi kadai take mu’amula ba, Kuma Yana tsoron su haifi yara ta yi musu irin tarbiyarta.

Sai da komai ya kammala ya dawo hayyacinsa tukkuna. Ya dinga yi mata tijira zaginta yake har da Marin kumatunta, Yana kiranta kazama.
Ladi ta dinga kukan takaicin. Bai saurareta ba , ya yi tsaki tare da shigewa band’aki.
Ta d’auki wayarta da saurin gaske, ta dinga yi wa d’akin vedio, sannan ta d’auki hotonta babu Riga tana kwance a gado. Yana fitowa daga band’aki ta shiga yi masa vedio ba tare da ya sani ba daga shi sai karamin wando.

Ta kammala tsaf ta shiga band’aki ta wanke jikinta ta fito tasa kayanta Yana zaune sai hararara yake yi. Sai da za ta fita tukkuna tace masa “To butulu ni zan tafi Amma ki kiyayi abinda zai faru anan gaba.”
Ko kallonta bai yi ba balle ya Bata amsa ya koma ya kwanta yana huci. Ya san ya yi nishadin da ya jima bai yi irinsa ba, Amma haka kawai yake jin haushin yarinyar a cikin zuciyarsa.

**
Amina dai ta dasa wainar fulawa a kofar gidansu. Matasan samari sun rufu a kanta sai ciniki ake mata gefe guda kuma Shafa’atu ce zaune kan dakali ita da wasu samari da alama zance sukeyi. “Kai meye akayi rumfa anan gurun me yake faruwa ne?” Amina gabanta ya fadi jin muryar Baba Musa ‘kanin babansu ne. Sunkuyar da kanta tayi tana diri diri Baba Musa mugun masifaffen ne shiyasa suke jin tsoronsa dan duk taurin kan Shafa’atu zane ta yake babu ruwansa. gurin ya ‘karaso yana so ya tantance wacece a zaune take soye-soye.! Ganin Amina ce yasa ya buga mata tsawa da fad’in “Ke! Amina ina kika baro auran kika dasa kaskon suya a waje maza sun rufu a kanki duba fa babu mayafin arziki a jikinki.”

Cikin inda inda tace”Ai ya sak….Sake ni.” Baba Musa tace”Kika ce me.”? A sanyaye ta sake maimaitawa! da sauri yace.”Yaushe haka ta faru ban sani ba lallai Magajiya wato mu take so ta zubarwa da mutunci ko.” Girgiza kansa ya y, ya ce.”Kiyi maza maza ki kwashe kayan soye-soyen nan ki shigo gida kafin ranki ya ‘baci! ” To tace kanta a qasa.
Shafa’atu na ganin ya durfafo inda take tayi saurin sunkuyar da kanta qasa! Ya tsaya yana zazzare idonsa akanta da samarin dake kusa da ita ‘Yan qananun yara ne masu tara suma gashi babu sutturar arziki a jikinsu kana ganinsu zaka fahimci ma ba aure ne ya kawo su ba…..cikin tsawa! ya kallesu da fad’in ”Ku ‘bace min daga nan.” Simi simi suka bar gurin suna sosa kai. Ya bi su da kallon takaici yana juyawa yaga babu ita a gurin ai tuni ta shige gida ta shedawa Magajiya zuwansa.
Koda ya shiga gidan a tsaye ya sameta tana jiransa suyi wacce zasuyi dan Amina ba zata koma gidan Auwalu ba kuma ba zai hana su sana’a ba.
“Yanzu ke Magajiya abinda kikayi shine daidai yaushe auran Amina ya mutu bamu sani ba? ashe bamu da muhimamci a cikin rayuwar wad’annan yara.”

Magajiya tace”Aa abinda yasa ban fada maka ba saboda nasan zaku iya cewa Amina ta koma gidan Auwalu shiyasa nayi shuru ba wai dan baku da mahimanci ba aure tsakanin Amina da Auwalu ya qare har abada dan babu komai a cikinsa face ‘bacin rai.”

Baba Musa ya gyara tsayuwa da fad’in “Magajiya baki isa ba Amina sai ta koma dakinta dan ba zaki mayar damu mutanan banza ba zan samu Auwalun mu tattauna maganar dashi.

Tace” Kai Musa ni ce nan uwar Amina kuma nace ba zata koma ba ehe! ko dan kaga ina maka magana sanyi sanyi zaka zo min da hayaniya to na yanke hukunci Amina ta gama auran Auwalu ba zata koma ba sana’a zamuyi bamu ce kowa ya taimaka mana ba ballanatana mutum yaga kamar an dora masa nauyi.

“Baba Musa yace.” Wannan na nuna mana cewar kece kika kashe auran kenan tunda gashi da bakin ki kina cewa ba zata koma dakinta ba sana’a zakuyi wato ke har kullum kinfi so ki bude ido kina kallon su a gabanki suna tara maza a kansu to wallahi ba zamu lamunci wannan rashin arzkin ba sai mun dauki mataki.”

Magajiya ta tafa hannuwanta gami da fad’in “Duk matakin da zaku dauka kuje ku dauka ina zaune ina jiran ku haka kawai ku dinga nuna iko akan yara yanzu idan zanje nace muku bani da shinkafa ku taimaka min ba taimakawa zakuyi ba sai yanzu kawai ka dauko jiki kazo kana nuna min iko akan ‘ya’yana to duk matakin da zaku dauka ku dauka Amina ba zata koma gidan Auwalu ba.”

Baba Musa jin Magajiya na nema ta ‘ballo masa ruwa yasa ya yi saurin juyawa da niyyar fita daga gidan yana fad’in “Shikkenan ai mu zamu nuna miki ikonmu akan yaran nan duk wani hukuncin da kika yanke na banza ne.” Yana k’are maganar ya fice daga gidan da sauri ba tare da ya tsaya ya saurari maganganun da take yi ba.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA TALATIN DA HUDU
Tsayin kwana hud’u Sayyid da mahaifiyarsa na cikin wani hali na tsananin damuwa da tashin hankali, dan tun ranar da Alhaji Badamasi ya kulleta a gidan bai sake waiwayarta ba gabadaya ma ya manta da ita sha’anin gabansa yake da matan bariki, Hajara ta zama tamkar zautacciya a kulle a gida tayi kuka har ta gaji gashi ita ba waya ba ballantana ta kira gidansu ta fad’a musu halin da take ciki, Sayyid kullum sai yazo da safe da daddare sun gaisa suna koke koke yaron duk dabarunsa sun kar’e sai dai kullum idan yazo kafin ya tafi sai ya bata hakuri idan yaji tana kuka, sai ya tabbatar da cewar ta daina zubar da hawaye yake tafiya.
Bangaran gurin sana’arsa kuwa sai dai addua dan sosai Danliti ya matsa masa sharrin yau daban na gobe daban tsakaninsa da Yahuza hantara ne a kullum babu kyakkyawar alaqa a tsakaninsu Danliti ya shiga ya fita ya kankane komai yanzu Sayyid ko yaje gurin baya samun abinyi daga zarar zai sa hannu Danliti zai hana shi ya yi tai masa gori yana zagin iyayensa mussaman Alhaji Badamasi yana shan zagi ya dinga kiransa da sunan kwarto tun Sayyid baya jin zafi har abin yazo yana damunsa sai ya yanke shawarar fadawa Yahuza akan ya jawa kunnan Danliti kunne akan zagin da yake yi wa iyayensa, Yahuza ba wani fadan arziki ya yi wa Danliti ba ya kyaleshi, shi kuwa Dantili bai fasa cin mutumcin iyayen Sayyid ba
Ranar nan yana zuwa gurin ko zama beyi ba Danliti ya kwashe da dariya da fad’in “Kai d’an shege haihuwar kan hanya ai mun san komai babanka sai da yayiwa uwarka ciki sannan aka haifa.”
Sayyid ya fusata zuciya ta kawo shi wuya da wu’kar da yake gyara lemo ya kai masa duka tsautsayi sai ya yanke shi a gefan ido da yake wukar mai kaifi ce a take jini ya jiqa gaban rigar Dantili, gurin ya cika maqil da jama’a kowa sai zagin Sayyid yake suna fadin albarkacin bakinsa a kansa har akwai masu kiransa da ‘Dandaba! Danliti kuka kawai yake yana sake dafe goshinsa dake zubar da jini.
Shi kuwa Yahuza cewa yay duk abinda hukunci ya kama ayi wa yaron dan babu ruwansa, koda mahaifin Danliti yazo yaga yanda Sayyid ya zabce naman goshin d’ansa ai cewa ya yi ba zai yarda ba hukuma zai kira a take ya fito da waya jama’ar gurin sai zuga shi suke, Yahuza komawa yay gurin sana’arsa alamun babu ruwansa kenan, Sayyid kam kuka kawai yake yana fad’in “Kuyi hakuri dan Allah tsautsayi ne wallahi bada niyya na yanke shi ba ni ba d’andaba bane wallahi bani da gata sai na Allah.”
Mahaifin Dantili yace.”Duk wannan bayanin da kakeyi ba zamu saurareka ba zakaje hukuma kayi musu bayani dalla-dalla dan ba zan yarda ka nakasta min yaro ba.” Sayyid ya r’ike kafafunsa yana kuka da bashi hakuri fizge kafarsa ya yi ya koma gefa guda da wayarsa a hannunsa.

‘Kwage shida abokanansa suka karaso gurin suna tambayar abinda ke faruwa, ganin jama’a sun kewaye Sayyid yasa ya yi saurin kutsawa ciki yaje ya miqar dashi yana tambayarsa, Sayyid yana kuka ya fada masa duk yanda al’amura suka kasance.
K’wage ya kalli Yahuza yana cije bakinsa yace.”Amma gaskiya kai ba shugaba na gari bane baka da adalci ko kad’an wato shi wancan yaron dan ya kasance d’an uwanka shine ka goya masa baya shi kuma wannan saboda bashi da galihu kunsa shi a gaba kuna zaginsa, to shikkenan aje hukumar dan kutumar ubanku!! idan anje hukumar zakuga abinda zai faru!Yana cije bakinsa yakare maganar.
Wani dattijo dan gaza gani ya yi farat yace.” Ai Kai dama baka da mutumci kayi kaurin suna a gari shiyasa baka ganin kowa da mutumci muna tsaye a guri kazo kan……. kafin ya ‘karasa ‘Kwage ya yi wata irin juyowa zazzafar wu’kar sa mai mugun kaifi ya zaro daga jikin aljihunsa yana huci! Yace.”Eh yane dattijo ka iya bakin ka wallahi ko nayi maka mugun rauni! anan gurin dan na fahimci kune munafukai masu rura wutar al’amarin to ni zanyi maganin ko wane munufiki anan gurin.” Yana wani jujjuya wukar a hannunsa yake maganar gashi sai wani irin fito yake jikinsa na mazari….Dattijo tsorata ya yi, sai yai gum da bakinsa. ‘Kwage yabi jama’ar gurin d’aya bayan d’aya yace.”Munufakai kowa ya ‘kara mai ko kuma yanzu nayi yanke-yanke na zubda jini babu abinda ya dame ni” daya bayan d’ayabkowa ya silale daga gurin…..Mahaifin Danliti zare ido yake yana kallon K’wage ga wayarsa a hannu ya kasa kiran police din tsabar tsoron da ya cika masa zuciya….K’wage ya kalleshi da fad’in “Ya! kai! ka fasa kiran ‘yan sandan ne? mu ware ko mu tsaya su zo.” Yahuza ne ya yi saurin cewa” Kaga ‘Kwage ka bar gurin nan dan Allah bana so wani d’ansanda yazo domin nima ba zan tsira ba za’a iya tafiya dani saboda haka magana ta wuce kai kuma Sayyid na sallameka kada ka sake zuwa.”
‘Kwage yace.”To sai me? dan ka sallame shi banza albada! ni zan samar masa wata sana’ar ya yi.” Ya kalli Danliti da jajayen idonsa yace.”Kai kuma wallahi duk sanda ka ‘kara kiransa da d’an shege sai na fille maka kai ka sheqa lahira dan shegiya kawai.” Dantili da mahaifinsa shuru sukayi har K’wage ya ‘kare zage zagen sa ya gama tsaf ya kama hannun Sayyid suka bar gurun.

**
Zuwaira sai shirye shirye ta ke yi sosai ta gyara jikinta tsaf da magungunan mata, Auwalu duk daran duniya sai yaje ya matseta sunyi abinda suke so sai dai duk kulafucinsa ta hanashi shiga ramin tace ya bari tukkuna a daura aure kirjinta dai da yake bala’in so ba shi take yayi ta wasa dasu yanda ransa keso……….Hizbah sun bashi sadaki sannan sunyiwa amarya kayan lefe akwati daya sun bata katifa, shi kuma ango sun bashi kayan abinci. Yanzu abinda ya rage wa Zuwaira kayan katako (gado kwaba da mudubi) Sai ta yanke shawarar zuwa gidan Asabe dillaliya ta san acan zata samu masu sauqi ta siya tunda tana da katifa da labulaye da ledar d’aki! tare da ‘kanwarta suka nufi gidan Asabe.
Gidan a cike yake da jama’a dan harda Harira itama taje siyar da labulen wata mata wacce ta d’auke ta kaita gidan Malam Atiku ya yi mata aiki bata bashi cikon kudin ba. Harira da taje kar’bar sallamarta a gurinsa yace.”Ya riga ya kashe kudin amma taje gidan matar ta kar’bi sauran kudin sai ta riqe koda taje gidan matar kar’bar gudin cewa tayi ita ba zata bayar da wani kudi ba tunda aiki beyi ba, suka dinga masifa a tsakaninsu Harira ta tsinko mata labulayen d’akinta ta tusa a leda tace a bakacin kudin aikin da ake bin ta, matar ta dinga mamaki ya aiki bai yi ba amma ace ta bayar da kudi dan tsabar iskanci an biyota har gida salon a tona mata asiri dalilin daya sa kenan ta bar Harirar ta fita da labulayen dan batasan ta tona mata asiri a unguwa.

Harira ta yi zaune ta’ki tafiya dole sai da ta ji abinda ya kawo Zuwaira gidan.
Asabe tace”Aikuwa Zuwaira kin taki sa’a dan kinga wancan setin gado da kwabar jiya jiya nasa akayi musu fenti gasu nan a hannu a hannu suke amma tunda kince jibi ne d’aurin auran sai na siyar miki dasu.
Zuwaira ta gyara zamanta tana murmushi ta kalli setin kayan tace”Gaskiya sunyi kyau wallahi to nawa zaki siyar min amma dan Allah kada naji kudi da yawa.
Asabe tayi dariya da fad’in “Ai babu tsada dubu talatin da biyar nayi musu kudi.”
Zuwaira tace”Haba Asabe kiyi min sauki mana kinga na tsallake dillalai ‘yan uwanki nazo gurinki ya kamata ki nuna min sanayya.” Asabe ta kalli kayan tace”Haba Zuwaira ki duba da kyau ki gani katakon mai kyau ne irin nada mai kwari! wallahi da dubu hamsin ma nayi musu kudi kawai dai dan naga kin matsu ne.” Zuwaira shuru tayi tana nazari kayan ta sake kalla kafin ta kalli Asaben tace”Ki bar min a dubu talatin ‘kawata abin sai a hankali wallahi.” Harira tayi tsalam tace”Ke kuwa Asabe ki sallama mata mana.” Asabe tayi saurin kallon Harira sai gabanta ya fad’in tunawa da tayi ita d’in ‘Kawar Amina ce kuma ta san kayan na Amina ne qarewa ma a gabanta ta siya dubu bakwai gashi yanzu zata sayar dasu dubu talatin….Tace”Harira ashe baki tafi ba.” murmushi tayi tace” zan dai tafi yanzu.
Asabe ta kalli Zuwaira tace”To tunda abin ya zama haka zan siyar miki a kan dubu talatin din amma kece zaki biya masu mota kudinsu.” Zuwaira tace”Ai wannan mai sauki ne nagode kwarai da gaske wallahi shiyasa nake san mu’amula dake saboda kina da kirki.
Jakarta ta zuge ra irgo kudi dubu talatin cif ta mika mata.
Asabe na washe baki take ta kar’bi kudin….Zuwaira da qanwarta miqewa sukayi zasu tafi tace”Anjima da daddare masu mota zasu zo su dauki kayan.” Asabe tace”To shikkenan sai sunzo.”

Su Zuwaira na fita Harira ta miqawa Asabe hannunta da fad’in “Bani la’adata lallai Asabe dole kiyi naman wuya ashe haka wannan harka take da sirri gaskiya nima zan fara harkar nan wallahi.” Asabe na mirmushi tace”To ba cewa nayi dai kije ki fad’awa Zuwaira kayan kishiyarta ta siya ba sannan kada ki sake ki fada mata ga yanda na siyi kayan.”
Harira tace”Haba sai kace mahaukaciya ba zan fada mata ba wallahi.” Asabe dubu biyu ta miqa mata. Harira a tsiyace ta kalli kudin tace”Ashe kin tura ni na yi miki tonan asiri kin san Allah ba zan kar’bi dubu biyu ba dubu biyar zaki bani.”
Asabe ta ‘bata rai tace” Harira kar’bi kada ki fusata ni na mayar da kudi na ina lefin dubu biyun da har zaki raina ta.” Harira kokarin miqewa take tace”Wallahi yanzu zanje na rusa cinikin nan.”Asabe ta riqe mata hannu da fad’in “Matsiyaciya mayyar kudi zauna na baki dubi biyar din kece talaka.” Harira dariya tayi ta rangwad’a bud’a da fad’in “Hajjaju kenan kema ai da yaki halak yaki haram kikayi arzikin da kike gadara dashi.”
Asabe tace.” Yanzu dai magana ta wuce ga dubu biyar din.” Harira da sauri ta kar’ba tana irgawa.

**
Alhaji Gambo zama ya yi a bakin gate din gidanshi yana dakon dawowar makocin nasa domin yau ya dauki alwashin tararsa dangane da abinda yake aikatawa a kan iyalinsa kowa yana gani yaja bakinsa yayi shuru to shikam abin ya isheshi idan Hajara ta mutu a cikin gida a kulle dole hukuma ta tuhumesu bayan hukuma ma ubangiji sai ya tuhumesu kan rashin kula da makotaka……Alhaji Badamasi yau kwanansa biyar rabonsa da gidan Zuwaira yau bayan ya gama shaid’ancinsa da matan bariki ya nufo gidan lokacin dare yayi sosai dan sha biyu ta wuce.
Alhaji Gambo na ganin shigowar motarsa ya sauke ajiyar zuciya…….Alhaji badamasi ya fito domin bude garejin da yake ajiye motar sai sukayi ido hudu da makocin nasa, da sauri ya dauke kansa kunyar hada ido yake dashi saboda duk yasan makotansa sun san abinda yake aikatawa.
Alhaji Gambo yace.”Alhaji barka da zuwa.” Da sauri ya juyo da fadin”Barka dai Alhaji ya iyali.” yace.”Alhamdullhi dama zuwanka nake saurare domin akwai muhimiyar maganar da zamu tattauna ni da kai.”

Alhaji Badamasi ya fuskanceshi sosai yace.”To Allah yasa ta alkairi ce ina sauraranka.” Alhaji Gambo yace.”Magana ce akan abubuwan da kake aikatawa kan iyalinka Alhaji Badamasi inaso kayiwa magana ta kyakkyawar fahimta ba wai nayi maka katsalandan ne a cikin al’amuranka ba sai dan hango gyara da kuskuran da kake aikatawa wanda kai kanka nasan kasan ba daidai bane amma son zuciya ko kuma nace rud’u irin na duniya da shed’an yasa kana kokarin jefa kanka a cikin fushin ubangiji hakika irin ri’kon da kakewa iyalinka bai dace ba, duk wasu abubuwa da suke faruwa dangane da zaman da matarka Hajara keyi da kai mu makotanka mun sani kuma muna iya bakin kokarin mu akan al’amarin to tura ta kai bango Alhaji Badamasi idan kowa ya kasa yi maka magana ni ba zan kasa ba inaso in fad’a maka cewar matar nan taka daka kulleta a gida tsayin kwanaki biyar ba dabbata bace mutum ce shin ka kwatanta hakan akanka ma ma’ana ka kulle kanka tsayin kwana biyu kacal kaga ni idan zaka iya saboda zalinci kasa mukkuli ka kulle mata kayi tafiyarka babu ruwanka daci da shanta ka raba ta da d’anta ka jefa rayuwarsu a masifa yaron nan Sayyid ya zama abin kwantance a gari shine yi can yi nan kana da ikon kula da d’anka amma ka watsar dashi saboda son zuciya da rashin tsoron Allah shin kasan kuwa irin baiwar dake tare da yaron ko kuwa sai ya girma kaga ya zama mutum sannan zaka jashi a jiki ka nuna masa kaine mahaifinsa to bari kaji yaro baya mance abu wallahi duk irin abubuwan da kayiwa yaron nan yana kwakwalwarsa dan haka kayi gaggawar gyara kuskuranka tun kafin kayi kuka da idanunka.”

Kallonsa kawai yake yi har sanda ya ‘kare maganar, Ya tura hularsa gaban goshi yana watsa masa harara yace.”Alhaji Gambo ka gama ko akwai saura? Cike da mamaki yake kallonsa kafin yace.”Na gama fadar duk abinda ke bakina.”
Tsaki mai karfi yaja yace.”Ai ba sai ka tare ni ka fad’a min ba zan gane cewa kai din kwarton Hajara ne.” Alhaji Gambo ya kalleshi da saurin gaske yana mamakin maganarsa. Ya cigaba da cewa”To idan ba nemanta kakeyi ba meye na damun kanka dan na rufe ta a gida wato kwana biyu baka ganinta shine zaka tare ni da wannan maganar banzar to wallahi ka kiyayeni ko kuma in tona maka asiri a gari! ni ba mahaukaci bane duk wani abu dake tsakaninka da ita na sani idan bana nan kana lallabowa ka biya bukatarka ko kuma ita ta kai maka kanta wannan dalilin ne ma yasa na dauki matakin rufe ta a gida.

Alhaji Gambo ya dinga goge gumi yana kallonsa jikinsa ya yi sanyi da irin kazafin da yake kokarin yi masa daga gyara kayanka sai sharri ya biyo baya…..”Alhaji Badamasi wallahi tallahi kaji tsoron Allah yanzu ni kake zargi da neman matarka ko kunyar maganar bakaji ba.” Tsaki yaja yace.”Wace irin kunya zanji abinda duk abinda na fada gaskiya ne kaga Alhaji Gambo idan kana kaunar zaman lafiyarka to babu kai babu iyalina Sayyid ni na haifi abuna babu abinda ya dameka da rayuwarsa wallahi duk sanda ka sake tara ta da wata magana kotu ce zata rabamu dan sai allura ta tonu garma.”

Alhaji Gambo jikinsa ne yayi bala’in sanyi tabbas dole kowa yaji shakkar tunkararsa da maganar saboda gudun sharrinsa haka kawai da mutuncinsa da iyalinsa a tozartashi a duniya yana ganin zai cire kansa daga cikin al’amarin hakan shi yafi alkairi.”
Barin gurin ya yi ba tare da ya sake wata magana ba…..Shi kuwa kallon banza yabi shi dashi kafin yaja tsaki mai tsayi ya shiga bude gidan yana surutai.

Hajara jin motsi yasa tayi gaggawar miqewa tsaye dama a shirye take ta ‘boye muciyar tu’kin towo a bayanta, gidan da duhu lokacin da ya shiga sai ya tsaya ya kunna wayarsa sai zage zage yake yana fadin”Ni za’a kawowa maganar banza da wofi to dan ubanki Hajara yau zaki fad’a min tsakaninki da Alhaji Gambo tunda idan bana nan cin amanata kike.
Ganinta ya yi a tsaye ta tsira masa ido! Hajara a lokacin tamkar an cire mata imani jira kawai take ya ‘karaso inda take ta mu’ka!! masa muciyar hannunta.
Aikuwa durfafarta ya yi yana fad’in “Hajara ki fada min abinda ke tsakaninki da Alhaji Gambo idan ba haka ba yau jikinki sai ya fad’a miki wallahi.”……Muciyar ta fito da ita ta ri’ke ta da kyau tace” Wallahi tallahi kana karasowa gurin nan sai na shemar da kai gwanda na kasheka na kashe banza.” Alhaji Badamasi tsayawa ya yi yana kallonta yace.”Au! muciya kika d’auka a kaina.” Tace.”Eh ka matso ka gani sai na kasheka.” Yanda tayi furucin kisan tana zabura da huci! yasa yaji shakka ya tsaya bai karaso ba yana kallonta gani ya yi kamar ta sauya kama, tsoro ya sake shigarsa, Yace”Ajiye muciyar nan.” Kai tsaye tace ba zan ajiye ba muje ka bude min kofar fita.” Tana durfafarsa da muciyar tayi maganar da sauri ya matsa baya yana zare ido! d’aga muciyar tayi kamar zata k’wala masa ya zabura! da sauri ya yi hanyar soro! ta rufa masa baya! Ashe la’bewa yay tana fitowa yasa mata k’afa ta fad’i a gurin muciyar ya dauka ya jefata cikin gidan kawai ya shiga janta a qas yana bugunta da kafafunsa da fad’in “Na fiki mugunta idan baki kasheni ba ni zan kasheki dukanta yake da kafafunsa yana janta a k’asa wai dole sai ya shigar da ita cikin gidan wani karfi ne yazo mata ta mi’ke a zabure! tayi kansa dukansa ta shiga yi ta ko’ina kunnansa guda ta dasawa cizo mai karfi ihu ya kurma! ya tunkud’eta yana shafa kunnan nan ya shafo jini a hannunsa a tsorace ya kalli inda take sai kawai ya ganta ri’ke da ta’barya ta durfafoshi! a guje ya bude dakinsa ya bugo kofa key yasa ya tsaya yana zazzare ido lallai ashe da gaske Hajara so take ta kaishi lahira hannu yasa a kunnansa inda ta ciza sai jini yake a tsorace ya bud’e window yana le’kenta nan ya hangi ta ajiye ta’baryar ta nufi kofar fita daga gidan.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA TALATIN DA BIYAR
“To yanzu ke Hajara da ki ka zo gida me ki ke so ayi? ina fata dai ba kashe auranki ki ka yi ba dan idan wannan k’udirin ne a ranki gwara ki cire ki duba irin wahalar da take kaina ba ni da karfi, ga ‘yan’uwanki nan duk a zaune babu mijin aure ke kadai ki ka yi a aure a cikinku amma kike kokarin kasheshi ki dawo gida ki zauna.” Malam Jafar mahaifin Hajara ne ke wannan maganar. Hajara na kuka ta ce”Baba dan Allah ka yi hakuri ka barni na zauna a gidanka wallahi aurena da mutumin nan akwai hadari a ciki yana azabtar dani da yunwa da duka sati na daya a kulle a gida ya tafi ya barni yanzu haka ban san inda Sayyid yake ba.

Malam Jafar ya ce.”To ai shikkenan tunda haka ki ke ganin shine daidai da rayuwarki sai ki zauna amma ki nemi abinda za ki dauki nauyin kanki dan bani da k’arfin ri’ke ki bayan na aurar dake na huta ki dawo min gida da wata wahalar.” Hansatu mahaifiyar Hajara tace”Haba malam wace irin magana ce wannan kamar ba kai ka haifeta ba dan Allah ka tausaya mata koda ba zaka ciyar da ita ba ai bai kamata ka yi wannan furucinba.” Wannan magana da Hansatu ta fada sai ta fusata shi ya dinga yi mata masifa da fadin da zugar ta hajara take so ta kashe auranta, to shi babu wata wahala da zai dorawa kansa abinda yake dashi zai kawo Hajara ta zauna ga gida nan amma ta nemi sana’a tayi ta rike kanta kuma kada ta sake ta gayyota masa Sayyid gidansa dan ita kadai ce ‘yarsa bai lamunci zuwan Sayyid ya zauna masa a gida ba.
Hajara wannan magana ta d’aga mata hankali mutuka ta dinga kuka tana bashi hakuri gami da kawo masa misalai akan cewar Sayyid din bashi da inda zashi dole sai nan din. Ya ce ta rufe masa baki dan duk jawabin da take ba zai lamunta ba Ita kadai ya aurawa Alhaji Badamasi dan haka ba zai dauki d’ansa ya rike ba.

Hajara ji tayi zaman gidan gabadaya ya fita daga ranta ya ma za’ayi ta iya rayuwa mai dadi bata san inda yaron ta yake rayuwa ba. Da wa yake mu’amula waye yake bashi abinci da sauransu to tunda yace ba zai rike mata d’anta ba tana ganin dole ta neme musu mafita ita da yaronta.

**
Sayyid yana tsaye a kofar gidan yana bugawa gami da kiran sunanta, ya ji alamun za’a bude kofar gidan. Sanyi ya ji a cikin ransa yau zai hada ido da mahaifiyarsa. Alhaji Badamasi ya bude kofar suka hada ido da d’an nasa, Sayyid sunkuyar da kansa ya yi yace.”Baba ina kwana?” Sai da ya gama harararsa sannan ya amsa gaisuwar Sayyid kokarin shiga gidan yake ya turo shi da fadin”Uwar taka ai bata ciki sai kaje ka nemata a can wani wurin.” Sayyid ya kalleshi idonsa na tara kwalla yace.”Baba ina Ummana ta tafi dan girman Allah ka daina irin wannan rayuwar bata da kyau ka zauna lafiya da ummana.”
Mari ya kwad’a masa yace.”Rufe min baki dan ubanka ni zakayi wa wannan maganar? ni me zanyi da Hajara wacce take kokarin kashe ni ba zan zauna lafiya da ita ba kuma duk inda za taje ba zan saketa ba ni na fita mugunta sabida haka kaima ka fice min daga gida na yafewa duniya kai tunda har kana iya tarar gabana kana mayar min da magana to babu ni babu kai har abadah.” Sayyid wasu zafafan hawaye suka shiga zubo masa yana kokarin yayi magana ya bugo kofar da karfin gaske, Sayyid yi y jim a gurin yana sa’ke-sa’ke! Girgiza kansa ya yi, sai ya bar gurin zuciyarsa na wani irin tafarfasa.
To koda ya je can gidansu Hajaran wani tashin hankalin ya tarar dan a zaune a kofar gida ya samu malam Jafar ya tsuguna har kasa ya gaishe shi kafin ya miqe da kokarin shiga gidan, Malam din ya dakatar dashi, Sayyid a sanyaye yake kallonsa ya tashi da fad’in “Tsaya nan na shiga na kira maka ita ku gaisa bana bukatar ka shigar min gida.” Sayyid a tsorace yake kallonsa yace.”Malam ni me na yi maka ? laifin mahaifina bai kamata ya shafe ni ba.”
Malam Jafar yace.”Kwata-kwata ba haka bane dama can bana so na bude ido na ganka saboda ta sanadiyar zuwanka duniya nayi ba’kin jini a cikin jamaa har yanzu akwai masu yar min da magana shekara goma sha biyu ba zan mance cin mutuncin dana fuskanta dangane da samuwar cikinka ba, dan haka ka yi hanyarka na yi tawa idan ka zo ganin mahaifiyarka ka dinga tsayawa anan ta fito ta sameka.” Yana qare maganar ya shiga cikin gidan, Sayyid sakin bakinsa ya yi yana kallonsa da mamaki da aljabi
Hajara ido jawur ta fito ta sameshi yana kallon guri guda. Tsirawa juna ido sukayi Hajara ta dinga share hawaye “Sayyid kaine ka lalace haka? dubi kayan jikinka yanda sukayi daud’a da jirwaye wani almajirin ma ya fika kyawun gani ka fad’a min a ina kake kwana.”

Yaron yayi kokarin danne damuwarsa duk domin ya kwantar mata da hankali ya ce.”Umma ki daina kuka dan Allah komai yayi tsanani maganinsa Allah bayan rabuwar mu Allah ya hada ni da wani ya kai ni gurin kakarsa shi yake bani abinci safe da dare Umma ya za’ayi na iya samun nutsuwa bayan na san kina cikin damuwa duk wata daud’a da kazantar dake jikina bata gabana damuwa ta halin da kike ciki tabbas naji dadi ganin ki a gaban iyayanki sai dai hukuncin da malam ya yanke mana ni da ke ya daga min hankali Ummana malam yace bai lamunce mini shiga cikin gidansa ba saboda wani dalili mai girma daya shud’e shekara goma sha biyu da suka wuce.”

Hajara gabanta ne ya fadi jin abinda Sayyid din ke fada. Murya na rawa tace”Sayyid nima jiya da kyar ya barni na zauna a gidan wallahi duk tunani na ya k’are na rasa yanda zanyi na shawo kansa ya barka ka zauna a gidan.” Yace.”ki kwantar da hankalinki ummana dan ta gurin kwana bani da matsalarsa zan dinga zuwa muna gaisawa har Allah ya yanke mana wahala amma nafi so ki zauna a gaban iyayenki akan ki koma gidan mahaifina.” Hajara tace”To shikkenan Sayyid dan Allah ka kula ka kiyaye duk wuya da tsanani kada ka dauki abun wani ka nemi halak dinka insha Allahu zan cigaba dayi maka addua.”
Yace.”Insha Allahu Umma zan kiyaye da abinda kikace.” Sallama sukayi da juna ya juya zai tafi ta kira sunansa! juyowa yayi yana kallonta tace”Kacewa Yahuza da wannan mutumin ina gaishesu nagode da dawainiyar da sukeyi maka.”
Sayyid ya yi jim kafin yace.”Umma yau kwana hudu rabona da gurin Yahuza dan ya kore ni yace kada na sake zuwa gurin.
Hajara tace”Me kayi masa ya kore ka? kai innalilihi wa’ina ilaihi raji’un Allah ka kawo mana sauki a cikin al’amuranmu.” Sayyid boye mata abinda ya faru ya yi, yace.”Kawai dai yace ya gaji da zama dani ne shine yace na bar masa guri.” Hajara hawaye kawai take sharewa tana tausayawa rayuwar yaronta tace”Babu komai Allah ya za’ba maka abinda yafi alkairi a rayuwarka Sayyid insha Allahu Allah sai ya daukaka min kai a duniya da lahira.”
Yaron yaji dadin adduoin da mahaifiyarsa ke masa lokaci guda yaji duk wani kunci da bacin ran dake damunsa ya d’auke sallama yayi mata ya tafi. Hajara ta koma cikin gidan cikin mutuwar jiki gami da tunanin rayuwar da zata fuskanta a nan gaba.

**
“Assalamu alaikum.” Aliya tayi saurin dago kanta tana amsawa tare da tsirawa kofa ido.” Mairo ce ta shigo gidan bud’u- bud’u da ita kayan jikinta sunyi masifar daud’a fatar jikinta a bushe tamkar bata ta’ba shafa mai ba, takalmin kafarta wari da wari d’aya ma ya tsinke ta daure da leda hijabin jikinta fari ne amma sabida daud’a ya dawo brown kafad’arta wani dan madaidaicin buhu ne a rataye daurin zaninta ya d’angale duk ana ganin bushshen fatar jikinta…..Tana tisgid’a kafafu ta ‘karasa bakin kicin inda Aliya ke aikin soya miyar kifi…Tun daga sama har kasa Aliya ke k’arewa Mairo kallo baki a sake tace”Mairo haukacewa ki ka yi ne wannan wace iriyar shiga ce? hahahaha wannan buhun da kika rataya a kafad’arki na menene?”
Mairo taja kujera ‘yar tsugono ta zauna tana nishi buhun kafad’arta ta ciro ta shiga zazzagewa a kasan a gurin. Kud’i ne suka zubo ‘yan goma goma ‘yan ashirin ‘yan hamsin har da ‘yan dari da dari biyu masu yawan gaske.
Aliya tayi saurin fitowa daga kicin ta tsaya a kanta ri’ke da kugu tace Mairo wannan kud’ad’en fa?”
Mairo na irga kud’in tace”Aliya idan dama ta’ki sai a koma hagu sabuwar sana’a na canja.” Aliya tace”Wace iriyar sana’a ce wannan mai kawo kudi duba dan Allah kudin nan sun kai dubu hudu fa.
Mairo tace”Sana’a ce mai sauki idan zaki biyo ni sai mu fita daddare muyi babu wanda zai gane mu idan mun canja kamanni.

Aliya tace”Ai baki fad’a min wace irin sana’a bace.” Kai tsaye Mairo tace” Sana’ar abamu saboda Allah da annabi manya manya titina nake bi idan naga manyan motoci sai na tisgid’a k’afafu na zama kamar gurguwa naje ina mi’ka mika hannu da fad’in “Abani saboda Allah da annabi ke watarana har dilalo da yau nake daga bakina dan aji tausayi na.”

Aliya zama tayi tana dariya tace”Lallai Mairo ashe shiyasa kwana biyu na daina ganin ki ki ce kin samu sana’a gaskiya nima yau tare zamu fita.” Mairo ta ce”Ya zanyi Aliya an tarwatsa mini kayan sana’a ta a gidan bikin dan gwamna bani da komai abinci ma gagarata yake yi shiyasa na yanke shawarar fara wannan sana’ar idan na tara abinda na tara sai na ja jari.
Aliya kallonta kawai take tana sheqa dariya tace.”Wane irin iskanci ne wannan zaki dinga min dariya dallah ni zubo min abinci naci naji gidan naki sai kamshin miya yake idan kin sauke girkin ki dora min ruwa nayi wanka shegun kud’aje sai bina sukeyi.

Aliya tace”Dole k’udaje su biki Mairo dubi gaban hijabin jikinki duk jirwayen kazanta harda tasona da majina.” Mairo ta kalli gaban hijabin tana ya mutsa fuska tace”Ke dai bari Aliya ai ina shan wuya sosai gurin dulalo yawun nan sai fa na waskatar da bakina gefe guda sannan in kwalmad’ar da ‘kafata d’aya a haka nake tafiya ga uban buhu a kafad’ata sai kace wanzamiya.” Aliya saboda dariya sai da tayi hawaye tace” Ni to wane tsari zan yi wanda zan fi samun sadaka.” Mairo tace”Wannan ha’koran roban da kika sa su zaki cire kema ki samu hijabi mai daud’a kisa sannan ki dinga magana ta kurame insha Allahu za’a dace.”
Aliya tace”To bari muci abinci dare ya shiga sosai sai mu tafi, haba ai mun samu sana’a mai sauqi dama wallahi kullum cikin fargaba nake shiga kasuwa ina tsoron ranar da dubuna zata cika to tunda mun samu sana’a mai sauqi ai alhamdullhi.

**
Cikin amince gami da yarjewar ko wane ‘bangare aka daura auran Auwalu da Zuwaira, amarya ta tare a gidanta da yasha sabon fenti Auwalu sai gargajiga yake su musbahu ne yan siyan bakin amarya suka zo sukayi ta shaqiyancinsu Auwalu yana ta Allah Allah su gama su tafi su barshi ya sake dan kamshin humar ar da Zuwaira takeyi yayi masifar tayar masa da hankali daurewa kawai yake yana amsa musu maganarsu, aikuwa suna tafiya ya matsa kusa da ita mayafin jikinta ya cire mata yana murmushi yace.”Sahiba yau dai Allah ya cika mana burinmu gani gaki a gado daya gaskiya babu wanda ya kaini farin ciki wannan rana.”
Zuwaira na fari da ido tace”Nima yau ina cikin tsananin farin ciki da Allah ya mallaka min kai a matsayin mijina ina fatan Allah ya bamu zaman lafiya da juna.” Auwalu ya amsa da ameen yana sake shigewa jikinta sai tusa hannunsa yake cikin rigarta. Zuwaira tace.”A’a Auwalu saurara tukkuna haka akeyi baka bani kazar amarci ba kana nema ko wuce gona da iri kuma.” Auwalu mirmushi ya yi, ya sauka daga gadon yana fad’in “Zuwaira a d’okance nake dake wallahi shiyasa na manta to sauko kici kazar taki gata nan har guda biyu.”
Zuwaira mayafin jikinta ta cire tace”To yanzu ka yi magana.” Saukowa tayi ta zauna kasan ledar dakin ta janyo ledar kazar….Auwalu ya saki bakinsa sai kallonta yake yana lumshe ido….Zuwaira tana tauna nama kazar tace”Auwalu na fahimci kana san Brest da yawa tunda na zauna kake kallon kirjina Allah dai yasa zaka iya da ni dan bani da sauqi.” Auwalu da bai fahimci maganarta ba yace.”Zuwaira ai duk lafiyayyan namiji yana son mace mai cikar kirji mussaman ke naki na daban ne kamar baki ta’ba shayarwa gasu nan cikakku dasu.” Murmushi tayi tasa hannu ta zuge zif din gaban rigarta suka bayyana duk da a cikin breziyya suke sai da suka gigita shi, ya sake jin shauki duk ya kidime
Zuwara kuwa sai dariya take masa ganin yanda jikinsa yake karkarawa, yasa ta daina cin kazar ta tashi ta rungume shi sai ya fara makyarkyata Yana fad’in.”Wayyo Zuwaira ki taimaka mini Ina cikin wani yanayi.”
Jansa ta yi suka hau gado ta fara yi masa salo. Auwalu ya rasa inda zai tsoma rayuwarsa. Zuwaira Harija ce ta bugawa a jarida. Duk jarumtar Auwalu sai da ta goge masa hadda. Suka raba dare suna abu daya, Zuwaira ta ri’ke wuta. Auwalu ya dinga zazzare Ido yana satar kallonta. Ita kuwa sai kace hogan sai suburbud’arsa take yi tana sarrafa shi kusfa-kusfa take juya shi a gado. Kansa ya dinga
sarawa yana jin amai yana taso masa, Zuwaira ta turmushe shi, sai sarrafa shi take yi. Cinyarsa duk ta dad’e sai zugi yake ji.
Murya na rawa Ya ce.” Zuwaira ba ki kammala ba ne?” Tana cigaba da gudanar lamarin ta ce.” Da saura ban kammala ba.”
Auwalu gabansa ya cigaba da fad’uwa Yana ta satar kallonta ita Kuma duk ta fice daga hayyacinta. Sai ya ji kamar ya dora hannu aka ya kurma ihu! Shi kad’ai ya san azabar da Zuwaira take gana masa.

Auwalu da ya gaji sai ya fara ture ta yana numfarfashi yake fad’in ” Zuwaira wane irin abu ne haka ya isa don Allah, na gaji ni dai.”
Cikin fitar hayyaci ta buga masa tsawa tare da furta.” Karya ka ke yi wallahi ba zan tsahirta ba sai na kammala, Auwalu ashe duk ‘karyar banza ce ba iyawa za ka yi ba, to ba ka isa ba wallahi sai na gamsu.”

Auwalu ya dinga zazzare Ido yana mamakin wannan lamarin. Anya kuwa Zuwaira mutum ce, abinda take yi ya shaddade!
gabad’aya dabarunsa sun kare, sai kawai ya tsananta da addu’a Allah ya k’wace shi. Zuwaira ba ta saurarawa Auwalu ba sai gefin asubahi tukkuna.
Ya tashi jiki a sa’bule ya nufi band’aki kamar mai koyon tafiya dalili matse-matsin cinyoyinsa duk sun dad’e sai zafi da zugi!
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA TALATIN DA SHIDA.
Auwalu saboda tsananin zumudin da yake ciki jiya da daddare ya manta bai sayo musu abin karin kummalo ba. Jiki a sanyaye ya ke sanya kayansa har yanzu gefan cinyarsa zugi yake yi masa. Zuwaira kuwa tana kwance a kan gado da d’aurin kirji sai lumshe idonta take yi. A tsorace ya fita domin sayo musu abin karin kummalo salo-salo yake tafiya dalili daga zarar ya d’aga kafarsa zai ji d’an karan zafi shiyasa yake tafiya a hankali a haka ya isa majalisar ta su lokacin ta cika sosai suna ta hirara tunda suka hango shi suke dariya had’e da yi masa kirarin da suka saba Ango na Zuwaira! auwalu ya samu kusa da Rabiu ya zauna a hankali yana ya’ke ya miqa musu hannu suka gaisa suna yi masa dariyar shakiyanci shi kuma sai ya’ke yake yi yana sosa kansa. Ya kalli Musbahu da fad’in ka had’a mini kayan shayi sai mu fara lissafi idan anyi albashi zan biya ka.”
Musbahu ya miqe da sauri tare da fadin”To babu damuwa bari na had’a maka.”
Rabiu ya kalle shi yana nazarinsa yace.”Anya na zuwaira baka da wata matsala kuwa?” Da sauri yace.”Me ka gani kake wannan tambayar? Rabiu yace.”Haba Auwalu yanayinka ya nuna kana da damuwa cikin rashin kuzari ka zo gurin nan dan na lura ma tafiya a hankali a hankali ka ke yi kodai akwai matsala ne?”

Auwalu ya juya yana kallon teburin Wada dan ba ya so kowa ya ji sirrinsa idan ba Rabiu da Musbahu ba, sune abokanansa dasu kadai ya yarda.
Yace.”Rabiu Zuwaira ta ba ni wahala jiya anya kuwa zan iya tun misalin sha d’aya ta ri’ke wuta bata barni na huta ba sai gefin asubah gabad’aya matse-matsin cinyata a dad’e yake rad’ad’i kawai gurin yake yi mini.”
Rabiu hannu yasa ya rufe bakinsa yace.”Kada dai kace min harija ce?” Auwalu yace.”Ta k’arshe kuwa dan ba kaga yanda ta wujijjigani jiya ba.” Rabiu dariyar ya ke yi yace.”Tab! lallai ka daukowa kanka wahala ai sai ka dage da neman maganin karfi dan kada ka gaza ta raina ka.” Auwalu shuru ya yi gabansa na faduwa Musbahu ne ya karaso gurin hannunsa rike da leda viva ya miqa masa da fad’in “Me kuke tattaunawa ne kai na Zuwaira naga kamar akwai abinda ke damunka ko Zuwairan ce taqi yarda da kai?”
Auwalu yace.” Ta dai jigata ni jiya ban rintsa ba saboda jarabarta.” Musbahu yace.”Bangane jaraba ba.” Rabiu ne ya yi masa bayanin abinda ke faruwa.
Mushabu ya ji ina ma Zuwaira matarsa ce dan yana ganin kamar itace daidai dashi yace.”Haba Auwalu kada ka bada maza mana me akayi akai Zuwaira da zaka dinga jin shakka akanta yanzu ka koma gidan ka nuna mata akwai bambamcin tsakanin ka da tsohon mijin nata da take maganarsa ni wallahi idan za’a hada min mata harijai goma sai na ‘kurewa bukatarsu meye na wani tsoro to bari kaji kada ka sake ta gane baka da jarumta raina ka za tayi gwara ka zage duk inda maganin karfi yake ka nema ka nuna mata kafi karfin fitinarta.

Auwalu shuru yayi yana tunani shi fa yanzu fargabar komawa gidan yake yi dan bai san abinda zai je ya tarar ba to amma zai yi kokarin ganin ya dauki shawarar abokanansa.
Sallama ya yi musu ya nufi gidan da ledar kayan shayi a hannunsa.

Auwalu hada ido kawai ya yi da ita gabansa ya fad’i! Jawur ya ga idonta daga ita sai daurin kirji. Daga bakin kofa ya tsaya yace.”Zuwaira ga kayan shayi na siyo ki fito ki had’a mana abinda zamu karya inaso naje gurin aiki.”

Hannu ta d’aga masa da fad’in “Kaga Auwalu a halin yanzu ba zan iya komai ba sai bukatata ta k’arasa biya jiya hakuri kawai na yi na kyaleka ka huta dan saboda na fahimci ka gaji dan haka maza shigo ka daina tsayuwar bakin kofa ka shigo ina bukatarka.”

Murya a sarqe ya ce.” Ki raba dare kina abu daya amma kice baki gamsu ba Haba Zuwaira shin wai ke wace irin macece?”
“Ba magana na nema da kai ba Auwalu.” Tashi ta yi tsaye ta durfafe shi, sai yaji tamkar ya ruga da gudu sai dai ya dake yana kallonta tazo taja hannunsa suka shiga dakin, Hannu tasa kan tazugen wandonsa ta kwance duk yana kallonta Auwalu babu yanda ya iya da ita haka ya kyaleta, sai dai duk iya kokarin da yayi sai da ya sare dan sosai zuwaira ta galabaitar dashi bata kyaleshi ba sai da ta galabaitar dashi tukkuna ya yi shame-shame a kwance yana fitar da numfashin wahala gefunan cinyarsa ya sake d’anyacewa saboda azaba rintse ido kawai yake yi Zuwaira cike da nishadi ta shigo dakin tayi wanka tsaf kanta sai d’igar da ruwa ya ke yi, tsaye tayi a kansa da fad’in Sahibi ga ruwa wanka can na had’a maka.”
Auwalu ya tashi zaune yana cin magani wandonsa ya janyo ya zura! yana had’a hanya ya fita daga dakin. Ita kuwa Zuwaira bayan fitarsa zama tayi tana tsantsara kwalliya tana yi tana ‘yan wa’ke-wa’ke wanda suke nuna alamun tana cikin nishad’i da walwala

**
“Kinga Asabe ba fa za ki mayar dani shashasha ba abin nan a rubuce mukayi dake zaki cika min kudina ranar asabar sai gashi asabar din tazo ta wuce baki bani kudina ba idan ma na kira wayarki sai ki ‘ki dauka shiyasa yau na ari waya na kira ki domin naji shin wai cinye min kudi kike so kiyi ko kuwa?”
Asabe tace” Aliya kiyi hakuri wallahi al’amura ne suka tsaya gabadaya kasuwar babu ciniki muna zaune ne kawai amma babu wani abinda ke shigowa hannumu amma insha Allah rana ita yau zan baki kudinki.

Aliya tace”Asabe ba zan yarda da wannan maganar ba dan na riga nasan halinki da karya gani nan zuwa kasuwar wallahi duk inda kudina suke ki nema kafin na karaso dan nima a cikin bukatarsu nake.” Tana gama maganarta ta kashe wayar kai tsaye Napep ta samu domin ya kaita kasuwar mata dake bakin asibiti

Asabe ta kalli ‘Yarlondon da fad’in “Da alama fa Aliya tana so ta zo tayi mana rashin mutunci wane mataki kike gani zamu dauka a kanta.”

‘Yar london tace.”Ki kyaleta tazo idan da rabon asirinta ya tonu shikkenan wayar sata ce fa shine take tada jijiyar wuya ina lefi ma da muka bata dubu goma sha biyar ai wallahi komai abunta ba zama cika sauran ba.
Asabe tace”Nima dai haka na gani amma tunda tace zata zo to sai zauna muyi zaman jiranta.” ‘Yar London ce ta hango wata mata hannuta riqe da daurin kaya, da sauri ta tashi taje ta tari gaban matar da fadin”Hajia kawo kayan na siyarwa ne ko?”

Matar tace”Eh na siyarwa ne.” ‘Yar london da sauri ta kar’bi ‘kullin kayan tace zo nan zamu siya da mutunci.” Matar bayanta tabi tana waiwaye kai daka ganinta ka ga mara gaskiya.

Jiki na rawa ‘Yar london ta kwance kayan riga da zani ne na atampa da lesi guda uku sai mayafai gudu biyu masu kyau amma kuma abin mamaki kayan kamar a jike suke da ruwa da alama anyi shanyarsu ne a wani gurin matar ta sato su dan gabadaya yanayin matar zai nuna maka da cewar bata da gaskiya sai kalle-kalle take a gurin tana zare ido…….’Yar london da Asabe duk da sun fahimci kayan ko na menene hakan be hana su siya ba, Asabe ta kalli matar da fad’in “Hajia nawa ki ka yi musu kudi? Ta ce” Ni dai ko nawa ne ku bani wallahi a matse nake ku siya ku bani na tafi dan a cikin kasuwar nan mijina yake sana’arsa.”

‘Yar london tace”To kin san dai yanayin garin sai a hankali komai ya tsaya tunda corona ta shigo al’amura suka dagule dan haka zamu baki dubu daya.”
Da sauri matar ta kalleta tace”Dubu daya fa kikace gabadaya kayan manya ne ba ‘karamar atampa a ciki less din kuwa dan dubu goma ne kuma kayan sabbi ne amma shine zaki ce zaki bayar da dubu daya.

Asabe tace”Kinga dakata dan Allah an ‘kara miki dari biyar akai idan kin sallama shikkenan ana fada miki gari yaci wuta kina wani lissafi kayan nan fa mun san ba naki bane dogon hannu ki ka yi adai bar kaza cikin gashinta.”

A tsorace matar tace”Naji ku bani dubu daya da dari biyar din.” Yar london da sauri ta zuge jaka tana irgo kudi. Aliya ta dira a gurin, ai ba tayi wata wata ba ta fizge jakar dake hannun ‘Yar london kudi suka zubo kasan gurin. ‘Yar london da Asabe suka miqe a fusace “Aliya wane irin iskanci da wulakanci ne wannan.” Asabe ce ke wannan maganar. Aliya ta sunkuya tana kwashe kudin gurin ta dago da fad’in ”Yanzu nan kika gama yi min karya baki da kudi wannan meye? wato ni za ku yi wa yawo da hankali ko?”
‘Yar London ta zaburo rai a bace tace”Aliya ki shiga hankalin ki wallahi idan ba haka ba zaki raina kanki har kasuwarmu zaki zo kici mana mutunci.
Aliya kallon banza tayi mata tace”Dama ashe har wani mutunci ne daku kuna zaune kuna siyan kayan sata ki daina maganar mutunci anan gurin.” Fadar wannan magana da Aliya tayi sai duk matan dake gurin sukayi caaa a kanta sai zaginta sukeyi tana ramawa, mayafi ta cire tayi d’amara dashi ta dinga zage zage tana fad’in “Tafada suna siyan kayan satar duk abinda zasuyi suyi.
Matar da ta kawo kayan sata jikinta ya yi sanyi ganin yanda gurin ya cika da mutane Taje tana jan hannun Asabe dake kokarin cin kwalar Aliya fad’i take ” Dan ubanki waye ‘barawo tsakaninmu dake wace irin sata ce ba kya yi to tunda tonan asiri kike so yanzu za’ayi shegiya ‘barauniya kawai.” Aliya ta cusa mata ashar da fad’in “Idan naje nayo satar wa nake kawowa ya siya ai ke kinfi ‘barawo iya sata ‘yar kutumar uba karuwa.” Asabe ta ji ciwon kiranta karuwa da Aliya tayi sai tayi kukan kura ta dam’ko ta suka rikice da dambe! Guri ya hautsine sosai dan har mazan dake gurin sun bar kayan sana’arsu sunzo rabon fad’a. “Binta me ki ke yi anan?” Matar da aka kira da suna Binta ta zabura! da sauri ta waiga bayanta. Had’a ido sukayi da Mijinta, fitsari ne ya kusa kufce mata saboda tsananin tsoro…..gurin ya turmutsa ya shiga yana kallonta da fad’in “Ba magana nake miki ba me ya kawo ki kasuwa dama munyi dake zaki fita?”
‘Yar london na numfarfashi ta k’arasa gurin tana fad’in ”Kaga malam matsa mana daga kan kaya dan Allah matsa zan d’aure kaya na, ta kalli Binta da fad’in ” Ke kuma tsayuwar me kikeyi ba na baki kudin ki ba.”
Binta baki na rawa tace baki ba ni ba?” Lukman ya kalli ‘Yar london da fad’in “Dan Allah wannan matar me ta kawo muku kuka saya?” Yar london ta kalleshi a wulakance tace” Yo kai ina ruwanka da sabgar mata shin wai ma me ya had’aka da ita ne.
Yace.”Matata ce ita kuma ba muy yi da ita zata fita ko’ina ba kawai yanzu na ganta a nan a tsaye. ‘Yar london na kokarin d’aure kayansu tace”Kaya ta kawo mana muka siya gasu nan a gabanka.” Lukman ya kalli kayan yana so ya tantance daga inda suke, sam bashi da arzikin da zai dinkawa matarsa irin wannan kayan to abin tambaya anan shine a ina ta same su…..”Binta a’ina kika samo wad’ancan kayan?”

Fashewa tayi da kuka tana zazzare ido…Lukman ya fusata ya tsinka mata mari yace.”Ba tambayar ki nake yi ba?” tana kuka tace”Wani layi na shiga naga anyi shanya a barandar wani gida shine na kwashe.”
Lukman ya ji kamar ya dora hannunsa aka ya kurma ihu dan bakin ciki sai kawai ya zuba mata ido yana kallonta da tunanin hukuncin da zai yanke a kanta.
“Eh na kira ki da karuwar duk abinda kike ganin zaki iya kiyi aikin banza aikin wofi kuma wallahi ba zan bar gurin nan ba sai kun cika min kudina ko kuma a cikin kayan ku na kwashi na daida kudina.” Cikin masifa da hayaniya Aliya ke wannan maganar. Asabe na kokarin mayar da martani ta hango ‘yan sanda sun durafafo gurin, da karfi tace” ‘Yar london ki dauke mana kayanmu ga Police nan.” Ai jin wannan maganar gabad’aya matan dake gurin hankalinsu ya tashi kowacce ta gigice ta shiga daure kayanta da gudu suka dinga barin gurin…….Asabe tayi niyyar guduwa Aliya ta ri’ke ta da fad’in ‘Kece kike jin tsoron ‘yansanda saboda kin san baki da gaskiya wallahi ba zan bari kije ko’ina ba sai sun zo sun raba gardamar dake tsakanina daku shegu ‘barayi.”Asabe ta karyar da wuya gwanin tausayi tace”Aliya dan darajar annabi kada ki tona mana asiri koda munje police station din nan idan ba haka ba dani dake zamu sha wuya ke kinje kinyi sata ni kuma kin kawo min na siya kinga dukkaninmu muna da laifi wallahi tallahi zan baki kudin ki gabad’aya.” Aliya wuyan rigarta ta saki ta miqa mata hannu da fad’in “Bani kudina.” Da sauri tace”Yar london bata kudinta.” Yar london jaka ta zuge ta dauko kudin ta miqa mata. Aliya karba tayi tasa a jaka …..Daidai lokacin da ‘yansandan suka ‘karaso gurin suna tambayar abinda ke faruwa. Asabe tace”Yallabai babu abinda ke faruwa kuyi tafiyarku.” suka juya da niyyar tafiya Lukman ya dakatar dasu da fad’in “Yallabai duk ku damke su ‘barayi ne kayan sata suke siya.”
Da sauri ‘Yar london tace”Ya asalin kayan sata muke saya kai Lukman ka ji tsoron Allah saboda kawai matarka tayo sata ta kawo kasuwa zata siyar sai ka kira mu ‘barayi.”
Lukman yace.”Har ita Binta ban cire ta a ciki ba gabad’ayaku ‘barayi ne sabida haka Yallabai kada ku kyalesu wallahi ku dauki mataki a kansu.”
Binta fashewa tayi da kuka tana bashi hakuri….Ita kuwa Aliya fakar ido tayi a guje ta bar gurin! ‘Yar london ta rufa mata baya hannunta ri’ke da ‘kullin kayan sana’ar tasu. Ganin ‘yar london da Aliya sun tsira yasa itama Asabe tayi yunkurin guduwa a take d’aya daga cikin police din ya tare mata hanya yana zare mata jajayen idanunsa

**
Hajara tana zaune da daurin kirjinta kanta babu dankwali tsakar gidan kaca kaca ko’ina kazanta ‘kudaje sai tashi suke yi gami da zarnin fitsarin dake busowa daga bandaki, littafin hausa ne a hannunta take karantawa sai murmushi takeyi da alama tana jin dadin labarin littafin……”Umma na gama kizo kiyi min tsarki.” D’an ‘karamin yaronta ne akan fow yake wannan maganar.
Habiba ko kallonsa ba tayi ba ballantana ta tashi taje tayi masa tsarkin cigaba tayi da karatun littafinta tana murmushi, yaron ya sake maimaita maganarsa ma’ana ya gama kashin taje tai masa tsarki. Habiba cigaba tayi da abinda take yi yaron ya yunkura da niyyar sauka daga fow d’in kashin ya zube a gurin, kawai sai yayi zaune a cikinsa yana wasa dashi har yana kaiwa bakinsa.
Musbahu yayi sallama ya shigo gidan nan yaga abinda ke faruwa hankali a tashe yace.”Habiba kina kallon yaron nan ya zubar da kashi har yana kaiwa bakinsa kina can karatun littafi ko.” Da sauri ta ajiye littafin ta juya tana kallon bayanta, nan taga yanda yaron yayi kaca kaca da gurin, ashar ta qunduma masa ta miqe a fusace! wawan duk ta kai masa tana dungure masa kai! Yaron ya fashe da kuka yana kallonta…Wannan karon Musbahu bude mata wuta ya yi ya dinga yi mata fada yace kuma wallahi ta sake dukan yaron sai ya rama masa, Habiba ganin ya fusata yasa ta daina duk yaron tana wankewa yaron jiki tana zaginsa sai kace bamugujiya.’
Musbahu fusata ya sake yi ya dauki littafin ya raba shi gida biyu yace.”Wannan karatun da kikeyi bashi da amfanin tunda har yanzu kin kasa daukar darrusan da marubutan ke koyawa a ciki saboda haka duk sanda na sake ganin littafi sai na yaga shi.” Habiba kuka ta fashe dashi tazo ta tsaya a kansa tana fad’in wallahi sai ka biya mutane kudinsu ai banawa bane littafin da zaka yaga nima aikawa nayi na kar’bo haya dan haka wallahi kudin littafi dari uku da hamsin ne sai ka biya ko kuma na daukar maka abinda yafi dari uku.”
Yace.”Duk abinda zakiyi ba zan biya ba kudi kuma na daina ajiyewa a gida ballanatana ki dauka shashasha k’azama kawai.” Yana gama maganarsa ya kama hanyar fita, daga murya tayi tace”Aikin banza aikin wofi duk wannan abun da kakeyi ni nasan da bazar mahaifina kake dan haka kaje ka dawo wallahi sai ka biya kudin littafin nan ko na hanaka kwanciyar hankali.” Musbahu yana jin irin cin mutuncin da take masa bece mata komai ba yasa kai ya fita daga gidan zuciyarsa kamar ta tsage saboda ba’kinciki.
Littafin Kyauta.

°°°GAMA DUNIYA!
BINTA UMAR ABBALE 🍒

BABI NA TALATIN DA BAKWAI.
Satin Hajara biyu a gidansu tana fuskantar rayuwar wahala da tsangwama daga gurin mahaifinta kuma har lokacin Alhaji badamasi bai je gidansu da wata magana ba. Kullum malam jafar cikin sauraran zuwansa yake domin shi fa da zaman Hajaran a gidansa gwara ta koma gidan gidan auranta sai ya fi farin ciki da hakan domin ‘yan matan k’annanta da suke zaune babu mijin aure duk sun rainata babu mai ganin mutuncinta Hajara a gurin mahaifiyarta kawai take samun sauqi. ‘Bangaran Sayyid kuwa sai godiyar Allah domin adduar mahaifiyarsa na tasiri a kansa tunda Yahuza ya kore shi ‘Kwage ya siya masa kura da lasifiqa ya shiga sana’ar gwangwan Sayyid unguwanni yake bi yana inda da kwalabe idan ya tara kayan karikican sai ya kai kasuwa a bashi kudinsa a haka ya tara kusan dubu biyu da dari biyar ya nunawa Kwage kudin, dari biyar kawai ya dauka a ciki ya bar masa sauran. Sayyid kai tsaye gurin mahaifiyarsa ya nufa da kudin, Hajara kafin ta kar’bi kudin sai da ta tabbatar yayi mata bayanin inda ya samesu sannan ta kar’ba tasa masa albarka kana ta umarceshi daya kaita gurin Ubangidan nasa tana so ta ganshi. Sayyid gabansa ya fadi jin abuinda tace ya san mahaifiyar tasa idan taga waye Ubangidansa hankalinta zai tashi shiyasa ko kusa baya so ta san shi. Ganin ta matsa ne yasa yayi mata jagora har zuwa gidansu Kwage lokacin yana shirye-shiryen fita, Hajara ta samu guri ta zauna suka gaisa da Kande a fakaice take kallonsa tana ganin wasu irin tabbani gami da yanka a fuskarsa ga idonsa jawur leb’ensa bakikirin gaskiya ta tsorata da yanayin yanda taga ubangidan d’an nata ashe d’andaba ne tana jin tsoro kada ya lalata mata yaronta, a sanyaye tace”Ni ce mahaifiyar Sayyid dama nace yau ya kawo ni gurunka domin na yi maka godiyar akan alherin da ka ke yi masa na gode sosai.”
Kwage ya ce.”Babu komai ai ni na yi niyyar taimaka masa dan haka kada ki damu Sayyid na dauke shi a matsayin dan uwana duk abinda nayi masa ban fadi ba.” Hajara tace”Hakane to mungode.” Kwage ya kalli Kande dake zaune tana lalube da hannunta yace.”Kande ni zan fita.” Tace”To Zaharaddini dan Allah ka kiyaye kada ka dauko magana.” Kwage mirmushi kawai ya yi, ya kama hanyar fita. Sayyid da hajara suka bishi da kallo.
Hajara a sanyaye ta kalli Sayyid tace”Tashi muje.” Miqewa yaron yayi suka fita daga gidan, wani guri suka samu suka tsaya Hajara murya na rawa tace”Sayyid ka rabu da wannan ‘kwagen ba mutumin kirki bane kada ya lalata min kai.”
Sayyid yace.”Haba Ummana kema shedar da zakiyi masa kenan? Wallahi ‘kwage nada kirki dukkanin abinda yake kaddara ce da kuma maraici da rashin gata rayuwarsa abar tausayi ce dan Allah ku daina kiransa lalatacce addua zakuyi masa.
Hajara tace”Ni dai hankalina bai kwanta da zamanka a hannunsa ba kada watarana ya baka kayan maye kasha ko ya nuna maka hanyoyin da yake bi gurin yin sata.

Sayyid murmushin takaici ya yi yace.”Ummana idan Allah ya kaddara min shaye shaye da sace sace sai nayi koda bata hanyar wani ba, Ummana shiriya ta Allah ce mutum bai ta’ba tsarawa kansa rayuwa ba face wadda Allah ya tsara masa, shi kansa Kwagen idan da zaki tona zuciyarsa ki gani zaki ga ba’a san ransa yake wannan harkar ba, dan haka ki kwantar da hankalinki ki cigaba dayi min addua insha Allahu Allah zai tsareni daga sharri duniya.
Hajara jikinta ne ya yi sanyi dajin irin maganar da yaron nata ke yi tabbas dan adam baya tsarawa kansa abinda yake so sai abinda Allah ya tsara masa kamar yanda ya fad’a din zata cigaba dayi masa addua domin ta fahimci wayo da dubararta ba zasu hana abinda Allah ya hukunta zai faru a kansa ba, addua da neman tsarin Allah shine abinda yafi kamata ta yi masa.

**
Alhaji Badamasi yana tsaka da driving ya hangi mutum tsakiyar hanya hannunsa riqe da k’atuwar w’uka tsorata yayi da sauri ya yi nufin juya kan motar ya koma inda ya fito, Kwage ya buga tsalle ya dira saman motar katuwar addar hannusa yasa ya buga gilashin motar ya tarwatse. Alhaji badamasi jikinsa ya shiga kyarma! sitiyarin motar ne ya kwace daga hannunsa motar ta ganganra gefan hanya
A sukwane ya bude ya fito ya kama hanya zai gudu, Mada ne ya rad’e! masa gwiwa da gorar dake hannunsa, Alhaji Badamasi ya zube a gurin yana makyarkyata gami da d’aga hannunsa sama.

“Kwage ya zo ya tsaya a kansa su kuma su Halifa da Mada suka shiga binkicen motar tasa, bayan sun kwashe abubuwansa masu muhimanci na motar suka dawo kansa suka kewayeshi, Alhaji badamasi zare ido kawai yake yana kallonsa jikinsa na karkarwa yace.” Me kuke bukata dani dan darajar annabi kada ku kashe ni dan ban shirya mutuwa yanzu ba.

Kwage ya kwad’a masa mari cikin tsawa yace.”Rufe mana baki tsohon banza tsohon wofi.” Alhaji badamasi shuru ya yi gumi na karyo masa.
Cikin bada umarni ya ce.” Tashi ka cire wannan kayan na jikinka ka bar gajeran wando tsallan kwado zakayi mana.” Alhaji badamasi jiki na rawa ya fara cire kayan yana fadin “Zanyi muku mutukar ba zaku kasheni ba.
Kayan jikinsa ya cire tas ta fara tsallan kwado abinka da mai kiqa da kyar yake motsa jikinsa sai haki! ya ke yi K’wage ya dauki rigarsa da wandonsa ya lalube tsaf duk kudadan ciki ya kwashe da wayoyinsa, kayan ya miqawa Halifa ya riqe, ya kar’bi zabgegiyar bulalar dake hannun Mada yabi bayan Alhaji badamisin dake ta tsallan kwado, shaud’a masa bulalar ya yi a bayansa da karfi yace” Kayi da kyau!” Alhaji Badamasi sai da ya kusa ci da baka sabida tsabar radad’in zafin bulalar. Cigaba ya yi da buga tsallan kwadon yana numfarfashi Halifa na daukar vedio sai dariya suke kyalkyala masa, Allah sarki Alhaji Badamasi tsallan kwado yake yanayi yana ci da baka Kwage na zabga masa bulala yana gantsarewa abin tausayi, sai da suka nausa da shi can ciki tukkuna ‘Kwage ya tsaya yace.”Ka cigaba dayi har gari ya waye muna kallonka idan ka juyo baya sai ka sake sabo.”
Alhaji badamasi na hada uban gumi ya daga masa kansa alamar to ya cigaba da buga tsallan kwadon
Kwage komawa yayi gurin ‘yan uwansa suka tattara abunda suka sata suka had’a da tufafinsa basu barshi da komai ba sai gajeran wandon jikinsa.
barin gurin sukayi babu abunda ya damesu.
Alhaji badamasi saboda yayi nisa dasu shiyasa bai san sun bar gurin ba yana dai ta yin abinda suka sa shi yana gudun ya kuskure su kashe shi shiyasa ya mayar da hankali sosai ya galabaita ya dinga ganin dishi dishi a idonsa jiri da hajijiya ne suka kayar dashi a gurin ya fad’i kan ciyayi yana fitar da wani irin numfashi mai wahalar gaske.

*
‘Bangaran amarya da ango kuwa sai a hankali dan sati guda suka fara dambatuwa dan gabadaya Auwalu ya sare da al’amarin Zuwaira gabadaya bata barinsa ya huta mutukar yana gida sai ta kawo masa bukatarta kuma idan ta damke shi bata saurara masa sai ya had’a da magiya tukkuna take rabuwa dashi, wannan dalilin yasa ya tsiri zama a majalisa idan ya dawo daga aiki sai yayi zamansa sai sanda Musbahu zai rufe shagonsa shima yake tafiya gida…..to komai dare ya koma gidan haka zai tarar da ita zaune tana jiransa, kafin yayi yunkurin tseratar da kansa ta rufe dakin da mukkuli dama sabon key ta siya daya shigo take shammatarsa ta rufe ta b’oye key din, Auwalu ya rasa yanda zai yi duk guje gujen da yake sai ta bi shi ta danneshi ta biya bukatarta, babu ruwanta da yayi da kar yayi ita takeyi da kanta tayi ta sarrafa shi yanda ranta yake so, Auwalu abin duniya ya taru ya isheshi dan bayan ta gama sarrafashi washe gari turke shi tayi tayi ta cin mutuncinsa tana kiransa da lusari mara jarumta ya sakar mata ragama komai sai da tayi ita babu abinda zata d’orar a auransa sai takaici….Auwalu baya iya tanka mata shuru yake da bakinsa yana d’acin rai yake barin gidan. Zuwa lokacin Zuwaira ta dauko ‘ya’yanta su uku maza biyu mace daya sun tare a gidan amma ko da wasa ba tayi masa maganar nasa ‘ya’yan ba ita kadai take rayuwa a gidan ita da ‘ya’yanta suci su koshi, dan haka shima sai ya yanke shawarar dauko nasa, Ranar daya kawo su gidan kuwa ai yaga abin mamaki d’an abincin data zuba musu su biyu yayi wa mutum daya kadan da yace ta qara musu kai tsaye tace “babu.” amma yana kallo ta cikawa yaranta plate suka ci su koshi suka bar saura. Auwalu takaici ya isheshi nasa abincin ya hakura dashi ya basu suka cinye cike da damuwa ya fita daga gidan, koda yaje majalisa kasa fadawa kowa yayi sabida baya so suyi masa da dariya ko suyi masa kallon lusari wanda mace tafi karfinsa abun ya bari a zuciyarsa yana ta damunsa.

**
Amina na zaune tana yanka albasa Harira tayi sallama a gidan Amina ta amsa tare da fadin”Lallai dama kina duniyar nan.” Harira ta samu guri ta zauna tana kallonta da fadin”Amina haka ki ka yi qiba da haske lallai zaman gidan ya kar’be ki.”
Amina tayi dariya da fad’in”Wallahi kuwa Allah ya raba ni da auran mugu kai Auwalu bashi da kirki dan iska ya bani wahala wallahi.”
Harira tace”Aikuwa dai yana can da amaryarsa Zuwaira abinda baki sani ba ma nazo na fada miki kayan dakinki da Asabe ta siya to su ta yi wa fenti ita Zuwairan taje ta siya, kai Amina wallahi Asabe ‘barauniya ce ki duba fa ki ga yanda ta sayi kayan a wukance dubu bakwai amma a gabana ta siyarwa da Zuwaira dubu talatin.
Amina ta kurma ashar tace”Kayan nawa ta siyar dubu talatin kuma ta rasa wadda zata siyarwa sai ma’kiyata lallai zanje gidan Asabe na ci ubanta dubu bakwai dinta zan biya ta ta fito min da kaya na.” Harira tace”Aikuwa idan ma bata fito miki dasu ba to ta baki wani abu a ciki dan wallahi da kauri ta siyar da kayan.” Shafa’atu ce ta shigo ta ji suna maganar cikin cije baki tace”Ke Amina tashi muje gidan Asaben kome za’ayi sai dai ayi kayan dakin da matar Auwalu ta siya naki ne ki dauko dubu bakwai dinta muje gidan Auwalu ki kwaso kayanki in ya so koma meye zai faru sai dai ya faru.
Amina mikewa tayi ta dauki mayafi ta yafa, gidan suka sawa kwad’o dan mahaifiyar tasu bata nan tan taje gidan biki kai tsaye gidan Asabe suka nufa Harira bata bisu ba saboda gudun abinda ka iya zuwa ya dawo.
Littafin Kyauta.

°°GAMA DUNIYA!
BINTA UMAR ABBALE 🍒

BABI NA TALATIN DA TAKWAS.
Alhaji Badamasi sanyin asubahi ne ya farkar dashi. Ya tashi a firgice yana duba wurin tsit sai kukan tsintsaye. Da sauri ya yun’kura ya tashi tsaye yana dafe gwiwarsa da ta yi masa mugun tsami! hannu yasa ya karkade jikinsa da fuskarsa, ya d’ingisa da kyar ya fito da surquqin da yake ciki. Kai tsaye inda motarsa take ya nufa ya bude yana laluben kayansa dan babban abinda ya dame shi kenan ya suturta jikinsa, babu inda bai duba ba a motar amma bai ga kayansa ba. Jiki a mace ya koma cikin motar yana duba wayoyinsa nan ma bai gansu ba gabadaya ma motar a hargitse take inda yake ajiye kudinsa a bude ya duba ya ga babu komai a ciki. Gumi ya dinga karyo masa tamkar ba asubahi ba, a sanyaye ya kama hanyar gidansa yana tafiya yana takure jikinsa sanyin asubah sai ratsa shi yak ke yi. A duniya ba’a ta’ba tozarta shi irin yau ba, sauri ya dinga yi ya isa gida kada gari ya yi haske mutane su ganshi daga shi sai gajeran wando akwai tozarci a ciki. Yana karya kwanar layin gidansa jama’a suka dinga fitowa daga massalaci lokacin an idar da sallah. Alhaji badamasi ya zabura a tsorace ya shiga waiwaye domin neman inda zai ‘buya.
ina! duk sai da suka gan shi. Sai kawai ya sare gwiwarsa tayi sanyi k’alau hannuwansa ya nannad’e a kirji salo-salo ya cigaba da tafiya kansa a kasa .
Gabad’aya zuba masa ido sukayi kowa ya kasa magana sai mamaki sukeyi shin ya akayi haka ta faru suka ganshi daga shi sai gajeran wando ko takalmi babu a kafarsa gashi jikinsa ya y bud’u bud’u da d’auda! suna tsaye yazo ya gifta su kamar ‘kasa ta tsage ya shiga dan kunya. Alhaji Gambo ya ce.”Alhaji badamasi me ya same ka ne dan yanayin ka ya nuna mana cewar babu lafiya.
Kasa magana ya yi sabida kunya da rashin abin fada ya wuce su da saurin gaske. To koda ya isa kofar gidan nasa ma tsayawa ya yi yana wasi wasi! tabbas yau ya gama tozarta a idanun wad’anda ya raina. Gidan a kulle yake kuma bashi da key dan yana cikin rigarsa kuma su ‘Kwage sun tafi da kayan gabad’aya.
Alhaji Gambo shida wasu mutane guda biyu suka qarasa gurin da yake tsaye. Da sauri ya sunkuyar da kansa yana sake rungume hannayensa a kirji ko me yake ‘boyewa oho.” Alhaji Gambo ne ya sake magana “Alhaji badamasi duk lalacewar mu mune makusantanka tunda mune makotanka na kusa da kusa yana da kyau kayi mana bayanin abinda ya faru da kai.”

Alhaji badamasi cikin nadama gami da kunya yace.”Alhaji a hanya ta ta dawowa gida ‘yan fashi suka tare ni Allah ne ya yi ina da sauran kwana dan duka sukayi min suka ragargaza min gilashin mota wayoyina da kudina kimanin dubu da dari biyu da tufafina duk sun tafi dasu farkawa nayi na ganni kwance a cikin ciyayi.”

Gabad’ayansu suka had’a baki gurin fad’in “Subahanallahi. Alhaji Gambo yace.” Ashe abinda ya faru kenan shiyasa muka ganka a firgice to Allah ya tsare ya kiyaye gaba.”
Alhaji badamasi ya amsa da ameen Alhaji nagode kwarai.” Yace.” Ai yana da kyau ka shiga gidan kayi wanka ka huta dan naga alamun bulala a jikinka.” Alhaji Badamasi yace.”Wallahi Alhaji yaran nan sunyi mini tijara dan tsallan kwad’o suka sanya ni, ina yi suna zabga mini bulala na jigata mutuka.” Dukkaninsu danne dariyar sukayi suna jajanta masa. A sanyaye yace.”Alhaji dan Allah taimaka min da riga na suturta jikina tun kafin jamaa su ankara da abinda ke faruwa sai na samo matasa su haura gidan su bud’e.” Alhaji Gambo yace.”Ikon Allah ina iyalin naka suke?” Kunya tasa ya sunkuyar da kansa a kasa dan be san abinda zai ce masa ba. Alhaji Gambo girgiza kansa ya yi cike da jimami ya nufi gidansa, minti goma ya dawo gurin nan ya tarar da sauran suna tayi masa nasiha gami da nuna masa illar abinda yake aikatawa me za’ayi da bariki dan itace ta janyo masa wannan tozarcin, Alhaji badamasi a sanyaye ya kar’bi kayan yasa a jikinsa, Yana ta sauraran nasihar da suke masa Alhaji gambo yace.”Yana da kyau ka watsar da duk wata harkar banza da kakeyi ka dubi abinda ke gabanka ka roki Allah gafara kuma kaje ka nemu afuwar matarka ka dawo da ita dakinta ku zauna zaman aure mai tsafta, Alhaji badamasi kayi wa kanka fad’a kada ka mutu kana aikata sa’bon Allah, wannan itace nasihar da zamuyi maka.
Alhaji badamasi jikinsa yayi sanyi kalau tsoran Allah ya shigeshi gaskiya ne dukkanin abinda makotansa suka fada a kansa yana ganin zai ajiye duk wani shaid’anci ya nemi lahirarsa kafin Allah ya dauki rayuwarsa hajara kuma insha Allahu zai je ya nemi afuwarta ta dawo su cigaba da zaman aure mai tsafta.

*
Asabe da Yar london suna kokarin fita kasuwa su Amina suka dira a gidan. Dama tsakanin Amina da Yar london ba’a jituwa dan haka Yar london na ganin Amina ta tashi a zabure tace”Ke lafiya za ku fad’owa mutane gida babu sallama.”
Shafa’atu tace”Ba alkairi ne ya kawo mu ba shiyasa ba za muyi sallama ba.” Asabe kuwa jikinta ne yayi sanyi ganin Amina tabbas tasan Harira ce ta je ta fad’a mata yanda al’amura suka kasance.
“Wallahi Asabe ki ji tsoron Allah kiji tsoron haduwarki dashi, nasan jikinki yayi sanyi da gani na ko? to na samu labarin yanda kika siyar da kayana da kika siya a wulakance kin siya kayana dubu bakwai kin siyar dasu dubu talatin kuma dan wulakanci ki rasa wa zaki siyarwa sai ma’kiyyata Zuwaira to an yanka ta tashi ga dubu bakwai dinki na kawo miki kije ki kwaso min kayana ko kuma wallahi tallahi na yi miki rashin mutunci.”

‘Yarlondon tace”Ya asalin ta kwaso miki kayanki dama a sharad’in kasuwanci a kwai haka dallah malamai ku fita ku bamu guri idan ba haka ba rai ya baci.”

Shafa’atu tace.”Ke wa ki ke da suna ki yi a hankali fa bani da kyau wallahi kome kike ji dashi nawa ya fi naki zubar miki da hakora zanyi yanzu.” tana cije bakinta take maganar. Yarlondon za tayi magana Asabe ta hanata cikin taushin harshe tace”Amina zauna muyi magana dake ta fahimta kada kice zaki tayar da wata magana yanzu ita harkar kasuwanci ba’a haka kome na samu akan kayan ki bai kamata kizo kiyi wannan maganar ba tunda ba’a hannunki na siya ba Maman Walid ce tazo ta daukeni naje na gani na siya kuma kada ki manta kayanki duk sun lalace lokacin dana siya koda na kawo su gida sai da nayi musu gyara na kusan dubu goma nayi musu sabon fenti sannan na siyar kuma wallahi ban san Zuwaira itace ta auri Auwalu ba.

Shafa’atu ta ce”Ke Asabe ki ke kowa? ki saurara kiji ko gyaran miliyan kikayi wa kayan nan wallahi tallahi sai sun fito daga gidan Auwalu dan wannan matsiyaciyar ba zata more su ba, idan kuma k’in tsaya gardama to zan dauko miki ‘yan sanda kiji da wai D.P.O saurayina ne yanzu ina kiransa a waya zai turo da mota a kwashe ku dan haka ku kiyaye.”
Asabe jikinta ya shiga rawa jin maganar ‘Yansanda tasan karon ta dasu babu kyau sabida sun san sana’arta ta siyan kayan sata shiyasa sam bata kaunar abinda zai had’ata dasu. Ta kalli ‘Yarlondon da fadin”Idan kudin nan zasu kai dubu talatin to ki hadawa Zuwaira kud’inta, muje gidan bana san abinda zai tayar min da hankali muje a bata kudinta Amina ta kwashi kayanta.
‘Yarlondon ta irga kudi dubu talatin tace sun kai kudin.” Asabe mikewa tayi da sauri ta yafa mayafi tace ku mu tafi…..Gabad’aya suka rankaya suka nufi gidan Auwalu.

Auwalu na kokarin kulle gidan ya hango tawagarsu sun durfafo inda yake idonsa ya bude sosai yana so ya tantance Amina ce ko ba ita bace sai da suka kusa zuwa inda yake ya gane ta Amina tayi qiba tayi haske gata shar da ita cikin suttura mai kyau. Tsayawa ya yi, ya fasa rufe gidan ya tsira musu ido har suka karaso wurin. Ganin shafa’atu na yi masa kallon banza ne ya sa ya yi saurin kawar da kansa ya mayar da hankalinsa gurinsu Asabe yana amsa gaisuwar da suke masa. Asabe tace”Ina fatan Zuwaira tana nan dan gurinta muka zo domin a samun maslaha.”
Auwalu yana satar kallon Amina yace.”Zuwaira bata nan tan ta je gidan biki ina fatan lafiya.”
Shafa’atu tace”Kai! Wa kake da suna Auwalu ko? to ka bude mana gida mu shiga dan wannan kayan katakon da a ka jera maka a daki na Amina ne matar taka taje ta siya a gurin Asabe mun samu labarin komai shiyasa muka zo domin daukar kayanmu.”

Auwalu jim ya yi, yana tunani yace.”To sai dai ku bari ta dawo dan babu dad’i a shigarwa mutum gida baya nan ina ganin kamar haka shine daidai.” Amina tace”Kai kaga Auwalu wallahi tallahi sai kayana sun fito daga gidanka kamar yanda na rabu da kai har abada to bana bukatar wani abu nawa ya ra’beka saboda haka matsa daga bakin kofa mu shiga gidan.”

Auwalu cikin sanyin murya yace.”Haba Amina ki daina fadar wannan maganar mana haihuwar mu biyu dake ai ba mu rabu ba tunda mun had’a jini.”
Shafa’atu ta zaburo! tana nuna shi da hannu akan kada ya sake cewa ya hada jini da ‘yar uwarta hanyar jirgi daban ta mota daban. Ya ce.”To naji duk abinda kika ce kuyi hakuri zuwaira ta dawo sai ku dawo ku samu maslaha da junank……Kafin ya rufe baki Shafa’atu ta bangaje shi yayi taga taga zai fad’i da sauri ya tsaya da kafafunsa yana juyowa yaga sun shige cikin gidan gabadayansu, da sauri yabi bayansu yana hana su aiwatar da abinda sukayi niyyaa. Sha’afatu da Amina uwar dakin suka shiga suka kwance gado Shafa’atu karfi ne da ita ta dinga d’auko kayan tana fita dasu kofar gida tana jinginewa a jikin bango. Auwalu ya rasa yanda zai yi sai gumi yake baya so ya tunkari yarinyar ta gaura masa mari irin na kwanakin baya sai kawai ya samu Amina tana kokarin fito da mudubi yace.”Amina dan darajar Allah ku saurara da abinda kukeyi ba daidai bane tunda dai Zuwaira ba’a hannunku ta sayi kayan nan ba to bai kamata kuyi haka ba.

Amina a fusace tace”Kai Auwalu ka kiyayeni wallahi zan maka rashin mutunci idan baka daina saka bakinka a cikin sabgar nan ba aikin banza kawai ashe Zuwairan da kake taqama da ita mutsiyaciyace tunda ta gagara siyan kayan daki sai na hannu ai wallahi daka kai har ita kunji kunya mutsiyata kawai kayan dakina nawa ne ba zan bari ku amfana dashi ba.” Auwalu sakin bakinsa ya yi yana kallonta sai gumi take yi tana kici kicin fito da mudubi.

Zuwaira ita da k’anwarta sun dawo gidan domin daukar kayan sawa, kawai suna dosowa Zuwaira taga kayan dakinta a jingine a waje, cike da mamaki suka karasa gidan wanda ya yi daidai da fitowar su Asabe daga gidan. Had’uwa sukayi da juna Asabe alamun ta ya nuna na rashin gaskiya sam bata so suka hadu da Zuwairan ba..

Zuwaira tace”Asabe me zan gani kayan dakina na gani a jingine a waje me yake faruwa ne?” Asabe na kokarin magana Amina da Shafa’atu suka fito da madubi ko wacce na ri’ge da gefe sai kokarin fita dashi waje sukeyi.
Zuwaira mayafinta ta cire tayi d’amara dashi tace”Kai dan kutumar ubanku ku tsaya da fitar mini da kaya waje me kuke nufi ne zaku shigo min gida kuna watso min kaya waje sai kace wacce ake bi bashin kudin kudin haya.”

Amina tayi mata banzan kallo tace”Ke! Zuwaira kalleni da kyau nice Amina Tshowuwar matar Auwalu wannan kayan da kike magana a kansu nawa ne waccan barauniyar ta siyar miki na samu labari shiyasa nazo daukar kayana ki ‘kar’bi kudin ki gurinta ni dai na kwashe kayana.”

“Zuwaira ta kaiwa katakon mudubin duka da hannunta tana wata girgiza cikin masifa tace” Wallahi tallahi kayan nan ko na uwarki ne banga wanda ya isa ya fitar dasu daga gidan nan ba saboda ba’a gurin ki na siya ba ballantana kiyi wata magana.

Shafa’atu kirjinta ta buga da karfi tace”To zamu gani tsakanin mu dake waye zai ci riba.” tana gama maganarta ta sunkuya tana kokarin cicci’bar katakon madubin, Zuwaira hannu bibbiyu tasa ta riqe katakon tana nishi had’e da zage zage! Shafa’atu wawar bangaza tayi mata duk karfi da qiba irin na Zuwaira wanwar tayi a kasan wurin.

Shafa’atu ta dauki katakon madubin ta dora a kanta tana kokarin fita dashi, ‘kanwar Zuwaira ganin an yar da ‘yar uwarta a kasa yasa da sauri ta nufi shafa’atu dake kokarin fita da katakon a kanta, rike mata rigarta tayi ta kamata da kokawa, shafa’atu a fusace! ta juyo ta wanka mata mari! tana huci! ta fizge rigarta ta fita! Kanwar zuwaira jingina ta yi a bango dafe da fuskarta tana zazzare ido.
Zuwaira ta yunkura ta miqe tsaye da kyar ta kalli Asabe tace”Dan Ubanki ina dubu talatin dina? ashe dama kin san kayan na wannan matsiyaciyar ne kika sa na siya macuciya kawai.”
Asabe tace”Ke kinga Zuwaira daina zagina a banza ki shiga ciki kudinki na hannun mijinki.”
Zuwaira tace”Au! Auwalu yana gidan kuka shigo kukayi min wannan cin mutuncin bai tsawatar muku ba?” Amina ta d’aga kafad’arta da fad’in “Ke kika san wani Auwalu.”
Zuwaira ‘kwafa tayi rai a bace ta nufi cikin gidan, Asabe da Yarlondon suka kama hanyar fita kici’bus sukayi da Shafa’atu bangaje su tayi ta shiga gidan bagazan bagazan!
Amina ta rufa mata baya domin akwai sauran karagar gado da zasu fito dashi ba….Suna shiga suka tarar da Zuwaira ta matse Auwalu a bango tana zaginsa da fad’in “Shine ya fad’awa Amina cewa kayan dakinta ta siya domin tazo ta ci mata mutunci to wallahi sai ya saketa.” Amina da Shafa’atu babu wanda yace komai suka shiga dakin, hakan yayiwa Zuwaira ciwo! Sai ta tsananta shakar da ta yiwa wuyansa yana kakari yace.”Zuwaira sakar min wuya nayi miki abinda kike bukata dama nima tsayin wata biyu da mukayi a tare wahala nasha a hannunki na gane Amina itace daidai dani.”
Zuwaira na huci! tace”Ba zan sake ba sai ka firta kalmar saki a kaina zan sake ka.” Da kyar furucin ya fito daga bakinsa “Na sake ki saki d’aya.” Zuwaira ta sakar masa wuya ta kama hanya ta fita daga gidan ranta idan yayi dubu ya ‘baci! Auwalu jiki a sanyaye ya shiga dakin
Ya samesu suna ta kokarin fito da karagar gadon, Yace.”Amina dama kin daina wahalar fita da kayan nan ki barsu dan dan Allah kiyi hakuri ki dawo dakinki na gane kece matar rufin asirina kyalkyala banza ne ya d’ebe ni har na dinga wulakantaki amma yanzu na gane hanya me kyau ina neman gafararki.
Amina tausayinsa taji ta kasa magana, Shafa’atu tace”Kai Auwalu ka cire tsammanin Amina zata dawo auranka har abada kaje ka nemi wata dan ka saki Zuwaira ba damuwar mu bace Amina ba zata dawo gidanka ba ehe.” Auwalu ya kalli Amina gwanin tausayi yace.”Amina ki dube ni ki dubi yaran dake tsakaninmu kiyi hakuri ki dawo dakin ki.” Amina hannu ta d’aga masa tana girgiza kanta.
Littafin Kyauta.

°°GAMA DUNIYA!
BINTA UMAR ABBALE 🍒

BABI NA TALATIN DA TARA

Alkalin da ya yi hukunci akan Maman Sabir jajirtace ne. Hankalinsa bai kwanta ba sai da ya tabbatar da cewa; hukuncin da addinin musulunci ya tanada ya tabbata akan Maman Sabir. Mijinta da iyayenta sun yi kuka kamar babu gobe, da yawa jama’a sun tausayawa rayuwar yaranta da tunanin kalubalen da za su fuskanta anan gaba. Sai dai kuma Ubangiji Allah yana tare da bayinsa akowane lokaci.
Sailuba ta shiga dimuwa da fargaba mara misali. Kafin ta haihu duk ta lalace, kullum cikin barin wasiyya take tana zubar da hawaye, duk wanda ya danganceta yana taya ta alhini da damuwa. Ubangiji mai shirya komai a yanda ya so, mai zartar da hukuncin da babu wanda ya isa ya ce bai yi masa ba, daran Alhamis ya d’auki rayuwar Sailuba da abinda yake cikinta sakamakon zazzafar nakudar da ta kamata a daran ranar. Kafin a yi yun’kurin zuwa asibiti rai ya yi halinsa.
Babu ruwan bawa da Ubangijinsa. Allah Ya sa mu yi kyakykawan karshe ya tsare mu da mummunar kaddara.

*
Hafsa ce zaune a falo da wayarta a hannunta tana dubawa kawai sai taga sakkoni na shigowa ta whasap koda ta duba sai taga Ladi ce ta turo mata. Abinda ta gani sai da ya sanya ta rintse ido tana salati mijinta uban ‘ya’yanta ne zigidir tare da kawarta aminiyarta wacce ta bawa dukkanin yardarta….Tana daga zaune jiri ya dinga d’ibarta, innalilihi wa’ina ilaihi raji’un take nanatawa a cikin zuciyarta wasu zafafan hawaye suka shiga zubo mata a kumatu a hankali ta bud’e idonta tana sake kallon hotonan da suke neman tarwatsa mata zuciya, hawaye kawai take sharewa tana mamakin al’amarin, kira ne ya shigo wayar da sauri ta duba sai taga Ladi ce da kamar kada ta daga sai dai ta dauka murya na rawa tayi sallama. ‘Ladi ta sauke ajiyar zuciya tace”Hafsa nasan dai kinga hotonan mu nida Faruq ko? to dama yau nake so na sheda miki abinda baki sani ba na tsayin shekara da shekaru Hafsa ki bude kunnanki da kyau kiji ni Faruq mijinki shine silar lalacewa ta amma kuma yafi kowa nuna min kiyayya, tun ina yarinya ya lalata ni ya rabani da budurcina kafin ya aureki ni ya mayar tamkar matarsa nike biya masa bukatarsa a duk sanda ya bukata, wannan hoton da kika gani a gidanki mukayi ranar da kika tafi unguwa ya kira ni a waya yace nazo na biya masa bukata saboda bakya gidan ko bayan haka ma baya samun gamsuwar da yake bukata dake to dama nima a matse nake dashi shiyasa naje mukayi sha’aninmu, a lokacin nayi masa magana akan abinda mukeyi bai kamata ba gwara ya aure ni kai tsaye sai yace ba zai aureni ba saboda ni lalatacciya ce bani da tarbiya kada na haifa masa lalatattun ‘ya’ya, wannan magana tasa ta fusata ni sosai yasa na yanke hukuncin fad’a miki dukkanin abinda ke faruwa tsakanina dashi inaso in fad’a miki cewar Faruq ba zai aure ni ba amma kuma ba zai ta’ba rabuwa dani ba dan ni kadaice nake iya biya masa bukatarsa bayan haka nima mutukar yana raye a duniya ba zan iya auran ko wane namiji ba saboda shi kadai ne yake iya gamsar dani, Hafsa inaso kiyiwa maganata kyakkyawar fahimta sannan kuma kiyi min adalci.
Ladi na gama maganarta ta kashe wayarta zuciyarta fari tas dan saboda tasan ta kunna masa wuta a gidansa tana jiran abinda zai biyo baya.

Hafsa na wani irin kuka ta miqe a fusace ta nufi bedroom dinsu nan ta sameshi yana shirye shiryen fita, zubewa tayi kan gado ta dinga rusa kuka jikinta sai kyarma yake tana had’a uban gumi.
Faruq baya kaunar abinda zai daga hankalin matarsa dan saboda tana masa biyayya sosai tana kula dashi da yaransa shiyasa kullum yake faranta mata rai, da sauri yaje ya riqe ta a jikinsa yana rarrashinta had’e da tambayarta abinda ke faruwa, Hafsa wayarta ta miqa masa cikin reshin kuka tace”Faruq dama akwai abunda ka boye min wanda ya dangance ka da ‘kawata Ladi! ashe dama kaine ka fara lalata ta shiyasa ka tsaneta sabida kana tsoron kada ta tona maka asiri a duniya to yau naji komai daga bakinta Faruq na tsaneka nayi nadamar auranka tunda ka kasance mazinaci mai lalata ‘yayan mutane.”

Faruq hannu na rawa ya dinga duba hotonan zufa sai keto masa take bakinsa ne ya mutu murus! dan bai san abinda zaice mata ba amma babu shakka Ladi ta cika mara mutunci wai shin ma ya akayi ta dauk’eshi a hoto jikinsa babu kaya be sani ba tunanin da yake tayi kenan gumi duk ya jika masa gaban rigarsa. Hafsa ta miqe a fusace ta nufi wardrobe kayanta ta shiga watso wa tana had’awa tana kuka na fitar hankali

Faruq jiki na rawa yaje ya rungume bayanta yana rarrashinta gami da bata hakuri, Tace”Wallahi Faruq na gama auranka gida zan tafi domin kayi min abinda ban ta’ba tsammani ba, na dauki amanar rayuwata na baka ashe kai ha’intata kake na neman k’awata idan bana gidan, insha Allahu abinda kayi min Allah sai ya saka min.

Faruq ya gigice jin cewar zata tafi gida, rungumeta yay qam! yana rarrashinta gami da bata hakuri miryarsa sai rawa take yace.”Wallahi Hafsa tsautsayi ne amma rabon dana kwanta da Ladi anfi shekara bakwai tun kafin na aureki na daina nemanta itace kullum take kawo kanta ranar da al’amarin nan ya faru ina bacci naji ta ajikina ta tu’be min wando kin san shed’an a take na kasa sarrafa kaina sai da ta samu nasara a kaina koda na dawo nutsuwata korarta nayi ashe ta shirya min wannan sharrin duk domin ta tayar miki da hankali dan Allah kiyi hakuri kada kice zaki tafi gida.
Hafsa ta goge fuskarta tana fuskantarsa tace”Faruq idan kana so na zauna da kai to sai ka auri Ladi.”

Yaji gabansa ya fad’i jin abinda tace”Yace Hafsa ya za’ayi na auri Ladi bayan ta gama karuwanci da mazan banza kina so mu dauki cuta kenan.”

Hafsa girgiza kanta take tana kallonsa cikin takaici tace”Faruq kada ka manta fa kaine silar lalacewar ta to me zai sanya ka dinga kiranta lalatacciya bayan kaima lalatacce ne! Wallahi mutukar kana so na cigaba da zama da kai to sai ka auri Ladi domin na tabbatar da cewa ba zaka iya rabuwa da ita ba maslaha anan shine ka aureta ku zauna a inuwa d’aya
Faruq ya shiga girgiza kansa da fad’in ”Hafsa kada ki yanke wannan hukuncin dan bana so Ladi ta shiga tsakani na dake auran Ladi yana nufin abubuwa da yawa kiyi hakuri ki ajiye wannan maganar.” Fizge jikinta tayi ta cigaba da hada kayanta tana kuka. Yazo ya riqe hannunta da fad’in “Shikkenan tunda haka kike so zan aureta amma ki daina had’a kayanki sannan dan Allah bana so kowa yaji wannan maganar mu barta a tsakaninmu.” Hafsa ajiyar zuciya ta sauke jin ya amince zai auri ‘kawarta tana ganin shine samun zaman lafiyarta dan sabida tana jin tsoro su cigaba da cin amanarta a ‘boye gwara ya aureta ya kawo ta gidan kome zasuyi suyi a gabanta

*
Alhaji Badamasi kwanansa uku a gida yana jiyyar kansa gami da tunanin yanda zai tunkari hajara ya dawo da ita gidansa dan ya zauna yayi tunani yaga itace matar rufin asirinsa, sannan kuma yayi tunani kan cewar kullum shekarunsa k’arewa suke yana da kyau ya daina abubuwan da yake na rashin kyautawa ya fuskanci abinda ke gabansa……..
Tsakanin kwanaki ukun da yayi a gida lokacin salla baya wuce shi daga zarar yaji kiran sallar zai daura alwala ya tafi massalaci makotansa farin ciki ya cika musu zuciya ganin lokaci guda shiriya tazo wa makocinsu kullum da daddare tare suke cin abinci da Alhaji Gambo su zauna suyi hira kafin dare ya shiga kowa ya nufi gidansa…….Tsaf ya fito ya shirya cikin shadda milk dinkin tazarce yasa hula harda carbi a hannunsa, ya kulle gidan kai tsaye gidansa gurin Luba ya nufa domin su gaisa dan babu wayar da zata sada su da juna…..A kafa yake tafiya har ya fito bakin titi, ya tsaya yana neman abun hawa can ya hango Sayyid ya fito daga wani layi yana tura kura cike da kayan karikice ga lasifiqa a hannunsa sai faman ina da kwalabe yake( Akawo kwalabe na magani gwangwani madara buhun shinkafa kwalbar fiya-fiya zamu siya) abinda yake ta fad’a kenan yana tura kurar dake dauke da kayan karikican.
Alhaji Badamasi ya tsira masa ido wasu hawaye na kokarin kufce masa A daidai wannan lokacin ya kamata ace yaron yana makaranta yana daukar darasi amma shine yake yawo kwararo-kwararo yana inada kwalabe, tabbas ya zalinci yaron dashi da kanwarsa mai rasuwa babu shakka idan beyi gaggawar neman afuwarsa ba Allah ba zai barshi ba. da sauri ya tsallaka titin yabi hanyar da yaron yabi sai da ya kusa zuwa dab dashi sannan ya kira sunansa, Sayyid jin muryar mahaifinsa yasa yayi gaggawar juyowa gabansa ne ya yanke ya fadi ganin mahaifin nasa a tsaye yana kallonsa, Sayyid tsira masa ido yayi dan ganin yanda fuskarsa ta dawo ta salihai.
Baki na rawa yace.”Baba ina kwana.”? Alhaji badamasi ya dauko hankici a aljihunsa ya goge k’wallar idonsa ya amsa gaisuwar tare da dafa kafadarsa yace.”Sayyid kaine ka dawo haka dubi jikinka duk kazanta yaushe ka fara wannan sana’ar kuma ina mahaifiyarka take.”
Sayyid yace.”Baba na dade da fara wannan sana’ar Ummana kuma tana gidansu, ni kuma ina tare da wani bawan Allah da yake taimaka min.”
Alhaji badamasi ya sunkuyar da kansa kasa yana ta kokarin mayar da hawayen dake kokarin zubo masa, Sayyid kuwa kallonsa kawai yake yana mamakin sauyawarsa lokaci guda mahaifin nasa ya dawo mutumin kirki.
Alhaji badamasi yace.”Idan anjima da daddare kazo gida ka same ni inaso kayi min cikakken bayani akan mutumin daya dauke ka yake taimakonka sannan inaso kayi min jagora zuwa gurin mahaifiyarka domin inaso naje na nemi gafararta.

Sayyid yaji wani sanyi ya sauka a cikin zuciyarsa hakika yaji dadi da Allah ya shiryar da mahafinsa cikin nuna farin cikin sa a zahiri yace.”Insha Allahu Baba zan zo kuma naji dadi da ka dawo kan hanya madaidaiciya ka gane cewa abinda kake aikatawa ba me kyau bane.”
Alhaji badamasi yace.”Sayyid na fika jin dadi da Allah ya shiryar dani na dawo hanya mai kyau ni kaina nasan abunda nake aikatawa bai dace ba, Na zalince ka kaida mahaifiyarka sabida san zuciyata Sayyid ina neman afuwa a gurinka ka yafe min dukkanin abubuwan da nayi maka marasa kyau insha Allahu hakan ba zata sake faruwa ba, kuma nayi maka al’kawarin tsayawa a kanka kayi karatu kamar yanda ‘ya’yan mutane keyi.”
Sayyid yace.”Baba na yafe maka kuma nayi farin ciki da jin wannan magana daga gurinka insha Allahu nima nayi maka al’kawarin kancewar zan zama me biyayya a gareka.”

**
Cikin wani mugun yanayi na turr! da Allah wadai Alhaji badamasi ya shiga ya samesu
Sai da ya kusa faduwa ganin abinda ke faruwa, Da sauri ya kira sunansu “Lubabatu Ashanty me kukeyi haka.”?
A furgice suka saki junansu suka kalleshi da jajayen idanunsu dake cike da tsantsar fitina……..Alhaji badamasi yace.” Yanzu ashe dama wannan d’abi’ar kuke aikatawa shiyasa kullum kuna tare da juna.”?
Luba ta zumbura bakinta tace”Alhaji yau kwana nawa rabon da kazo inda nake inada tsananin bukata ne shiyasa na yanke wannan hukuncin akan na fita na nemi namiji naga gwanda na nemi ‘kawata mu biyawa junanmu b’ukata……Allah sarki Alhaji badamasi ashe ya sani yake takewa yace.”Lubabatu kin san azabar da Allah ya tanadarwa mata masu aikata wannan mummunan aikin kuwa? Mad’igo ba abune mai kyau ba Allah ya tanadi azaba mai tsanani ga matan dake neman junansu gurin biyan bukatarsu.”
Ashanty tace”Alhaji dan Allah ka daina wannan maganar kowa fa ka gani a duniya da zunubin sa na wani yafi na wani kaima kana da naka zunubin kawai abar kaza cikin gashinta.
Yace”Ashanty ba zan ji kunyar shedawa Luba cewar ke yarinya ta bace a da ina neman ki saboda son rai gami da rud’anin duniya yanzu na gane gaskiya na kuma nemi gafarar Allah akan abubuwan dana aikata marasa kyau, kuma inaso ku daina wannan harkar ku roki ubangiji gafara domin samun damar cikawa da kyau da imani.”
Ashanty da Luba jikinsu yayi sanyi da jin irin nasihar da Alhaji badamasi keyi musu a take sai tsoron Allah ya shiga jikinsu dan Sosai yake tsoratar dasu dangane da irin azabar da zasuje su tarar a ranar lahira.

*
Auwalu yana fita daga gidansa kai tsaye majalisa ya nufa jikinsa duk yayi sanyi da yanda al’amura suka sanja masa, sam beyi nadamar rabuwa da Zuwaira ba saboda yasan hakan shine samun kwanciyar hankalinsa yanzu babban abinda ke gabansa shine yanda zai janyo hankalin Amina ta dawo gidansa dan ya fahimci babu wacce zai auro ta riqe masa ‘ya’yansa tsakani da Allah a zaman da sukayi da Zuwaira na wata biyu babu irin azabar da bata ganawa ‘ya’yansa ba wannan dalilin ma yasa ya sake jin gabadaya ta fita daga ransa.

Duk abunda ke faruwa ya shedawa musbahu kuma ya tabbatar da cewa Zuwaira yanzu ba matarsa bace ya saketa dan ba zai iya da jarabarta ba, Musbahu yace.”Kai yanzu Auwalu ka samu jarumar mace mara raki irin zuwaira ka saketa yanzu kana nufin Amina kake so ka dawo da ita kome.”?
Auwalu yace.”Kaga Musbahu komai abinka wallahi tallahi ba zanje bikon zuwaira ba domin ruwan da ya dake ka shine ruwa Zuwaira ba tsarar aurena bace zaman mu da ita ni kadai nasan irin wuyar dana sha a hannunta, ban hanaka auranta ba idan kana da muradin ta.”

Musbahu shuru yayi yana nazarin maganarsa hakika da Zuwaira zata amince masa to da ya aureta kodan ya huce takaicin da Habiba take kuntunka masa a duk daran duniya, amma dai yana ganin dole ya zauna yayi tunani a kan maganar, Yace.”To yanzu yaushe zakaje gurin Aminar.”? Auwalu yace.”Yau da daddare nake so ka rakani naje na bata hakuri dan na fahimci tana sona wannan kanwarta ta itace ke zugata.” Musbahu yace.”To shikkenan Allah ya kaimu daran sai muje Allah yasa a dace.” Auwalu ya amsa da “ameen ya Allah.”

**
‘Kwage dashi da abokanansa da irin kud’ad’en da suke sata suka had’a suka bude provision suka zuba kayayyaki sosai, sai suka raba yau idan wannan ya zauna gobe sai wancan ya zauna haka sukeyi cikin ikon Allah sace sacen da sukeyi a gari sai yayi sauqi saboda Allah ya sanya musu albarka a kasuwancin nasu…….Sayyid a shagon ya samesu duk su ukun cike da farin ciki yake sheda musu yanda sukayi da mahaifinsa……’Kwage ya dafa kafard’arsa yace.”Sayyid naji dadi sosai da mahaifinka ya gane gaskiya ya dawo hanya madaidaiciya har ya nemi afuwarka a bisa abinda ya aikata maka amma inaso kasani ni da abokai na mune sanadin shiryuwarsa mun tare shi a hanya mun wulakantashi sam bamu duba furfurarsa ba saboda shima ba itace a gabansa ba, mun kwashe masa kudinsa a mota gami da manya manyan wayoyinsa hade da wasu takarduna nasa masu muhimanci, Sayyid inaso na tabbatar maka da cewa wannan kudi da muke juyawa dani da abokaina na mahaifin ka ne, domin zuwa mukayi muka siyar da wayoyinsa sannan muka hada da kudin da muka dauka a motarsa kimanin dubu dari biyu muka bude wannan provision d’in, amma munyi masa adalci dan mun ajiye masa takardun filayensa da Atm d’insa sabida haka tunda yace zai zo ya same ni mu tattauna to zanyi masa bayani dukkanin abinda ya faru kamar yanda kai ma nayi maka bayani a yanzu.

Sayyid kwata kwata bai ga laifinsu ba shi dad’i ma yaji da hakan ta faru tunda gashi ta sanadiyar hakan Allah ya shirya masa mahaifiyansa ai sai dai ya godewa Allah ya kuma gode musu sannan yana adduar akan Allah yasa suma ta sanadiyar hakan su shiryu su daina abunda sukeyi.

*
Habiba ce a tsaye a bakin kofar gidanta kamar ko da yaushe tana daure da daurin kirji kanta babu dankwali kitsonta yayi masifar daud’a ko tsagar kitson ba’a gani saboda yanda ya tsufa, hira sukeyi da ma’kotanta kowacce ta le’ko babu mayafi a jikinta, Dan Rafi’a ma dasa kujera tayi a wajen tan gyara kayan miya suna hira.
Habiba tace”Rafi’a kin saurari (Rai dangin goro).” Rafi’a tace”Lallai ai bana bari shirin ya wuce ni da lokaci yayi nake kunna redio wallahi littafin yayi masifar dad’i.
Habiba tace”Ni wallahi tun shekaran jiya redio na ta lalace shiyasa ban saurari na jiya da shekaran jiya ba amma yanzu zan aika Shahid yaje gidan Maman Rukayya ya ‘karbo min littafin kawai na karanta na huta.”
Hamara’u dake zuro kanta waje tace”Wai wacece tayi littafin ne naji anata labarinsa.” Habiba ta sosa kanta tana murmushi tace”Sunansa littafin Sadauki Omar wannan marubuciyar nan ce ta rubuta shi, Rafi’a ya ma sunan marubuciyar.”? Rafia tace”Binta Umar Abbale sunanta itace fa ta rubuta wannan littafin Babban yaro.” Hamara’u tace”Kai gaskiya ta iya littafin to Habiba dan Allah idan kin kar’bo rantin din kada ki mayar ki bani na karanta nima.” Harara ta aika mata dashi tace”duk wanda ke so ya karanta ya fitar da kudinsa.”
Hamara’u tace”To ga ashirin d’ita, Rafi’a itama tace”Nima ga ashirin d’ita.” Habiba tace”To ni kuma zan bayar da hamsin sai a kar’bo mana har 4 dan littafin ance yana da tsayi.” Shahid ta ‘kwalawa kira ya fito daga gidan daqal daqal dashi sai zarnin fitsari yake hancinsa cike da tasono! Habiba naira dari ta miqa masa tace”maza kaje gidan Maman Rukayya kace ta bani littafin SADAUKI OMAR Yaron ya kar’ba da sauri ya tafi………Cigaba sukayi da hirar littafin suna jiran yaron ya dawo.

Shahid ya kar’bo littafin guda hud’u yana ta sauri sukayi kaci’bus da mahaifinsa ya dawo gidan cin abinci…..Littafan ya kar’ba a hannun yaron yana mamakin taurin kai irin na Habiba ashe bata daina karatun littafin ba, rai a ‘bace ya nufi gidan…….Rafi’a ce ta hangoshi ya shigo layin da sauri tayi wa Habiba alama da ido! Habiba na zuro kanta ta hango Musbahu shida Shahid da littafai a hannunsa, gabanta ya yanke ya fad’i shikkenan Allah yasa kada ya yagawa mutane littafansu dan wancan ma itace ta biya kudin….Cikin gidan ta shiga ta tsaya tana jiran shigowarsa.

Musbahu ya dinga bin tsakar gidan da kallo dan tunda ya fita babu abinda ta dauke, da yake lokacin zafi ne a waje suke kwana ga shimfidar da suka kwanta nan data yara bata kwashe ba, sannan ga kofunan da suka sha kunu nan kud’aje sai bi suke, kofar kicin a bud’e kudaje sai bin kayan wanke wanke sukeyi ko’ina dai babu kyawun gani.”

Ya kalleta cikin ‘kunar zuciya yace.”Ashe tunda na fita babu abinda kikayi a gidan Habiba wannan wace irin rayuwar kazanta kikeyi ki duba kanki ki gani ki duba yaranki ki duba gidanki kwabo babu mai siyanku wai bakya gudun daukar cutar amai da gudawa ne? dan Allah ki duba kiga yanda kud’aje suke tashi a gidan nan.

Hancinta ta shiga sosawa kawai sai ga majina had’a da wani narkeken tasono ya biyo hannunta, lakacewa tayi a bango ta tsartar da yawu tana sosa kai tace” Yanzu fa nake so na fara aikin gidan Mushabu dan Allah ka dinga tausaya min wallahi cikin nan yana wahalar dani.” Yace.”Babu wani ciki kazanta ce kawai yanzu ba littafi kika aika a ‘karbo miki ba to yanzu zan yaga littafin.” yana gama maganarsa ya had’a littafan gabadaya ya rabasu gida biyu, Habiba ihu! ta kurma tayi kansa tare da kamashi da kokawa.”
Littafin Kyauta.

°°GAMA DUNIYA!
BINTA UMAR ABBALE 🍒

BABI NA ARBA’IN
Malam Jafar na zaune a kofar gida da carbi a hannunsa Alhaji Badamasi da Sayyid sukayi masa sallama. Amsawa ya yi tare da gyara zamansa, ganin Alhaji badamasi ne sai ya dan sassauta fuskarsa tare da fad’in “Alhaji kaine kake tafe?” Alhaji Badamasi cikin jin nauyin had’a ido da surukin nasa ya ce.” Wallahi kuwa malam ni ne, na zo neman afuwarku.”
Malam ya ce.”Bisimillah zauna mana.” Gefan daddumar da yake zaune ya nuna masa. Gaisawa sukayi cikin mutumci Sayyid ya risina tare da mikawa malam d’in hannu yana cewa”Barka da dare malam.”
A sanyaye ya amsa yana jin kunyar hada ido da yaron dan tun lokacin daya hana shi shiga gidansa nadama ta baibayeshi dan ganin irin yanda yaron ke yi masa hidima a gida Sayyid duk abinda yake samu a hidimar gidansa take ‘karewa dan baya zuwa hannunsa haka sai ya yi musu cefene, shinkafa gero masara kayan miya da sauransu haka zai kawo masa. To wannan dalilin ne yasa yake jin kunyar hada ido dashi da uwarsa, ashe bai sani ba zaman Hajara a gidansa rufin asiri ne tunda duk ranar da ya tashi bashi da ko kwabo Sayyid din ke rufa masa asiri idan ya kawo cefane a d’ora tukunya a gidansa
maganar Alhaji Badamasi ce ta dawo dashi hankalinsa. “Malam ya ce.”To Alhaji dama aini tuntuni kai nake saurare na ji da abinda za ka zo Hajara tazo gida babu takardar saki kuma ta sheda min dukkanin abubuwan dake faruwa tsakaninka da ita, wannan dalilin yasa nace ta zauna a gida kafin kazo naji ta bakinka to Alhamdullhi naji dadi sosai daka gane abinda kakeyi ba mai kyau bane kuma nayi farin ciki daka tako kafarka kazo dan neman afuwa insha Allahu Hajara zata koma gidanka sai dai dan Allah a kiyaye gaba kada a sake aikata abu makamcin wannan.
Alhaji badamasi yace.”Insha Allahu malam hakan ba zata sake faruwa ba zan riqe Hajara tsakani da Allah da manzonsa.”
Malam cikin farinciki ya kalli Sayyid da fad’in “Maza shiga ka kira min mahaifiyarka.”
Sayyid jim yayi yana kallonsa, kunya fal a idon malam din yace.”Kada ka damu Sayyid ni na baka umarnin shiga gidan.” Sayyid yayi mirmushin farin ciki ya kama hanya ya shiga gidan cike da walwala.

Suna zaune suna tattaunawa suka fito tare, Hajara ganin Alhaji badamasi ya sake sosai yana hira da mahaifinta yasa gabanta ya fad’i a take tayi kicin -kicin da fuska, gefe guda ta samu ta zauna had’e da sunkuyar da kanta.
Malam ya kalleta a nutse yace.”Hajara ga mijinki yazo da kafafunsa neman gafara akan abubuwan da yayi miki a baya a yanzu Alhaji ya gane kuskuransa ya kuma gyara yayi al’kawari akan in Allah ya yarda abun da ya faru a baya ba zai sake faruwa ba sabida haka a matsayi na na mahaifinka nake umartarki da ki yafe masa kuma kiyi hakuri ki koma dakin ki.”

Hajara na kuka tace”A gaskiya baba ban so kasa kanka a cikin wannan al’amarin ba dan nayi rantsuwa kan cewar ba zan sake zaman aure dashi ba amma tunda ka umarce ni da nayi hakuri na koma to zan bi umarninka amma da akwai sharadin cewar sai yaje anyi masa gwajin cutar kanjamau! dan hankalina ba zai kwanta kamar yanda nake so ba mutukar ba’a tabbatar min da lafiyarsa ba.

Malam ya kalli Alhaji basamasi da yake ta goge gumi tsabar tashin hankali da damuwa, malam yace.”To alhaji kaji abinda tace ko ina ganin kamar hakan shine maslaha kayi kokari kaje ayi maka gwajin tunda har yanzu bata cika iddah ba sai kazo ka dauki matarka.
Alhaji badamasi ya dago kansa a sanyaye yace.”Insha Allahu gobe zani asibiti ayi min gwajin kamar yanda kika bukata ni dai fatana shine kiyi hakuri da dukkanin abunda nayi miki ki dawo mu zauna a inuwa d’aya.” Hajara shuru tayi tare da sunkuyar da kanta qasa. Malam yace.”Kada ka damu na fada maka hajara zata koma gidanka kai dai kawai kaje kayi gwajin cutar.

**
Habiba sosai ta kama Musbahu da kokawa sai kuka take tana zaginsa a gaban yaransa sai gori take masa a kan taimakon da mahaifinta yayi masa, Musbahu ya fusata sosai dan tayi masifar kaishi bango, mari ya gaggaura mata ya tureta ta fad’in a gurin, tsayuwa yayi a kanta ya dinga zazzaga mata cin mutunci tare da tabbatar mata da cewar ta zauna a cikin shiri amaryarsa nan zuwa nan ba dadewa ba.
Jin wannan magana yasa Habiba fusata ta miqe tana kuka ta shiga daki kayanta ta shiga hadawa a cikin jaka, Musbahu na zaune yana kallonta sam ba zai hanata tafiya ba kamar yanda ya saba duk sanda sukayi fad’a zuwa take ta hada kaya tace zata tafi gidansu, shi kuma sai yayi ta rarrashinta yana bata hakuri to wannan karon ba zai rarrasheta ba taje taji zaman gidan idan da dad’i.
Habiba har ta gama shiryawa ta dauki jakar kayan nata ba taji yace komai ba yana zaune yana kallonta, jiki a sanyaye ta kama hanyar fita, yaran sukayi yunkurin bin ta ya hanasu, hakan ya sake tsoratata salo salo ta fita daga gidan tana tararrabin abinda zata fad’awa iyayenta idan taje gida.

Musbahu kam ruwan zafi ta dora yayi wa yaransa wanka ya shiryasu tsaf ya kaisu gurin babarsa sannan ya nufi gidan surukan nasa.
Alhaji Jazuli yana zaune a kofar gidansa Musbahu ya sameshi, suka gaisa cikin mutunci gami da girmama juna, Musbahu yace Alhaji dama na biyo sawun Habiba ne mun samu sa’bani shine tayi zuciyata ta tawo gida.”

Alhaji Jazuli ya gyara zamansa yana kallon Musbahun yace.”E, tun rana mahaifiyarta ta kira ni a waya ta fad’a min halin da ake ciki to bayan na dawo daga kasuwa take sheda min cewar saboda za ka yi aure kake wulakanta ta, har an kai ga matakin da kake dukanta kana hanata abinci kullum wai da yunwa take kwana, shine nace ba zan yanke hukunci ba sai kazo naji ta bakinka.

Musbahu yace.”Wallahi Alhaji dukkanin abinda Habiba tazo ta fada ba gaskiya bane Ina iyakacin bakin kokari na a gidan ina sauke dukkanin hakkokinta dake wuya na duk abinda take bukata mutukar ina da iko ina kokarin yi mata, amma duk da hakan ban tsira ba a gurinta Alhaji Habiba ba tajin maganata duk abinda zan umarce ta dashi ba zatayi ta dadin rai ba uwa uba qazanta Habiba bata san ta gyara jikinta da gidanta ba kullum yara cin daud’a sai suyi sati ba tayi musu wanka ba bata girka abinci dani kullum na dawo na tambaye ta abincina sai tace ba tayi dani ba, sai dai na fita nasha shayi ko na siyo fura, ‘Bangaran mu’amular aure kuwa wallahi Alhaji kafin ta amince dani sai nasha wuya watarana ma sai ta yanke min iya adadin kudin da take bukata haka nake dauka na bata duk dan na biyawa kaina bukata wannan dalilin ne yasa na yanke shawarar qara aure ba wai dan bana sonta ba ina tunanin idan nayi auran zata gyara kuskuranta.

Alhaji Jazuli ya fusata sosai yace.”Yanzu kai Musbahu ashe dama irin wannan zaman kukeyi shekara da shekaru baka ta’ba zuwa ka fada min ba domin nayi wa tufkar hanci! shin har yaushe Habiba ta lalace take aikata irin wannan rashin arzikin Abinda Allah ya halasta maka shine take haramta maka, mutukar kana so sai dai ka biya kudi sannan, lallai babu shakka sai na ‘bata mata ranta dangane da wannan rashin arzikin da take maka aure kuma ban hanaka kayi ba na baka goyon baya dari bisa dari ni zan shige maka gaba gurin neman auran sannan duk abunda kake bukata kayi min magana zan tallafa maka.”
Yana gama maganar ya mike a fusace ya shiga gidan…..Habiba tana zaune da abinci a gabata suna hira da mahaifiyarta sai dariya take, kawai taji saukar mari a kumatunta a tsorace ta dago kanta suka hada ido da mahaifinta…Alhaji Jazuli cikin fushi ya shiga yi mata fada dangane da abubuwan da take aikatawa a gidan auranta , Habiba shuru bakinta ya mutu in banda kuka babu abinda take, mahaifiyarta ce tasa baki a maganar ya katseta a fusace yace ta rufe masa baki ai itace take zugata takewa mijinta rashin arziki to suji da kyau shine zai shigewa Musbahu gaba gurin neman auransa yace kuma tayi maza maza ta tashi tabi mijinta dan bashi da gurin da zai ajiyeta a gidansa
Habiba na kuka na fitar hankali ta yafa mayafinta tare da daukar jakar kayanta ya tasa a gaba har kofar gida inda Musbahu yake suka nufa yace.”Maza ki tsuguna ki bashi hakuri abisa laifukan da kikayi masa.

Habiba ta gurfana gaban Musbahu tana kuka tana bashi hakuri. ” A sanyaye yace ya yafe mata. Alhaji Jazuli ya had’asu gabadaya yay musu fada sosai ya kuma cewa musbahu duk sanda ta kuma siyar masa da kwanan aure to yazo ya fada masa shi yasan irin hukuncin da zaiyi mata……….Ashe dama abun iskanci ne da samun guri Habiba jin maganar kishiya tayi karfi yasa ta daidaita nutsuwarta yanzu ta daina barin gidan da kazanta tana wanka tayi wa yaran sannan duk lokacin da musbahu ya umarce da tayi wani abu bata masa musu tana bashi abinci kana kuma tana amince masa a duk lokacin daya bukace ta, Musbahu ganin ta canja hali sosai yasa yaji ya daina sha’awar auran dan saboda shi ko kadan baya son hayaniya a gidansa yana kallon yanda masu mata biyu suke da rashin nutsuwa kullum gidansu cikin rigima shine dalilin daya sa gabadaya yaji bashi da ra’ayin mata biyu dama dole ce tasa yaji yana sha’awa to tunda yanzu ya samu Habibansa ta gyara halinta magana ta qare.


Ladi na ‘kuryar daki tana charting kiran Faruq ya shigo wayarta, sai da ta ya tsine fuska tukkuna ta daga wayar…..Faruq cike da hayaniya da neman fitina yace.”Ladi ashe baki da mutunci dama? ashe sharri ne ya kawo ki gidana? yaushe kika dauki hotona kika hada da naki kika turawa Hafsa saboda baki da mutunci ko.”
A fusace tace”Akwai babban mara mutunci kamar ka! wato kai laifina ka gani dan na tura mata hotonka da nawa wai dan Allah Faruq me ka mayar dani ne? ka ‘bata min rayuwata amma ka dinga guduna kana farfada min duk maganar da kake so to wallahi mutukar baka aure ni ba sai na hanaka jin dadin rayuwarka samun kwanciyar hankalinka ka aure ni.”

Yana huci! yace.”Zan aureki amma bada son raina ba, Matata Hafsa itace ta bani umarnin auranki saboda soyayyar da nake mata yasa na amince sabida haka koda kin shigo gidana to ki zauna lafiya da ita shine kwanciyar hankalinki.
Kai tsaye tace”Idan naqi na zauna lafiya da ita me zai faru?” Yace.” zaki fuskanci ‘bacin rai da nadama ta kowane ‘bangare shiyasa nace ki zauna lafiya da ita domin saboda ita aka aureki.” Tsaki taja cikin ‘bakin ciki da takaici ta kashe wayarta zuciya nayi mata turiri.

Hafsa ta kalleshi rai a bace tace”Haba Faruq ai ba haka ya kamata kayi mata ba, ba sai kayi haka ba zan gane cewar ina da muhimanci a gurinka dan Allah ka daina kyararta ka rage tsanar da kake mata tunda yanzu aure zakuyi da juna ya kamata duk ku watsar da abinda ya faru.
Faruq shuru ya yi ya zubawa guri guda ido, Hafsa wayar ta dauka ta sake kiran wayar Ladin. Cikin ‘kunar zuciya tace”Baka gama cin mutuncin nawa bane.” Hafsa ta kwantar da murya tace”Dan Allah Ladi kiyi hakuri kinji ko ki manta abubuwan da suka faru a baya keda faruq ku fuskanci abinda ke gabanku, Wallahi ni na amince ki zama abokiyar zamana mutukar zaki zauna dani lafiya a shirye nake da kizo mu zauna a karkashin inuwa daya, Ladi inaso kafin Faruq ya koma bakin aiki ayi komai a gama sai mu tafi tare.”
Ladi ajiyar zuciya ta sauke tana jin wani sanyi a cikin zuciyarta lallai Hafsa ta cika aminiya ta ‘kwarai kuma tayi mata adalcin da ba zata ta’ba mantawa dashi ba, sabida haka yana da kyau ta sauke duk wani qudirin dake zuciyarta ta zauna da ita lafiya…..Tace”Hafsa kada ki damu insha Allahu idan na shigo gidanki zan zauna lafiya dake babu cuta babu cutarwa insha Allah zamu zama tsintsiya mad’aurinki daya.”
Hafsa ajiyar zuciya ta sauke tana murmushin jin dadi……To shima Faruq din nasa bangaran farin ciki yayi dajin maganar da Ladin tayi dan dama fargabarsa ta shigo gidansa ta tarwatsa masa farin ciki da jin dadi shiyasa yake gargadinta tun kafin ta shigo alhamdullhi hankalinsa ya kwanta da jin furucinta.


‘Bangaran gidan Alhaji Dangwama al’amura ba suyi dadi ba dan bayan dawowar hayyacin Nabila da kwana hudu Angonta Shafi’u yazo har gida ya bawa mahaifinta takardar saki tare da bayanin cewar shi ba zai iya zama da mai aljanu ba sabida haka ya saketa saki daya idan ta samu miji tayi aure………Allah sarki Hankatama da ita da Nabila yini sukayi suna kuka sabida tsabar bacin rai a gaskiya Shafi’u bai yi musu adalci ba wannan sakin sunansa sakin wulakanci shikkenan dan kawai mace tana da iskokai sai akace kada ka aureta wannan ya nunawa mutane cewar dama can Shafi’u ba son Allah da annabi yakewa mata ba.


To Alhamdullhi Alhaji Badamasi yaje asibiti anyi masa gwajin cutar kanjamu kyakkyawar result ya fito na cewar baya dauke da kwayar cutar, wannan sakamakon yayi wa kowa dadi mussaman shi Alhaji badamasin saboda haka sai Hajara ta fara shirye shiryen komawa dakinta, kafin lokacin kuwa wata irin shakuwa ce ta shiga tsakaninsu, Alhaji badamasi sai kula yake da ita tare dayi mata gyare gyare a gidan, Yayi mata siyayyar sutturu masu yawa, kana kuma ya sheda mata cewar yana so ya had’asu guri guda da Lubabata, Hajara bata nuna komai ba ta amince tare da adduar Allah ya basu zaman lafiya da juna.
Littafin Kyauta.

Series Navigation<< Gama Duniya Babi Na Biyu
Leave a Reply

Your email address will not be published. Required fields are marked *